البارحـه
البارحـه عينـي جفـا النـوم موقهـا
تسبـر سنـا بـرق رفيفـه يشوقـهـا
جعلـه مـن المنشـى ينثـر مخائـلـه
مـن مزنـه غـرا تكاشـف بروقـهـا
لامرهـا العسـاس مـن غـب سيلهـا
عيـن خباريـهـا ووكــد حقوقـهـا
مدهـال ذود ماتقـرع مــن الطـنـف
لاقرعـت بعـض الرياجـيـل نوقـهـا
البـل تبـي رجـل عـزومـه قـويـه
ولانتـوت عــن دربـهـا مايعوقـهـا
لايسمـع العـاذل ولايسمـع الــردي
رعايـه الربلـه ليبـسـت عروقـهـا
يـامـا رعيـنـا مشـبـر مارعـوبـه
اهــل الغنـيـم تـدقـق اربـوقـهـا
مافيـه ياكـود الشـقـاري وخلطـهـا
وفيه الخزامـي اللـي طـوال عنوقهـا
ترعابـه العـري ويبـنـي شحهـمـا
عقـب الدهـر خطـر تزايـد فتوقـهـا
يازينهـا ليـاجـت عـقـب المعـشـا
والنـار تشعـم والمعامـيـل فوقـهـا
اليـا لفـت عقـب العتيـم وتفاهـقـت
وغسلـت شمايلهـا ورفيـت شقوقهـا
هـذي تغـرز مـن غلاهـا وقـدرهـا
وهـذي يـقـدم للنشـامـا غبوقـهـا
واليا اصبحت تسرح علي الر وض الادني
اليا اشرقـت الشمـس بـاول شروقهـا
لهبـك النسـنـاس تشفـيـك خنـتـه
ويكفيك عـن ريـح الخزامـي نشوقهـا
وراعي الوظيفه يرتخص عـن وظيفتـه
يرعابهـا القافـر ويتـبـع طروقـهـا
كلـه لعينـا الشايـب اللـي يحبـهـا
عـودا يقـلـط للنشـامـي حقوقـهـا
لايجـرح العانـي ولايزعـل الـخـوي
وعوق الخصوم اللـي وساعـا حلوقهـا
اللـي يحـب الطيـب يلـقـاه عـنـده
واللـي يــدور للـمـراره يذوقـهـا
ومن لايحـوش المرجلـه فـي شبابـه
واليا انتحـت صعـب وعسـر لحوقهـا
وختامهـا منـي صـلاه علـي النبـي
عـداد ماتنـشـي وتـبـرق بروقـهـا
يامرحـبـا
يامرحـبـا ترحيـبـة ماقـالـهـا الا
البدو لا شافو بروق المزنـه العقربيـه
من خاطر وقف من الفرحه ورحب وهلا
ياغايب ربـي خـذه منـي ورده عليـه
خليتني والعاشـق الولهـان ماينتخـلا
الا تخلي البدو عن حب الفرس والمطيـه
تعال يالغالي ترى مافيـه داعـي تغـلا
ان الملوح واقلطـي ياليلـه العامريـه
خليني اعبر عن شعور الغـلا واتسـلا
واجر لحن من لحون طروقي السامريـه
لين العروق الظاميه تشرب حنان وتمـلا
وانا علي احفظ غلاتك مثل حفظ الوصيه
واليا انفهق ليلك وصبحك ياحبيبي تجـلا
من لا مني في فرحتي لا رحم ميته وحيه
هرجك عسل حالي وريقك كوكتيل محـلا
العام الاول ذايقه فـي فنـدق الفيصليـه
وان قلت لي ماذقت غيره قلت حاشا وكلا
الا العويدي لا ذعر في دلـة الشاذليـه
هذا العذر يكفيك من صاحبك يازيـن والا
ودعتك الله ياخوي ماوثـق فـي خويـه
شاعر المليون
انا يازماني في فوادي ثـلاث اطعـون
ولاهي بطعنه من سيوف اوسكاكينـي
من افتح ياسمسم والا يافلم ابو كرتون
امورن تغث اكبود حتـى الوراعينـي
وجمهوري الغالي يسوق الشره ويمون
ونا قد شرهات العتـب مـن محبينـي
يقولون ماشاركت واقول هـل توحـون
ابي كل واحد يفتـح اذنـه ويوحينـي
لابالله ماشاركت فـي شاعـر المليـون
لواني على المليون تومـي شرايينـي
ولكن انـا مانـي بخبـلٍ ولا مجنـون
اجي وقطع ارزاق الضعوف المساكيني
والامر ودهلني علـي للرجـال اديـون
ومليـون واحـد مايسـدد دياييـنـي
الاياحمام الورق يااللي تجـر الحـون
تغانم زمانك بيـن خضـر البساتينـي
تراها لا ركبت كل جمره على الغليـون
