التمثال


عفا الله عن خطا غدر الخناجر والضلوع iiابطال
بسامح واتركك تحت الظلام الحالك iiلحالك
دخيلك وفر دموعك ترى هدر الدموع اذلال
وترى ما فيه احد يصبر مثل صبري iiبغربالك
انا عيب علي أنقض كلامي والرجال iiافعال
واذا قلت اقطع احبالك تراني بقطع iiحبالك
عشان اكسب هدب عينك تجرعت العذاب iiاشكال
وليتك ترأف بحالي علشان ارأف iiبحالك
مسوي في حياتي شي ما يذكر ولا iiينقال
حشا حتى العدو وهو العدو ما يعمل اعمالك
تمسيني على الهم وتصبحني على iiالغربال
تقلطني فناجيلك وتقصر عني iiدلالك
تحملت التعب لجلك وانا حملي يهد iiجبال
رحلت من العذاب وما وقفت الا على iiجالك
علامك كل ما جيك متواضع جيتني تختال؟
معاك اليا متي بصبر وصبري معك iiيحلالك؟
مثل ما اقبلت لعيونك لزوم تلد لي باقبال
ومثل ما قد حشمتك حس واحشم قلبي اشوى iiلك
أنا محدن بجابرني أساير معك iiهالمنوال
ترى لاني تبيع لك ولا ني باصغر iiعيالك
أنا جيت اعشقك نبض ومشاعر ما اعشقك (تمثال)
أنا جيت اسكنك واحياك وابقى فيك وابقى iiلك
أنا جيت بظما عاشق تعب يطرد سراب iiاللال
أنا جيت استفز رضاك من فرقاك والجا iiلك
أنا ما همت بك عاقل أنا كنت اعشقك iiبخبال
أنا ما كنت احبك حي أنا كنت اعشقك iiهالك
تخيل من كثر ما اخاف تلقى للزعل iiمدخال
أخاف اخطي على طيفك وادوس برجلي iiظلالك
تبعتك والعرب تتبع رعود البارق iiالهمال
وانا شفت المطر يتبعك في حلك iiوترحالك
كأن اللي خلق حسنك خلقني مع جسدك ظلال
وصرت اقرب جسد يمشي معك باقفاك iiواقبالك
أبي قلبك يحس انه فقد بمحبته iiرجال
ملكته من هدب عين وخسرت رضاه iiباهمالك
صحيح ان الفراق اقسى ولكن الوصال iiمحال
أنا صعبن علي أرضي غرورك واضعف iiقبالك
بعد ما حققت عيني فبعدك للرقاد iiامال
أعود للسهر؟ -- يا خوي فال الله ولا iiفالك!
ببدل نظرتك فيني واجي لك كل يوم iiبحال
بكون اقرب من ثيابك عليك ولا تهيا iiلك
بالمك وانثرك واجمعك وارجع وانثرك iiباهمال
بخونك وازعلك وارضيك وازعل منك وارضى iiلك
أبرسم بالثرى وجهك وابدفن صورتك برمال
أبشكي للعرب فرقاك واضحك عند iiعذالك
أبهديك الوصال فراق واهديك الفراق وصال
بسوي مثل ما شوفك تسوي وافعل iiافعالك
عشان تعرف من فينا الزعول ومن وسيع iiالبال
أبيك تذوق فنجالي وانا بذوق iiفنجالك
نصيحة واحتفظ فيها قصر معك الزمن أو iiطال
أبي تسمع كلامي زين وتحطه على بالك
اذا حبك هبال اطفال لك عندي هبال iiاطفال
ولا --- وابشر بعد بهبال حب ما هو iiبهبالك
واذا قصدك تهين اسمي عشان تشمت iiالعذال
ترى لا انته ولا غيرك --- ولا عشرة من اشكالك


قدها وقدود


أنا ربتني الدنيا على جزل العطا والجود

ونفسي للوفا والطيب وفعل الخير جزامه
وأعارض منهج الهابط وأوافق للصعود صعود

وأسيّر نفسي بعقلي مدام النفس هدامه
ولا تثّر بي البسمة ولا كحل العيون السود

ولا يقوى على قلبي صغير الحسد وأجسامه
أردّ الجود بأمثاله وأقابل بالجحود جحود

وترى لا خير في رجلٍ يوطّي للردى هامه
وعندي مع أهل العِليا مواثيق وثلاث عهود

أوفي له مطاليبه وأودّه وأرفع أعلامه
أعايش مركب الدنيا على متن القدر مولود

أبعرف هو صحيح إنّ القدر بالناس دوّامه ؟
ومن وين الزمن مقبل وإلى وين الليال تقود

ومن في هالزمن يقدر يوجّه خطوة أقدامه
ومن له بالزمن غاية ومن عنده هدف منشود

ومن منّا قدر يعرف خفايا مقبل أيامه ؟
عرفت إنّ الشقا باقي ، عرفت إنّ الحسد موجود

عرفت إنّ القدر يفرض علينا بأسوأ أحكامه
لقينا بالعرب حاسد وشفنا بالعرب محسود

وبه ناسٍ لنا ضامت ، وبه بالناس منظامه
وينقص بعضنا خوّه وينقصنا وفاء وعود

مدام الحسد باقي وبعض الناس نمامه
ولا ترجى بها الدنيا من ربوعك يجيك اسنود

ولا تشره على رجلٍ عيونه خانت أقدامه
وقابل خطوة بخطوة وجازي بالصدود صدود

تناسى غلطة الصاحب عليك بلحظة اخصامه
ولا تخطي ترى لصبر الحليم اليا سلاك حدود

تروّى واعرف بضرب الحديد تفكك لحامه
تجنب كسرة الخاطر ولو حبل الزعل مشدود

تراك بكسرة الخاطر حكمت القلب بعدامه
ولا تزعل على رجلٍ بذل لك ولرضاك جهود

ولا تامن من الحاسد رضاه ورفعة ابهامه
نبي نصبر على الدنيا قلوبٍ بالحياة زهود

مدام إنّ البخت عيّت توّفق رمعة سهامه
وأنا ما قلتها راجي ولا أطلب بعدها مردود

ولكن الفتى ودّه يحقق جملة أحلامه
وبمشي لآخر الدنيا ولو كلّ الأنام اقعود

وعن وجه الزمن بكشف حقيقه وأرفع الثامه
صحيح إني صغير السن ولكن قدها وقدود

وأنا عندي مع الدنيا مواقف ترفع الهامه
طموحي يملي العالم ولابه للطموح قيود

مدام إن الأمل طبعي ( عرين وصرت ضرغامه )
خلقنا الله من ترابه ولأحضان التراب نعود

تحت رمل الثرى نبقى تغطي جسمنا خامه
سلفنا ما لحقناهم تحت قاع التراب رقود

ولا يبقي من الميت سوى ذكراه وعظامه
ولو طال العمر فاني وترى عمر الفتى محدود

وكلٍ يطلب المولى يبيحه يحسن ختامه
وأنا بلّغت بلساني وربي والأنام شهود

وصحف البيّنة جفّت وعنها رفعت أقلامه



الدنيا بخير


الظلام اليا تبرى من مدرات النهار

يبتدي عمره ضرير وينتهي عمره ضرير

والعيون اليا عماها حقدها تبقى صغار

ماتهادي مستواها غير للعقل الصغير

والدروب اللي نهاية وصلها ذاك المسار

ماتساوت مع طموحات الفهيم المستنير

من يميز في طريق الشر حسن الاختيار

من صرخ في كل قلب مظلم بصوت النذير

من قدر ياخذ بحق التايه الضايع قرار

من دفع عمره لحب الناس لو يبقي فقير

من يقيد لكل فزعه للندم همسة شرار

من يطفي بالقلوب المدمنة نار السعير

من خلقنا ماعهدنا غير حب الافتخار

نملك الصبر الكبير ونعشق الدرب العسير

همنا نرفع بلدنا مع صفوف الازدهار

ونتذكر يوم كان ترابها فرش وحصير

وللاسف عشنا وشفنا حرب درب الانحدار

حرب تشتيت القلوب وحرب تأنيب الضمير

حرب اقسى من حروب النار وحروب الدمار

حرب ابشع من نزيف الدم وبالسيف الشطير

بالسموم اللي تروج بالكويت بكل دار

السموم اللي تردوا من سبايبها كثير

والشباب اللي تمادوا في دروب الانتحار

اصبحوا فيها رهينة لعنة السم الحقير

يستغيثون بعمار النفس من نسف العمار

يرتجون وداع ظلما الليل للصبح المنير

صرخة المدمن تهيم وترتجي رفع الستار

رددت عند الهدف كلمة يصير أو مايصير

أشعلت بين الضلوع العوج بعد النور نار

وأدمعت كل العيون المشفقة دمع غزير

وامتلت كل الحناجر من صدى الصرخة مرار

وارتوت كل القلوب الضامية من زمهرير

آفة الإدمان زادت وابتدت بالانتشار

والوجوب إنا نحدد في تلاحمنا مصير

ناخذ اطراف القضية في عيون الاعتبار

ونرسم دروب النجاة وخطة الفوز الكبير

ونرسم خطانا وتكفي دمعة المدمن شعار

ويكفي إنا من ربوع المجد وأخوان الاسير

إن نوينا ما بغينا غير حرب وانتصار

وان ضمينا ما رضينا غير نروى من غدير

إتحدنا قلب واحد للهدب والاختيار

والفضل يرجع لربي ثم يرجع للامير

وعلموا من يفقد احساس الامل بالانتظار

الهدف لازال حي وتوها (الدنيا بخير)


