يا معذبتني ليه هذا الجفا ليه


يامعذبتـنـي لـيــه هـــذا الـجـفـا لـيــه
وأنـتِ تضميـن الثـرى مـن ظـلالـي
وش ذا الـغـرور الله يّـحـمـد تـوالـيـه
مـن ويـن جالـك هالكـبـر والتعـالـي
تـعـالـي انــــتِ دام كــــلٍ ومـاضـيــه
الحـب مـاهـو بــس حـقـي الحـالـي
لا تذبحـيـنـي بـالـعـتـب والـمـشـاريـه
والله مابـيـدي ســـوى راس مـالــي
معـزتـك وايـضـا القـصـيـد ومـأسـيـه
والضيف لا جاء والحطب والدلالـي
وعـن حلفـي اللـي قلـت طيـرٍ يعشيـه
كـفـه لـيـا بـــردت عـلـيـه اللـيـالـي
يعنـي ثـلاث اشيـاء املـك مـن التـيـه
لسانـي.. وقلبـي.. وطنخـة عقـالـي
أدعيـك فـي كـل اسـمٍ يسمـونـكِ فـيـه
يـا أم الحسـن وأم التـرف والدلالـي
عــودي لقـلـبِ صــار مـاعـاد يمـديـه
يـرقّــع الــلــي راح يــــا هـمـلالــي
وإذ أن قلـبـك وده انـــه انـــا ادعـيــه
بإسـلـوبٍ افـضـل يرتـقـي للمعـالـي
مـمـكـن أحـــاول اتـحـضـر وانــاديــه
واقـــــولله اذا تــحــســن مــقــالــي
ياجـمـرة الـوجـد المسـمـى وطـاريــه
ويـا عقـد باحجـار البحـر واللئـالـي
اليـا ظهـر بـدرك مــع اللـيـل اسـريـه
واليا اختفـى ماعـاد صبحـي مثالـي
أســاور الـشــك الطبـيـعـي وانـاجـيـه
وارقى على رجوم الغلا فـي خيالـي
افـارقـك فــي لـيـه والـقـاك فــي لـيـه
واحيان احسك ما أنت داخل مجالي
احيان احسـك شـيء واثريـن طاويـه
واقاسـمـك والـقـى حـلالـك حـلالــي
اقـتــل خـيـالـك واتـحـسـف وابـكـيــه
وارثيـك واثـرك مـن عيونـي قبالـي
وازعل واخونك واذبح القلب واسقيه
وازعـل علـى نفسـي وادور بـدالـي
مـتـضـاربٍ بـيــن الـغــلا والمتـايـيـه
ضايق واحس ان الزمـن ماصفالـي
واذا تركتـيـنـي اقـــول الـلــي ابـغـيـه
بـقـول لــك انــك سـبـايـب هـبـالـي
خــلـــي فـــــؤادك لايـكــثــر تـغـلـيــه
يسـرع يجينـي قبـل اشـد الرحـالـي
الـخـاطـر الـلــي مـاتـوســع مـفـالـيـه
ماهـوب متحمـل عـلـى كــل حـالـي
لا تحسبيـنـي مــن عـروقــي اغـذيــه
طبعي جنوبي لو غدا اصلي شمالي
طـرح الكريـم اللـي وساعـن مـذاريـه
مــا ينـتـهـض الا يـشـيـل الثـقـالـي
من عرض عصمان الشوارب تواليـه
الـلـي الـيـا غــارت تــدك الجـبـالـي
وانــا مــن فــروخ الصنـاديـد ياهـيـه
اعــمــام والا لـنـجـذبـت لـخـوالــي
ابـسـط نـداءتـي الـــى قـالــوا الـبـيـه
ومن أصغر القابـي طويـل السبالـي
مغـرور فعـلاً واعـتـرف لــك ومافـيـه
عيبي اني افخر وافتخـر فـي فعالـي
لــو قـلــت لـــك يـاهـيـه ردي بلـبـيـه
ولـو طـال بالـك شـر بيطـول بـالـي
كـــذا نـحــل المشـكـلـه والـمـشـاريـه
واضمـن لـك انـك تارديـن الـزلالـي