وراد الله انه يصفي الماء من الطينـي
حشرنا الضباء بقرون والابدون اقرون
اقرون الظبي تصلى على النار وتليني
مثل ماوطى هامان والاوطـى فرعـون
ثياب الشرف ماتستـر الاالشريفينـي
ياالاجواد مدت للمواهب اكفوف العـون
وهاذي صفاتٍ من صفـات الكريمينـي
والاقزام تهدم كل ماأهل الكرم يبنـون
اصروحٍ من الامجاد ماهي من الطينـي
بنتها الكفوف اللي كرمها سحاب امزون
ارموز البطوله نصرة الحـق والدينـي
غضبهم وأنا سلطان يهتز منه الكـون
وكرمهم تربع فيـه حتـى البعارينـي
اجبالٍ قممها فوق والها حجا وركـون
اليا مر طاريها على الـراس والعينـي
بطولـه عربيـه وتاريخهـا مصيـون
عن الاستهانـه باالقيـم والقوانينـي
واليامن لحقني من زماني جفا وغبـون
تذكرتهم ومسيـت فـي راس علينـي
عساالله يهونها على الناس لين اتهون
وتزين القرايه فوق روس المجانينـي
اضعاف العقول اللي تهبد على مالـون
على كـل ملـواحٍ تهـز الجناحينـي
ماتنظف يديهم لو تغسل من الصابـون
كثر ماتقدمها علـى الزيـن والشينـي
عليك الفرج عليك
عليك الفرج ياالله ياحي ياقيّوم *** إلهٍ عباده كلها تلفت يمّه
الا يارفيقي والله انه عداك اللوم *** انا اللي علي اللوم في ذمتي ذمه
ولكن سامحني ترى العلم فيه علوم *** ولا يفرح اللي بيننا ينقل النمه
حصل ماحصل والعبد يصبر على المقسوم *** يدور الزمان ويخلف العزم والهمه
طرات الرجل لا لحقه من الزمان هموم *** ما يدري بسده كود خيرة بني عمه
وسيع البنايد في الشدايد قوي عزوم *** لعظك زمانك شال همّك مع همّه
وانا والله اني ماتهنى بحلو النوم *** ورفيقي عليه هموم الايام ملتمه
اشيل الحمل منه واحطّه علي واقوم *** مقام يورد مظامي الما على الجمّه
لكن الزمان الشين ظالم وانا مظلوم *** على الهون ياللي تمدح الوقت وتذمه
تهب الهبايب والسفن في البحور تعوم *** وتقفي بها صلف الهبايب عن اليمه
هبوب تصلفقها وبحر وسما ونجوم *** وموج تقفاه العواصيف وتزمه
رد الجمايل
عشقت غيدا سمّحتني عـن الغيـد==اقول والا بس مانيـب قايـل
ميت ظما والعد صعب المواريـد==وبذلت من شانه جميع الوسايل
والشربة اللي من حياض الاجاويد==تقطع ظما هدف الضلوع النحايل
يانوووف جيتك من ورا نازح البيد==بالراس مايحتاج رد الرسايـل
وان كان ماضمّدتي الجرح تضميد==تحملي شرهة عيال الحمايـل
وانا دخيل الصدر والثغر والجيـد==ارخي علي شلال شقر الجدايل
هذي تكفينـي مـن العيـد للعيـد==وانا علي يا نوف رد الجمايل
حبي وحبك حب عليا وابو زيـد==والا مثل حب الطنايا لحايـل
ذاك حثــلان راعي الفعول المتعبه
يا بو هادي ولع النار و اسمع و يش أقول ==كل ما غنيـت لـي بيـت غنـه واكتبـه
فيه حاجة قد لها أيام في صـدري تجـول==كنهـا تآكـل عظامـي و دمـي تشربـه
انهبـل معهـا و كـن مانـي بمهـبـول==بين حين و حين أهوجس و اسرح و انتبه
و من نشدني قلت حملي ما هو مثل الحمول==يملـك الرجـال ملكـه لدقنـه و شنـبـه
لو نشدت أهل التجارب رزينيـن العقـول==قالـوا المعـروف مالـه حلـي ولا شبـه
ما ملكني غير معروف زحل ٍ مـن زحـول ==الكريـم اللـي مزايـاه مـن ربـي هبـه
مدته و بل ٍ مـن الغيـث دهّـاج السيـول ==اطيب المدات و أغلى الهدايـا و اصعبـه
