سلامن عليكم

اليوم و أنا داخل المنتدى

شوي والا تطلع في وجهي هالعباره ( يوجد لديك رساله خاصه جديده )

والله أنا فرحت .. قلت أكيد بنت معجبه والا من هالقبيل

وأول ما طاحت عيني عليه هو اسم المرسل .. وطلع اللي مرسل الرساله بنيه .. ومن الفرحه قمت اهز وارقص وسط غرفتي



وجلست ارقص واستهبل الين جت جدتي وسمت علي بالرحمن وجلستني على السرير .. تبيني أنام .. والا اتذكر الرساله وارجع للكمبيوتر مرتن ثانيه

وفتحت الرساله وقريتها .. وطلع فيها عرض مغري من بنت ( مطنوخه ) عرضت علي مبلغ وقدره بشرط أني اكتب الموضوع الجاي عن الشباب وابتعد عن البنات

وأنا طبعا أنسان مفلس و على الحديده .. ويمكن ابيع الحديده قريب فقبلت بالعرض المغري .. واتمنى من الشباب انهم يعدونها هالمره .. وانا اوعدكم اني اذا استلمت الفلوس راح اوزعها بيننا بالتساوي >> ايه هين


أبأ أبلوني لو وريتكوم وشّي بعد النهارده >> طلع مصري الأخ

(لاأحد يصدق ترى والله امزح لارساله ولاشي)

الموهم

الموضوع اللي حضرته اليوم للشباب يتكلم عن :


كيف الواحد من الشباب يقدر يصير مشرف في المنتدى !!


فيه عدة بنود وحركات لازم يسويها الواحد عشان يصير مشرف ( أد الدنيا)

خلونا نشوف وش هي الحركات و الطرق , نبدأ بالخطوات اللي هي :

1- لبس سروال نص الفخذ
2- لبس فنيله علاقي .. حقت اخوك الصغير ..
3- لبس كنادر مقاس خمس واربعين ..
4- لبس شراب لونه بيج ..
5- حط في يدك اليمنى سبحه ..
6- يستحسن ان يكون لون السبحه موف ...
7- يكون للسبحه دناديش مسوي فيها عمايل ( جدايل ) ...




... (( وإليك يارعاك الله تفصيل تام لما ذكرته اعلاه )) ...


1.. صروال نص الفخذ .. ( قطن ولا قماش ماتفرق )

عند لبسك لهذا السروال .. سوف يظهر جلياً .. شعر سيقانك ولقد ثبت مخبرياً .. وعلمياً .. ان شعر السيقان .. يوحي الى الرجوله وتحمل المواقف الاشرافيه .. في المنتديات العربيه .. ولا يخفى عليكم .. مالهذا الشعر من نظره تذكرنا جميعاً .. بغابات افريقيا ... ولان غابات افريقا عالم غامض ومليء بالمفاجآت ... فإن المشرف العام على المنتدى سيعطيك الاولويه في الاشراف على منتدياته ... لانه يتوقع منك المفاجأت في تطوير منتداه


2.. فنيله علاقي .. حقت اخوك الصغير ..

اذا لبستها بتطلع نص كرشتـك .. واكيد بيطلع( سّرك ) مثل البنات الامريكيات .. وهذا الشي يوحي بأنك متطور تنكلوجيا ً وانك ذو مشاعر حساسه .. وانك مزيون وتشبه الى حد كبير برتني سبيرز .. وبكذا ستجذب الزائرات الى الاشتراك فالمنتدى والعضوات سيزداد حماسهن للتقرب اليك .. ويمكن تصير مشرف على منتدى الشعر .. لان البنات راح يطيحون بمنتدى الشعر يكتبون قصايد فيك .. وبكذا اكيد ان المشرف العام .. بيحطك مشرف


3.. لبس كنادر مقاس خمس و أربعين ...

اعلم يارعاك الله .. ان الكندره والعقل يتناسبان تناسب طردي ... فإذا زاد مقاس كندرتك زاد في رجاحة عقلك وفطنتك .. وحكمتك في تسيير الامور في مصلحتك .. وهو مايبحث عنه كثير من المشرفين العامين على المنتديات .. الذين عاشرتهم وسمعت عنهم .. وتزاعلت معهم ... وبالنسبه لتماسيح الفرفشه .. معروف عنهم كبر رجليهم ..يعني لو يلبسون كندره مقاس اربعه وثمانين .. مافيه امل يمسكون اشراف .. خل عنك

4.. شرّاب ( جورب ) لونه بيج

من الالوان الهادئه والتي تحسسك بالرومانسيه والهدوء هو لون البيج ..
فلقد قال عنه السباك الفلبيني .. ميرو جاستي :
(( وددت انني في صحراء ذات رمال بيجيه .. اتبطح على نفودها واطعاسها .. واشرب من الدله البيجيه .. بفنجال بيجي .. وآكل من تمر السلج .. ذو اللون البيجي .. وبجانبي أم عيالي .. ميري بيجي .. من قبيلة بني بوييج .. وانظر الى السماء البيجيه ..( الدعوى عج ) .. واتذكر ايام مانيلا ولياليها البيجيه .. اللهم بيّج قلوبنا ولا تسودها ياالله ))
والمعروف ان البيج من افتح درجات البني ... وهو الموضه الجديده .. اللي دابجين فيها العالم .. عشان كذا تحسس المشرف العام انك متطور ومنتب قروي .. والمنتدى راح يستفيد من افكارك النيّره ... نحسبك كذلك والله حسيبك