كلك مهابه - ماطر قصه وقصيده



ماطر المنصوري .. واحد من اعز الرجال اللذين تربطني معهم علاقه قويه على درب (النقاء)...
بإختصار العام الماضي في نهاية موسم القنص كنت في دولة الإمارات وكنت أنا والأخ ماطر جالسين ونسولف عن هوايتنا وعن الطيور والحباري ولم نخرج عن هذا المجال والأخ ماطر من اشهر صقاقير ابوظبي ومعروف عنه في بلده انه يقنص بطيوره الأراضي العراقيه منذ اكثر من 15سنه مروراً بظروف العراق التي لا تخفاكم وربي سبحانه ميسر اموره وله علاقات قويه هناك. فتطرقنا للحديث عن المقناص في العراق وعن ارضها الجميله وصيدها الوفير فطلب مني طلب وقال بلهجته وبسرعه لم تمنحني فرصة التفكير ( علي الربق أن تقول تم يالشاعر) فقلت بعد (مازرقني) (تمين ماهب واحد) فقال نبغيك تقنص معنا العراق السنه الجايه ( بلشت شوي) وقلت براسك وتم على اني بس ابي امشيها لين السنه الجايه اللي هي هذي راحت الأيام ودق علي الرجال قبل فتره يشيك ويتأكد ويحدد الموعد.. ماقلت له شي في التليفون كنت اقول (تم .. وخير ) لين سكرسماعة التليفون اخذت بعدها يوم واتصلت وبنفس طريقته وبسرعه بس هالمره بلهجتنا ولكن المعنى واحد قلت ( علي الحرام ان تسمع اللي ابي اقولك وان تقول تم) تراه الأجودي قال تم قبل يسمع مع العلم انه يدري اني (ماتزوجت واطلق هواء) بس هي فوعه. وسمعته القصيده وقال صح لسانك وقعد يضحك واعفاني عن المقناص معه في العراق وقال قانص معك هالسنه يعني قانص إن شاء الله لو في سوريا..!!؟؟
وللإمانه هو اللي طلب مني نشر القصيده مع ذكر اسمه ولاكنه طلب ان انشرها في الإعلام المطبوع فقلت له يابوعيد لو ارسلها للنشر كان والله اعلم يمكن ( ينشرون غسيلي!!!!!!!) قال كذا قلت كذا

ماصارت السالفه مختصره .. لكن السموحه وإليكم النص مسبوق بالعذر





اشتـقـتـلـك يـارفـيــق الـطـيــر والــدلـــه
شوق الصحاري لنبت العشب والماطر
لــنــك فـهـيــمٍ تـعـقــد الـحـبــل وتـحـلــه
حــرٍ مـعـرب سـلايـل مخـلـبـه شـاطــر
مـفـرع قـرامــه وفـعــل وقـــول وجـبـلـه
كـلـك مهـابـه ورب البـيـت يـا(مـاطـر)
إلـيــا فـقـدتـك احــــس بـكـويــة الـمـلــه
وإلـيـا لقيـتـك اروق ويـاسـع الـخـاطـر
لــكــن وقــتــي دمــــار وعـلـتــي عــلــه
جيـت اتـبـرى بوجـهـك عـلـك تشـاطـر
الـوقـت قــرب وأنــا يالـقـرم بـــي خِـلــه
وانتـه اشوفـك لساعـة موعـدي نـاطـر
لاتنـتـظـرنـي وذيــــك الـــــدار مـحـتـلــه
والــدم فيـهـا عـلـى القيـعـان متـقـاطـر
وشـلـون اجيـهـا بـكـفـي طـيــر واشـلــه
والواجـب إنـي اشيـل السيـف واخاطـر
ماكـنـت لفـعـل واصـيـد الـريـش واحـلـه
والـبـوش يـذبـح أوادم حِــل ويـسـاطـر
خـــل الـعـراقـي يـمــوت بـديـرتـه خـلــه
واقـنـص بــدارك ودور جــرة الـفـاطـر
كــذا أونــك لـيـامـن رحـــت مـــع شـلــه
خل (الحباري) وصيدوا جندي الباطر!!