ذاك حثلان السبيعـي و اكررهـا و أقـول==متعب الأبطـال راعـي الفعـول المتعبـه
انجرح ظهر الجمل و انحنى رأس الذلـول==و الهبايب نودها صلـف و القـاع حدبـه
و انتهى وقت الحكي و ابتدا وقت الفعـول== لد عينك يـم حثـلان و انخـه و اندبـه
لين توحي في دماغـه مثـل دف الطبـول==صامل الفزعـات شبـاب نـاره بحطبـه
نسل فرسان المعارك على سروج الخيـول==اهل التومان و أهـل السيـوف المذهبـه
حزة ٍ فيها الـردي لا يقـول و لا يطـول==و الشجاع اللي بفـوزه يفـوزون عربـه
ما ذكرت الا الحقايق على حسب الأصـول==فيك يا حثـلان راعـي الفعـول المتعبـه
فر قلبي فرت اللي فالهوى مفتره
فر قلبي فرت اللي فالهوى مفتره
مايوردها علياني ولا جفالي
كونكوردٍ صمموها صانعين الذره
واستعدت تطوي الأمتار والأميالي
في قيادة كبتنٍ تصميمها ما غره
ايتفنن في قيادتها بدون أشكالي
فرها فوق المدرج مرتين ومره
لين عرض جنبها صفق الهبوب العالي
وجر قلبي جر قوسٍ في يد اللي جره
يوم جاز اله الحن والراس ما هو خالي
مايشوف من السماء لو كان كبر الذره
نايشه ضيم الزمان وفاقدٍ له غالي
الفراق اكبر مصيبة والجفياء مره
تهدم الظن الكبير وتوجع الرجالي
مثل ما شفت الجفاء فعيونه المحمره
مثل قولت روح في فالك وانا في فالي
لا تذكرني اليا احرقك الزمان بحره
وانس حتى سنترال البيت والجوالي
وانس فزعاتٍ توسع خاطرك وتسره
يوم تنخاني واطوّح غترتي وعقالي
هب يا هذا الزمان الله يكافي شره
بعد كان البرق برقي والخيال خيالي
الرفيـق اللـي لاغبـت
الرفيـق اللـي لاغبـت مايحمـي قفـاي
اجل لامن صرت حاضر ماني في حاجتـه
احتمـي دوري ودور القبيلـه مـن وراي
جمـدوا هـرج الفـراغـات ياهراجـتـه
كانها بمصامـخ الـروس والا بـاي بـاي
خلـو الفلـم المدبلـج علـى دبلاجـتـه
طول عمري ماستمع من ضعيـف الـراي
راي ولاطمعت بديـك خيبـر ولادجاجتـه
العداوه شي عـادي تجينـي مـن عـداي
من نسج نفس العـداوه عرفـت انساجتـه
وان كلاني مخلب من مخاليـب اصدقـاي
قلت ضاعت صيده فـي طـرف عجاجتـه
وان ثناهـا مـرت ثانيـه جعلـه افـداي
لامسـك كلـب الخواجـه كـلا خواجتـه
الارض ماهي ملك ابي والسما ماهي سماي
مير العوج لا اعترض لي عدلت اعواجتـه
افـرده وذوقـه لمستيـن مـن عـصـاي
وادبـه تـاديـب طـفـل علىدراجـتـه
لين ينسى عناد راسـه ويذكـر مستـواي
ينتبـه والا يسوهـج علـى سوهاجـتـه
في نظره الناس لون وهـو هـاي هـاي
والمـدوج مابعـد فـاق مـن دواجـتـه
ابك انا لو اشرب البحر مايقطـع ظمـاي
وانت مثل الضب يزحف تحـت عجاجتـه
يا لحون العود
يا لحون العود.. والا يا مجارير الربابه
إختلف معنى القصيد وضيّع الفنان فنه
حلم.. مدري علم.. مدري نوض برقٍ في سحابه؟
اثرها طلة جبينه يوم زاح الليل منه
أقبلت مثل الفرس لا سمعت طبول الحرابه
مقتفيها ليلٍ أسود والنجوم يفرّقنه
النهار يمر ويعدي وليله في عقابه
النحر صبحٍ تجلى والجدايل كنّهنّه:
مخملٍ يلتف فوق الجيد الالتع بالنيابه
عن سلاسيل الذهب والماس خوف يجرّحنه
غاب عني والوله خلاه عندي في غيابه
ما درى ان فرقاه نار ولا درى ان لاماه جنه
يا وجودي وجد من صفق على ماضي شبابه