وش اللي يجبر الشاعر


انا والليل والعبرة وجرح وخاطر ٍمكسور

ونفس من هجير البعد والحرمان مقهورة
وقلب ظامي لشوفك ولايروى ظماه بحور

وعين تحتري لحظة غياب الطيف وحظوره
ونار تنطفي مره ومره تشتعل وتثور

واقول النار مقدورة وهي ما هيب مقدورة
حسبت الليل بغيابك يمرن الليال دهور

وكني شايل بقلبي ليال الوقت وشهوره
تصبرت وتقدرت وبنيت من الخيال قصور

إلين ان الجفا شد الركايب وانتهى دوره
تحريتك على درب القصيد من ثلاث شهور

وحشا ما مات لك غصن يشف الماي بجذوره
تخيرت الغرام وجيت لا راضي ولا مجبور

وجيتي تسبقين خطاك مرضيه ومجبوره
وانا ما كان لي رغبه أبين واكشف المستور

ولكن الجمال أكبر من الخفاق وشعوره
جمال وود وعيون ودلال وكبرياء شعور

وفتنة تخذل عيون النهار وينطفي نوره
ولك في خافقي صوره تلاشت بين ضي ونور

وأخاف اسكت من الفرحة وتنطق باسمك الصورة
عرفتك وانتهت رحلة قساوة دربي المهجور

والا يا جملة أيام الجفا والصد مشكورة
خذتني للجفا عزه واخذني للعناد غرور

واخاف اكون بعنادى حبيب ومات بغروره
وإذا كانت مسافات الخيانة للغرام قبور

وش اللي يجبر العاشق يخون ويحفر قبوره؟
وش اللي يجبر الشاعر يدور للشعر جمهور؟

مدام انتي محبينه وعشاقه وجمهوره



رد السؤال

انتبهت لدمعها بالهدب والكحل سال


لين جفت عينها دمع والقاع ارتوى

وابتدت لحضة جفا ونتهت لحضة وصال


وأنطفى نور السعادة واحسب انه ضوى

ما اكتفيت من الهوى والغرام أربع ليال


واقفت أيام التلاقي وجا وقت النوى

كنت ابلسى وابتسم والتفت عنها شمال


لا قويت الصد عنها ولا قلبي قوى

ما هقيت ان الهوى عذب قلوب الرجال


لين ضاع القلب مني وتفكيري سوى

رحت أدور دفوة الشمس ضيعت الضلال


جيت اطفي شعلة النار والقلب انكوى

ماهقيت ان السعادة خيال في خيال


تروى قلوب الحبايب وقلبي ما روى

كنت ابشتال الهوى والهوى ثقل الجبال


وان تحملت الجبل ما تحملت الهوى

كنت ابسلى بالهوى والهوى صعب المنال


ما رضا لي حظي اللي طواني وانطوى

قلت لا فراحي تعالي ولا قالت تعال


والخفوق ان قلت ابقبل على صدي نوى

الله أكبر لا شرقت شمس يتلاها زوال


كيف ابفرح في صباح مع الليال استوى؟

لاحصل بالحب قسمة ولا جا لي مجال


غير اشوف معاند الجرح وعناد الدوى

شبت النيران واقفت وجاء رد السؤال


ما تشب النار يا كود يوصلها هوى



من تحت لي تحت


لو تعرف الخطايا كيف كنت محروم


كان سود الليالي يوم طحت سمحت

لو هموم المفارق مثل كل الهموم


ماتشوفون عيني بالدموع سبحت

ولو تحن المشاكل عقب حب الخشوم


كان حبيت خشم المشكله واستحت

بين صدة عزيز وكبرياء مهزوم


عين شحت على وعينٍ استسمحت

بس مالله خلقني من بكاي معصوم


وادري انه المحاجر لو تفيض افضحت

والله اني على جرحي صبور وكتوم


لكن ان الدموع ان روحت روحت

اعذلتني ظروفي وانهكتني عزوم


والوجيه احزنت لي والقلوب افرحت

اشهد ان الليالي ماتعرف السلوم


قلب جافي لقاه ووجه صافي بحت

راهنتني تبلل بالدموع الكموم


ويشهد الله عليها راهنت واربحت

احرمت نور عيني من غلا ريم قوم


بذرةٍ وارتوتني واثمرت واطرحت

جادلٍ دوم ماهي مثلها كل يوم


استضاحت غموض وبالغموض اوضحت

دورت بين قلبي والهدب درب نوم


وامرحت وين مدري المهم امرحت

تنحت اسمي بقلبٍ جيت فيه معزوم


واسمها بين جلدي والعظام انحت

مثل جفني لعيني بالنعاس محكوم


كل مانمت نامت كل ماصحى صحت

ماتعارض كلامي غير عند اللزوم


بس لا قمت اسولف واندمجت سرحت

دايم ازعل عليها بس قلبي رحوم


وهي تموت بعذابي من تحت لي تحت

مثل وجه العلاقه في ثياب الخصوم


ان تطيبت طابت وان جرحت اجرحت

خصها الله بوصفٍ من خيال معدوم


لا اذان اسمعتبه ولاعيون المحت

كن ربي خلقها من بياض الغيوم


ومن كفوف السحابه بالورد القحت

عن سواها فرقها بالقمر والنجوم


وكل عذرى تباها بالجمال انزحت

بالحلا هي كوم وباقي الناس كوم


كفتٍ عادلوها بالبشر وارجحت

حسبي الله على اللي مابغاها تدوم


من بعد كيف كانت شوف كيف اصبحت

لاتحقق وصال ولا فراق محتوم


خطةٍ قربتني للفشل وانجحت

لعنة العشق تبقى مثل ضرب السهوم


لو محى الوقت جرحه صورته ما انمحت

كيف ابنسى وانا اللي من جفاف لسموم


ماحشمت العيون ولا الدموع فلحت

كانها بالحميا كل ربعي قروم


لو يلدون لاصعاب الظروف صلحت

اجزم ان كنت ياقلبي شجاع وجزوم


لد لعيون بنتٍ لا التفت الفحت

ماتهين البخيل الا يدين الخدوم


دام كف الخطايا بالجفا لوحت

نطح الباس باس ونطح اللوم لوم


وان تهدت تهد وصيح ان صيحت

ياتعيش بمعزه ياتموت محشوم


ودك ان الليالي لافعلت امدحت

عمر ضعف الاراده مايسر الرخوم


ضربت السيف لوبيدين الشجاع ذبحت


يجيني يوم وعطيها


انا ما اخطيت في حقك ولكن الكلام عتاب

أعاتب والعتب كلمة تفسرها معانيها
اعاتب واحسب بهرجي الا مني حكيت حساب

وكلمه يستحي منها لساني يبتدى فيها
واذا انت من العتب تزعل علينا وابتصك الباب

ترى ما نيب قاصدها ولاني فيك ناويها
ولا ودى على الفرقا وقلبي داخلي مرتاب

اشوف ان الهوى خدعة واشوف القلب راضيها
واشوف ان الهوى فرقا مواليف وعناد احباب

واشوف ان الجفا خطوة ولاني قادر اخطيها
وقلبي لو عشق يخلص ولو طالت عليه رقاب

وتشهد له دروب الحب حاضرها وماضيها
عشقنا والهوى حسرة،مشينا ولاأمل كذاب

بدينا نانبني منها قليل من بلاويها
عرفت الحب من عمري صغير بالغرام وشاب

وقلبي للحبيب اكبر من الدنيا وما فيها
صحيح انى نويت ابعد ولكن الهوى غلاب

وهي رحلة بديت بها ولا ادري كيف بنهيها
تحريتك شروق الشمس وشفتك للشروق غياب

ولا اضنك تبيع العشره اللي كنت شاريها
بقى لي بالهوى نظرة وتغريبة ودمع اهداب

وقصة بترك لسانك على العذال يرويها
واناجي باقي حروفي وبألف للفراق كتاب

قصايد تملي اوراقي ارددها واغنيها
واذا مرتني الذكرى وجرحي بالحشا ما طاب

بتبعدني وتدنيني وببعدها وابدنيها
وانا عيب علي اشكي من الدنيا بدون اسباب

مدامي ما خذ منها يجيني يوم واعطيها

تابع ( 2 )