قيادة المرأة



افـتــح الـقــرآن يالله او حـديــث الـسـنــه
واعطنـي اقــوى دلـيـل يفـنـد العلمـانـي
كـانـه مكـفـر فعطـنـي مقـضـب المنـسـنـه
والله الـوالـي لجـبـع عـاتـق النصـرانـي
وان غدا عاصـي فرحبـي للـذي وش كنـه
عين نبع من صفاهـا تـروي العطشانـي
شيـخـي الـلـي منـتـه مـنـه ولا أيــة مـنـه
ضلع قلبي بيض وجهي جدي الروحاني
عزكـم يـا العـوده اللـي تكـسـرون الشـنـه
وعزنـا بالـديـن حـنـا شيخـنـا سلمـانـي
الـخـوارج حوطـونـا مـثـل ســـور الـعـنـه
عـذرهـم رايـيـن لازم واحــد مــع ثـانـي
وآخـــر الاراء شـفـتـه واحتـقـرتـه لانــــه
الدلـيـل الـلـي يـؤكـد نـزغـة الشيطـانـي
ودهـــــم ان الــعـــذارا يـركــبــن الــدنـــه
ويتمـشـن بالـشـوارع كــان بالامـكـانـي
علمـوا راع المعـارض كـان يبغـى الجـنـه
لا يبـيـع الا الـرجـال وعـلـم الحـمـرانـي
والله ان البـنـت والله لــو تـســوق بـفـنـه
ان تصـيـر بمملكـتـنـا ثـــورة الشـبـانـي
وان تشـن الحـرب شنـه مـا وراهـا شـنـه
وان يصير الزيت واللي يطلبـن مجانـي
لا تقيـس الــدار هــاذي مــع ربــوع فيـنـا
ولا تـقـارن هالشـبـاب بـواحـد لبـنـانـي
أبـــك ذولا مـجـرمـيـن وعــالــم مـنـجـنـه
عشقهم لحـم الجمـال وطبخـة الضبانـي
الهـلالـي مـثـل شكـلـي لــو يـجـن ينخـنـه
فـي عـطـال القـيـر والا قفـلـة البيبـانـي
فــي طـريـق مظـلـم مــا للمـوبـايـل رنـــه
مقطعـه مـا فيـه حولـه مرمـرة سكـانـي
وش يسوي يا جماعه ؟!.. الله اعلـم انـه
يفتح المصحف ويقرا سورة الرحمانـي!
عـلــم الـزلـفـه يـوقــف لا نـخـيـب ظــنــه
فالقصيـد الـلـي بـحـده خنـجـر عدنـانـي
ايــه شـاعـر والـدلالـه كـسـرة فــي سـنـه
لأنعمى ينطـح بوجهـه نطحـة العميانـي
الله اكبـر يـا قـرى مكـه ويـا اهــل السـنـه
عرضكـم اصبـح نقـاش لواحـد علمانـي




يـحـول يالـلـي ما سـكـن فـي بــريــده


قصيدة في الحبيبة مدينتي بريدة



المدلهمـه والهـمـوم وحنيـنـي
والوجد الاشهب والضلوع الهميـده
كـل المناظـر لا طريتـي تجينـي
يـادار عـزي ياضواحـي بريـده
والحاقديـن الحـسـد والعاذليـنـي
وديار نقصـى والرجـال البليـده
كـل عجـز يحتـال بينـك وبينـي
عتقتي الحيـلات وانتـي جديـده
طرت عليـه فـي ديـار الخمينـي
والنفس شفقى والمسـاري بعيـده
ضاقت علي وهلـت الدمـع عينـي
وعرفت وش معنى الضروف العنيده
تسبـل دموعـي وابيـح كنيـنـي
كنـي وحيـدٍ فاقـدٍ لـه وحيـده
حنـا ورى كاشـان نفـرق يمينـي
وانتي بنجد ودون حايـل وضيـده
نفحت هـواك اللـي تمـر البطينـي
هبت وتلت مـن خفوقـي وريـده
يا دار اللي كـل مـا قلـت وينـي
جتنـي مثـل ام تباكـت ولـيـده
فيك الرجـال اللـي تبـرك سمينـي
اهل الفعول اللي خطاهـم سديـده
يوم انهـا مبطـي وهـي بالثنينـي
بالسيف والعقل الحكيـم ورصيـده
وهـم رجالـك كـل حـزه وحينـي
فوق الأصايـل والبكـار الفريـده
الله يرحـم ماضـيـات السنيـنـي
من قبل لا تنشـف مـوارد زبيـده
وانتـي رجالـك بالمواقـف تبينـي
مـع الأمـام يثبـتـون العقـيـده
أنـا بقـول الـحـق والله يعيـنـي
وليا احتمت ناري بـدق الحديـده
إليا سجدت وحـب رملـك جبينـي
ذكرت قول اللـي اسمـى حفيـده
يومه يقول اسمع وانا ابـوك زينـي
وعينه شرار ويمسك الرمـل بيـده
يقـول لا تغفـل جـزاء الوالدينـي
وربك خلقك وصر من احسن عبيده
وأن خيروك تعيـش بـس سنتينـي
عش بالقصيـم ولا تعـدى بريـده
كلـه طرالـي وقـت ذاك الحنينـي
ويليتهـا رحلـت عديـم وسنيـده
أن كان انا ما جيـت عنـد اللعينـي
راع البقالـه واشتريـت الجريـده
وقعـدت ادور صـورت معزبيـنـي
فيصل ولد بندر وصورت عضيـده
وازريت ادور صـورت الياسمينـي
اللي تفرعن في شعيـب السويـده
واثري بعيد ووين انا عنـك وينـي
والنودلـي مـا يصلـون لبريـده
وكل الجرايـد والصـور للخمينـي
ولخامنيـه اللـي يلقـب طريـده
وضاقت على ديـار فـارس بحينـي
وسبـوق طيـري كنهـن بوريـده
ولديت في ربعـي وهـم مستحينـي
وحاولت اجمع بس جملـه مفيـده
قلت انتم اصلاً مـا عرفتـو حنينـي
ويحول ياللي ما سكن فـي بريـده



