المفارق


والله انى كنت ألـوم اللـى يضيـق أن غـاب خلـه
لـيـن جـربـت المحـبـه والـفـراق وقـلـت تـوبـه..

لعـنـبـو جـــد الـمـفـارق فـيــه هـــم وفـيــه ذلـــه
أثـر كـل الـحـب لــذه والـفـراق أكـبـر عيـوبـه ..

امــس فـارقـت الـغــلا ومـفــارق الـخــلان عـلــه
والعـلاج الوصـل لا تبلـش طبيـب ولا حبوبـه ..

الـزعـل هــو سـبــه الـفـرقـا يـهــز الـحــب كـلــه
ليتـنـى طـولـت بـالـى قـبـل لا يـعـلـن غـروبــه..

وآهني اللـى وسيـع الصـدر.. صـدره وسـع فلـه
غلطه الصاحب تجى وتروح ماهى بمحسوبه ..

عـارفً قــدره.. وقــدر الـلـى يحـبـه فــى محـلـه
ذاك نفسه لا حشا ماهى على الحب مغصوبه ..

ليش تحسب غلطه الصاحب على الصاحب مذله
ليش ماتحسب ميانه لـو تجـى عشريـن نوبـه ..

لا وربــى.. كـنـت أحـبـه حـيــل مـــادورت زلـــه
لا تشكـك فـى غــلاه ولا تسـاعـد فــى هـروبـه..

لايـمــى قـبـلـك تـعـبـت ألــــوم شــعــار الـمـجـلـه
وكنت مؤمن فى مقوله اعـذب الشعـر الكذوبـه..

وأثــر كـلـن فــى حيـاتـه لــه تـجــارب مستـقـلـه
وانت لا تشـره علـى مثلـى وتبـلا لـك بحوبـه ..

كــان جابـتـك.. الحمـيـه روح لــه تكـفـى وقـلــه
لا يخلـيـنـى واذا وده يـخـفــف مــــن ذنــوبــه ..

يستـخـيـر ولـــه غـــلا قـلــب صـــدوق مـايـمـلـه
فـدوة لـه كـل قلـبـي مــن شمـالـه لــى جنـوبـه..

يــوم قـفـى والخـفـوق يـفـوح عقـبـه فــوح دلـــه
وسط وقدرة واحد عز الشتـاء والسهـر دوبـه ..

لا تـقـهـوى بـــارده مـــن بـــرد فنـجـالـه وزلـــه
ثـم قربهـا علـى جـال الجمـر وأرهــى شبـوبـه..

ويـــن يـدلــه هالـخـفـوق وكـــل مـايـدلــه يـتـلــه
طاري اللى ياكثر ماأتعبـت رجلـى فـى دروبـه..

لا طــرى جـريــت ونـــه مـــن بـــلاده مستـحـلـه
مثـل ماراحـت بـلادى مــع شـعـارات العـروبـه..

كــل هـاجـوس يجيـبـه جـعـل شـعـرى فــدوة لــه
وأعـذابـى كــل ماجـبـت لـــى الجـبـلـه هـبـوبـه..

مشغـلـن قلـبـي يـحـبـه دون خـلــق الله مـــن الله
هيه ياللـى ممتلكنـى حسـن وأسلـوب وعذوبـه..

ماسمعـت ان الخـوي لـه بالخـوي تسعـيـن زلــه
وانــت طــوف زلـتـى يـاعـل تـفـداك اللـعـوبـه ..

صاحبي سيف الهجر لا صرت تقـدر لا تسلـه -
ماتظـن ان العفـو عنـد المقـدره اكبـر عقـوبـه ..

ايه انا اللى كنت ألوم اللى يضيق ان غاب خلـه
لـيـن جـربـت المحـبـه والـفـراق وقـلـت تـوبـه..



مات الجـــمر


مات الجمر فيني وقلوب الاحباب حيه
والموت لا ماتـت قلـوب الحبايـب

يا شيشتي لو فيـك ذنـب وخطيـه
معاك احس اني عن النـاس غايـب

العام كانوا لي من الاصحـاب ميـه
وقت الرخا لكـن جفـوا بالنوايـب

لا هنت يا قلـب شكـا مـن خويـه
كم راس من طعنات الاصحاب شايب

مرات اقـول ان الخبـل يـا هنيـه
ولقيتهـم يشكـون ظلـم القـرايـب

ومرات اقول النـذل لا رحـم حيـه
واثر النذل في بعض الاوقات صايب

يا نفـس شيليهـا علـى السامريـه
شيلت طرب ما عاد فيهـا طلايـب

وش لـي بتنيهـه القلـوب العميـه
وحنا فـي هالدنيـا دروب وركايـب

ابتغـزل فــي هـذيـك البنـيـه
بنـت تفـل القلـب فـل الذوايـب

كـم بعثرتنـي وجمعتنـي هنـيـه
بنفس المكان اللي جمعنـا غرايـب

يا ضعفهـا معهـم وعنـدي قويـه
منها غـدى ثلثيـن قلبـي خرايـب

مرباعهـا بيـن العيـون الشقـيـه
ومقيضها بيـن الجـروح العطايـب

ما قـول يذبـح زينهـا بـس هيـه
تلفت لها قلـب عـن الحـب تايـب

ولا قول مغـروره ولا هـي خليـه
فيهـا دلـع طفـل تبنـاه شـايـب

جمـال نـجـد وفتـنـة حايلـيـه
وش جمـع الثنتيـن فيهـا عجايـب

اليـا قبلـت بيـن حسنـات وسيـه
يا كثر ذنبي بين طيـب وغصايـب

وليـا دبـرت فـي دمعتيـن نديـه
قلب معاها وقلب في الصـدر ذايـب

راح العمر ما بيـن روحـه وجيـه
يا كثـر غلطاتـي ولا نيـب هايـب

شب الجمر مـا دام الاشـواق حيـه
وطف العتب والعمر ضحك ومصايب


بس لــحـــظـــه


بس لحظه يامهملنـى ونـاوى فـى غيابـك
------------------ دامك اللى ناوى الفرقا باأقول اللـى باأقولـه
أنت يعنى لانويت تغيب باقـف عنـد بابـك
------------------ لاوربى تاقف الدنيا وأنا " تأبـى الرجولـه "
ماتعودت اتبع المقفى ولو حضـرت جنابـك
------------------ رح عساها خيرة والدرب لك عرضه وطولـه
روح لاجابك امجيب الغيم واترك لى صوابـك
------------------ جيت حلم ورحت حلم تشبه احـلام الطفولـه
ماأنت بأول من طعن هالقلب والدرب انتهابك
------------------ ياثقل خطواتـك البـارح وهالليلـه عجولـه
باغى الفرقا جعل ربـى يعجـل فـى ذهابـك
------------------ بايع قلـب لـك الله كنـت ماتحلـم تطولـه
من يلومك..؟ شايف حالك وف.. بداية شبابك
------------------ طاغى تجرح قلوب الناس تحسبهـا بطولـه
بسألك: كم واحد قبلى هقابك واشتقـى بـك؟
------------------ أنت ياللى نظرة عيونك قبل عرفـك خجولـه
ياكثر ماكانـت ظنونـى دخيـل الله تهابـك
------------------ بس اكذبها واقول اوهـام والقلـب وميولـه
اثرك اللى تستلذ ان ذاقـوا العالـم عذابـك؟
------------------ مشكله !! والمشكله هذى بسيطـه ومحلولـه
كان مالبستك الغيـره مثـل لبسـت ثيابـك
------------------ قل عوافى.. قل مثل غيره تركته وبسهولـه
واجد اللى مشتهين الوصل والخـط متشابـك
------------------ كان لك جوله ترى محاكيك له تسعين جولـه
لابغيـت تغيـب فـارق لاوربـى مادرابـك
------------------ شاعر ياكثر ماتـل القلـوب وصفقـوا لـه
لاهلا بك فى حضورك .. فى غيابك لاهلا بك -
------------------ رح مهف امقيط يوم مقيـط ودنـه رجولـه
باكر ان ماشفت غيرك جا يعوضنى غيابـك
------------------ قل حكى شعار ماتفعل ربـع هاللـى تقولـه