الشعراء


مابقى الا سود الايام تحرمك الرقاد


كيف الاوهام اتجرأ اتسريك مغبون

من متى تجزع من الدمع وتخاف البعاد؟


من متى تقفي بك ظنون وتجيبك ظنون؟


صرت تاخذ كذبتي صدق، ومزاحي وكاد


لو بقول اني بخونك تحسب اني بخون


ماتعرف ان كل شاعر يهيم بكل واد؟


وانهم دايم يقولون مالا يفعلون؟

ابك انا لاقلت ابنساك وانكرت الوداد


والله اني مانسيتك وولاهم يحزنون


من جزع من صفعة الشمس يطمع بالبراد


ومن فقد وجهاته الخمس يلقى بك ركون


اعتبرها هفوة انسان او كبوة جواد


لو بتسمح فانت غالي ولو تجرح تمون


عد صداتك مروة وطعناتك ضماد


خلهن لاراحن طعون ولا ردن طعون


خنجرك يستاهل الطعن ومتوني شداد


ومنك يازين الخناجر ويا بخت المتون


ردلي حنية المزح باحساس الجماد


خلنا واحد يجي صلب والثاني حنون


موت فيني واندفن فيك بثياب الحداد


وان حييت أموت لرضاك واحيا بك بهون


مره ارقد بالكفن وانت ترقد بالمهاد


ومرة ارقد بالمهد وانت ترقد بالكفون


ادري ان شجونك شجون واعنادك عناد


والبلا ان عنادك عناد وشجونك شجون


ربك اللي سخرك لي تقود وما تقاد


والله الخالق ولله في خلقه شؤون


ازرع ضلوعي من رضاك وابشر بالحصاد


لعنبو من جيت ترضيه وترد امحزون


بس تسوالك بلد ؟ قول تسوالك بلاد


انت كل العالم بكون ولحالك بكون


مابعد محبتك حب ومرادك مراد


غير كونك سيد حشاي تدري من تكون ؟


نعمتين اختصوا الخلق من جود الجواد


كافل الأرزاق من حيث مالا تعلمون


البنون ونعمة المال بعيون العباد


زينة الدنيا بلا شك في كل العيون


مثل زينة دنيتي بس عندي شي زاد


من عرفتك صاروا المال وانت والبنون


انتشي بك نشوة التيه لعناق الرشاد


وافزع الك فزعة القرم لشهاب الزبون


واحصنك تحصين الأرزاق عن درب الفساد


واعشقك عشق المظاليم لفراق السجون


لو تزيد الشوق جمرة تحولني رماد


لو يزيد العشق شعرة بوصل للجنون


خل هقواتك كبيرة ونظراتك بعاد


كانك انت بكبرك تهون من اللي ما يهون ؟


ازعلك وارهن حياتي تحت رحمة زناد


تهبى لا والله الا انت والموت تهبون


عاد اذا ما ارضاك هرجي ولا اللي قلت فاد


اننا لله وانا اليه راجعون


وانت باكر بتعرف على ناس جداد


والكلام يجيك من كل شكل وكل لون


لاتحسب ان كل كلمة بتسمعها وكاد


ولا تصدق هرج شاعر وتخدعك الظنون


دايم اعرف كل شاعر يهيم بكل واد


وان هم دايم يقولون ما لا يفعلون


حتى انا اللي قلت اعشقك وما اطيق البعاد


يمكن اطلع ماعشقتك .. ولا هم يحزنون



الاولي والتالي


جا نهار ما رحمتني جيته وقدومه

شفت فيه الناس واجد واقفين اقبالي

كنت احسب انها حقيقة والعرب ملمومه


وقمت افضفض عن همومي واشتكي غربالي

ويوم زال الحزن عني وانجلا بغيومه


واثرني ما غير اسولف بالخلا بلحالي

من عذابي قمت اعزي قصة مرحومة


ولعت بيدين خلي وانطفت بهمالي

قصةٍ لدت عيون صويحبي من نومه


يوم شلت الموت بيدي وابتلوا عذالي

ما رضيت اكسر غلاي وما قدرت ارومه


وعاذلي ما صد عني وما قوى منزالي

إبتليته لين جتني خنجر مسمومة


وابتلاني لين جاب الاولى والتالي

والله انه ما عذلني لين شق هدومه


ولين خانتني عزومي وانكسر تمثالي

والا انا ما كنت ابين لا أمطرت ديمومة


بالمدامع من فراق المخلصين امثالي

كنت اوقف واتذكر نفخة اليشمومة


واذكر اني كنت غالي في عيون الغالي

واحد كانت نسايم سيرته بسمومه


وكان كل ما شاف ظلمي بالهوى يلجالي

ذاك والله كل ما أرسل في حشاي سهومه


انتهى ليل السكينة وأبتدا زالزالي

ووالله اني كل ما اسمع سيرته وعلومه


قمت اشوف الموت الاحمر واقف بظلالي

واشهد اني كل ما اسهى وافتكر برسومه


وما وعيت الا وانا ارمي غترتي وعقالي

ليت ربي يحتميه ويحرسه ويدومه


يومه اقرب من عروقي للجسد بوصالي

وليتني لما عرفته ما عرفت خصومه


وما وقعت بظلم ناس ماوراهم والي

العذول اللي حرمني حاجة مقسومة


ليه يحرمني قهوتي(والدلال دلالي)؟

وليه يسأل في غرامي وان بغيت اسومه؟


دام صار الجيب جيبي والريال اريالي

والله ان العشق شي يستحق القومة


واشهد ان عيون خلي تستحق افعالي

يكفي انه لا نظرلي نظرة محشومة


يرتجف كفي ويوقع من يدي فنجالي

وان لمحت بطرف عينه دمعة مكتومة


جيت كلي من عذابي عالي متعالي

وان تبوسم لي بعينه والشفا مضمومة


والله ان مدري وش اللي بعدها يجرالي


ليت يومي قبل يومه أو معاه بيومه


وليت حاله غير حالي دام هذا حالي

إن غفيت الليل جتني بالمنام حلومه


وان صحيت الصبح ناسي سيرته يطرالي

والله ليبطي وعيني تسهره وتقومه


والله ليبطي عذولي ما يفك حبالي

دامني لا زلت احبه واعشقه بهمومه


بذكره مع كل خطوة حللت ترحالي

بذكره مع كل ليلة مظلمة مشؤومة


نزلتني في حشاه ورفعت منزالي

وبذكره مع كل دمعة نوخت بكمومه


وعلمتني بان قدري في غرامه عالي

وبذكره مع كل نظره بائسة مظلومة


حسستني بانه اخر من نوى يصفالي

وبذكره كا ما نسيته وان ذكرت سلومه


قمت اشوف الناس واجد واقفين قبالي

وان حسبت انها حقيقه والعرب ملمومة


ما تحكمت بسكوتي لين طال جدالي

ويوم زال الحزن عني وانجلا بغيومه


واثرني لا زلت اسولف بالخلا بالحالي



ادلعها واولعها


بعد ماقابلتني عاتبوها

على شوف الحبايب حاسبوها

خذوها وأبعدوها غصب عني

وعن وجهة طريقي جنّبوها

وشالوها عن عيوني غصيبه

عواذل وأغصبوني وأغصبوها

خذوها من يديني شوف عيني

وعن عيني تعدّوا وأحجبوها

كلام وصدّقوا بالبنت كذبه

وهم اللي من أول كذّبوها

وهم وشدخلهم في مال بيّن

لبوها والخلايق طالبوها

وفيّه لاتخون ولاتعاند

جسوره والمواعيد أرعبوها

ملاكٍ كامله والكامل الله

ولكن العواذل عذربوها

وهي كلما دعتني تشتكي لي

عن اللي سالفتنا سرّبوها

تخاف وتلتفت مع كل كلمه

تظن أن العواذل راقبوها

تلفّت من عقب ماهي جريئه

شجاعه ماتهاب وهيّبوها

وأهدّيها وأنا حاير وثاير

مصيبه ياعذابٍ عذبوها

وهم كلما خذوها عن طريقي

تراهم صوب قلبي قرّبوها

وأنا ماتعّبت قلبي خيانه

خيانه رتّبوها وأحسبوها

ولا يعجز خفوقي لايقابل

جفا من حاربوه وحاربوها

وأنا لي عزّة ٍ تفرض عليّه

أخاطب بالجفا من خاطبوها

وأكسر لوحة الماضي وأزيله

وأخرّبها مثل ماخرّبوها

وأذوّقهم ندم ماصار فيها

وأشرّبهم من اللي شرّبوها

وأدلّعها وأولّعها بنفسي

وأشرٌّقها بعد ماغرّبوها

وأعوّضها عن اللي راح كله

وعن ذيك الليالي كلّبوها

غلاها بالحشى لازال ثابت

ولو حتى بغيري حبّبوها

وغلاي بقلبها مرّ وتعدى

غلاها لأمها ولا لأبوها



الدعاء المستجاب


اشرق نهار ابوظبي واكتأبت بلاد الضباب

وابتلت ارياق الدعا شكر ونحيب ومعمعه

صحيح ما رد القضاء الا الدعاء المستجاب

ولا تهز المسلمين الا الظروف المفزعه

الله خلق للضيق باب وللفرج مليون باب

ينزل بلاه اليا اشاء ولو اشاء بيرفعه

ما يكتب لمؤمن ضرر الا وله اجر وثواب

ياشيخ ربك ما يضر المؤمن الا ينفعه

البارحه كشّر علي من الوله مليون ناب

واختر للدرب الشراع اللي هبوبك تدفعه

ولا دريت اني سريتك لين شدّدت الركاب

من الكويت ولا حللت الا على رحب وسعه

من لا حزم امتعه ولا اتنقالي ثياب

فزيت لا ماخذ ثياب ولا ذكرت الامتعه

دام الطريق لهامتك لوهو ذهاب بلا اياب


لأجل افرح بسلامتك ماقطع طريقك وارجعه

ياشيخ لو ان البكى يشفي من العلّه مصاب

ما ظل واحد بالجزيره ما تفجر مدمعه

من لا جزع من غيبتك ما عاد يجزع من غباب

ومن لا تزعزع من مصابك ماحدٍ بزعزعه

ان طحت طحنا كلنا وان طبت كل الشعب طاب

نفس المصير اللي جرعته كلبونا نجرعه

اللي يقاسمنا الضما بنقاسمه طرد السراب

واللي يحس بجوعنا لامن شبعنا ِنشبعه

الله خلقنا للظروف المفزعه خوّة ذياب

ولا تبان الخوّة إلا بالظروف المفزعه

لو يحصل (لزايد) مصاب نشاركه نفس المصاب

ما نتركه يدفع ثمن إلا نتسابق ندفعه

نغضب مدام انه غضب . ننهاب مادامه مهاب

نضر من ضره ونخدع من يحاول يخدعه

لأنه قريب لفرحنا نبقى لأحاسيسه قراب

امّا سكن بضلوعنا وإلا سكنّا بأضلعه

نحضر معاه اليا حضر ونغيب له مادام غاب

وإن قام قمنا كلنا وإن فز فزينا معه

إن ما اكتأبنا من غيابك.من يعرف الاكتآب

واذا الخليجي ما سمع صوتك اجل من يسمعه؟

ما شاب حبّك للعمل وانت بسواعدنا شباب

ياشيخ ماتفقد امل طاع الزمن وإلا طعه

خذنا رقابٍ من ذهب وإضرب ولا تحسب حساب

نفداك رد اللي ترده واقطع اللي تقطعه

وشلون يركبنا الخطى وبطاعتك عين الصواب ؟

كيف يتعداك العطى وانت إنخلقت بمنبعه

مخاطبك يا سيّدي ماهو بحيالله خطاب

ومثلي مهو بكل القصيد اللي بمدحك يقنعه

ماجيك وجه لوجه مابيني ولا بينك حجاب

إلا اجمع الك اللي يعجز الجن الازرق يجمعه

ماحب أوصّفك بشطر من غير ما اشقّق كتاب