بان شيبه والسنين اللي يبيهن خالفنه
غرّته خضر السنين وراح عمره مادرى به
غرّرنه وارفعنّه إلين سجّ وحوّلنّه
ويا وجودي وجد عودٍ لا عيال ولاقرابه
ما جداه الايونّ ويردف الونه بونه
ما لقى فزعة رفيق ولا عادة مستجابه
كل ما امسى له بظنٍ خيّبت الايام ظنه
هذا وجدي في غياب اللي نزح والله جابه
صح فرض الله فرض.. وسنة الرسول سنه
الغلا جسمٍ رقيق ومرهف احساسي ثيابه
مثل غصن الورد يوم الهبايب يطرقنه
ما زرعت الا غلاه ولا نقلت الا صوابه
والحشا ما ضاق من خضر الطعون المستكنّه
يا حبيبي ما زها كف الخضاب الا خضابه
فيه نظم المفردات وفيه للعشاق عنه
الظبي ماله شبيه وبينك وبينه تشابه
التفت بشويش والقى فيه منك وفيك منه
خالقك من فضّل محمد على كل الصحابه
وصخرك مثل المهار اللي تصخّرها الأعنه
والثنا والشكر للي رحمته تسبق عذابه
لا لخلق الله شكر ولا لخلق الله منّه
قاله اللي ما خذا من ما يريد الا هبابه
خيرة الفارس ثنيّه خيل صفراً مستعنه
صامل الفزعات
والله ما يفتح مغاليق الضّماير *** كود تل الجيب والموقع محدّد
لا كفخ بين الحتيفه والزّباير *** كفخ شيهانِِ على الصّيد يتهدّد
والحصى مثل الفشق بين التّواير *** وعجّها مثل الغثير الياتبدّد
نحِّره معطي على الضّيف البشاير *** عن مواجيب النّشامى ما تصدّد
ذاك ( أبو سلطان ) حمّال الخساير *** صامل الفزعات روقيِِّ مردّد
يوم كلّمته ، وجور الحمل جاااير *** قال : أنا ( ابن روق ) قول : ولا تردّد
قلت : كفووو ، وهلّت العين العباير *** لعن ابو قلبِِ بحبِّك ما تجدّد
جعلها يمناََ ما تلمسها الجباير ii*** ii اليمين اللّي تطش ولا تعدِّد
جعل يفدونه مجمِّعة التّجاير *** شلِّّةِِ ، عنوانها قيِّد، وسدّد
عكس ( أبو سلطان ) حمّّال الخساير *** صامل الفزعات ( روقيِِّ ) مردّد
يا اعذب الاصوات
مرحبا يا اعذب الاصوات واغلاها
صوتها العذب مرسلته علشاني
والمشاعر ترحبه من اقصاها
من خفوقي ومن دمي وشرياني
كل كلمه تداعب حمرة شفاها
تمتلكني وتامرني وتنهاني
أنا وارضي وشعري من فداياها
حتى بحري ولولوي ومرجاني
وان كتبت القصيده في مزاياها
أتحدى حروف الشعر تعصاني
مير حتى قوافيها ومعناها
كل حرفٍ يسابقني على الثاني
وكل بيتٍ تثنى في محياها
يحمل اسمي وتاريخي وعنواني
وكل حرفٍ تلببها وخواها
عود جاوي وكمبودي وريحاني
والله اعلم ولولاها ولولاها
ما تحديت ظرف ولا تحداني
لين راحت وراح القلب وياها
قلب سلطان مير الحب سلطاني
حطته كنه الخاتم بيمناها
مثل خاتم نبي الله سليماني
كل طعنه من الغالين حياها
كد ذبحني غلاها العام وأحياني
كنت من حبها اكتبها ولا أقراها
مير ذالحين تكتبني وتقراني
في حياتي من أولها ليا أتلاها
مهرةٍ كنها من خيل جداني
كل ما وصفوها كنها اياها
بس هاذي بليا سرج واعناني
سرجها الليل لا انهل وتغرشاها
تفهقه عن جبين الصبح لا باني
وان نطحها الهوى والا تقفاها
قمت اغنيلها يا لاحي وليحاني
واسمعتني وقامت تقصر اخطاها
وازرقتني برمحٍ ما تعداني
واردفتله بخنجرها وشلفاها
وابتلتني يا ربي لا تبلاني
لاجل الغلا
لاجل الغلا نطوي البيــــــــداونقطعــها
مشـاعر الحـــــــــب لاعنت تعنيينـــي
لاقلت لبيـه من ثغرك وانااسمعـــــــها