هاك كل القصيد


هاك كل القصيد اخذه مثل ماتبـــي ... والله اني اغبط الخاطـــــر المستريح

كيف لاجيت بكتب أحـــــترق بلهبـي ... شمعــة ماتحــس بعمـرها من تسيــح

كل شاعر ترى لو هو تشاطر غبي ... يطرب الناس شعره وهو جروحه تصيح

خذ قصيــد بدا قبل يخــــط شنبـــي ... يـــوم الايام كانت مثل ريضـــان شيـــح

أه ياليت تجمـــع بعـــثرة مكتبـــي .... والله اني نويت أبني لشعري ضريــح

جم كتبت واكتبت ولا وصلت اطلبي ... مدري العيب فيهم اوبطبعي صريـــح

كن الايام برد وهالقصيد أحطبــــي ... الاماني رماد وها التوافيق ريــــــــح

بدل الوقت شكلي ولاقوى مذهبي ... وادري ان الاماني به الزمن من صفيح

سهل ويا الصديق وللردي مصعبي ... دون طيحــة خويي والله اني لطيــح

هيه يامن تفتش دفــتري وشتبــــي .... كل بيت يمــرك اعــرف انه جريـح

وكان ماكفاك شعري يخلف الله تعبي ... مايخلد ويبقى الا القوي والصحيح

يالقصيــدة تثنــي واطربــي والعبـي ... في زمان بوجهه اللي هقابه شحيح

دامهــــا بالبدايــه للنهايــــه حبــي ... لايغـرك قــوي العــود باكــر يطيـح


يالــــشـيـح


ماجيت منك وخاطري فيك يالشيح
ماجيت منك الا وانا خالصٍ منك

طرت على قلبي طواري المراويح
للديره اللي شوفها يعوضني عنك

الله اكبر كن مالك مساريح
بفياضنا ذي جرتك ذا تفننك

ماكن مريتو قنوصٍ مصابيح
من كثر صيدي عقب الامحال مسمنك

ودعت بك ربعٍ كرامٍ مفاليح
بعيونهم عشقٍ قديم لمواطنك

وانا دموعي مثل دمع التماسيح
ياموطني يالله عسى الخير يسكنك

يرزقني اللي منشي السحب والريح
وبلٍ يخلي كل روضٍ يجننك

واللي قعدوا عندي عساهم مرابيح
فقعٍ وصيدٍ وانت يالعجل ماارعنك

يالشيح دوك ايدي شهبٍ مجاريح
من قو بردك نشعلك ثم ندفنك

ولالقيت ابك الدفا وهبة الريح
كم ليلةٍ ازرت ظلوعي تزبنك

مثلك يبي رمثٍ وبيضٍ صحاصيح
ياذا المسافر تو بينت معدنك

روح..وباكر لالفيتو مشافيح
والله لادسس كل ماتشتهي عنك

يالشيح ماقصدي ملل يوم انا اصيح
يالشيح شوق لديرتي وانت ماازينك

يطري علي (خالد)عقب وقفة الريح
واهل دمعٍ لو تحسه يحزن

انا اتحضن وهم وافز واطيح
وانت السحاب وكل نجمه تحضنك



يالــطــلــح


يالطلح مامرك مع الصبح صافي
طيرٍ غدا لي امس والشمس حيه

اتلى العهد به راح يطرد مقافي
خبري به اوما في جناحه هنيه

لاوالله الا مرنا العصر وافي
كنه غلامٍ مستغير بهيه

اقبل علينا ثم اخذ بانحرافي
يوم الحباري وقعن له سويه

يالطلح قل لي عل مابه خلافي
البارحه برد وشمالٍ قويه

كانه تعشى قلت عله عوافي
والحي يجمعه الولي مع خويه

لاوالله الا صاد خرب متعافي
واخذ عليه من الثنادي شويه

لامفلسٍ مره ولاقال كافي
يوم اخلفنه عن عشاه حقبيه

خابره والله قاطعٍ مايخافي
دايم على الصيده تجي له حميه

انشدك باللي منبتك بالسوافي
عساه في خيرٍ ولافيه سيه

خبري به اقرش في سبوقه خلافي
مابه بلا وامرح على هالحصيه

والفجر شخّص بالنواظر وشافي
طلعه بعيد ويمته ساحليه

يالطلح ذا حبه ولاهو بخافي
متعادلٍ حبه بحب البنيه

بعض الطيور ان راح قلنا عوافي
لاشك هذا وين ابلقى حليه

اتعب عليه وعادت الحر يافي
اضرب سهلها والوعر والشقيه

يجيبه اللي رازقٍ هالعجافي
بهايمٍ تمشي على غير نيه

يالطلح لك مني يابو غصن ضافي
لاجابه الله وكل نيه مطيه

لاجيك انا في موتر القش هافي
واسقيك هاللي باقي بتانكيه

وآطا على رملة سوافيك حافي
وكلٍ على ماقيل يذكر خويه


سميته السامر


يالبازعي طيري طلع مثل راعيه
زولٍ وفعلٍ والمـواري تشابـه

بالطلع موقف ما لقي من يماريـه
عساه يسلم سيـدي يـوم جابـه

له ماكرٍ في بر فارس محاريـه
كني اشوفه يوم خاطوا قطابـه

صفاة وجهه مع شـدوده توديـه
ضمن الحرار ولاوراها طلابه

النادر اللي يوم عزمـت اسميـه
سميته السامر واشوفه زهابـه

ليـا قفيتـه شفـت دقٍ محنيـه
وليا نطحته من عيونـه تهابـه

كن الثريا في قواطـي مواميـه
ابيض نحر كنه يشع الضوا بـه

هجرٍ قصيرالساق جبره ثناديه
وله عاتقٍ يعطي شموخ ومهابـه

ليا مسح وجهه ونهض مواطيـه
يطري علي اللي عزيـزٍ جنابـه

به من طبوعه مشبع اللي حواليه
وماخذ من طبوعه ليان بصلابـه

وجهه ليامن صاد يشبه محاليـه
لا بشر بضيـفٍ وردد هـلا بـه

لا تل سبقـه قلـت يا طيـر لبيـه
واقفى وكني كاسبٍ بـه ثوابـه

وجاهن وهو كن المنايـا تباريـه
زيزوم قـوم وفزعـوه القرابـه

اللي معه بالطلع ما عـاد يمديـه
ياصل مطاليعه وهو ما درى بـه

من عادته برق الدواغر مداميـه
في صيدته الطير غمقٍ صوابـه

ليا ضرب ما وافق الضرب يفريه
كن بيمينه من سيوف الصحابـه

ينقى كبير العرف ما هـو يخليـه
من خيشة قدمـه نهبهـا نهابـه

يا سعد عين اللي قنص عانيٍ فيه
طيرٍ وماخذ من طبـوع الذيابـه

لا صارت الدعوى عناد ومشاريـه
اخذه وكنك ماخـذٍ معـك لابـه

الطير احبه حيل من حب راعيه
عبد العزيز اللي عزيـزٍ جنابـه

تابع ( 2 )

