بسم الله الرحمن الرحيم
السلام عليكم ورحمة الله وبركاته
اسعد الله جميع اوقاتكم بكل خير
قصيدة (ريالين اتصال ) قصيدة اشتهرت وعُرفت لدى الكثير من محبي الشعر
طبعاً القصيدة للشاعر المبدع / مـدغـم ابو شيبـه .
وقد قآم الشاعر الكبير ضيدان بن قضعان بمجاراتها مؤخراً
إليكم القصيدتين
~~( ريالين اتصال )~~
للحـزن ساحـاتٍ بصـدري مثـل ساحـات القـتـال
فيهـا الاصيـل مـن المـهـار تـعـوّد بخيالـهـا
ولا يطفـي حـر مابـي مـن حـرايـق وأشتـعـال
الا الدمـوع اللـي مـن عيونـي يـهـل هلالـهـا
لازال فيـهـا دمعـتـيـنٍ لـلـفـراق ولاتـــزال
ذكـرى هنـوفٍ كـل يــوم أحطّـهـا وأشتالـهـا
راحـت عسـى الله مايلحقنـي مشـاريـه الـرجـال
تقـول كنّـي ماخلـقـت مــن الـتـراب الاّلـهـا
عـزّ الله أنّـي مانسيـت أفعالهـا بـنـت الـحـلال
لـعـل ربــي مايجازيـهـا بـســو أفعـالـهـا
أكبر جريمـه ترتكبهـا فالهـوى مـن وسـع بـال
هــذي ضحايـاهـا بقلـبـي شـيـدوا تمثالـهـا
وشلون تهجرني وأنا مالـي علـى الهجـر أحتمـال
وشلـون تهملنـي وأنـا مانيـب أطيـق أهمالـهـا
وشلـون تقطعنـي بسيـف البعـد قطّـاع الوصـال
وأنـا لـو أقطـع عـرق قلبـي ماقطعـت اوصالهـا
وشـلــون ماتشتاق,,ماترحم,,ماتذكر,,مـاتـسـال
وشـلـون ماتطـلـق يـديـنٍ كبـلـت بأغلالـهـا
وشلـون مايـطـري عليـهـا لاتفـيـت فالـظـلال
متشـبـثٍ لاوقـفـت جنـبـه قـعـد بظـلالـهـا
مكسور خاطر والسوال أعـووووذ مـن ذل السـوال
يامـا أنتظـر مـن بـرج هاتفهـا يبـث أرسالـهـا
لكـنّ مـال الآدمـي حيلـه لامــن الـحـظ مــال
الميلـه اللـي فـال ربـي خيـر لـه مـن فالـهـا
هـي افقدتنـي مـن هنـا .. وأنـا فقـدت الاتصـال
مــن يــوم راحــت لارسايلـهـا ولا جوالـهـا
ياقـسـوة الايــام والـحـظ الــردي والاتـكـال
علـى مقولـة ( للمواقـف والـلـزوم ارجالـهـا )
يالله دخيلـك مـن تردّايـة نصيـب وشـيـن فــال
مـن حيـرة آمـري ليـت عنـدي حيلـةٍ وأحتالهـا
أن أرخصت قدري وطاحـت قيمتـي والهجـر طـال
قولولـهـا تـتـرك مكابـرهـا وتـاخـذ بـالـهـا
أنا من اللي فوق .. فوق و فوق .. فوق و عال .. عال
تركـد ويركـد عمّـهـا معـهـا ويـركـد خالـهـا
لاوصـلـت للـحـد هــذا لانـقـاش ولاجـــدال
تبـعـد وتنـكـف الامــور دقاقـهـا وجلالـهـا
لو المفارق صعـب والنسيـان ضـرب مـن الخيـال
ارخـاي راســي لايــروق الـهـا ولايحلالـهـا
احفـظ لهـا قيمـة غلاهـا وأنتظرهـا مـن شمـال
وإذا نستـنـي هــذي الدنـيـا وهــذا حالـهـا
أمّا أني أنساها .. نسـى الله مـن نسـى ذاك القبـال
يـااااا صـبّ روحـي صـب دلتّهـا علـى فنجالهـا
قولولهـا لاستخسـرت فيـنـي ريالـيـن أتـصـال
تهـدي علـى ( جمعيـة الصـم البكـم ) جوالـهـا
مجاراة الشاعر ضيدان بن قضعان لقصيدة ريالين اتصال
~~( قـدر وجـلال )~~
عزّ الله أنّي مبطيٍ ما أوحيت من غرّ الجزال
قصيدةٍ تبري خوى راسي واقـوم ابرالهـا
إلين لدت شبح عيني غصب وأغراني جمال
اللوحه اللي تسجد الريشه على صلصالهـا
رسامها ماكان (سلفادور) أو كـان إحتمـال
دوبي لمحت البارحه برقه .. وعيني يالها..
من عين لايمكن تلد الشبح في لعب العيـال
تشبح كثير أسمـاء وتقراهـا ولاتقرالهـا
واليوم لو ماحب (ابوشيبه) ولاابغي له مجال
غصبٍ علي أثني عليه إليا حصـل مجالهـا
أنشهد أنّه صاغ له من هاي هاي وعال عال
قصيدةٍ تسوى دواويـن (الربَيَـع) الحالهـا
قصيدةٍ دشت مزاجي غصب مافيهـا جـدال
تقول أنا من رتب اللولـو علـى سلسالهـا
وأنا القصيده لااعجبتني ما التفت لقيل قـال
والرابح اللي يجزي الحسنه بعشر أمثالهـا
حقٍ علي أعيدها وآقف لهـا قـدر وجـلال
وأقول : صح الله لسان الشاعر اللي قالهـا
أبــــــو نـــــايـــــف
بن قضعان يجاري قصيدة(ريالين إتصال) 
العرض العادي