الحواجز



رحـمـتــك يالله تــرحــم ضـعـفـنــا
يوم غـم الجـو واخفيـت الجـدي
يــوم هـمـي فـــوق مـتـنـي مـتّـنـا
والسلام عصـوف ريـحٍ ترعـدي
والضـروف أكبـر مـن اللـي ودنــا
والفراق الحـل .. والحـل الـردي
لاحـيـاة .. ولامـمــات .. ولاهـنــا
فـي حنايـا الضيـم ألقـى مقعـدي
إن سهـرت الليـل مــس ومسكـنـا
وإن غفيت افلام رعـبٍ تحشـدي
صـايـرٍ مابـيـن مـظـلـومٍ .. وأنـــا
أختلفـت وودي أعـرف مولـدي؟
والـكــرم لـلـيـأس كــــأسٍ مــدنــا
نشـربـه لـوهـو عليـنـا يجـهـدي
وش نــســوي دام هــــذا حـظـنــا
والـحـواجـز مـاتـعـدى بـالـعـدي
مـيـر صـبــرك يالحبـيـبـه بالـعـنـا
أصبـري يـاروح روحـي وبعـدي
لايـهــمــك دن دنـــــات ودنــدنـــا
وبلبة حساد .. وأغضي وأرقدي
دام أنـــا وأنـتــي تــلاقــى جــدنــا
نلتـقـي لـوهـب ريـــح جـلـمـدي



الفـــخ..!!


مـابـيـك يـابـنــت الــحــلال اتـركـيـنـي
دربك وعر..ورمال..مكحـول فـي فـخ
أنــــا فـقـيــر ورأس مــالــي حـنـيـنـي
وأنـتـي مـتـونـك بالـلـذيـذات تـنــزخ
تـبــيــن لــنـــدن مـاتـحـبـيـن كـيــنــي
وسواق خاص ولبس فاخر من الجخ
وإلـيـا أهتـويـتـي قـلـتـي يالله تجـيـنـي
أسرع ترى شوقي علـى النـار يطبـخ
يـاهـيـه أصحي..وأعقلي..وأعـرفـيـنـي
أمــــوت عـــــز ولاتــذلـــل وألــبـــخ
يـلـعـن أبـــوك وجـــد جـــدك مهـيـنـي
وأنــا عـزيـز وكـــل ربـعــي مـطـنـخ
مــن لآبــةٍ يـسـوون عـنــدي سنـيـنـي
لضيـوفـهـم حـيــلٍ جــزالــي تــنــوخ
والــحــب مــاهــو لــــك لوتزعـلـيـنـي
وحــزوم نـجـد لــرأس مثـلـك تكـمـخ
الـحــب يـبـقـى فـــي حـشـايـا دفـيـنـي
الـلـي عـلـى وكــره إلاجـيــت يـكـفـخ
أبـــــو عــيـــونٍ كـنــهــا جـمـرتـيـنـي
وأركـو عليهـا كـل الاوقــات بالنـفـخ
أشـتـاقـلـه لــوهــو مــوكـــر يـمـيـنــي
واصبر عليه شهـور مرسـوم بالمـخ
ومـــع الـسـلامــه لاتـقـولـيـن ويــنــي
روحـي عـسـاك بـوسـط نــارٍ تـبـوخ
عـسـاه لامـنـه حـيـى الـشــوق فـيـنـي
وسألـت قـالـوا مـاتـت الـعـام يــا أخ


