السلام عليكم ورحمة الله وبركاته
نمر السحيمي الحربي
ظابط في احد القطاعات العسكرية..!
تحلم في ذات يوم انه ميت .. وانه في القبر ..!
فكتب قصيده .. اسكنها ادراج طاولة في مكتبه .. في عمله ..!
وافته المنيه بعد يومين من كتابته للقصيده .. وعند تسليم اهله ما تبقى من اغراضه..!
عثروا على هذه القصيده بين اغراضه ... وكانت مسجلة بتاريخ يسبق تاريخ وفاته
بيومين فقط ..!
فقد وقعت الرؤيا وحل الاجل ..!
مات نمر وذاق طعم الموت من قبل ان يمووت..!
لن اطيل عليكم .. فليست كلماتي بأبلغ من قصيدة نمر ( رحمه الله رحمة ٍ واسعه )..!
جاني وانا في وسط ربعي وناسي = جاني نشلني مثل ما ينشل النـــاس
مني نشل روح ٍ تشيل المآســـــــي = تشكي من ايام الشقى تشكي اليـاس
اثر الالم في سكرة المـــوت قاسي = ما هالني مثله وانا انسان حـــساس
جابوا كفن ابيض مقاسه مقاســــي = ولفوا به الجسم المحنط مع الـراس
وشالوني اربع بالنعش ومتواســي = عليه ومغطى على جسمي البـــاس
وصلوا علي وكلــــــهم في مــآسي = ربعي ومعهم ناس من كل الاجناس
ياكيف سوا عقبنا تاج راســــــــي = وامي الحبيبه وش سوى بها الياس
اسمع صدى صوت ٍ يهز الرواسي = قولولها لاتـلـطــم الخــد ياناس
قولولها حق وتجرعت كاســـــــي = لاتحترق كل ٍ يبي يجرع الكـــــاس
واصبحت في قبري ولابه مواسي = واسمع قريع نعولهم يوم تـــــنداس
من يوم قــــــفوا حل موثق لباسي = وعلي رد الروح صوت ٍ بالاجراس
هـيكل غريب وقال ليه التــــــناسي = صوته رهيب وخلفه اثنين حـــراس
وقف وقال ان كنــت ( يانـمر ) نـاسي = هاذي هي اعمالك تقدم بكـــــراس
ومن هول ماشفته وقف شعر راسـي = وانهارت اعصابي ولاارد الانـفاس
يالــيتــني فكرت قبل انغمـاســـي = بالـغفله اللي منتـهاها لــلافلاس
وفزيت من نومي على صوت ناسـي = واصرخ واقول "الموت" وأحذر الناس
رحمة الله عليك يا نمر .. قصيده تقشعر لها الابدان .. فهل من مذكر ..؟
تـحـيــــآتـــيـ آبـثـهــــآ لـــكــــمـ عـبـر آثـيـر مـنـتـديــــآتـ .. مـمـلـكـــة ذوقــــي..!
قصيدة نمر .. قـالها بعد وفاته ..!! 
العرض العادي