نسيـت بعد المسافه بيـــــــــنك وبيني
ياعشقه الروح ياخـيره مطــــــامعــها
شوفتك عن باقي الدنيـــــــــا تكفـينـي
محبتك من ثلاث سنــــيـن زارعـــــها
في شهـرسبعه سنة خمسه وتسعيني
وداعه منـك وانت اللي مـــــودعـــها
تجري مع دم قلبي في شـــــرايينــي
وانته وداعتك روحي لاتضيــــعـــــها
ضياع ياسر عــــرفــات لفلسطينــي
تولعـــــــت والله اللي فيــك ولعــــها
والقلب عاشقك قبل تشوفك العيني
النفس تامــــــر واناماني بطـايعـــها
الله عن النقد والمنقـــــود يحمينـي
لو ان كبدي هجير الشــوق لايعـــها
امر عطشان والشيمـــــه تعدينــــي
ام الدلع في ذرى شيـــــخ مدلعــــها
زيزوم قوم علي الشـــدات قاسينـي
شيخ ليا كبرت القــــــاله يسنعــــها
ماهي بشيخة ختم والا مـــلايينـــي
قالها سلطان في قبيلة
الشيابين من عتيبه
من امس يابن فهيد وانا في جدال
من صبح لين الشمس مال ظلالها
ابي الجواب الي على قد السؤال
سلامتـــــك ياعمـهــــــــا ياخالـهـا
وانا تراني يوم اعيـد الاتصـــــــال
ماهو من اجل اقصارها وطوالها
خلاصت صافاً للرجال من الرجال
ازمة ورب البيت حـل اشكالــــهـا
وانته يابوسلطان ذخر وراس مال
من روس قوماً جمل الله حالهـــا
الاد ابن مشيب كريمين السبــال
اهل الرباع الـي يظـل اظلالهـــــا
وهل مجاهيمن عليهـن الهـــلال
ترعى الوسامي والجنب يبرالهـا
ترعى بضف الي يروون السلال
لاقيـل عـال الخيـــــل ياخيالهــــا
وجت السبايا عجها مثل الخيــال
وتلافحت صـم الــرمـك بذيالهـــا
خيلاً عليها من بني مشيب عيال
ترمي العشاء بقفايهـــا وقبالهـا
وهذه قصيدة سلطان التي يعتذر فيها للأمير سلطان بن عبد العزيز ويطلب عفوه :
فيما دار بينه وبين ضيدان من قصائد هذا واللـه اعلم
الله ولا بعض السوالف والعلــــــــــــــوم
تحمل الرجــــــــــــــال ملا يقــــــــــــــدره
ما من وراها الا المشاكل والهمـــــــوم
ياعنك ما فيهـــــــا من الله خــــــــــــيره
عسا غضب خطلان الأيــــــدي ما يدوم
وعسا عمار الطيــبـــــين معـــــــــــمره
يا سيدي سلطـــــان قومني وأقـــــــوم
وأرجو من الله ثم مـــــــــك المــــعذره
وأنا عن الزلات مانيب معصـــــــــــوم
والعفو يا كحيلان عنـــــــــــد المقـــدره
أنا حفيد الي يســــــــدون اللــــــــــزوم
يوم أنها كان عبـــــــوس وغبــــــــــره
والبيرق الخفاق من بين الـــــــــرجوم
وحدب السيوف مورده ومصــــــــــدره
بقيادة الي وحــــــــد الدولة عمـــــوم
شق الطريق ووحـــــــــد الله ونصــره
عبد العزيز الي اليا شن الهجــــــوم
من صف عدوانه تضيق المقـــــــبره
اليا صفق له خشم من بين الخشوم
من قوة الصفقه يطيحن عشـــــــره
واصل على خوض المعارك بالعزوم
وتقطعت عوص النجـــــــايب في ثره
لين العلم رفرف على روس الرجوم
في ضل حدب بالدمي معطـــــــــــــره
وحنا ما غيرنا العوايد والســلـــــوم
الي خلق فينا الـــــولاء ما غــــــيره
معنا الولاء يزداد يوم بعـــــــــد يوم
في صدورنا حتى ولو ما نقصــــــره
وحكي الرخوم الي تروجه الرخوم
والله ما غير في محبتنا شعــــــــره