حــصــه



مــن ثــلاث شـهــور قـافــي مسـتـديـر
لاويٍ وجهـه ولا هـو بـص .. بـصـه
لا ضـريـرٍ .. نـقــدر نـقــول الـضـريـر
ولا مفتـح .. واقـفٍ مـن دون رصــه
لابـــسٍ بـشــتٍ كـمــا بـشــت الأمـيــر
مـا تـزحـزح فــوق هـاذيـك المنـصـه
أثـــره الـجـبـار يــــدري وش يـصـيــر
عـارفٍ قلـبـي ويــدري وش مقـصـه
الـمـراد الـلـي جـــرى شـــيٍ .. مُـثـيـر
شفت قافـي فـي شموخـه بـاق لصـه
إنـكـسـر حـلـمـه وهـــو تـــوّه صـغـيـر
حتى سمنـه مـا تـوارى فـوق قرصـه
شـــال درعـــه نـــاويٍ يــــم الـمـغـيـر
وسيفه البتار يردح فوق " عصـه "
قـــام يـنـخـى كــنــه الــعــود الـكـبـيـر
قـال : آه .. وغصـةٍ مـن بعـد غصـه
مايـهـاب الـمـوت مـابـه مـــن كـسـيـر
شاربٍ كآسين " هدنه " مـع مفصـه
الـعـزاء .. والـمـوت والـشــي الكـثـيـر
هـايــنٍ بالـعـيـن دام إنــــه يـخـصــه
قالـوا : إسمـه بـس .. إسـمـه بالأثـيـر
إسم حصه يسمعـه مـن زود حرصـه
إسـمـهــا يـسـكــن زوايــــاه الـعـبـيــر
لا نطقتـه فــي قـوامـك بــان قـرصـه
مـا كحـل بـنـتٍ .. ولــو بـنـت الـوزيـر
ما كحل حصه سوى هاذيك .. حصه
الـســواد الـلــي بجـفـنـه لـــو يـطـيــر
أمطرت مـن حبـرٍ أسـود كتـب قصـه
قرب .. بُعد .. وشرها فـي وسـط خيـر
تسكـن بهامـات قصـرٍ وسـط جـصـه
مــن ذهـبـهـا أغـنــت الـعــود الفـقـيـر
وخاتـم إيــده لا تـحـرك طــاح فـصـه
كــل مــا فـيـهـا خـطـيـرٍ فـــي خـطـيـر
كيف أعممها وقلّي ويـش أخصـه ؟!
والله إنـــه وســـط عـيـنــي والـنـظـيـر
وما لقيت لشوف حصه .. أي فرصه


الــحــانــه ..!!