ضحكت الورع

يا ضحكت الورع مدري وين شايفها . . . ان كان ماني متوهم ضحكت فلانه
قمازته وشفته تشبه شفايفها . . . وعيونه عيونها يضحك ونعسانه
والله يا ضحكته عجز اطوفها . . . اللي شغلني معه من جملة اخوانه
وقفت والنفس مابدت حسايفها . . . ضيعت وقتي غصب كله على شانه
انشده والبشر تتبع ولايفها . . . يلعب طرب بالملاهي بين ورعانه
صديت والعين ماتنسى وصايفها . . . هذيك نفسي عليها حيل شفقانه
وا نفس ياللي تحلفني واحلفها . . . حاولت اشكك وهي ماهيب غلطانه
تقول هل الورع والله من خلايفها . . . واقول ربي يخلق اشباه سبحانه
هذيك راحة وانا ماني بعايفها . . . حكم المقدر وكلن راح في شانه
خبريبها يوم جاها من طويفها . . . الي خذاها ويتبع سلم جدانه
ماشافته ولاهو ماهو بعارفها . . . ماشاورها ابد ما كنها انسانه
راحت وانا بشقى كني مناصفها. . . يا مل قلبن شكى همه وحرمانه
لليوم قلبي يرددلي سوالفها . . . هذيك نفسي عليها حيل شفقانه


مجنون زعــــلاتك

تزعل واراضيك واتلذذ بتزعيــــــــــلك

تبي الصراحه انا مجنون زعـــــــلاتك

لاقمت تبعد وانا اقرب وادنيـــــــــلك

وامسك طرف غترتي وامش دمعـاتك

وتبدي تعاتب وانا كل انتبـــااهي لك

ما اسمعك شتقول انا عيني على شفاتك

وتعيد حجيك وتفرك حيل منديـــــــلك

وتخالطت صادق حروفـــــــك بوناتك

واحاول ارضيك ومدري منين ابدــيلك

واحتار واذكرك في بعــــــض زلاتك

واسمعك ماكتبته بك واغنيـــــــــــلك

طاروقك اللي تحبه واكسر سكاتــك

واستسمحك واعذرك واسمعك واشكيلك

واتلهف لبسمتك ورد ضحكــــــــــاتك

يسرقني الوقت ولا يمديني احجيلك

كلام اللي تحفظته لشوفـــــــــــاتك

وقت الوعد فات وعيوني تراعـيـلك

وقفيت واشغلت القلب بلتفــــــــاتك

عيني على خطوتك والقلب يدعيــلك

الله يحفظك من الحاسد وشمــــاتك

تزعل واراضيك واتلذذ بتزعيــــــلك

تبي الصراحه انا اعشق كل حالاتك


الهموم

يا الهموم اللي علي اثقل من همـوم الركايـب
ساعد الله قلبي الـي مرتكـي لحمـول همـي
يا الظروف الي علي وين ما وجـه صعايـب
ياكثر ما مسحت الدمـع منهـا بـراس كمـي
يا الجروح الي يجي هذا وذاك العـام طايـب
كل ما هبت ظروف الوقت شمـي وستشمـي
من عرفت العلم والضحكـات ننهبهـا نهايـب
لا تقافلنا الزمن قمنا علىت الضحكـه نسمـي
وان ضحك وجه الزمن تقلى مثل شرواي هايب
اي اهابك يا زمن وان سقت ضحكاتـك يمـي
منك وانا وان زنت بعيوني يا بو وحهين تايب
ادري انك لا ضحكت القاك طاعن ولد عمـي
تشتكي من سطوتك وتقول من شقـر الذوايـب
وكل جرح يهون غير جروحـك مـات دمـي
بس تنزفنا هموم ونضحـك بوجـه القرايـب
ومن نشدني مالي الا بخيـر وهمومـي بدمـي
وانت يالي منك ثلثين الخفوق اصبـح خرايـب
دام بعثرني زمـان الـذل مـا يغيـرك لمـي
لمني تكفى ترى مـا عـاد فينـي لمصايـب
يا خلف جدي ونـاس والا يـا ريحتـه امـي
لا تخليني وانا شفنـي شبـاب بـراس شايـب
كان انت اقفيت مع هالنـاس محـدن لديمـي
مثل مـال للهم سبـة للفـرح تبقـى سبايـب
انت يا فرحه ويا ضحكة ويا مـدري شسمـي
انت اخر ما بقى للي في الحياة مـن الحبايـب
في زمان ما نشـد والله عـن مدحـي وذمـي
الزمن كم واحـدن قبلـي موريـه العجايـب
والمصبيه كانك اللي مع زماني صرت همـي


بالحالتين مغلوب

ضاع الرجا فيك يامزن تحدر جنوب .. .. ماغير اخيل البروق ولاغشاني مطر
انا ادري انك سحاب ماتبل القلوب .. .. مير البلا قلبي اللي من بروقك خضر
الناس تفرح بضوح البرق لو هو كذوب .. .. وكم خال برق الصداوي ساكنين الحفر
عني حدتك الدعاوي والقدر والهبوب .. .. والغيم لامن تقفته الهبايب حدر
عرضتني للضما والقلب منك يذوب .. .. ذوبة خفوق العماني عقب غلبة قطر
يا اطهر مخاليق ربي وش تبي بالذنوب .. .. ما واحد قال خاف الله في هالبشر
مشكلتي اني معك بالحالتين مغلوب .. .. الوصل مامن وصل والبعد عنك قهر
والمشكله قلبي اللي عنك عيا يتوب.. .. ان قلت خله يدور لك ويلقى عذر
العمر يفداك يركض والزمان محسوب .. .. والصبر بكذب عليك ان قلت فيني صبر
ان كان ما جابك الله مثل رجع النصوب .. .. وابتل غصن المحبة قل تراه انكسر



للزين قالـوا

للزين قالـوا مـن قديـم علامـات..
عيـن ومبسـم والجسـم والرشاقـة..

لكـن كسـر هالقاعـدة هالمتينـات..
مـن واقـع ماهـو كـلام وبلااغـة..

اللي محليهـن و لـو هـن ثقيـلات..
دايـم خفـاف الـدم وفيهـن لباقـة..

الله يا هـن يـا جماعـه لطيفـات..
وعلى الكـلام الحلـو فيهـن طلاقـه..

ماهو ضروري بالرشاقـة رشيقـات..
وزود الوزن ماهـوب يعنـي إعاقـة..

صحيح بعض اللبس يعنـي اهانـات..
الـوزن بالضيـق عديـم العـلاقـة..

بس ماهو ضروري يلبسن ستريتشات..
يا زينهن واللبـس وااااااسـع نطاقـه..

لابارك الله فيـك يالضيـق بالـذات..
تـرا السعـه مـرات تعطـي أناقـه..

قالوا الرجيـم اليـوم هـم البنيّـات..
قلـت الرجيـم أدري يبيلـه فرااغـه..