يا سيدي وأن راحت الأصحاب قوم
أحد يسند علم وأحدن حــــــــــــدره
فأنا دخيل حماك يا العبد الــــرحوم
لا تستمع فينا ولد ولا رجوى مره
يا مفرج الكربات يا قوي العــزوم
ملاج لمن ضامه زمانه وعســره
أنت الذي عن زلة الجاهل تشــوم
واليا كسرت العظم محــــدن جبره
محاسنك غيم ماهو مثل الغيــــوم
اليا اصطفق برقه يسابقه مطــــره
غيثن دومه حي يا حي القــــــــــدوم
يروي الفياض الجرد اليا الله أومره
ويا سيدي محدن من الطيب محروم
قلت نعم عن الرجال مــــــــــــــدوره
ولا أنت مثل طويق من بين الحزوم
كلن تذرى في حيوده وشجــــــــــره
تبي الحقيقه يا عسى عمرك يدوم
شعر ما يكتب فيك ما فيه ثمره
وعفا عنهم الأمير سلطان وتم الأفراج
امساني اللــــيل
امساني اللــــيل في بر النعيريه
العي مع الورق واغني غوانيها
لا اوحيت صوت الحمامه قلت ياحيه
كني ولد عمهـــا والا بنااخيــهــا
عليك يامن كواني وانجح الكيـــــه
والنار ماتحرق الا رجل واطيها
عقب الغلا والمحبه والمحنيـــــه
حرمتني لذة الدنيــــا ومافيهـــا
روحي مراح القطا في يوم هيفيـه
ريح الندى قدمها والعج قافيها
بشّرتنـي بلامـاك
رؤيـا منامـي بشّرتنـي بلامـاك
وفزيـت أقـدّم للبشيـر البشـاره
هل تعّلم أنّي واحدٍ مـن ضحايـاك
قتيل حربٍ مثـل حـرب الحجـاره
ليتك مصوّبني برمحـك وشلفـاك
الموت من يمناك ماهـو خسـاره
لكـنّ ذابحنـي بهجـرك وفرقـاك
مدري متى تسمـح لنـا بالزيـاره
شربت سحر البابلي مـن شفايـاك
شراب ضرمانٍ شرب لـه زقـاره
يوم أنّي أزيح الشعر عن محيّـاك
وإيدٍ يميـن الجيـد وإيـدٍ يســــــــاره
وأن طاحت الدمعه على كف يمناك
حـرارة الدمعـه تداعـب حــــــــراره
يامن خلقك الله بحسنـه وســــوّاك
أشوف فيك مـن العبـاره عبـــــاره
أحلف واقدّم لـك رهـن وأتحــــدّاك
مالـك شبيـه الاّظبْـيّ الـــــــــزبـاره
والأشقر اللي كل ماقمـت غطّـاك
شقـار بشـت فـداويٍ فالأمــــــاره
وإليا نطحـك الريـح والاّ تقفّــــاك
شبح !! شبح !! صدام بدْي وغماره
ماقـط سافـر فيـه هــــــذا ولا ذاك
شبح وزيـرٍ عنـد بـاب الــــــوزاره
أثرْك جالك بطين
أثرْك جالك بطين ونبت لك صـرّه!!
يوم أنّي أزهـم عليـك ولاتحاكينـي
ورثت ورث العجوز وجيـت مجتـرّه
وصنفت نفسك من أصحاب الملاييني!
بالله أبنشدْك كم مرّه .. وكـم مـرّه
يجفونك أقرب بني عمك وتاتينـي ؟؟
تشكي من الفقر .. وتعاني من الحرّه
وأقوم وأقسم معاشي بينـك وبينـي
واليوم تركب على المرسدس وتفـرّه
كنّـك حفيـد الأئمّـه والسلاطينـي
لوّك بدال الأمريكـي عالـم الـذرّه
يمديك أكلت الزوالـي والبطاطينـي
يعطيك من خيره !! ويكفيك من شرّه
عقب التكاسي وعقب الفقر و الديني
أن كان نفسك من المليـون منغـرّه
تـراك خسـران فالدنيـا وفالدينـي
الله هو اللي يسـر العبـد ويضـرّه
والا أنته (أربع حروفٍ) بين قوسيني
تراك مازلت تتبعنـا علـى الجـرّه
من عاد حنّا على ظهور البعارينـي
قومٍ يدينـا تحـوش المـال وتثـرّه
على بيـوت الأرامـل والمساكينـي
لو نملك الكون من بحره ليـا بـرّه
مانمتلك بـه عمـارات ودكاكينـي
والا أنت نفسك من المليون منغـرّه
يكفيك .. وأنا بياض الوجه يكفيني !!