5.. حط في يدك اليمنى سبحه

السبحه او ( المسباح ) .. تدل على انك غير متسرع وتحسب للكلمه الف حساب .. وتعد الكلمه على عدد حبوب السبحه .. وتشوف مدى صحتها .. مثل قولت الشاعر (( بتحبني .. متحبنيش .. بتحبني .. متحبنيش .. بتحبني ... الخ )) .. لحد ماتوقف السبحه .. واخترت لك اليد اليمنى عشان اليمين درب الغانمين .. وهذا البند غير معترف به اسيويا .. لان (( بيتر فلمبان )) .. اكبر حمار فالاتحاد الاسيوي .. احول وكل شغله باليسار


6.. لون السبحه موف

هالبند بالذات .. انا ماحطيته الا عشان خاطر عاصي الحلاني .. يوم انه قال
( قلبي عاشق قلبك دايم موف ... يم عيون فتانه ومناكير موف ) >> أنواع التحريف
الموف زي ماقال عنه خبراء الالوان وزهور الفجل .. الموف يعطيك الانسجام التام مع .. بصل الصباح .. نعناع تالي العصر .. ومع نواشف عقب الاخير .. ورقم الحظ لمحبي هذا اللون ... خمسينتالاف .. ولكي تكسب ثقة المشرف العام عليك بعسكريم توت اللي قرطاسته لونها موف

7.. دناديش السبحه مسوي فيها عمايل ( جدايل )
عندما ترى شعر اي بنت .. من عمر مابين ست سنوات الى اثـنعش سنه ... وش تقول بين اللي شعرها كنه مذبوب فيه طرطعان .. واللي مسوي في شعرها جدايل .؟ .. طبعا هذا يدل على الترتيب والتنظيم .. في كل امور هالبنت .. كذلك السبحه اللي بين يديك لازم تكون ممشطه ومكدوده .. وفق خطط علميه مدروسه .. لان في ذلك مضاعفه ثقه من المشرف العام فيك ايها العضو




هذا علمي وسلامتكم




^^
^


وش رايكم ؟؟ الموضوع طالع مزركــــــش

نبي نقبض حقنا كامل مكمــــل .. عشان كذا زينت الموضوع بالحركتات والخربطيــشن والخنبقه اللي فيه

هههههههههههههههههههههههههههه
هههههههههههههههههههه


اولاً انت خاين من بدايتهاا يعنى وقفت الحين كل شوي وانت مع السحالى


ثانياً هذي الافكار وهي :

1- لبس سروال نص الفخذ
2- لبس فنيله علاقي .. حقت اخوك الصغير ..
3- لبس كنادر مقاس خمس واربعين ..
4- لبس شراب لونه بيج ..
5- حط في يدك اليمنى سبحه ..
6- يستحسن ان يكون لون السبحه موف ...
7- يكون للسبحه دناديش مسوي فيها عمايل ( جدايل ) ...

ههههههههههههههههههههههههه وين داخل عرض ازياء الاخ هههههههههههههههههههههههههههههههههههههه


وربي مصرقع حلووه مرهف


ننتظر جديد صرقعتك هههههههههههههههههههههههههههههههههههه


حلوووه شعر سيقانك .. لا وبعد يثبت رجولتكك


هههههههههههههههههههههههههههه

هههههههههههههه
ههههههههههههههههاي
أخوي مرهف الاحساس
موضوعك روعة
تسلم أخوي ومشكور على النصايح
بس أنا ما عملت ولا وحدة منهم بس ممكن يكون تركي999
مع حبي........بسام.........

ههههههههههههههههههه تسلم امير الذوووق على مرورك الرائع وبعيدن اصلا البنت سحبت على نزلت الموضوع وانا كلت هوى هههههههههههههههههههههه
تسلم امير الذووق
تحياتى لك

تسلم بسام على مرورك االكرريم
ودام قلمك

عطر الليالي ههههههههههههههههههههههه روعة تصدق هذى ااصفات يمكن تقووول حقيقة بس انا قصدت استهبل وتلكع شوووى ههههههههههههههه
على العموم شكرا على مرورك الطيب وعلى تعليقك اخوووي...

هههههههههههههههههه

اخوي مرهف صدقت بكل كلمة قلتها وليش ما تنفذ علشان تصير مشرف

بعدين ما صدقت يا عطر ....

وش كحل وروج وردي

الرجولة الرجولة الخشونة هي الي تحبها البنت وش كحل ما كحل

ههههههههههههههههههه

على العموم كلكم مصرقعين

الاميرة

تسلمين على مرورك الرائع الاميرة
دام قلمك ودمتى انتى بوووود....
تحياتى لك