مالي صاحبن اشكيله
قلبي صويب وذكراها معاي
مضيع دروبي ومالي دليله
الشاعر اللي بخفوقه مسعاي
يرسم الونات بحلاة الوسيله
أبطرق القاف بكيفي ورضاي
والقصد متروك لعيون العليله
لا فهمتم العله تعرفون خطاي
وخطاي كثر المتون ما اقدر أشيله
وهمومي غدت بذلها بلواي
بياضها تبدل للسواد سبيله
سبيل أقشر ما عليكم من بكاي
لمدمع العين ما بيدنا حيله
الفكر ارتحل والشوق رجاي
يم الأوادم ندور دورة ألجميله
اللي عناها أزود من زود عناي
يا بو نايف ما غيرك اشكيله
لا علتي بتعاليلها خفق ممشاي
لدروب الوعر ليامن طويله
ويا خوك الحرف لا انطلق كلاي
تعشق سراب أعيونها الكحيله
لا شفت الرمش مطوالن في سماي
تنور لياليها نجومن كنها و صيله
وصالها بسمه حنان تحرق شفاي
فيها الدفا لا أرعشت قلوبن أصيله
يا برد أوصالي والمر ماهو ادواي
شيح وقيصوم من وادي الذبيله
وبعيثران والحنظل مرر حشاي
لجانا الحكيم يدور عندنا النفيله
يقول لعشاب طب العرب مسواي
نقوعن بجمر الخلا والله الكفيله
قمت أتقلب بفراشي حمن وحماي
يناشد روح الخل تريح خليله
برجفات الحمى والعرق رجواي
أصيح صيحة الذيب واهجع قليله
تجيني نوبات لا طريتها بذكراي
بشم ثوبها ندى عطرن ثقيله
وراود الغدران منبع العين ملقاي
يا بو نوره غدت الأماكن غليله
وغل القلب يا عين قلبنا أنثاي
مالها وصوف بالعرب ومالها مثيله
لا جوع ولا عطش من يدها الماي
تروي ظماي من عمق سلسبيله
وتشفي جروحن كنها النار والكاي
بلسم عجيب ن ما تعرفه أي قبيله
يا بو نايف الحلم فيها من صفاي
وصاف الما ما يتعكر لا جيله
وظيم القلب يا خوك همس مرعاي
لتخفيف أوجاعك ما بيدي حيله
لحالي من حالك والظلام مرساي
حكم لحكام مكتوب القلب عطيله
جف القلب وعروق نبضه نداي
يا عين قلبي ندايا أرعد عويله
عمر الشيبي
مالي صاحبن اشكيله 
العرض العادي