على حد الأمـل يبقـى بوجـه الوقـت لمحـة نـور
وعلى حد الجهل يبقـى بـه الهوجـاس واخوانـه
مثل ماللعزيمه سيف وتكسـر بـه رمـاح الشـور
أنـا لـي مـن ردى حظـي عـذابٍ عشـت بألحانـه
يعيـش بداخلي(نَـصٍ) تكسـر بـه ثـلاث شـطـور
واعيـش بـداخـل أبـيـاتٍ سخيـفـه مالـهـا خـانـه
يجينـي وقـت واتخيـل أكـون المبـدع المشـهـور
تصفق له جميع الناس على شانه..علـى شانـه
صدوقٍ ماصدقت الا يكـون الصـدق بالمحضـور
كـذوبٍ ماكـذبـت إلا عـلـى الـلـي كــذب اعيـانـه
أهيم بصمـت واتخيـل يكـون الـزور مثـل الـزور
ويوضـع فـرق بيـن اللـي يخـون وبيـن خـوانـه
وتسمـع كلمـة الآمــر وتسـمـع كلـمـة المـأمـور
وتنـسـى كلـمـة الآمــر وينـسـى كلـمـة لـسـانـه
ويصدق متعبٍ حالي بوعـدٍ قبـل خمـس شهـور
ويصـدق بـس فـي ظنـي وأهـذري بـس بلعـانـه
ويرجـع نـفـس ماجـانـي ويـرجـع للأمـانـي دور
وافــكــر مـالـقـيـت الا تــكـــون فـلانـه..فـلانــه
عظيـمـه كنـهـا قـصـرٍ تعـلـى نـايـفـات الـســور
رقـيـقـه كـنـهــا وردٍ تـفـتــح وســــط بـسـتـانـه
بعـيـده كنـهـا عـنـي مـثـل بـكـرى لبـعـد دهـــور
تكـافـؤ كــن هالدنـيـا تعـيـش بـوســط مـيـزانـه
تجيني تلتجـي بحمـاي مـادام أن الظـلام الجـور
تقـول أرجـوك ساعدنـي فديـتـك أنـطـق الهـانـه
وأقول أنتي..!؟هلابك يابعد مـي وعفـاف ونـور
هنيـا لاعدمـت الوقـت عـسـاه بمـدخـل إحسـانـه
وأخذت شوي وأستلهمت خيالٍ مامضى له طور
ولا كـن الخـيـال أكـبـر مــن الـلـي ذاق خـذلانـه
وجـانـي حــس واتخيـلـت بـإنـي بالنبـيـذ افــور
سـكـرت إلـيـن هـددنـي خيـالـي يطـعـن اطعـانـه
طلبـتـه لـيـن خيلـنـي وكـنــي داخـــلٍ بـقـصـور
مـكـانٍ لا صــدر مـنـه الـكــلام يـكــون بمـكـانـه
ومشيت وقبـل لا أقعدبـه لقيـت الدايـر المحفـور
ونويـت ألبسـه لكنـه طـردنـي صـاحـب الحـانـه
حرمني من خيالاتـي وكسـر لـي ثـلاث كسـور؟
أكــون الـحـر والشـاعـر وأحــب أيــات إنسـانـه



تقول : بابا .. عمرها فوق عشريـن




فــــــي الــبــدايـــة ..


تقول : بابا .. عمرها فوق عشريـن وأنا: " يبه" من يـوم ربـي خلقنـي
تخجل عذوق الذوق في منبت التيـن وتسكن بروح اللـي حلاهـا سرقنـي
تركـب بسـاط مغيريـن القوانـيـن لونـي بعيـد رضـاه للبعـد يدنـي
تمشي وتضحك .. في عيون المساكين إلا أنـا يـوم إن حظـي رفعنـي !!
ما كنها إلا " شيك " صُدق من الصين أو كن أبوها " بيـك " والبيـك يغنـي



والــنـــتـــيـــجـــة ..


طحـت بهواهـا دون كـل المزاييـن وطاحت على عيني ملازيـم جفنـي!!



وفــــــي الـنـهــايــة ..


شفت الغرابه فـي رمـوز العناويـن وشفت الوداع اللي كسرني .. واسرني
يوم غرست في هامة الأرض سكيـن والطائـرة قالـت : تعالـي بمتنـي