ياشيخ انا ما ابدعت شي.اوصافك انت المبدعه

شوف الرجال وشوف نفسك.ويش جاب لويش جاب؟

هو فيه احد بالكون كله يصنع اللي تصنعه؟

شف وانت واحد بالبلد واسمك يعيش بكل شاب

وشلون اجل لوفيه مثلك بالامارات اربعه؟

لو ما انخلقت انسان.لايمكن تكون إلا سحاب

لأنك رفيع ولي عطيت الخير ما تسترجعه

يا ذخر لصعاب الحلول وفخر بحلول الصعاب

يامرجع شموخ المراجل يالشموخ بمرجعه

يادرع حكام العرب يا شوق تلعات الرقاب

يانافع الناس بزمانٍ قلّت إبه المنفعه

سلامتك كثر البكا اللي ينزف بدعوة مجاب

وسلامتك كثر الدعا اللي رحمة الله ترفعه

وسلامتك كثر الغلا وكثر الملا وكثر العتاب

وكثر الزهر وكثرالمطر وكثر الشجر وكثر أفرعه

وكثر اللي ما بعده عدد.ولا يوصّل له حساب

وكثر اللي ما اعرفه ولا اسمع فيه.ولا راح اسمعه

سلامتك منّيه الى آخر شبر فوق التراب

سلامتك منّك الى غرب الوجود لمطلعه

من يوم نوّرت الوطن وأكتأبت بلاد الضباب

ماجفّت حلوق الدعا شكر ونحيب ومعمعه

صحيح ما رد القضاء إلا الدعاء المستجاب

ولا تهز المسلمين إلا الظروف المفزعه


ربتني الدنيا


أنـا ربـتني الـدنيا عـلى جزل العطا iiوالجود ii

ونـفسي لـلوفا والـطيب وفـعل الخير iiجزامه


وأعـارض منهج الهابط وأوافق للصعود iiصعود ii

وأسـيّر نـفسي بـعقلي مـدام الـنفس iiهـدامه


ولا تـثّر بـي الـبسمة ولا كـحل العيون السود ii

ولا يـقوى عـلى قـلبي صغير الحسد iiوأجسامه


أردّ الـجود بـأمثاله وأقـابل بـالجحود iiجـحود ii

وتـرى لا خـير فـي رجلٍ يوطّي للردى iiهامه


وعـندي مـع أهـل العِليا مواثيق وثلاث عهود ii

أوفــي لـه مـطاليبه وأودّه وأرفـع أعـلامه


أعـايش مـركب الـدنيا على متن القدر iiمولود ii

أبـعرف هـو صـحيح إنّ القدر بالناس دوّامه ؟


ومـن ويـن الـزمن مقبل وإلى وين الليال iiتقود ii

ومـن فـي هـالزمن يـقدر يوجّه خطوة iiأقدامه


ومـن لـه بالزمن غاية ومن عنده هدف iiمنشود ii

ومـن مـنّا قـدر يـعرف خـفايا مقبل أيامه ii؟


عـرفت إنّ الشقا باقي ، عرفت إنّ الحسد موجود ii

عـرفت إنّ الـقدر يـفرض علينا بأسوأ iiأحكامه


لـقينا الـعرب حـاسد وشـفنا بالعرب iiمحسود ii

وبـه نـاسٍ لـنا ضـامت ، وبه بالناس iiمنظامه


ويـنقص بـعضنا خـوّه ويـنقصنا وفاء iiوعود ii

مـدام الـحسد بـاقي وبـعض الـناس iiنـمامه


ولا تـرجى بـها الدنيا من ربوعك يجيك iiاسنود ii

ولا تـشره عـلى رجـلٍ عـيونه خانت iiأقدامه


وقـابل خـطوة بخطوة وجازي بالصدود iiصدود ii

تـناسى غـلطة الصاحب عليك بلحظة iiاخصامه


ولا تـخطي تـرى لصبر الحليم اليا سلاك iiحدود ii

تـروّى واعـرف بـضرب الحديد تفكك iiلحامه


تـجنب كـسرة الخاطر ولو حبل الزعل iiمشدود ii

تـراك بـكسرة الـخاطر حـكمت القلب iiبعدامه


ولا تـزعل عـلى رجلٍ بذل لك ولرضاك iiجهود ii

ولا تـامن مـن الـحاسد رضـاه ورفعة iiابهامه


نـبي نـصبر عـلى الـدنيا قلوبٍ بالحياة iiزهود ii

مـدام إنّ الـبخت عـيّت تـوّفق رمـعة iiسهامه


وأنـا مـا قـلتها راجي ولا أطلب بعدها iiمردود ii

ولـكـن الـفـتى ودّه يـحقق جـملة أحـلامه


وبـمشي لآخـر الـدنيا ولـو كـلّ الأنام iiاقعود ii

وعـن وجـه الـزمن بكشف حقيقه وأرفع iiالثامه


صـحيح إنـي صـغير السن ولكن قدها iiوقدود ii

وأنـا عـندي مـع الـدنيا مـواقف ترفع iiالهامه


طـموحي يـملي الـعالم ولابـه لـلطموح iiقيود ii

مدام إن الأمل طبعي ( عرين وصرت ضرغامه )


خـلقنا الله مـن تـرابه ولأحضان التراب iiنعود ii

تـحت رمـل الـثرى نبقى تغطي جسمنا iiخامه


سـلفنا مـا لـحقناهم تـحت قـاع التراب iiرقود ii

ولا يـبقي مـن الـميت سـوى ذكراه iiوعظامه


ولـو طـال العمر فاني وترى عمر الفتى iiمحدود ii

وكـلٍ يـطلب الـمولى يـبيحه يـحسن iiختامه


وأنـا بـلّغت بـلساني وربـي والأنـام iiشـهود ii

وصـحف الـبيّنة جـفّت وعـنها رفعت أقلامه



الحلم

بـوقـت مــن الـبطا،وبليل تـترقص شـياطينه" "بـعد شـفت الـضيا يـنزع مـن ثياب المسا iiثلثين

تـحـايلت الـمـنام الـلي مـثل بـيتك تـمرينه ii" "وانـا الـلي مـن تـفارقنا وأنـا ماغمضت لي iiعين

غـريـبة!!كل حـلـم يـمـر بـرقادي تـزورينه" "والاغـرب..كيف أحـلم الحلم،وارجع واحلمه iiبعدين؟

قـبـل يـومين،شفتك بـالمنام..وقمت مـن iiحـينه!" "ونـمت أمـس،ورجع نـفس الـمنام اللي قبل يومين

أنـا الـلي قـبل اسـافر شـلت قـلبي من iiشرايينه" "تـركـته فــي يــدك الأمـانه،واحفظيها iiزيـن

تــرى حـفـظ الأمـانه ديـن..مجبورة iiتـردينه" " أجـل ، مـافيه أحـد قال لك((حفظ الأمانة iiدين))؟!

مــرد الـمـقفي بـيـلفي..ويستوفي ،وتـوفـينه" ii"بـعـدلـيـلـه،ثـلاثـه،أربعه،عشره،شهر،شهرين

إذا انـتـي ،مـاانتي بـقد الـكلام الـلي iiتـقولينه" "حـرام...استامنك حـاجة،وإذا جـيت اطلبك iiتنسين

تـخونين،وتبين أرضـى!..واحد يـرضى iiتخونينه!" "أنـا لاجـيت أخـونك،مع حبيبة iiثانيه،((ترضين))!

مـن أول مـارجعت مـن الـسفر ماشفت لك iiبينه؟" "وأنا اللي كنت أحسبك قبل ادوس ارض المطار..تجين

تـكونين أنـتي أول شـخص عـيني تحتضن iiعينه" "وكـنت أتـخيلك مـن زود فـرحة iiرجـعتي..تبكين

وأشـوف بـدمعتك حـكيك..وأعرفه قـبل iiتـحكينه" "واجـيب أحـلى مـن الـلي بتحكينه،وأتركك iiتحكين

تـقـولـيـن:الوطن iiنـور..وأقـول:بـنورمضوينه" "تـقولي لـي:غديت أحـلى،وأقول:عيونك الـحلوين

كـــلام نــام بـشـفاهك..وخفتي iiلاتـصـحينه" "ذخـرتـيه لـغـرام لـلي يـنام...ويترك تـصحين

تـغـانمتي غـيـابي..لين رجـحـتي iiمـوازيـنه" "تـعلم مـن يـدك لـمس الـكفوف وعـلمك iiتجفين

ولـيـتك لاقـيـه بــه شـي...فيني iiمـاتلاقينه!" "مـهو بـغرور..لكن خـابرك مـالك أمـل iiتـلقين

تـغـافلك بـغلا..والإ الـحلا مـهو بـمن iiزيـنه!!" "تزينه الصور ..بس الصحيح ابن iiالحلال((زوين))!!

وأنــا مـاني بـنقاص عـنه يـوم أنـك iiتـبدينه" "نـصيبي..هو نـصيبي لـو يـسددها من iiالصوبين

قـنـوع بـمـظهري،والسم مـايـذبح ثـعـابينه ii" "عـلى قـول الـمثل((ماني حلو..لكني ماني iiشين))!


إذا أهــداك الـزهر مـره،فأنا اهـديتك iiبـساتينه" " وإذا ألـهاك بـفرح لـيله، فـانا تـهت لبكاك iiسنين

وإذا اسـتـضعفتك أمـلاكـه...وشتتك مـلايـينه ii" " أنـا حـتى فـتات الـخبزة أقـسمها مـعك iiنصين

طـموحي ،بـس أجـي وأظـفر بـشي iiتـستحقينه" "تـديـنـتـه،تـسلفته،سرقته،مومهم iiمــنــيـن؟


كـأني مـن كـثر مـاارضى بـكل الـلي تـمنينه ii" " لـو انـك تـطلبين الله ..يـعنيني، بـقول iiآمـين

أنـا مـاالعب عـلى الـحبلين،وقت الطيش iiوسنينه" "تـبين الـحين يـوم أني كبرت العب على iiالحبلين؟!

تـرى عـند الـبدو بـالذات((عيب اللي iiتسوينه))!!" "حـلاتـك لاعـشـقتي..تعشقيني لـيـوم iiالـديـن

غـرامٍ نـسكن ضـلوعه...حشيمه مـن مـجانينه ii" "جـفـا،يجمع مـعـزتنا...ولاعشق يــذل iiأثـنين

كـثـار الـلـي تـحـدوني وقـالـولي ii:تـحبينه" "امـانـه..لاتخليني صـغـير بـعينهم ii((تـكفين))!!

لانـــي كــل iiمـاقـالوا((تخون))..اقول:مسكينه" "عـلـيك الله وأمـانـه..علميهم مـنـهو iiالـمسكين

أنــا خـايف((لياطاح الـجمل تـكثر iiسـكاكينه))" "وأنـا مـاعاد بـضلوعي مـكان لـطعنة iiالـسكين

مـثل مـاقالوا:((المكتوب واضـح مـن iiعـناوينه))" "لـو ارحـل مـنك للغربه..بسافر من ظلامك iiوين؟!

كـفـايه..كل حـلـم يـمـر بـرقـادي iiتـزورينه" "كـفاية...من تـفارقنا..وأنا مـاغمضت لـي عـين

قـبل يـومين شـفتك بـالمنام وقـمت مـن iiحـينه" "ونـمت أمـس،ورجع نـفس الـمنام اللي قبل يومين



قالها حامد


تمادي وأنا مثلك تماديت بهجر iiوبعاد
وكلٍ مثّل عناده خفوقٍ ثابتٍ iiصامد
وإذا عندك بعادي عيد ترى عندي جفاك أعياد
وعسى طول الجفا مني يليّن قلبك iiالجامد
أبضحك وأظهر البسمة ولو إن الجروح iiاجداد
وترى قلب الحريقة ضو ولو وجه الحطب رامد
بكون أكبر من الغلطة وبعلن للهوا iiميلاد
إذا كان الخطا منك مجرّد ثورة الخامد
وإذا كان الجفا منّك مسافات وغلا iiوعناد
تراي أكبر من عنادك وقولي قالها iiحامد

تابع ( 3 )

تفتكر لليوم وش منك


تفتكر لليوم وش منك خذيت؟؟؟
غير صمت وحزن وآهات ومواجع.......
قلت ماأنسى ولكنك نسيت!!!!!
كل كلمة حب تعيشني بواقع.......
شف انا من كثر ما أحبك وفيت
عمري مافكرت أمثل دور خادع.......
ياحسافة وقتي اللي لك عطيت؟؟؟؟
كيف تجهلني؟؟؟ وباالمره تقاطع؟؟؟؟؟
للأسف باالذات منك ماهقيت
تاخذ قليبي وصرت اليوم بايع!!!!!!!
عشت عمري في عذاب وبكيت
وصرت بدروبك أنا يازين ضايع......
ماذكر أني خنت أولحظه جفيت
أنا من طبعي ماأقوى أوادع..
ماعرفتك للأسف لكن دريت
أن حبك زاد بعيوني المدامع!!!!!!!!



