قصيده للشاعر // ناصر بن دهيم الدوسري




يا صاحبي كان تبغى الطيـب وأمجـاده
عندك تواريخ ربعـي ترثـة أجـدادي


تلقـى نجـوم المـعـزّه دوم وقّــاده
(دواسر ٍ) طيبهم في النّـاس يـزدادي

في الابل خذينا السنام وفوقـه اشـداده
وفي القاع روّح من العارض الى الوادي

ان كان للطيب ساده ..ربعـي اسيـاده
صبيّنـا لاطلـع مـاهـوب ينـقـادي

ربانـي اللـي غلاهـم داخـل فـؤاده
من كثر ماهو عشقهم صـاروا فـؤادي

سلّـم عليهـم عـدد برقّـه ورعّـاده
سلام ٍ اطيـب مـن الهتّـان والكّـادي

بلّغ سلامي لهـم والكـل فـي بـلاده
من شاعـر ٍ لاكتـب ماهـوب قصّـادي

من دون ربعي قصيـدي مالـه ازيـاده
لو اجمع ابداع شعري دونهم ..عـادي

فأنّا هـل العـز والشيخـه لنـا عـاده
الاد زايـد هـل الطـالات مـن بـادي

دخليـنـا لازبــن يكـبّـر وســاده
حنا زبـون الجـلاوي درع واسنـادي

على الجزيرة لنـا اسـم ثبّـت اوتـاده
أفعال ربعي عمى مـن كـان حسّـادي

من سد مآرب تركنـا الملـك ياسـاده!!
ملوك فـي كـل أرض وجوّنـا هـادي

كل ٍ علـى دارنـا ايـده علـى ازنـاده
من فضل ربي رخا والناس في اطرادي

من قبـل مبعـوث رب الكـون لعبـاده
تاريـخ ثابـت قبـل تاريـخ بغـدادي

في الناس حسّاده وفي النّـاس نقـاده
انا دخيل الولي مـن ظلـم الأجـوادي

غيـري يصـدّر ولا يـدري بميـراده
من قبل اصدّر اعرف شلـون ميـرادي

لاشفت وضحا ً عليها (هـلال وقـلاده)
وسم الغياثـات لامـن جـاك نشّـادي

ياعزوتي ياجـروح المـوت واضمـاده
ما خبر منّـا ذليـل ولا خبـر غـادي

ردوا سلامي على (ابن قويد) وأحفـاده
اني لهم شاعـر ٍ فـي كـل ميعـادي

قصيدة ٍ في (الدواسـر) جـات منقـاده
كتبتها في الكويـت ورّحـب الـوادي

أبـــــو نــــــايــــــف

يــــــــــــعطيك الــــــــــعافيه .. أخوي أبو نــــــــايف

صح لسانك أخوي عالقصيده الرائعه ولاهنت على مانثرته

والنعم بالدواسر وجميع القبايل


بإنتظار جديدك المميز أخوي


تقبل تحياتي

قــــــــــــــــمر