ماذا حدث بين سلطان ابن وسام
وضيدان بن قضعان
هذا ماقالوه لبعض
بالله يأهل دبي ولا هل العــــــــــــين
من قال تبشر به عطيته بشـــــــــاره
قرناس عشر سنين وأربع وعشرين
الله وش فيه من الوفا والقشــــــاره
وأن قام يدرج عينه يسار ويمين
مثل الخفير الي مداقش خفـــــاره
يا شيب عيني لا كفخ بالجناحين
أسبق من طيار الآباتشي طياره
ما هاجر الا بين خظر البساتــــين
في ضيافة الي ما يحسب الخساره
يخلي مراحين ويملى مراحــــين
بيمنى من صدوف الليالي مجاره
يمنى الكريم مبدل العسر باللين
نعم نعم فزاع نمر النمـــــــــاره
أشهر أبراج العام الأول وذالحين
برجين برج أيفل وبرج التجــــاره
وضيدان يكرم في ضيافة كريمين
كنه من آل مكتوم والــــــدار داره
فندق جميرا بيتش ومالية حمر عين
من مر منهم قام يمسح جـــــــــداره
واليوم يا ضيدان وينك وأنا وين
خليتني مابــــــــــــين تاره وتاره
أشيل ما شالت ظهور البعارين
وأصد غاره وآتصدى لغــــــاره
وهذه القصيده التي رد بها ضيدان على سلطان :
البارحه في الدور واحد وخمسين
شبيت من راس الفتيل الــــــزقاره
وكنيتها لين أمتلن الشـــــرايين
لعلها تطفي لهيب الحــــــــراره
ولفتها والدمع في محجر العيــــن
والدمع ماسال لكنه رهين الأشاره
أقـــــــــرأ وأعيد الخط مره وثنتين
وأقـــــــــول من صدرً تحطم عباره
لبيه يا سلطان لو نازح البين
يزوي سرابه ويتركز غباره
غربة حاديني من الفقر والدين
ماحد أبو عرام يجلب قشــــاره
ونصيت ربي ثم نصيت السلاطين
اللي تحفظ لكل رجــــــــــل وقاره
ومن فضل رب البيت مابين عدين
بين أحمد وحمدان والعلم ســـــاره
في فلةً في دبي ملكي ودورين
تعلم البدوان فن الحضـــــــاره
قدامها لنكن وكدلك ورنجــــــــــــين
وفي البر عزبة وفي المدينه عماره
وأن طعتني روح علي ياأحمر العين
بشت الغناة ولا بشوت الأمـــــــــاره
ومن لاعشق له وحدة من هل العين
عز الله أن باقي حياته خســـــــــــاره
وما قالوه وهم في السجن ؟؟؟؟؟؟
؟؟؟؟؟؟؟؟هذا مادار بين العملاقين
ضيدان
مرحبا في حلةً دونها عشـــــــــــــــرين باب
المراوح فوقها والهبوب تفـــــــــــــــــــرها
الحرار الي مواكيرها روس الهـــــــــــذاب
حولة في نقرتن ما يقارب حـــــــــــــــــرها
سلطان
البقى يا صاحبي ما وراه الا العــــــــــــذاب
والجريره حسبي الله على من جــــــــــرها
صاحبي ضيدان غرب ولا أدري ويش جاب
يوم حصل خيرها ما كفاني شـــــــــــــــرها
ضيدان
ما يبرك للحمول الثقال الا الـــــــــــركاب
أحتمل وجنود الأســــــــــــــــلام لله درها
وأن سرى ثلثين ليلك ونجم الجدي غاب
سل عيوني ليه حلو الكرى ما مـــــــرها
سلطان
الفخر والعز بين الثريا والسحــــــاب
والمطر لو ما يضر الدير ما ســـرها
مير قلي وش فرق المشالح والثياب
أن سبحت ببحرها أو مشيت ببـــرها
ضيدان
فرقها فرق أزرق الجم عن ضوح السراب
السراب يوهق الضامية ويغـــــــــــــــــرها
البلا من شعلتن ما حسبت لهــــــــا حساب
واحدن منا قدحها والآخـــــــــر كـــــــــرها
سلطان
ما بقى في حوض الأجرب لا طعام ولا شراب
والجنوب من الجـــــرب كل ليـــــــــــل يعــرها
لا تعاتبني عليهـــــــــا خطا ولا صــــــــــــواب