صوت الفلاح

البارحه يوم اكتمل صوت الفلاح بمرقبي
سبت الكويت بكبرها تبكي ورا ظهري وجيت


اسج رجلي للمسا والليل يسبيني سبي
وانا من البارح معاه اسري ولا كني سريت


ما ارتح لين اني قريت اهلا بكم في ابو ظبي
في ذمتي ما كني الا وسط بيتي في الكويت


لأني ليامني نويت اسعى لتحقيق طلبي
ما ينثني عزمي على قولة لعل ولا يا ليت

ما قد تعبت الا لناس(ن) يستحقون تعبي
ولا عنيت الا لظل(ن) يحتويني لا عنيت


نصيتها من عقب وجه الله لوجه اليعربي
اللي ليا مني تذكرته ليا ضقت اعتزيت


فلاح ابن زايد يزود وتقصر متون وعبي
الشيخه اللي من دخلت لقلب راعيها دريت


ان الرفيق اللي يجنب خوة امثالك غبي
وان الطريق لباب بيتك يختصر مليون بيت


وان البخيت اهو الذي ياصلك لو كان يحبي
وان الذي يتعب قبل لا ياصلك ما هو بخيت


وإنك وطن ما حس فيه اني مسير واجنبي
وإنك نهر شربت منه ومن بعدها ما ضميت


وجهك غناي وراحتك كنزي وخوتك ذهبي
اغضب من اللي يغضبك وارضى ليا منك رضيت

يا شيخ انا ماني ملاك ولا رسول ولا نبي
انا الجميل اللي حفظك وبحتفظ بك ما حييت


انا رفيقك لا غداك الحزن يا شوق الظبي
انا شريكك لو حزنك ولو فرحت ولو سليت


خذني ذراعك صاحبك درعك معك باللي تبي
درعك ذراعك صاحبك انا معك باللي بغيت


اللي يحمله منكبك كأنه يحمله منكبي
إليا سهرت اسهر معك واغفى ليامنّك غفيت


يا سيدي لو يمتثل وزن القصيد لمطلبي
لاكتب فلاح بكل حرف وكل شطر وكل بيت


اكتب فلاح بمشرقي واكتب فلاح بمغربي
اكتب فلاح ليا ذكرت وبكتبه لامن نسيت


فلاح في صدري.. فلاح بكل شبر بكوكبي
فلاح فيّ وفي عروقي من هنيا للكويت


لا هنت يا مخجل يدي يا عزوتي يا مكسبي
يا شعري ليامن كتبت وصوتي ليامن حكيت


من يوم ما اوحيت الندى يجتثني من مرقبي
سبت الكويت بكبرها تبكي ورا ظهري وجيت


ما ارتحت لين اني قريت اهلا بكم في ابو ظبي
في ذمتي ما كني الا وسط بيتي في الكويت



سمو المجد

--------------------------------------------------------------------------------

جيت أسلم لابقلبي لاطموح ولاتمني
الوكاد إني عنيت مودع تراب الكويت



ويشهد الله يوم جيتك ياطويل العمر كني
زاير الشعب السعودي في محله بيت بيت



قبل أشوفك من وصوفك غير فكرك مافتني
وبوجودك مثل جودك لاسمعت ولارأيت



جيت أبطويلك مسافات الدروب اللي طوني
ماعنيت إلا لوجهك بس كني ماعنيت



خطوتين من الكويت لي بحر جده وجمعني
مع سموك ياسمو المجد يافيصل وجيت



والقصيد إن مارهنته تحت كفينك رهني
لأن لو للطيب مبدأ فأنت أول من بديت



أنخلق لله وجودي وانخلق لرضاك فني
لوتحب أكتب كتبت ولو تحب أمحي محيت



وشبغيت أمر تمنى لايغرك صغر سني
شايف أنجوم الثريا جبتها لك لو بغيت



لو بعيش أعطي كفوفك مثل ماكفوفك عطني
لاتحسب أني بوفي لو عطيت ولوعطيت



أشهدني ماوفيت ولو وفيت أنشهدني
قلت عن نفسي مقصرواشهدني ماوفيت



لأنك أغلى من عروقي والوريد اللي سكني
واعتزازك تاج يبقى فوق راسي ماحييت



لأختلف فيك شخص لازم أخلف فيه ضني
وأن رويت الماي بروى مثل ماأضمى لاضميت



وأنزعلت أزعل وأبرضى لارضى قلبك لأني
واجب أزعل لازعلت وواجب أرضى لارضيت



انت مثل البحر تعطي والعطى ثقل وتأني
بس هو يعطي وياخذ وأنت ماعمرك خذيت



محتفظ بأسمى صفاتك ومتبنيها تبني
وأمتداد الملك خالد معدن وصوره وصيت



كن الارض تقول يوم أقدام خلق الله وطني
بعد رسله والصحابه أنت خير اللي وطيت



ياطويل العمر لولا المستحى لتمل مني
وقالوا إن لم تستح من شي ففعل ماشتهيت



ولا أنا لولا الملامه والنصيب اللي حضني
كان مسري من محلك لين أشوفك سريت



لو ينال المرء بأدراك المطالب بالتمني
كان أجل هموم قلبي تنتهي لو قلت ليت



مغترب جيت متعني لك ولاني بمتعني
وقتها كني رحلت من الكويت الى الكويت



بس والله يوم جيتك ياطويل العمر كني
زاير الشعب السعودي في محله بيت بيت



قلوبنا معكم

فمان الله يالشعب السعودي يا ذرى الاسلام
نودعكم بأمان الله ولا ودي نودعكم



على ان نلتقي معكم على يومٍ من الايام
وحنّا لو تركناكم تعيش قلوبنا معكم



كرمكم في ضيافتكم على صدر الجميع وسام
مثل ما تصبح الكف الكريمه رهن اصابعكم



طبايع والطبايع مجد لو مرت كثير اعوام
عساها للعمر تبقى ولا تفنى طبايعكم



فخر الامجاد


ياطيب شوف مروتك مع هل الطيب
كانك تبي تعرف اصول المروه



طالع فلاح وتقطع الشك والريب
خلك معه واللي يسويه سوه



إذا المراجل عندك تحظر وتغيب
تغيب عندك وتحظر مع سموه



هذاك ماتحسن به الظن وتخيب
راعي جميل وخوته غير خوه



اسلوب طيبه غير كل الاساليب
حموته ماهي مجرد حموه



فعله لحاله طلع براسي الشيب
بأسبوع جدد نظرتي للإخوه



تسمع سكوته تحسب ان الحكي عيب
تسمع كلامه ماتحسد المفوه



ان كانها بالمرجله والمواجيب
أعز من شبت على الارض ضوه



فلاح شوق المترفات الرعابيب
تفخر به امجاد العلا من علوه



واثق بخلانه ثقة عالم الغيب
ويوفي بميعاده ولو مع عدوه



النو يسرق من يديه التراحيب
ومكارمه تسرق من الغيث نوه



واغلا صفاته جابها بالتجاريب
وطهر سماته من سمات النبوه



ان جيت له بالطيب بيجيك بالطيب
ومن جاه بالقوه يجيله بقوه



اصلا حلاة الآدمي سهل وصعيب
مثل البحر يخفي غضبه بهدوه



مدح بغير عيال زايد عذاريب
الطيب نابع من حنان الابوه



ياطيب لو كثرو عليك المعازيب
واحترت بين مزبنين الجلوه


طالع فلاح ويطلع براسك الشيب
خلك معه واللي يسويه سوه



إذا المراجل عندك تحظر وتغيب
تغيب عندك وتحظر مع سموه

تابع ( 4 )

