السلام عليكم ورحمة الله وبركاته
مسـاكم الله بالخير جميعــا..! 
قصـه وشرح ودرس وقصيدهـ 
ســافرت مره لدولـه .. جاره لنـا..!
جلست فيهـا خمس ســاعات بس ..
قضيت منها ساعتين في الطريق 
وثلاث ســاعات قضيتها في ارجاء هالدولـه ..! 
رجعت منهــا . . وصراحه ما كان ودري ارجــع ..! 
المهمـ .. وانا راجع في الطريق للسعوديـه .. وآخر الليل ..!
وكان خويي جالس على يميـني .. وانا اسووق ..!
وانا طالع من الديره هذي .. صار لي مثل ما صار لامرؤ القيس يوم وقف على الاطـلال وقـال
قفـا نبكي من ذكرى حبيب ٍ ومنزل ِ ::: بسقط اللوى بين الدخول فحومل
عـاد انا اقول لخويي
قف ببكي من ذكرى حبيب ٍ ومنزل ِ :::: في محطة بنزين او اقرب بقـاله 
المهم احس اني بديت الموضوع جد .. وقلب استهبـال ..! 
نعود لمحورنـا
المهم انا عطيت خويي الجـوال وقلت انا بقول وانت اكتب الي بقول لك..!
ويوم وصلـنا المركز السعودي ... قفل خويي الجـوال وطلع جوازه وعطاني جوالي وقال خلاص طلعنا من ديرتك .. تراك ابلشتني ..!
المهمـ
انا بحط لكم القصيـده .. وتجاوزوا عن كل ما فيهـا من كسر او قصور..!
( احب اوضح ان اختلاف اللهجــات يسبب عند بعضكم كسر في القصيده .. يمكن ما تعرفون تنطقونها مثل ما كتبتهـا لكن حاولوا )
الحين بقول لكم وش سالفة اسم المووضووع..!
"المملـكه تودعكمـ !" .. حطيتها لاني اشتقت لهـا ودي اقراهــا
بس طبعـا اللوحه الي قريتها في المنفذ الي يم الديرهـ الي جيت منها
ما ابي غيرهــا
بعد الهذرهـ وكثرت الكـلام... استلموا القصيده بكل عيوبـهــا.. اتمنى ان ترتقي لمستوى ذائقتكم ..!
بسم الله الرحمن الرحيم = ابتدي بإسم الله الرب العظيم
يالله اني طالبك تستر علي = وتغفر ذنوب ٍ بها قلبي سقيم
ويالله اني طالبك يوم الحساب = لا مشينا بالصراط المستقيم
تجعل الخطوه كما برق ٍ لمع = واتجاوز بالعفو نار الجحيم
زادت ذنوبي وانا عبد ٍ ضعيف = وانت ربي وانت غفار ٍ كريم
واكثر ذنوبي سبايبها الفتن = فتنة ٍ وحده .. عسى ربي يديم
فتنة ٍ خطره على قلوب الرجال = قالها رسولنا و اهو العليم
الفتن زادت علينا فالزمان = لكن المقصد ترا "فتن الحريم"
ودامي صغير وانا توي شباب = وش يرد القلب حتى ما يهيم
هايم ٍ قلبي بترفات الصبا = وكل من هو لامني فيهن! غشيم
بس وقف!! ماهو بكل البنات = ودامها خربت ..! خذ العلم السليم
لبى والله بنت ٍ شيخ ٍ قد رحل = "جـابر" اللي اسس المجد القديم
اسس امجاد الكويت وما وهن = يا عسى الله يسكنه جنة نعيم
"الكويت" اللي حوا كل الحلا = جعل ربي يسقي ربوعه بديم
وسط اراضيه البنات المترفات = من حلاهن ضيعن عقل الفهيم
لو لمحهن كافر اسلم واناب = وراح يدعي بين زمزم والحطيم
وان لمحهن قايد يقود الامم = من حلاهن ضيع الراي الحكيم
وان لمحهن حضرته بوش الابن = يعترف بان العراق يعيش ظيم
ويسحب الجيش المكدس بالعراق = وعزة الدوري يصير اغلى نديم
ناعمات و كاملات ٍ بالجمال = ذوق .. شوق .. رقه .. وطبع ٍ حليم
هاديات .. و راقيات .. ولا عجب!! = لو اقول ان الدلع فيهن لزيم
ومن حصل منهن على ذرة حنان = اشهد انه يا عرب فينا زعيم
وش بوّصف لو بوّصف يا عرب = مهما زاد الوصف بالآخر عقيم
وكان "شـعـري" مزعل ٍ فيكم احد = يركد .. و يلعن ابليس الرجيم
باختصر زبدة كلامي في شطر = "حب بنت السالميه فالصميم"
العذر والسموحه على القصووور .. !
اخوكـــمـ وآفـــــي..!
"المملـكه تودعكمـ !" ... وآفـــــي 
العرض العادي