في ذرى روس مطار الهــــــــــــوى مغتــرها
ضيدان
كلبينا لقمة بين ضــــــــــــــــرس وبين ناب
مير يا سلطان دك الركاب وســـــــــــــرها
وأضرب أم جلال بالهرش يا مال الذهــاب
لقحة أم جلال ولا الجمل ما ضــــــــــــرها
قصيدة اعتذار من الشاعر سلطان بن وسام الى غبيش بن خليل الخنافر القحطاني وعمير ال روق القحطاني
لعدم حضوره الحفل وذلك بسبب دخول خاله حنيف ال جدي الهاجري المستشفى
يا غبيش ابن خليل سلم على اعمير
بلـغ سلامـي لابـن عمـي وقلـه
المعـذره لـو ماتفيـد المعـاذيـر
عن موقفن اكبر مـن العـذر كلـه
مير الظروف الطاريه يا المناعيـر
ما هي علـى كيـف اللمخاليـق لله
حركت من الافلاج حزت عشا الطير
عقب العصر يوم الشجر مال ظلـه
وقبل العشا متعدي حوطـة اسديـر
ويـرن جوالـي بسرعـه وشـلـه
هلو نعـم سـلام مسيـت بالخيـر
واليا صـوت جعلنـي فدوتـن لـه
قالت وهي وفيها من الحزن تاثيـر
خالـك امنـوم فـي محلـن مملـه
وما انتبهت الا وانا عاكـس السيـر
كني عمـى والا العقـل فيـه خلـه
هذا يعذرني من اغبيـش واعميـر
اثتبـتـه واوثـقــه بـالادلــه
سلام يا راعـي النيـاق المغاتيـر
اللـي عشقلـه مركـزن واستحلـه
كنه على الجبـه يـدوف الطوابيـر
في نحور حكامـن وقومـن امهلـه
اثقل على البيدا من اطويـق والنيـر
صفقا الهوا مزحزحـه عـن محلـه
وحنا اليا هبت عجـاج ومعاصيـر
نجي من اقصانـا برمحـن وسلـه
كل ابلجن يونس براسـه سعاطيـر
مـوت العزيـز ولاحيـاة المـذلـه
مثل السحاب اللي امزونـه مزابيـر
اماانعـقـد الحـبـل والا انحـلـه
انورد الظامي علـى جمـة البيـر
ونخلي سروج امهـاوزات الاظلـه
ميقافنا واحد علـى الشـر والخيـر
يطلـق علينـا دولـتـن مستقـلـه
دوله مظيـم مسطريـن الاساطيـر
فـي معجـم التاريـخ دقـه وجلـه
مركاظنا يشبع به الذيـب والطيـر
وينصر بنا مـن حطنـا محزمنلـه
واليـا بطشنـا بالسيـوف البواتيـر
نبطش ولانبطش علـى غيـر ملـه
مبارك بن عيانان
تكفين يا اميره الفضل عند سلطان
ما في يـدك لاجـاك لاتذخرينـه
تـراه أول مـره يـزور لبنـان
غشيم في بيروت واهلـه ودينـه
خليه يقطف منه بستـان بستـان
وغنيله اجمل ذكريـات المدينـه
خلي يساره خوخ واحيان رمـان
وباقي عناقيـد الحديقـه يمينـه
تراه كتله من مشاعـر ووجـدان
والحـب لا حبـه لعـن والدينـه
رد سلطان الهاجري :
يـا كبرهـا كبـراه يابـن عيانـان
يالله عساهـا كـل يومـن سكينـه
يا ملاحي الورقا على خضر الاغصان
لحن الهوى عـادك وغـد لاعبينـه
يـا لاح يوماحـي يلاحـي يليحـان
حـن الخفـوق ولا سمعتـو حنينـه
انته دريـول مستبيشـي ونيسـان
وانـا تمثنيـت البحـر بالسفيـنـه
مار الغشامه في هذا الراس مسكـان
راسـن مقابيـس الظفـر ساكنينـه
يابوك انـا اسنـع قبايـل وسلفـان
وانته علي توصـي بنـات المدينـه
لاهنـت يامبـارك محمـد ولاهـان
دارن قطفـنـا فـلـه وياسميـنـه
يالله يـا ربـن غفـورن ورحمـن
عسـى علاقتنـا بعفـوك متيـنـه
نلوذبك مـن شـر دورات الازمـان
ولا توليـنـا اليـديـن المهيـنـه
اللي ولـت صـدام واخـوه بـرزان
صار الاسـد كلـن يهاجـم عرينـه
عزيـز قومـن ذللـوه المريـكـان
غبينـةٍ يـا كبرهـا مـن غبيـنـه
ديوان سلطان الهاجري 
العرض العادي