الفيصلي

--------------------------------------------------------------------------------

في ظلال الله ساعة لا ظلال الا ظلاله
يالامير الفيصلي الوافي العف الامين



ياعناوين المروءه والشهامه والشكاله
يالرحيب اللي قريتك في وجيه الطيبين



خص مني بالكويت لفيصل الخالد لحاله
دون خلق الله وغيره من جميع المسلمين



يوم غيرك عن عطى يمناه ما تقوى شماله
انت طبعك بالعطايا كل كفينك يمين



قدرك اعلى من سفوح المزن واكرم من هماله
طيب والطيب يبقى لك على مر السنين



انت عنوان الرجوله وانت نبراس العداله
وانت للمحتاج يمنى وانت للعيا جبين




دامك الله يا ذراع المبتلي يا راس ماله
وعزك الله للصعاب وثبتك دنيا ودين





والله اللي عزنا بالدين من بعد الجهاله
حيث كنا خير امه اخرجت للعالمين



ويا صلاة الله على اللي بلغ وأدى الرساله
سيد الامه امام الأنبياء والمرسلين



وبعد ذكره في صلاتي لي ذكروا صحبه وآله
قلت : صلى الله على آله وصحبه اجمعين



المملكه عندنا غير


يا طير غرد وازهري يا نواوير
يا شمس طلي وانزحي يا غمامه


ويا نفس زفي للوجيه التباشير
ويا جفن كف من البكى والندامه


من هالدقيقه ما للأحزان تبرير
برجوع ابو خالد لنا بالسلامه


مادام سلطان الكرم حي وبخير
معاد ننشد لو تقوم القيامه


بشت يذري عن عجاج المعاصير
ووجه يرد ارواحنا بإبتسامه


وكف يجود بلا حدود ومعايير
وشهامة ما بعدها من شهامه


اكرم من اللي ماخذ الجود تبذير
واصدق من عتاب الخوي في خصامه


واشد من ظرب السيوف الشواطير
واجل من وصف يحدد مقامه


سلطان ياقرم يقود الطوابير
ياسيد الجيش السعودي وإمامه


ياشوق تلعات الرقاب الغنادير
يا منبر الدين الحنيف وحسامه


جيتك وفي صدري وطن من تعابير
وبخافقي حب الكويت وغرامه


لان الرفيق يحن ويحس ويغير
والصف الاوحد مستحيل انقسامه


شعب الكويت يكن لك كل تقدير
ويبلغ الشعب السعودي سلامه


ويعاهدك مهما تدور المقدير
نبقى لكم مثل الفشق في حزامه


لأن قدر المملكه عندنا غير
المحترم يفرض عليك احترامه


واللي يوفي بألتزامه مع الغير
عيب علينا ما نحفظ التزامه


ياجارنا اللي ما حصل منه تقصير
يا كبر دروع اهل الجزيره ظخامه


ارض الحرم .مهد الكرم.منبع الخير
طهر الظبا.ستر العبي واللثامه


يا قصة الكوثر ويا زمزم البير
ويا موقع اقدام الخليل ومقامه


اغلى ثرى تاطابه الرجل وتسير
واكثر عباد الله ورع واستقامه


ان كبروا هز الفضا صوت تكبير
ولسجودهم في ناصيتهم علامه


طول اللحا لوقارهم زود توقير
وقصر الثياب ابهم جمال ووسامه


اصحاب نهج ودينهم دين تذكير
وآمالهم تبني وطن من عدامه


لأن العمل يجمع شعوب وجماهير
عمر الجهل ما عز للدين قامه


ومن يدعي الاصلاح لأغراض تدمير
ماظن للرحمه صله بأهتمامه


الموعضه تيسير ماهيب تعزير
وحنا نميز بالحلال وحرامه


ما للهدف من قتل الاطفال تفسير
وصبر على فعل الجرايم غشامه


اكثر من اللي صار وشعاد بيصير
المسأله وصلت حدود الكرامه


مالله خلقنا في سمانا عصافير
والحمد لله مالنا بالرخامه


جهالنا عند المواجه مغاوير
وافعالنا صبر وثبات وجزامه


يوم الظعيف ببالشديده معيثير
حنا ليا ضاقت نطش العمامه


نفزع بوجه المدفع بسيف وبعير
ولا عاش فينا من يرد بكلامه


يامير ما يلحقكم الشك يامير
ولا غيركم يا اهل الزعامه زعامه


الله مدبر فيكم العدل تدبير
ومعكم يسود امن البلاد ونظامه


وإن كان للفتنه على الشعب تأثير
يمكن تزود وحدته والتحامه


الحكم حكم الله ولا فيه تغيير
ودوامكم ياسيدي من دوامه


والله لا عنتر ولا سالم الزير
يقدر يزعزع بأرض الاسلام هامه


دام الفهد طيب وابو متعب بخير
والنايب الثاني رجع بالسلامه


هلت على الشعب السعودي تباشير
وقامت على حزب الضلال القيامه



أثني عشر شهر



التحدي والتصدي عادة القلب الصبور
والصمود اقرب مسافة لكن الفترة دهر


والخساير عاندتني حوطتني بلف سور
والخيانه للامانه زودت قلبي قهر


كنت ابقدم للنهاية لكن الدنيا تدور
وقفت وياي ليلة وكتمل ضدي شهر


كل ماطلت الحقيقة وامتلا قلبي سرور
طاولتني من عذولي طعنة وسط الظهر


حرت اميز في دروبي بين نار وبين نور
بين هجعة ليل ولا صحوة اجفان وسهر


خانت ظنوني وعيوني خانني ذاك الشعور
اقطف الشوكة بكفي واحسب الشوكة زهر


مشتهر بلسان صادق ماحكيت الصدق زور
ولا حكي عني لساني ولا جهرت ولا جهر


كم كتمت السد وافي خايف اعصابي تثور
لين باح السد لما مدمعي بان وظهر


ولا طوت رجلي مسافة ولا اثر فيني شهور
ولا كوت قلبي حريقة ولا طفلي ضوى نهر


معتري درب النهاية بعبر ضفاف البحور
واشبك الدنيا بكفي وادفع ايامي مهر


ودام هذا عنفواني واضح بين السطور
من يلوم الدرب فيني لو قهرته او انقهر


وبتدى مرة جديدة ودام انا قلبي جسور
تجربة والعمر مرة والسنة اثنا عشر شهر



قصة حياة


جتني ظروف للكدر مستعده
قامت تحدد لي الاحزان ميعاد


مرة مع حظي ومرات ضده
واليا تكدر خاطر القلب تزداد


في دنية خلقت على الناس نده
مردودها للخير تجرح واجهاد


إتجي على المظلوم وتبيح سده
واتجي على الظالم تساهيل وامداد


والصدق فيها ما لقى من يعده
والكذب يلقى له مع الناس شهاد


واللي فقد حق عجز يسترده
يصبح على تسديدة الدين معتاد


ومسكين من راد الزمن يستبده
عيت عليه اقدار الايام تنقاد


تطرح به الدنيا على القاع مده
مثل الفريسة والمقادير صياد


ضاعت حياته في لحاف ومخده
عدت عليه ايام بغفول ورقاد


وماله عن دروب الوعر من يصده
ولا هو عن دروب السلامات نشاد


تلطمه مو جات القدر فوق خده
وتخطي به الخطوة من بلاد لبلاد


حبله قريب وعاجز لا يشده
يحسب جميع الناس قاصين وبعاد


عاند حياته لو حياته تحده
وادى سنينه كلها عناد بعناد


إصحى من الغفلة ترى العمر حده
للوقت سجاته وللموت ميعاد


وهذي هي الدنيا تجي مستجده
تلقا بها المازح وتلقا بها الجاد


قصة حياة ومننا مستمدة
ويلزمها تنفيذ وإخراج وإعداد


عشنا على كف القدر فوق يده
الله خلقنا عباد ونفني له عباد


ولا حاصل للحي ماكان وده
ولا حاصل للي يموتون ميلاد


ويكفيني اني من ظلوه الموده
ومالي مع الخسران بالدين مقعاد


وإن جتني الغفلة علي اوقات شدة
اصبح لها صداد والقلب صداد


وتقدير ربي مالنا في مرده
ومعارض لتقديره إشراك والحاد



كحيلان


يا شعر تبقى في نظرهم كحيلان

وبنظرتي تسوى عيال الحمايل


حنا الاثنين اخوان واكثر من اخوان

لو ما اجتمعنا بالنسب والسلايل


لو نختلف بأسماء وعروق وأوطان

يبقى التشابه بيننا بالخصايل


وانا ليا مني نويت أكسب إنسان

أسعى له بكل السبل والوسايل


أعرف كيف ارد الاحسان باحسان

وكيف احصد بذور الفضايل فضايل


عايش زمن عاصرت به كل الازمان

ما اعيل بس انطح ثمانين عايل


اكسب عدو واحرق به قلوب عدوان

اشعل فتيله بس أطفي فتايل


إن خفت ضعف أخاف من ضعف الإيمان

وإن عفت حمل أعاف حمل الجمايل


ما أضمى على الساحل ولو مت غرقان

لو مركبي تابوت والموج هايل


أغرق شهيد أرحم من أموت عطشان

طيحة شموخ ولا وقوف متمايل


ودك ليامن جيت في كل ميدان

لو ما انت الاول بالصفوف الأوايل


خلك ليا عودت خسران خسران

ينقال عنك عامل(ن) لك عمايل


لا صرت تحلم احلم تكون سلطان

وان جيت تقنع اقنع بحلم زايل


الوقت غربة وآخر الدرب عنوان

والعمر رحله والتجارب رحايل


وانا كثر مالي من الناس خلان

اللي صفولي بالشدايد قلايل


شايف حسد.. قل شايف اشكال والوان

قابلت ظلم.. الا لقيت الهوايل


وإن عشعش بصدري من الغبن شيطان

وتسددت دوني جميع الوسايل


بلقى من عيال الحمايل كحيلان

اللي يكفي عن عيال الحمايل


مرات ربك يرزقك خوة إنسان

واحد ويسوى في عيونك قبايل



رد السؤال

انتبهت لدمعها بالهدب والكحل سال
لين جفت عينها دمع والقاع ارتوى



وابتدت لحضة جفا ونتهت لحضة وصال
وأنطفى نور السعادة واحسب انه ضوى



ما اكتفيت من الهوى والغرام أربع ليال
واقفت أيام التلاقي وجا وقت النوى



كنت ابلسى وابتسم والتفت عنها شمال
لا قويت الصد عنها ولا قلبي قوى



ما هقيت ان الهوى عذب قلوب الرجال
لين ضاع القلب مني وتفكيري سوى



رحت أدور دفوة الشمس ضيعت الضلال
جيت اطفي شعلة النار والقلب انكوى



ماهقيت ان السعادة خيال في خيال
تروى قلوب الحبايب وقلبي ما روى



كنت ابشتال الهوى والهوى ثقل الجبال
وان تحملت الجبل ما تحملت الهوى



كنت ابسلى بالهوى والهوى صعب المنال
ما رضا لي حظي اللي طواني وانطوى



قلت لا فراحي تعالي ولا قالت تعال
والخفوق ان قلت ابقبل على صدي نوى



الله أكبر لا شرقت شمس يتلاها زوال
كيف ابفرح في صباح مع الليال استوى؟



لاحصل بالحب قسمة ولا جا لي مجال
غير اشوف معاند الجرح وعناد الدوى



شبت النيران واقفت وجاء رد السؤال
ما تشب النار يا كود يوصلها هوى



وش اللي يجبر الشاعر


انا والليل والعبرة وجرح وخاطر ٍمكسور
ونفس من هجير البعد والحرمان مقهورة

وقلب ظامي لشوفك ولايروى ظماه بحور
وعين تحتري لحظة غياب الطيف وحظوره

ونار تنطفي مره ومره تشتعل وتثور
واقول النار مقدورة وهي ما هيب مقدورة

حسبت الليل بغيابك يمرن الليال دهور
وكني شايل بقلبي ليال الوقت وشهوره
تصبرت وتقدرت وبنيت من الخيال قصور
إلين ان الجفا شد الركايب وانتهى دوره