وقالوا الرياضه قلت ماهن مريضات..
للسكـري لا مـا معاهـن بطـاقـة..

قابلهن الله بـلا رجيـم ورياضـات..
باهديلهـن منـي مـن الـورد باقـة..

هن دفء هذا المجتمـع هالرقيقـات..
هن ملـح هـن سكـر لذيـذ مذاقـه..

هن لا سألتوني عن الحـب بسكـات..
بقول إن فيهـن علـى الحـب طاقـة..

ماهو كلام اللـي كتبتـه وإشاعـات..
أنـا اربطتنـي مـع متينـة علاقـة..



يوم سافرت

يوم سافرت وانت من الزعل ما رضيت كـل شـي بعينـي صـرت اشـوفـه كئـيـب
وش يضرك بو انك قبل لا امشي نسيـت هالزعـل وابتسمـت وكـل جـرح يطـيـب
والله انـي علـى ذاك الـزعـل مــا قـويـت سامـح الله طبعـك كـل مـا جـيـت اغـيـب
تفتـعـل مشكـلـه والـمـوت كـانـك بـكـيـت اه مـن دمـع عيـنـك يــا البعـيـد القـريـب
مابغيـت ارتكـك فـي هالـزعـل مابغـيـت وانت يا اعز ناسي وانت يا اغلا حبيـب
وسع الصدر يا اغلا من سكـن بالكويـت لا تخلي الحـزن يـا خـذ بعمـرك نصيـب
يا كثر ما انت فـي بالـي لـك الله طريـت كل ما اسج تطري غصب ماهـو بطيـب
دونـك البعـد لكـن كـم سرحـت وضويـت فـي خيالـي تعـال وشـوف وقـت المغيـب
لا بغـيـت انتـهـي مـــا كـنــي الا بـديــت فيـك تفكيـر ياللـي منـك جرحـي عطيـب
كـل مـا قلـت ادور لـك عــذر مــا لقـيـت غبت والموت اعرف ان الجفا وجه ذيب
واذكـر انــي افــز الـيـا تعـبـت وغفـيـت هــب يــا ليـلـة فــارق الـولايـف يهـيـب
كثـر مانـي علـى الفـرقـا بقلـبـي دعـيـت كثـر مـا الله كتـب لـي بالمفـارق نصيـب



يــا معذبتـنـا


يــا معذبتـنـا لـيــش زولـــك فـقـدنـاه
عــن شوفـتـك بديـارنـا مــا سمـعـنـا
حتـى الأثـر علـي الـثـرا مــا لقيـنـاه
نطـرش ومثـل اللـي طرشنـا رجعـنـا
الحيـن تنشـد عــن غيـابـي ودعــواه
ويـن أنـت يـوم أنـا جمـوع اندفعنـا؟
لـديـاركـم لـيــن النـصـيـفـة فـقـدنــاه
والآ انــه أكـثـر لـيـن منـهـا جزعـنـا
اللـي ذبـحـك بالـرمـي كــم نصحـنـاه
وكانـه شبـع مـن شوفكـم مـا شبعنـا
ليـش نتحمـل فـي زمـنـا خطـايـاه ؟!
والمشكلـة هــو السـبـب فــي ولعـنـا
اسـكــت ومـثـلـك نـاقــل داه بــــرداه
لـو يحصـل لـك أنـت وغيـرك قطعنـا
والله يـالـولا الثـلـج والـبــرد لـــولاه
مـا جـيـت خــدٍ بــه تــدوّس شمعـنـا
حـنّـا تـرانــا غـيــر عـنـهـم وفـرقــاه
راعــي الـرّمـي ننـفـيـه لا اجتمـعـنـا
كـم واحــدٍ يخـطـي ويـرمـي وننـهـاه
ونفشـلـه فـــي رمـيـتـه لا اجتمـعـنـا
وش لون اصدّق حكيك اللي سمعناه
يــا شـاعـر كــم ضـرّنـا مـــا نفـعـنـا
بالشـعـر هيّـضـت المـولـع وتـنـخـاه
مـن سبّـتـك فــي بـركّـم مــا هجعـنـا
من حبنّـي لـك اكتـب الشعـر وانقـاه
واوصــف هـددنـا لـيــن كـــل تبـعـنـا
مـا هـو بذنبـي يـوم زنـتـي بمـرمـاه
ولا هـو بذنـبـي كــان مثـلـه خدعـنـا
عــن الـرمـي عــذرك تـرانـا قبـلـنـاه
وين أنت يوم أنا بالأسـواق بعنـا ؟؟
صرنا تجارة لمن يبي تـرس مخبـاه
فـي وسـط صنـدوق عطشنـا وجعـنـا
لـو هـو بكيفـي كــان مثـلـه سجّـنـاه
بــس السـنّـع والله مــا هــو سنعـنـا
وسـوق يبيّـع فيـه شـرواك مـا اطـاه
وإن كان ما طاع الزمن غصب طعنا
خلـة علـى الله وكـل خـافـي عرفـنـاه
يـا شـاعـرٍ فــي حجـتـك مــا اقتنعـنـا
" الله يـطـول عـمـر زايــد ويـرعــاه
لـولاه كــان مــن الـوجـود انقعـنـا "
الله عليـك / وزايــد ان حــل طـريـاه
مافـيـه غـيـر الـمـدح للشـعـر مـعـنـا
ابـوخـلـيـفــه عـــزنـــا لا مــدحــنــاه
مـا نرفعـه هــو فــي صفـاتـه رفعـنـا



ماهو بكيفــك


ماهو بكيفـك تواصلني تقطعني
اما غلا بين او فضها سيـــــره

ياشين لاجيت تقطع لاتوادعني
ليتك تحس الوداع شلون تأثيره

ياماخذ الحب قل فيني وسمعني
حب على كبر صعب ابدل بغيره

أبحتفظ فيك وادري مانت نافعني
يمكن مع الوقت اقول محبتك خيره

والله تدري وش اللي معك دافعني
اني معاك انت امارس آخر الغيره

واحب فيك البرود اللي يقاطعني
لو ماتكلمت صمتك صعب تفسيره

ياللي عليك البشر شفها تقاطعني
منين ماوجه الهقوات لك سيـــره

ياشينها من الخوي قول اتركه طعني
ماغير شره ولا انت بشايفن خيـــره

ياشينها منك لاجيتك توزعنــــي
في عذرك اللي على هالظرف تجييره

شف كبر صبر البشر ماعاد ياسعني
واكبر هموم العباد اشوفها صغيره

وش جاك مني خطا يومك تبيعني
في سوق ذقها عليك اسوقها جيره

انا اذكر انك الا من قلت دلعني
القلب هانت علشانك مشاويره

يامشغل القلب بين تحبني و يعني
شفني عليك احترق ياسيدي حيره

مرات اقول اتركك لاشك يمنعني
شي يقول أعذره واقبل معاذيره

قلت احتفظ فيك وادري مانت نافعني
يمكن مع الوقت اقول محبتك خيــره



انا احترق


انا احترق وهـي ولا همهـا شـي
وانا انتظـر وهـي تمـدد iiسفرهـا

يا سعود عقب غياب شهرين وشوي
جتني تشاورنـي بقصـت iiشعرهـا

غابت وجرح الحب في خافقي حـي
ينزف اذا عانـق خيالـي iiصورهـا

ليلي دمـوع براحتـي وابلـه iiكـي
وصوت الجفا للعيت يدعي iiسهرهـا

بغيابها صمتي طوى بسمتـي iiطـي
جاملت انا والصمت ثانـي iiشهرهـا

طال السفر ولا خبر جاني منها iiلـي
ياسعود اسال ميـر محـدن iiذكرهـا

تابع ( 3 )

