ورجعت أرتب أوراقي وضاع الرقم والعنوان

احساس شاعر · 04-25-2006, 01:25 AM

أحبك حب لو تعرف كم أحبك بلا حسبان = كرهت اللي يحبونك وجيت الحب من شأني
تخيل لاتذكرتك : ذكرت البحر والطوفان = ولامن غبت عن شوفي لقيتك داخل أعياني
أحس الكون من بعدك متاهات وقهر وأحزان = أنا بعدك كذا عايش مابين الذنب وأحزاني
دخيلك كيف ماتذكر حنين الشوق والوجدان = دخيلك والزمن غلطة ثمنها وين وداني ؟
دخيلك لصفاء جوك تذكــّرلك بقايا أنسان = لعلك تذكر أجناني ليا من صرت وحداني
وأذا ماجابني هاجس ولا ذكرى ولا تحنان = يا أن الوقت متغــّير ؟ يا أنك واحدن ثاني
عرفتك مرهفٍ .. حسـّـاس .. عطوفٍ تكرة الحرمان = أجل ماهي بمعقوله تصير أسباب حرماني
تذكرتك / تذكرني / تذكر وقتنا اللي كان = تذكر كيف أغني لك وحضورك يربك أوزاني
الا وشلون ماتذكر حروف من الولة وأشجان = وكل ماغبت عن عينيك تدوّر لين تلقاني
أقدم لك قصيدة حب عروس ولابسه فستان = ذهبها بعض من روحي .. فدتك حروف قيفاني
من أول لاكتبت أسمك أحس بنشوة الكسبان = ولاكنه غدا هالحين يذكــّرني بخسراني
خسرت أرضاك بجنوني وأنا المخطي وأنا الغلطان = حشى لله ماتخطي ولالك ذنب بجناني
ورجعت أرتب أوراقي وضاع الرقم والعنوان = وعساة اليا قراء شعري ذكر رقمي وعنواني

ملامح عسل · 04-25-2006, 02:10 AM

كلمات روعه وتسلم اخوي احساس من جد شاعر وننتضر موضوعك القادم ويعطيك العافيه اخوك ملامح عسل

احساس شاعر · 04-25-2006, 02:17 AM

يسلم عمرك اخوي ملامح والله يعيطك العافيه واشكرك من قلبي على المرور

عصويد · 04-25-2006, 03:30 AM

احساس شاعر ــ كيف الحــال ــ عساك بخير ــ

احساس شاعر ــ صح لسـانك ولاهنت ياطويل العمـرــ

احساس شاعر ـــ الابــداع منك وفيــك ، جميل مايخط قلمك ايهـأ الرائـع ــ

فعلأ تعـودنـأ منك هالقصيـد الزين والكلام الطيــب ــ

ونتمى لك التوفيق والاستمرار معنـأ ــ

نتتظر جديدك بالايــأم المقبله فلا تغيب عنـــا ــ

لك مني كل الود والاحترام والتقدير ، ، لشخصك الكريم .

الأميرة · 04-25-2006, 08:56 AM

جميل ما خطت اناملك اخوي احساس شاعر

قصيد رائع من شخص ارووووووووووع

لا تحرمنا هالابداع والتواصلك

اختك الاميرة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

عدد الأعضاء الحاليين الذين يشاهدون محتوى هذا الموضوع : 1 ( 0 عضو و 1 ضيوف )