تحريتك على درب القصيد من ثلاث شهور
وحشا ما مات لك غصن يشف الماي بجذوره

تخيرت الغرام وجيت لا راضي ولا مجبور
وجيتي تسبقين خطاك مرضيه ومجبوره

وانا ما كان لي رغبه أبين واكشف المستور
ولكن الجمال أكبر من الخفاق وشعوره

جمال وود وعيون ودلال وكبرياء شعور
وفتنة تخذل عيون النهار وينطفي نوره

ولك في خافقي صوره تلاشت بين ضي ونور
وأخاف اسكت من الفرحة وتنطق باسمك الصورة

عرفتك وانتهت رحلة قساوة دربي المهجور
والا يا جملة أيام الجفا والصد مشكورة

خذتني للجفا عزه واخذني للعناد غرور
واخاف اكون بعنادى حبيب ومات بغروره

وإذا كانت مسافات الخيانة للغرام قبور
وش اللي يجبر العاشق يخون ويحفر قبوره؟

وش اللي يجبر الشاعر يدور للشعر جمهور؟
مدام انتي محبينه وعشاقه وجمهوره


أهل الجنوب

وعيني اللي كل ما ذعذع من الغرب هبوب

يحلا لها لون الغروب اللي يذوب قبالها


ويا ويل حالي كل ما يحلالها لون الغروب

تطري لي الريم اللعوب وسالفة ترحالها


وعز الله اني كل ما تطري لي الريم اللعوب

حرمت امد ايدي على حاجة وانا ما اقوالها


من سافرت ريم الفلا صديت عن كل الدروب

ما هو قصور بالعذارى بس ذيك لحالها


من فارقتني ما خطف قلبي من الحور محبوب

ولا لقيت الجادل اللي تستحق احيالها


لأن القلوب ان ما وفت لأحبابها ما هي قلوب

والعشره اللي ما ترد الروح ما نسعى لها


إما الوفى اللي يستر الرجّال من كل العيوب

والا الجفى اللي يستر عيوب العرب في رجالها


ما اقسى من فراق الجنوب الا فراق اهل الجنوب

ويلي على اللي كل ما تزعل تشد رحالها


اللي مذيره العتب لا شبت بصدري شبوب

عييت اراضيها وهي عيت تطول بالها


كانت معي مثل النصيب يحدني من كل صوب

كانت دروبي من متاهات الظلل لظلالها


كانت هروبي لا شعرت اني بحاجه للهروب

كانت سماي اللي ليا ضاقت علي ألجالها


ليه اتحداني وانا في كل الاحوال مغلوب

ليه حرمتني من قهر عذالي وعذالها


ليه اتجاهلني وانا لاني جبان ولا كذوب

ليه ارخصت دمعي وانا اللي ما بكيت الا لها


ما ترحم اللي له سنه كأنه على النار محطوب

ما هزها دمع الفقيد اللي بكته أطلالها


ما خافت تهدم السنين اللي بنتنا طوب..طوب

ما فكرت تشفق على حالي وترحم حالها


قولوا لها لو ما تذوب انا بخليها تذوب

قولوا لها لو ما عنت لي مستعد اعنالها


إليا ادمحت لي هالخطا بدمح لها كل الذنوب

وإن جابت الحسنى معي تبشر بعشر أمثالها


أفرش لها صدري وطن وأجمع لها ضلوعي شعوب

وأرقى لها المكانه اللي ما حد(ن) يرقى لها


إن كاني مخطي فأنا ماني خليّ من العيوب

الذنب يغفر والبشر تجزى بقدر أعمالها


البعد قاسي والفراق يضيق الصدر الرحوب

وانا تعبت ادور الحيله وارد احتالها


قولولها ترجع ترا ماني على الحزن مغصوب

وإلا ترا نذر(ن) علي انه ماهو ب أشوالها


إما تجنب هالهبال وتترك البعد وتتوب

والا بتبشر بالهبال اللي ما هو بهبالها


كافي زعل ترا الظروف مقفله من كل صوب

وأنا حملت من الهموم انواعها واشكالها


يكفيني اني كل ما هبت على صدري هبوب

تحن عيني للجنوب وتلتفت بلحالها


والمشكلة اني كل ما حنت عيوني للجنوب

تطري لي الريم اللعوب وسالفة ترحالها


وعز الله اني كل ما تطري لي الريم اللعوب

حرمت امد ايدي على حاجة وانا ما اقوالها



لا قبلك ولا بعدك سعد


أمسحوا دمعات الأعيان وارموا بالورود
وأزرعوا بسمات الاشواق بأطفال المهد


وأبشروا واستبشروا واستمروا بالصعود
وابتدوا مرة جديدة على نفس العهد


واستعدوا للقا حين غايبنا يعود
يوم شرفنا بعد طول غيباته سعد


اسفرت لك وأنورت وستهلت بالرعود
وامطرت لك من حشا المزن هتان وبرد


ياولي العهد ياشيخ يانبع الصمود
ياحكيم المعرفة ياسناد وياسند


لايقربك المرض للخمول وللركود
ولايزعزع قلبك الصلب حساد حسد


المرض يب ينجلي يوم يالقلب الزهود
قدرة من خالق الكون والفرد الصمد


مالنا عن قدرة الله وافعالة صعود
مؤمنين ولم يكن للولي كفوا أحد


داعين ربنا بالركوع وبالسجود
مشغلين اقلوبنا بالوعيد وبالوعد


مستخيرين العمر فيك وافين العهود
مرخصين بعزمنا لجلك روح وجسد


بالرخا شعب على حق وبالشدة جنود
وبالعطا حنا على الطيب للطالب مدد


ما وطينا روسنا للجبان وللرشود
ومايهز شعورنا لابريق ولا رعد


حاميين ابلادنا من الحدود الى الحدود
ولو يزيدون العدا بالعتاد وبالعدد


تحت ظل الي عن الشعب وبطاله يزود
قايد الفرسان للمجد ربان البلد


الأمير اللي على الحق والعزه يقود
جابر اللي لآخر المجد والهامة صعد

وصرخة تملي لك الكون لأطراف الوجود
وصرخة من قلب شايب وصرخة من ولد


اشهد انك ياسعد قد ماقلت وقدود
ولا سعد قبلك ولا فيه من بعدك سعد


الأسرى


دار الزمان وجت ازمان وازمان
ساعه بعد ساعه وحين بعد حين


عشنا الحياه افراح وجراح واحزان
حتى نهايت عام تسعه وتسعين


كل تحرى عام الالفين شفقان
متلهف للقرن واحد وعشرين


يمكن تعبنا ظلم وهموم واشجان
ويمكن قلبنا بالظروف الموازين


صرنا انتناسى همنا قدر الامكان
نسعى ورا جمع الذهب والملايين


نستقبل الغلطة من كفوف غلطان
ونتاجر بدمعه قلوب الضعيفين


ماهمنا غير الدعاية والاعلان
ماكننا شفنا القهر شوف بالعين


ماكننا نفقد من الشعب شجعان
وانا لنا اسرى في سجون الحقيرين


ساعه وقفنا للخديعه بالايمان
واستضعفونا من بعدها كثيرين


عشرة سنين وانقضت دون نقصان
من ليلة الغزو العراقي لي هالحين


وحنا وقف شعارنا تحت عنوان
متى على الله يطلقون المساجين


ضاع العمر والناس رابح وخسران
وضاع الامل ما بين باكر وبعدين


عشنا نقص لسان ونجامل لسان
نضحك وتطعنا ثمانين سكين


ونضيع حقوق العروبة بنكرران
مابين عقال العرب والمجانين


وان كانت الجيرة تجافي وتنهان
ملعون ابو جيرة بيوت الحقودين


للظلم ميدان وللعدل ميدان
وللحق ناس وللعروبة قوانين


وصدام عاش العمر مذنب وخوان
ومعاهداته مع وجيه كريهين


لايعرف اخلاق ولا يعرف احسان
وما مسح كفوفه على راس مسكين


ساق التعالي للتواضيع بحقران
من دمر ايدينه بدم البريين


إستعبد شعوبه على نهج علمان
من يفصل الدولة عن الشرع والدين


شيطان لا ماينوصف وصف شيطان
ماكنه إلا من عباد الشياطين


وما سادت الغلطة على كل الاحيان
مادام لظروف المواقف براهين


وان كانت الدعوه حكومات واوطان
حنا لنا حكم من اسنين وسنين


لنا شيوخ تعقل الانس والجان
ماهي علوم المقبلين والمقفين


للحق طلابة وللشرك عدوان
وللجود جود وللعطا مستعدين


وللصد صد وللوصل حبل شريان
وللخير درب وللمكارم كريمين


وللسلم حلاله وبالحرب فرسان
وللضيم درع وللزعامه سلاطين


يا أم الاسير استبشري بالعرب كان
باقي على عرش العروبة عريبين


مثلك نذوق الحزن بأشكال الوان
وصرنا نعاني مثل ما انتي تعانين


ومادام قالو لامس الجرح وجدان
لازم يجي يوم وتتفجر براكين


يا أم الاسير الناس للناس خلان
وقت الشدايد كلبونا قريبين


حنا عيالك كلبونا له اخوان
واكثر من اخوان قراب عزيزين


لاتفقدين ادنى امل لجل حرمان
وان قالها الله ابيرد وتشوفين


وتجين ولهانه اذا جاك ولهان
ساعة تضمينه بصدرك وتبكين


ويقولك يمه اذا قلتي فلان
وتصير فرحة في جميع الميادين


بحق من نزل من المزن هتان
قولي معاي آمين وآمين وآمين


هذيك والله فرحة انسان بنسان
ماهي بفرحة قرن واحد وعشرين


خطاك السو

--------------------------------------------------------------------------------

لأن الدمع ما يسخي عطاه إلا على الأحباب
ترى ما للهدب دمع صدوق إلا مع أحبابه



ومدام أن الدموع أصدق تعابير الحزن بأهداب
حرام أن الدموع تجف طليلة فترة غيابه



هذاك اللي شعل شمعة ضوت كل الدروب وذاب
فقد رمل الوطن دوسة قدمه وعطر ترحابه



فقده من الثرى ضيق وتراحيب وسهل وهضاب
فقده من الوطن حتى عذوبة ماه واعشابه



يغيبه المرض عنا وكنه بيننا ما غاب
بعيد وشعبه الوافي عليه أقرب من ثيابه



سكن باهدابنا حتى يلامس رعشة الأعصاب
فرش بدروبنا قلبه ولف الشعب بأهدابه



تضيق ابنا الدروب ونرتجي في وجهه الترحاب
حشا كن الشوارع ماتمر إلا على بابه



من أول ما حكم وأسس ومسس للثبات أطناب
سجد قلبه على ملة رسول الله وكتابه



غرس فينا الوفا نبته مثل ماتنبت الأعشاب