علها خيرة

ألا ياقلــب لاتشــره عليه ولي متـى غــيره؟
يغـــيب براحـــته خلـه يـروح بعــالم النسيـــان
كفــاك تدور أعـذار لغيابه فضـها سيــره
تمـاديت لــغلاه ومـن تمـــتادى بالغلا خـــسران
أبـد مافيـه بالدنـيا بـشر يستاهلـك غــــيره؟
يغيب ولا رجـع ماكــنك إلا العاشــق الــولــهان
أنـا ماقول لا ماقول ما أنـت بشــايفٍ خيـره
وأنـا مـانـي بـقايــل صاحبــك وافـي ولا خــوّان
يقولون القمرلاغاب يضوي له على ديــــره
وأنا أقول الحبيب إن غاب يضوي له على خلان
أجل شأسباب هالغيبة وأبي شأسباب تأخيره
وأبـي ليـه الجفا يـاقلــب؟وأنت بغـيـبته حـــيران
شهر وأكثر ولا طرش عن غيابه معاذيــره
يالــيته لــو تــعذر بالــظروف ولايمــه غلطـــان
تعبت ولا طرى له يتصل قل علها خـــيره
وش أنت متعبٍ حالك على واحد قليل إحســـــان
يجي ميت ولــه لامـن شكـــا وقتــه وتعزيـزه
وإذا قفى على وجهـه حبــيبك((نـاقة عريـــمان))
أقـــول أنـه مــوالف بــشر خلاك تــقزيــــزه؟
وأقول إنك على هامش حياته مابــقى لك شــــأن
مع اللي ماله سبوق اتركه شف واحدٍِ غيره
وأنا شــوري عليــك تلحّقه في سبعة الشـيطــان
ذبحــك الطـيب ياقلبٍ تـعذب من مـقاديــــره
يعن كنّك خفوقي خــابــرك ماتــعرف النكــــران
تقاضـي لعـنبو جــد الغــلا ماتنــفع الذيــره
تــرى من لاتقــاضـى ياخـفوقـي هالزمن ينهــان
حبيبٍ ماصفى لك طيع شوري بّدل بغـيره
وأنا شــوري عليك تلحّقه في سبعة الشيطــــان


الـحــاج مـتــولــي


الله يذكر زمانٍ فات له سيره ....... أسمع بذكره وأنا ماعشت به كلي

بقول يمكن تلاحقنا مواخيره ....... وقتٍ وفيه الرجال تقوم وتهلّي

مهوب هالحين لادشو مساييره ....... رحّب وهو مرتكي والحِنك متدلي

بلشان في شيشته ويجر تعميره ....... زوله وشكله أبد كنه يزوّلي

وإن قالوا فلان عند الباب في حيره ....... طنش وتسمع بقوله خلّه يوّلي

مايقضي اللازمه لوإنها إصغيره .......ماقد ذبح في حياته غير قلب إللي

يتعب على كشخته ياكثر تبذيره ....... وياقو بخله على الطولات ومقلّي

ياكثر ربعه وهو حاله مثل غيره ....... وإن جيت للحق تبـ تاخذ وبتخلي

مو كلهم فيه ناس كلها غِيره ....... لاشك بعض الطبايع مايجوزن لي

أكثرهم إللي يدوّج في بناطيره ....... وراعي الدشاديش متخلف ومختلّي

واحدهم إن جاك قصاته وتخصيره ....... يضيع هو مقبلٍ ولا إنه موّلي

وسط القهاوي ضروري صار تحضيره ....... بالصالحيه تعال وشوف يا مهلّي

هذي طويله وهذي كنها إقصيره ....... ومدام بيدينه الجوال متسلي

ملّت عجوزه تسدد له فواتيره ....... وهو سواة الكديش ينام ويفلّي

الوضع واضح ولايحتاج تفسيره ....... أبختصر والسوالف زوّدت غلّي

لاشك ودي قبل لا أفضها سيره ....... بقول مدام هالجمهور يرسلّي

أصدق شعوره وتصفيقه وتعبيره ....... وإن عوّدت للحقائق وإن تهيّن لي

(حريم هالوقت تعميره بتدميره ....... ياقل منهي تحفظ البيت وتصلي)

هن سبة المشكله هن كل تفكيره ....... كم واحدٍ عرضنّه صادق الذلي

ماعندها غير خدامه وتأشيره ....... غير المصاريف قل وش عندهن قلي ؟

السوق والحش وإبلش كل تأخيره ....... أسمع من الناس وناسٍ جت توصلّي

والله مايذبح الحرمه بهالديره ....... إلا ثلاث(ن) ثباتٍ ما إيتخيّل لي

كبر العمر وإنشدوني وأيضاً الغيره ....... وإنك تسوي سواة الحج متولي

إخذوا عليهن حريم وعلّها خيره ....... شوفوه بالتمثيليّه حيل متسلّي



غلطتي

يومهـا بيـن ايديـنـي والـغـلا عــادي
ويــوم قـفــت تـفـجـر حـبـهـا فـيـنـي
كـنـهـا حـطــت التـوقـيـت بـفــؤادي
لامـشــت حـبـهـا يـفـجـر شـرايـنــي
قـبـل تقـفـي وانــا متمـاسـك وهــادي
وعقبها ضاق كـل الكـون فـي عينـي
غلطـتـي كـنـت متـراهـي ومتـمـادي
كنت احسب الزمن والوقـت يمدينـي
واثـر مـن لا تغانـم فرصـتـه غــادي
اه يـا فرصتـن ضاعـت مـن سنيـنـي
تونـي فــي غـلاهـا قـلـت يــا هــادي
روحــت لعنـبـو مــن لامـهـا فـيـنـي
مــا نـفـع طـويـل الـوقـت وعـنــادي
يومـهـا مقـبـلـه مـــا كـــان يعنـيـنـي
بــس راحــت وكـنـي فـاقـد ابــلادي
اثر ما ارخص من الي تطوله ايديني
يـا وجـودي هليهـا وجـد بــن هــادي
وجـــد لا وجـــد فـــراق ولا ديـنــي
غلطتـي وارتكبهـا بثـورت ازنــادي
يـوم جـر العـزاوي راحــت ايميـنـي
والله انـــي علـيـهـا حـدنــي حـــادي
مـن يــرد المـواصـل بينـهـا وبيـنـي
علمـوهـا تـجــي وتـرجــع ارقـــادي
كــل ماجـيـت ابنـسـى وش ينسيـنـي
علموهـا الغـلا مـا عـاد هــو عــادي
مشـكـلـه الـولــع عـقــب الثـلاثـيـنـي

