قصيده أعجبتني .... أتمنى تعجبكم

العنود اللي مسا البارح ـ مساعد الرشيدي


العنود اللي مسا البارح وانا سيد سهرها
اقبلت مثل البياض وودعت مثل الخطيه

المسا ضج بسوالف عطرها واشعل سفرها
والعروق اللي روت مسيارها خضر ونديه

مانشدت اخت المهاه ليامتى حزة خدرها
حد علمي يوم امد لجيدها شرهة ايديه

عقدها المغرور تاه بعطرها ولا نحرها
ساعةٍ اشره عليه وساعةٍ يشره عليه

كل مالدت على البال والعقد يخرزها
قلت انا ماني خوي عادته ينسى خويه

ليتها تدري وعقد الماس لويدري عذرها
اشهد ان الجمرة اللي في الحشا منى وفيه

من سرت يمي وانا مالي خيار الا قدرها
كنها كل السنين المقبله والأوليه

من غدت همي وانا مالي ديار الا ديرها
جالها بين الظلوع الظاميه روحه وجيه

جادل كل الدروب المعشبة تنبت بثرها
جت تبي جرح وقصيد وخلت الثنتين ليه

من يحدثني حديث الثلج للجمر بثغرها
والله اني كنت ناوي لي بهاك الجمر نيه

من نشد هاك الوساع الخرس عن دنيا حورها
وش جمع سحر الغموض بسودها والنرجسيه

الوكاد اني بشط الكحل غنيت لبحرها
ماحلا هوسة هدبها والمسا والسامريه

من يعلم مستريح الريح عن فوضى شعرها
الحرير اللي كسا هاك المتون العسجديه

علموه ان مازح الغرى وانشد عن قمرها
لايخاف ان شاف ظلما وشاف الشمس حيه

للشــــــــــاعر / مساعد الرشيدي

صح لسانك ولسان من قالهااا


نقل رائع .. وهذا يدل على ذوقك او بمعنى اصح تذوقك لشعر


ننتظر جديدك


دمت بود

تسلم اخوي امير الذوق على مرورك

ومشكور على تعليقك الذوق يا امير الذوق

الوكاد اني بشط الكحل غنيت لبحرها
ماحلا هوسة هدبها والمسا والسامريه

من يعلم مستريح الريح عن فوضى شعرها
الحرير اللي كسا هاك المتون العسجديه

علموه ان مازح الغرى وانشد عن قمرها
لايخاف ان شاف ظلما وشاف الشمس حيه

صح لسااااااااانك ولسان قايلهاااااا

ويا بخت من قال فيها القصيد ...

تسلم طيوووووووووب روعة ما نقلت لنااااااا

لاتحرمنا هالطلة الجميلة ......

الاميـــــــرة

الروعة الحقيقية هي مرورك على الموضوع

مما أضفى عليه الروعة

سلمتي لنا ودمتي بكل الود

وأبشرك هي أكيد تستاهل أكثر

ويا حظه هو فيها