وقال إن الثرى له حق نشقى له ونشقى به



وطن ما به وطن غيرهولا غير التراب تراب
مادام الله خلق دون البلاد سباع وذيابه



عرفت أنه يهاب أنه يهاب وما يعرف يهاب
يحفظ الدار يوم الجار ثار وكشر انيابه



وقف للعالم بأسره وقوف الفاقد الطلاب
خطب خطبة شجاع وفزز التأييد بخطابه



عتق دمعة فرح تلبس لميعاد الرجوع ثياب
حشا كن الدموع تعرف علم الغيب واسبابه



خطاك السو وعيون الحسود وهرجة الكذاب
وتعدتك المنايا يا ظلال الشعب وحجابه



فبعدك يا طويل العمر يبقون القراب أغراب
وترى يا شيخ ما كل القلوب البيض تتشابه



يقولون الغلا واحد وأنا قايل: شجاب لجاب؟
هذاك الشيخ جابر غيرذاك الشيخه أولى به



هذاك اللي فقد لذة منامه لأصغر الأسباب
هذاك يموت ما خيب هقاوي من تهقوا به



هذاك إن لد للعذرا تغطرف له ولع وإعجاب
هذاك اللي أسر عشق القلوب بطرف سبابه



هذاك اللي من أفعاله عجز في مثله الا نجاب
كأن الله منع بعده يجي شخص يتحلى به



هو اللي شتت جموع الضياع وولف الأحزاب
هو اللي جفف دموع اليتيم ويتم صوابه



هو أول من حما شعبه من طعون الزمن وأ نصاب
هو اول من نذر نفسه يرد الحق لاصحابه



كأن الله خلق بينه وبين المستحيل أحجاب
فلا يعرف محال إلا يكون أسهل من صعابه



أبو مبارك تطامن له خشوم وتفتديه رقاب
عريب إن ما زها بالمجد كان المجد يزهابه



ودام الله خلق فينا جماعات وأمم وأنساب
أبي هو بالجود انساب خلق أكرم من أنسابه؟



تحلى بالصبر يا شعبلا تحزن ولا ترتاب
ترى شعب الكويت أكبر من ان الشك ينتابه



وعساكم أن تحبوا شيء كرها يا ألو الألباب
وعسى أن تكرهوا شيء وهو خير لطلابه



نبي نصبر على كربه ولو أن الصبر غلاب
عزانا للبلاد أنه بيحيا له ويحيا به



ومثل ما قد سجد بأرضه لوجه الباري التواب
بعون الله بيرجع له وبيسجد على ترابه



وتطير من الفرح بسم السلام من الحمام أسراب
بعدها تكتمل فرحة رجوع الشيخ الأحبابه


وعسى رب السما يفتح لدعوات القلوب أبواب
وتكون أصدق دعاوى شعبه ملباه ومجابه



ولأن الدمع ما يسخي عطاه إلا على الأحباب
حرام أن الدموع تجف طليلة فترة غيابه


فراق الاكابر

الله يعين العقل ويثبت الدين

في حزن لا منسي ولا هو بعابر

بصدورنا كأنه طعون السكاكين

وفعيوننا مثل الكفن والمقابر

حنا حزنا لشيوخ البعيدين

واشلون ما نحزن على الشيخ جابر

يا اكبر غلا تدمع على شانه العين

يا اعز من ناحة عليه المنابر

يا متعب بعطفك شموخ السلاطين

ومثبت بزهدك سمو المخابر

يا من خلقه الله وطن للمساكين

يا اصدق قصيد سيلته المحابر

رحت وتركت محبتك عندنا دين

علمتنا معنى فراق الاكابر

يا سيدي نلقى مثل طيبتك وين

وانت اللذي تكبر وغيرك يكابر

ان غاب جابرنا يجي جابر منين

واحنا ملاهيفك مثل ما انت خابر

حنا يبكينا فراق البعيدين

واشلون ما نبكي على موت جابر


مفارق الفرسان

سلها سيف القدر والقرم حول عن حصانه

عظم الله أجر كل الأوفياء المخلصين

من رحل نبض القلوب اللي غمر شعبه حنانه

ما بقى للناس نبض ولا قلوب ولا حنين

عيب ما احزن والوطن يدفن جسد من عز شانه

عيب ما احزن والحزن لمفارق الفرسان دين

كيف ما نحزن لسيف عز دين الله وصانه

كيف ما نحزن لدرع من دروع المسلمين

كاننا ما نحزن لجابر من بنحزن عشانه

العيون لو ما بكت لمفارقك تبكي لمين

إن رحل حاكم يجي مليون حاكم في مكانه

بس جابر اليا رحل يرجع لنا جابر منين

يا منجي عزة الشعب الكويتي من هوانه

يا مسجي فطرتك في نهج خير المرسلين

كل دمعه كفنتك وما بكت بعدك جبانه

كل عين ما شكت من غيبتك ما هي بعين

كان لك في كل درب احباب واصحاب وميانه

وكل لك في كل بيت انفاس واحساس وضنين

كنت صبح ما تعلمنا الفلاح الا عشانه

كنت صرح ما تزعزعك الرياح وما تلين

بانتصارك زادت امجاد العرب قدر ومكانه

من ديارك فاض خيرك للمخاليق اجمعين

مع قرارك ادرك التاريخ من يطلق عنانه

عقب نارك ولعت نار القهر بالطيبين

إسألوا دمع اليتامى عن محبته وحنانه

إسألوا التاريخ قبله كان وين وصار وين

إسألوا مجد الوطن عن عهد من وحّد كيانه

إسألوا حزن البشر عن قصة الخير الدفين

إسألوا عن طيبته عن هيبته عن عنفوانه

إسألوا عن فزعته في نصرة المستضعفين

كيف حاكم يسكن الدنيا ويعمل للديانه

يثبت إنّا خير أمه اخرجت للعالمين

وش تكون الحكمه إن ما جات من منطق لسانه

من هم الزهاد كانه ما هو من الزاهدين

وش يكون الاتزان بجنب عقله واتزانه

ويش هو الدين لو هذا الوَرَع ما هوب دين

لا الوطن كأنه وطن ولا جنانه هي جنانه

كل شي بالبلد يا شيخ مكسور وحزين

شعبك اللي عاش فيك وعشت له بأمنه وأمانه

النهار اللي جمع من وجهك الطاهر جبين

الرحيق اللي زرعته في كفوف الزعفرانه

والغرام اللي تركته في ضمايرنا سجين

والسماحه والمروه والحميه والفطانه

والكرامه والكرم واهل الوفا والمحسنين

باب قصرك مسجدك منبره مأذنته أذانه

المصلين الصلاة المؤمنات المؤمنين

كلهم من يوم ذاك القرم حول عن حصانه

والدموع تهلهم في كل وقت وكل حين

لي متى لين الشعوب تعرف فضله وامتنانه

لي متى لين السنين تروح من دون السنين

لي متى حتى نحس ان الفرح مثل الخيانه

لي متى حتى نزين حزن عمره ما يزين

لين ندفع بالمدامع حزن لا يمكن دفانه

لين نغسل بالجروح آلام كل المسلمين

لين نثبت كيف كان بحبنا سيد زمانه

وكيف لما مات جابر مات مرفوع الجبين

كاننا ما نحزن لجابر من بنحزن عشانه

العيون ان ما بكت لمفارقك تبكي لمين

الزعيم ليا رحل نلقى زعيم في مكانه

المصيبة ليا رحل جابر يجي جابر منين


رسالة رثاء


جيت اخاطب صرح واحكي من مناره

جيت اجدد جرح حزني واستثيره

جيت اقاسم دين الاسلام المراره

جيت اجرد حزن امه من جفيره

جيت اصفق للتواريخ بحرارة

جيت اوثق ذكريات الالف سيره

عن صروح وعن طموح وعن ادارة

عن قيادة عن ارادة عن بصيره

عن وجود الحب عن صدق الطهارة

عن حنان الاب وعن رحلة سفيره

عن منارة كل بيت وكل حاره

عن خسارة كل دار وكل ديرة

عن رجل يصعب على الشعر اختصاره

عن زعيم قل من تنجب نظيره

لأنه اول من ثبت حبه لداره

ولأنه اكثر من غمر هالارض خيره

ولأنه اقدم حب يجمعنا شعاره

ولأن دنيًا ما بها زايد مريره

كل دمعٍ ما يساق له بغزارة

والله انه ما يساق لموت غيره

من رحل سبع الجزيرة عن دياره

ضاقت الارض بعرب شبه الجزيرة

يا ذراعٍ رد للطهر اعتباره

يا رسالة رحلة الخير وبشيره

يا سبب مجد الإمارات وعماره

يا ذرا كل الشعوب المستجيرة

يا صدارة ما بعدها من صدارة

يا مسيرة ما تعدتها مسيرة

غيبتك ضيعة وفقدانك خسارة

والقلوب بلا جناحينك كسيرة

الوطن يبكيك ليله مع نهاره

والبشر تنعى جمايلك الغزيرة

يكفي انك كنت للأمة بشارة

يكفي انك سيد الحلم واميره

يكفي انك واحد لسابع اماره

يكفي انك ديره بمليون ديره

من حدودك بدل العالم مساره

من رعودك بلل التاريخ بيره

من سجودك اثبت الدين انتصاره

بعد جودك صابت الحكام غيره

يا ملاذ لكل من لاذ بفراره

يا مجير لكل من جوره يجيره

يا مرسخ كلمة العدل بجدارة

يا ميسرها وهي قبلك عسيره

يا حضارة في زمن ما به حضاره

يا ضمير لعالمٍ ميت ضميره

من يعوض الخير عن غيبة وقاره

من يلوم العرض في راعي الستيره

من يطفي في ضلوع الشعر ناره

من يشتت عن عقول الناس حيره

عشت مثل الحب لا يمكن دماره

كنت مثل المزن غيره تحت خيره

كنت مثل الطيب نفرح بانتشاره

كنت بالنسبة لنا حاجة كبيرة

انت نورٍ ترفض الأرض اندثاره

انت غيثٍ يروي الدنيا غديره

انت جارٍ يفزع ليا ضاق جاره

انت سيره مثلها ما فيه سيره

انت غاية انت رايه انت شاره

انت خوّه انت قوّه انت جيره

انت كل المدح ما ينقص عبارة

انت كل المجد ما تبقى مسيره

باختصار انت الذي صعب اختصاره

انت تاريخك من أولته لأخيره

جيت أقاسم حزن شعبك وانهياره

جيت أبستفزع قصيدي واستثيره

جيت لك ببكي على القبر بغزارة

جيت أجرد سيف حزني من جفيره

شاعرٍ يكسب من وقارك وقاره

ويعتبر مصير شعبك من مصيره

من قناعة حب شعبك وافتخاره

افتخاره عن قناعاتٍ كثيرة

انك اول من ثبت حبه لداره

وانك اكثر من غمر هالأرض خيره

وانك اول حب عاشته الاماره

وموتك اكبر حزن عاشته الجزيره