البسكول

سقى الله زمان فاتلي مع غزير الزين
ياليت البشر ما فات منهم يردونه
يعنك ما فاتك من الوقت زين وشين
رجوعه عليك اصعب من السيل لمزونه
انا حد علمي بالغلا يوم طبعه زين
قبل لا يطيع اللي عن الحب ينهونه
سمع سالفتهم وش وراء الحب وش بعدين
ومن وقتها يا قل ما القاء تلفونه
اجي وافتح البسكول يا مال فرقا العين
ولا اشوف رقمه جعل الارقام يفدونه
اخيل الجهاز اقول يبي يتصل الحين
واثر اقتنع في فكره جت معلونه
من العاذل الي شغلته تفرقت قلبين
انا اوحيت قلبي واجد اللي يسبونه
عذول المحبه جعل شرواه يعطى الشين
حرمني من اللي رغبتي فيه مرهونه
تغير علي واذا اتصلت ما سمعت اهلين
اخذ ثقل جعل مغيره تثقل ديونه
مثل ما ثقل ديني من مقاسط التموين
هاك البنك الاقشر جعلكم ما تمرونه
ذبحني غلاه وحط وسط الحشا جرحين
الاول من الصده والاخر من فنونه
وانا من هذاك اليوم ومعايد الثنتين
يا صعب الوصال وصده عن ملعونه
تمكن غلاه بوسط قلبي عام الفين
ومن يومها الحب يكبر على هونه
يقولونه خله يا معود واقول انزين
ابي فكه منهم وانا اموت في عيونه
هذاك اذا ضحكلي رحت كلي ولا ادري وين
كم واحد جذ راح لعيون مفتونه
وهذاك ان طرالي منه يقصني نصين
معه نص وابقى نص ما اعيش من دونه
وهذاك ان طلع رقمه وانا مشغل خطين
يروحون فدوه للنمرته ولتلفونه
عساه يرده اللي رد ركان بن حثلين
من الترك لدياره وللي يتحرونه
هذاك ان رجع عقب البطا ناذر نذرين
اني اسامحه واني مع الوقت ما اخوانه

حب تغير

البارحه قدرت اصدق اضنوني
خلاص كلامي وانت غرقات تفكير
كنت احسب انك سارحن في عيوني
اثرك معي وانت فكرك مع الغير
يا خاين التفكير قمت جنوني
لامن تساوت جيتي والمعاذير
مدري شسميها ولو عذر بوني
مدري خيانت حب او حب تغير
افرض ابعديها واقاوم شجوني
شل فايده ما عاد لي اي تاثير
تعال نحسمها بحطم سكوني
تعبت من قمت ابي منك تفيسر
لاصرت تقدر عيش عمرك بدوني
والله يذكر هل علاقة على خير
شق الصور وشطب رقم تلفوني
انسى ويعني لا افترقنا وش يصير
ما انت اول الي بالمحبه يخوني
ياكثرهم قبلك ولا انت بالخير
كم قلت للعالم ولا صدقوني
ان البشر فيهم مرض حب تغير


سبع الصنايع

لا خانتك الدنيا قال عادت البنت
دنيا وفيه من العذارى طبايع
من كثر ما جربت امنة وايقنت
الطيب بالدنيا وبالبنت ضايع
لاهنت يا قلب شكى الضيم لاهنت
من دنيتك ضاقت عليم الوسايع
كم كنت قاسي لكن من الزمن لنت
الي اطلقك لا يع تكفاك لا يع
رغم السنين وخبرتك ما تمكنت
رايح حيا تك بين شاري وبايع
الحظ كم عاند من الناس حتى انت
ما طاعك من الحظ يا قلب طايع
كم شانت وجيه الرفاقه ولاشنت
خابرك يا قلبي تحب الرفايع
وفيت معهم واكثر من الوفاء كنت
والغدر بين الناس هل وقت شايع
اسرفت باخلاصك وطيبك ولاخنت
مع دنيتك جربت سبع الشرايع
كن المثل يا قلب راكب عليك انت
سبع الصنايع لاكن البخت ضايع


خلهم ينفعونك


شفت وشلون خلق الله تحب الكلام
قلت لك لا تصدق كلامهم ما اقتنعت
ليش ضيقت صدري بالعتب والملام
وانت يا ما كلموني عنك وما سمعت
جيتني وانت ودك بزعل والخطام
باين اللي يبي السبه ولو ما اندفعت
غيروك العواذل طعتهم يا حرام
عقب ماكنت مقبل بالمحبة رجعت
خلهم ينفعونك لا تزيد اتهام
من عرفتك مضره وانت عمرك نفعت
وين كلمة احبك وين ذاك الغرام
ليش نزلت قدرك عقب ما انت ارتفعت
اه يا قوى قلبك لك عيون تنام
تجرح اللي يحبك بالكلام وقطعت
كان لك قدر عندي وانتهاء وسلام
غلطتي جيت كلي بالمحبه وظعت



ياللي تزعل


ياللي تزعل وانا ماني بغلطان
خلك على راحتك واللي تبي سوة
لا ترفع الخشم يوم انك تعداني
والله لتبطي وانا ما قلت لك قوة
في غيبتك جاء مكانك واحد ثاني
والحب ما ينوخذ ياهيه بالقوة
ان كان قصدك عبث ودك تحداني
فابشر بقلب على الصدات يا قوة
نسيت يومك تلذذ بتعذيبي وحرماني
وان جيت تلقا حبيبك منقلب جوة
ان قلت وينك حياتي قلت لي كاني
يا نار هالقلب من كاني ويا ضوة
ان كان جت زلة وحده من لساني
الواجب انك تطوفها من الخوه
لكن على راحتك واليوم صحاني
اسلوبك اللي يغير للاسف توه
تكفى على هالزعل خلك على شاني
عشان تبطي وانا ما قلت لك قوة


ياللي غيابك طال

ياللي غيابك طال وبحقي اخطيت
هذا شهر ما اشوف للوصل نية
هن كانت اسبوعين لكن تماديت
في غيبتك كنك تنفذ وصية
لعبت باعصابي ولا قلت مليت
لا راح اقول باكر مجية
عانيت بغيبتك انا حيل عانيت
يابغضني للبعد يا رحم حيه
عقبك مشاويري من البيت لليت
اخاف لا دقيت ماني هنيه
الله ياني في غيابك تحريت
اثر المفارق صعب ماهو شويه
هذا شهر وش عاد لو انك ابطيت
والله لتلقى لك هنيا ضحية
البارحة مابين يمكن ويا ليت
وابليس يتركني ويرجع عليه
فكرت لو طول غيابك ولاجيت
يعني كذا روحه ومن غير جيه
خانتني الدمعة وطاحت وصديت
ملعون ابو التفكير يذبح خوية


بعض العلاقات

بعض العلاقات ما منها ابد فكه
يا شينها كان جبتها لك القدره
لاجاك دمه ثقيل ومنطقه سكه
يضيق صدرك وهو مستاسع صدره
لاصرت ضيق الصدر بالي معك صكه
لاتجامل الي غييث وشفته ودره
زك الخوي من قبل لا تعاشره زكه
ترى خوي النشاما صابته ندره
وقت الشدايد اذا بتجربه ضكه
يمد شوفه وتلقى فزعته حدره
الاجودي اجودي ما تلحقه شكه
وفرخ النخل ما يجي في قاعدة سدره
من رافق اجرب تبي تبدابه الحكه
والطير سلم عليه ان صابته جدره
باب يجيب الهواء ان طعتني صكه
ارقى الرفاع وتجنب كل من حدره
ما يبخص شعاب مكه الا اهل مكه
الصاحب انشد وتلقى عندهم قدره
كل القلوب بهل وقت مندكه
سبت كدرهم خوي حاشهم غدره

تابع ( 4 )

العـــــــــر يـــــــــــــــــــن

حمدان ماهوب بكيفي يوم خليتك بغرفتن بالعرين طيورها مرضى
لاتحسب اني عقب هالوقت مليتك حكم المداوي على مثلي غدى فرضى
من حبي لك بنص الليل وديتـــــــك ماهم من الدرب لاطوله ولا عرضـــــــى
مذكرن كم نهار فيه هديتـــــــــــــك غرب الغواشيـــم من عقب الزعل وارضى
واليوم علمي بوضعك يوم غـديتـك واقفيت عنك وكني واطي الرمضــــــــى
عقب المغاليس شفني يوم جسيتك عين تنـــاظــــــر بها والــثــانــيـــــــه غمضـى
يالله يلي تحج الناس في بيتــــــــك تفرج لطيـــــرن ســــــــــرى فيه المرض وامضى



التضرع

كل ما في الكون فاني غير وجهك يا عظيم

لا إله إلا انت وحدك نسألك حسن الثواب

يا مجير المستجير ويا مديم المستديم

فالق الاصباح يا منشي معاريض السحاب

يا معز ويا مذل ويا رؤوف ويا رحيم

يا مغيث المستغيث ويا منجيّ من عقاب

إيه مؤمن في وجودك واعبدك صبح وعتيم

واجتهد طاعة عساني للنصر يوم الحساب

لك سجودي وأنت يا سبة وجودي من عديم

ولك ركوعي وأنت يا سبة خشوعي للكتاب

يا كثر ماني طلبتك بين زمزم والحطيم

دعوتن يا علها تلقى من الضعف الجواب

طلبتي يا رب هديك للطريق المستقيم

ونجني يا خالق الدنيا من اصناف العذاب

يوم نعرض يوم لا يوجد لديك من خصيم

في نهارن فيه عطف وفيه عتق للرقاب

اسقني شربه هنيئة من حياض بالنعيم

شربتن لا اضمى وراها يوم يبسات اللّعاب

اشتكي ضعفي وجهلي واتباعي للرجيم

لا منزّه من خطايا ولا عصيم من ارتكاب

اعترف بأني بشر أخطي وأهيم واستهيم

وأنت بايدك هدي خلقك فاهدني هدى الصواب

واسألك قربن من الصالح وبعدن عن لئيم

واسألك تفريج همن كل ما حل اكتئاب

واسألك دايم حضوري قبل لا المذّن يقيم

وعن صلاتن للجماعة لا كسول ولا غياب

وارتجي عفوك ولطفك والنجاه من الجحيم

واسألك حسن الختام وكل هالدنيا ذهاب

دام كل هالكون فاني غير وجهك يا عظيم

نجني يا خالق الدنيا من اصناف العذاب


الله على الي توها


الله على الي توها عابره الروف...تخيل وضاح لبروق وجذبها
اليل كله والمطرلافها لوف...متبلل ريش الجناح وغلبها
مذريه عقب المطر مابها خوف...ابو حصين بروضها ماشعبها
هديتاً مامرها كل ملقوف...راعي تفق في بندقه ماغصبها
خداً سهل ماعندك شطوف وجروف...اطير يقضب ساقته لي تلبها
يازينها ياحمود لي شافها شوف... فرخاً بعد تعليم كنه رغبها
تل السبوق ودبرت تقل مشحوف...وقفت تعورف بل تفات وطلبها
ماكنها يوم قفت هوا نوف...يوم الوداع وطولها ماصلبها
جاها ظفر مابها خوف...من خيشة قدام وجهه ضربها
في مخلباً له عادتن يدرع الجوف...ثم رتفع وهوا عليها وقبضها
وبانت عليا فرحتاًمابها حوف ... ونار المضحى قمت اليم حطبها
وزينت فنجان مع البن مردوف...في كف هيل وجبت صافي رطبها
وخذت باكيتن على درج محذوف...وعمرتلي زقارتن مع طربها
هذا ولع قلب به الهم مجتوف...وكم واحداً له حسبتن ماحسبها


يوم أنتهى شاعر المليون

يوم أنتهى شاعر المليون ياساده=فكه ولو أن بعض الناس ماودّه
يبي علينا يدور الحول وزياده=وده وحنا بعد والله على حدّه
لكن تعبنا وكلن حصل امراده=لجنه وشعار وكلن عزم الشدّه
غير المباشر يجي تسجيل وإعاده=ولاشي إلا وقولة : بس لابدّه
برنامج ٍ خذ على اللي مثله رياده=الناس ماملته لو طالة المدّه
يسلم بوخالد نهار أعلن بميلاده=خلا جميع البرامج تعلن الصدّه
ناس ٍ أتدبر وهو يمناه سداده=ماهو من اللي يحفظ المال ويعدّه
بنا للأشعار صرح ولم رواده=ولو نّي من الشعر لقبل قفا يدّه
جونا شواعير وجونا ناس قصاده=وكلن خذا اللي خذا من تعبه ومن كدّه
أحدن تغنى على دمعات بغداده=وأحدن على أم العيون أمبيح ٍ سدّه
وحدن لتفزيع ربعه ركب أشداده=وحدن يجمع قصيد الناس ويعدّه
ماهيب سرقه .. ولكن صايره عاده=تحريف الآبيات .. ليّنه ينقلب ضدّه
وحنا خذينا التعب روحه ورداده=نجي بالأثنين ويوم الأربعا الردّه
مطاركم ملنّا الضباط وأفراده=ومطارنا لقضبوه أندور الهدّه


ســــــياحه

ماني بضد السياحه يا اهـل ديرتنـا
انا معكـم سياحـي واصلـن حـدي
من سبت الحـر والروتيـن هجتنـا
متوارثين السياحه من سنـة جـدي
يعني نسافر ولـو كثـرت مصيبتنـا
اقساط وقروض وحبة خشم ونعـدي
مافي شعب يسافـر مثـل سفرتنـا
لفت كل الـدول وانـا علـى قـدي
تاجر وفقيـر متساويـن بسعادتنـا
بخيـر والطائـرات تشيـل وتـودي
الفضـل لله ومـن بعـده لحكومتنـا
مهما اختلفنـا معاهـا دايـم تهـدي
والله يطـول بعمـر طاقـم سفرتنـا
اللـي دعونـي وانـا ودي ولا ودي
خبري بلبنان كنـت صغيـر حارتنـا
يعني على قولت اهلها كنت (هل ادي)
يا كلامهم يا هـو يحـرك غريزتنـا
شيصير فينا اذا قالت ( تعـا حـدي)
جيت ابو حمدون والا اكثر جماعتنـا
في كل ساعه يبـدل لبـس ويعـدي
اكبر طموحه بارقـم بنـت جارتنـا
بر البلـد يستقلـون الامـر جـدي
وشعب على الطاولات شكثر هوشتنا
من اللي حجزها والمشكلـه شـدي
ماعندهم سوق شرق وفيـه لجتنـا
بلاش غربه وليـش الكـل متحـدي
يعنـي بمفهومكـم هـذي سياحتنـا
( لك دخيل الله سياحه هيك ما بـدي)
لبنان طـول العمـر تبقـى حبيبتنـا
يـا حبهـا ساكـن فينـا ومتعـدي
لبنـان يـا قصـة تشبـه حكايتنـا
نفس القضيه ولانـي مبيـح بسـدي
شعبيـن نفـى ولا تقبـل اهانـتـا
اصـغـر دول واكبـرهـا وذا ردي
للـي يقـول ان امريكـا ولايتـنـا
نعم معاها ولا للـي وقـف ضـدي
مهما اكرهونا نبي نمـدح سياستنـا
احرار للموت لا نرضـخ ولا نعـدي
كل الدول عـودت تطلـب وساطتنـا
دامك كويتي تنهض قول مـن قـدي
الله يطـول بعمـر قايـد مسيرتنـا
ابـو مبـارك بحبـه واصـل حـدي

تابع ( 5 )

هلا جابك الله


هلا جابك الله عقب ذاكـ الطريق ارتحت --- تبي بتصالكـ عقب ماغبت تنفعني
تبيني على حطت ايدكـ جيت وإن روحت --- تبي بهالسهولهـ بالمعاذير تقنعني
تحسب الجفا عادي وانا منهـ ياما صحت --- تقول انت وش خسران وش فيكـ تمنعني
انا ما خسرت إلا الكرامهـ عقب مارحت --- نويت السفر ولا طرالكـ توادعني
على كل حال اسمع وابشركـ ما طحت --- على منت خابر لا وصدتكـ ترفعني
هلا ....هلا يوم ربي جابكـ وللاسف سامحت --- أنا بتكلم وأنت لا لا تقاطعني
ثلاثين ليلهـ وانت ماقلت كيف اصبحت --- تبعثرت عقبكـ ولا طرالكـ تجمعني
شقا واشتقيت وللمخاليق ما لمحت --- قروكـ بعيونـ(ن) للسهر منك تقلعني
كرهت السفر واللي يسافر ولا صرحت --- بأنكـ سبب حزني وفرقاكـ يوجعني
وأنا وإن شكيتكـ لأقرب الناس وإن وصحت --- لقيت الاجابهـ منه لا غاب وش يعني
"تعبت ارتقي بكـ فوق والناس غيركـ تحت --- احبكـ واخاف انك مع الوقت تخدعني"
هلا بتصالكـ عقب ذاكـ الغياب افلحت --- ولي صدر ياسع غيبتكـ وانت تاسعني
هلابكـ على حطت ايدكـ جيت وإلا رحت --- على منت خابر وانت لا عاد تقطعني



يالسعودي


يالسعودي وادري انك ما انت في حاجة وصايا = بس أحرص والمحب يحرص اللي يحب دايم
قلت أحرص من غلاك ومن خلايا في خلايا = غيرة(ن) مني على اللي ما رضا لي بالظلايم
ايه احب المملكه من قلب حكام ورعايا = ديرة(ن) يا علها للعز موفور النعايم
ديرة(ن) يوم ان جيناها على حد النهايه؟ = رجعتنا للبدايه عقب ما كنا قسايم
ليش ما قلبي عليها؟ دام في عمري بقايا؟ = والله ليبطي غلاها لو لقيت الفين لايم
أيه يادار الرساله والنبوه والهدايا = أفرحي ما دام راسه حي ويشم النسايم
الفهد عز البلد زيزوم ممدوح السجايا = ما زبن في ظله المضيوم واستافاه ضايم !!
دام عز الاسره اللي وحدة كل القرايا = وحدة بين الجموع المستبده والخصايم
قالها اللي حبهم ماهو بمن باب الدعايا = وقالها اللي عاش ظلم وعاش ذل (ام الهزايم)
كان ما صرتوا يد(ن) وحده على خباث النوايا ؟؟ = والله لتمسون خير وتصبحون من الندايم !!
البلد مستهدفه تكفون من كل الزوايا = حملوها بالذنوب وحملوها بالتهايم!!
أيه ماهي قبلة الاسلام؟؟ متهومة خطايا = كرم الله ديرة البيتين من كل الشتايم
أمس طاعنها الخبيث اللي يحرسنه صبايا! = ساقط من الدين لا صلا ولا مذكور صايم
راعي الكتاب الاخضر ما تفيد ابه الحكايا = يكرم القرآن عنّه والسعودي عنه شايم
أفطنوا تكفون يالعقال من سم الحيايا = ناقلين الخرج واثر الخرج فيه الداب نايم !!!
أنبذوا راعي الفتن لا تتهمون (أهل اللحايا) = تكرم اللحيه عن الخوان بياع الذمايم
يلبسون (أعبي)ويعيشون في ذل وخزايا = ويستقلون الفرص للشر وكبار الجرايم!!
يالسعودي والجهاد العين ماهو بالكفايا؟! = انك اتجاهد هل الفتنه مليمة الهلايم
مانبذه المجتمع خلوه قايد للسرايا ؟؟ = تبت يدين(ن) تبي طولة مغذية اليتايم
ديرتك والشعب شف قامت تخطفه المنايا = انتبه ياقلب ياللي في غرير الوقت هايم
ديرة(ن) مصيونة(ن) من فضل خلاق البرايا = دام عز المملكه في دبرته راعي العزايم
والله ان غير (أسرة آل سعود) ياهاك المزايا = الامان ووحدة الديره وما شابه عدايم !!
رغم ماراحت فدا الديره من ارواح وضحايا = شامخه ويموت حاسدها ومن فيها حشايم
يالله اني طالبك ياللي نجي يمك عرايا = انك تعز السعوديه وجنبها الهزايم
يالسعودي والتفـاف الشعب من كل الزوايا = حول حكامه فهي والله من كبار الغنايم !!
قلتها من قلب مخلص والله أعلم بالنوايا = غيرة(ن) مني على اللي مارضا لي بالظلايم!!



لاالعيون عيونها


لاالعيون عيونها ولاالدموع دموعها "=" موصحيح العام كانت تماري بالعناد

كانت أقسى من البني كان كايد نوعها "=" مستعيره من أبرهه قلب أقرب للجماد

أذكر اني جيتها عشق وامشي بطوعها "=" والمصيبه عنادها لاتمادى الحب زاد

احسب اني لازعلت الزعل بيلوعها "=" أثرها بنت اللذينه أتمتع بالرقاد

انشدوها زعلتي مايطوف اسبوعها "=" اتصل فيها ونار الزعل تصبح رماد

كنت اداريها واخاف الزمن يروعها "=" كنت نار ولااقبلت جيت نفحه من براد

مبطيه واعيادها كم شعلت اشموعها "=" كل مااقفى عيد ميلاد عيد الحب عاد

عن سفرها كنت انا اول حضور ارجوعها "=" وكنت اسمعها بيوت المشاريه الجداد

كنت اول من قراء بالصحف مجموعها "=" يوم تنجح كان لي الفضل بالاجتهاد

كانت اجمل امنيه وكنت انا مشروعها "=" قبل تستعمل اساليبها للابتعاد

ويوم حطت لجفا منزل بضلوعها "=" مات فيني ثلث او زود من ذاك الوداد

ويوم طاعت بالمفارق كلام اربوعها "=" قلت روحي والمفارق يجازى بالبعاد

اذكر اني قلت يالله تعوق اسنوعها "=" بنت ابوها من الليالي عساها للهجاج

وعودت لاجابه الله وكن اخشوعها "=" اجودية وجهة فيها من رسوم العباد

ياترى وش جابها مقبله بخضوعها "=" دعوة لي وإستجابت وجارد العناد