الــقـــبـــو

ساوميني يا الليالـي بيـن عفـوك .. والضيـاع
وأدري إني ضايعٍ بـك لـو منحتينـي " عفـو"!!
بـس ودي أستتـر بـه عـن مخاليـب السبـاع
إضربت بـي ليـن ملـت أكبـر أمثـال السطـو
إنتهيت .. وتو يبدأ قصـف جـوي مـع شعـاع
وين مـا لديـت وجهـي فـي قذيفـاتٍ عبـو!!
ما يفيد .. وربك أكبر .. حكـم وإحكـام القنـاع
دام مـا بـه صافـراتٍ تاصلـك وسـط القـبـو
ما فزع لي كود صبري في أمـل لحظـة سمـاع
مثل فزعة حبل " مصلح " يـوم شـده فـي دلـو
والله أعلـم وش يكـون مـن السمـاع الإنتفـاع
مثل طفلٍ صاح يشكي تسمعه " زوجـة أبـو "!!!!
حالـي أشبـه فـي عيـونٍ مستظـلاتٍ وسـاع
وسط جسمٍ مـن شتاتـه مـا تزيـن فـي كسـو
كن شيءٍ يجتمع بـي مـن وراء حـدب الظـلاع
مفترض موقع وجوده لـو سجدتـه فـي سهـو
إجتماع أعضـاء مجلـس أمـه لحـل "النـزاع "
وإنتـثـار دلال لـمـه فــي مفـاهـيـم اللهو
وإنتشـار أطفـال الأقصـى بالحجـارة للـدفـاع
وبيـت حاتـم مـع كرمهـا للجزالـه والكـفـو
والضجيج وصوتٍ أرفـع مـن عواميـد القـلاع
والسكوت .. وصوتٍ أستر من مساحـات الهـدو
وبيتٍ أبيض .. يأتوي به فرض سلطه مع خـداع
مـا نويتـه فـي محلـه بـس رمـزٍ " للكبـو "
والغرور .. وشخص واقف يمتلـك كنـز إقتنـاع
يزعـج بصوتـه تعالـوا يـا جماعـه إسمعـو
والله إنـي فـي زمانـي شاعـرٍ حتـى النخـاع
عنـد نـاسٍ وقفـوا لـي ليـن ملـوا وتعـبـو
أدري إنـي لـو أبكتـب بيـت مـا بـه إندفـاع
يتعبون ألفين شاعـر " ربـع " بيتـي مـا كتبـو
وأدري إنه مـا كوانـي بالغضـى طـول الفـراع
وجمرها لو فيـه خيـر كـان مـا عقـب طفـو
كاويتني .. لنـي أذكـر جلستـي قبـل الـوداع
وقتهـا راحـت عنـودي والشياطـيـن ركـبـو
كنهم شالـوا وصالـي مـن علـى ذيـك التـلاع
وإدفنـوه وقـام يبكـي كـل واحــد وإنـدبـو
قصدهم بـس الحسايـف .. والتذكـر وإرتجـاع
ذاكرة وقتٍ مضى لـي بيـن شخصـي و " هـو "
يـوم أنـا ويـاه كنـا كـل ليـلـه بإجتـمـاع
وإن عذلنا شخص حاقد قلنا : ياالعاذل " شكو " ؟!؟
كنـا نربـط دولتـيـنٍ دون ذلــه وإنصـيـاع
بحبٍ أصفى مـن قـراحٍ مـا تشبـى مـن شبـو
إركبتني كـل بقعـاء .. ألـف صكـه وإشتنـاع
وأشعلتنـي مـن ظـلامٍ وأظلمتنـي مـن نـبـو
كل هذا .. وسط صـدري والخوافـي مـا تـذاع
وشيءٍ أكبـر يحتوينـي والمصايـب فـي نمـو
والتمنى وسـط عينـي بـس مثلـي مـا يطـاع
وإلا أنا المفروض يبدأ قبـل إسمـي " بالسمـو "
ساومينـي يـا الليالـي وإبتريهـا مــن ذراع
وإن بغيتـي لا تبقـي فـي قضيتـنـا عـضـو

تابع ( 2 )

رمـــــاح الـخــــبـــــط


هيلـكـوبـتـر ودبــابــه ورشــــاشٍ قــــوي الـنـبــط
وسيفٍ ما قدر يقـوى صـداه اللـي عطـاه خطـوط
وصـواريــخٍ سـمـاويـه تـطـيـر ولا تـهــدف زبـــط
وتصاريـحٍ علـى ذيـك القنـاة اللـي تحـب الـهـوط
قبل محبس جنـوب الـدار هزيـزٍ مـن رمـاح الخبـط
وقبل محبس شمال الدار هزيز رماح يـا بلـوط!!
وبـنـتٍ قطـرهـا مـلــي وتسكـنـهـا دواهـــي عـبــط
وهــي أصــلاٍ بهالدنـيـا عبيـطـه بثـهـا مـلـحـوط
عـبـوديـة تمـاثـيـلٍ تـعـلـت فــــي رفــــاع الـهـبــط
وخـوفٍ فـاز يـوم انـه قـدر يكسـب ثـلاث نـقـوط
وسـلام الله ويـا أهـل الله عبـارات وتـحـب الشـبـط
ولا تـنـلام يــوم أنــه تـعـدت لـيـن حـــد الـغــوط
عـرب وشـي مـدام انـه علـى موتـه تـسـوي ربــط
وجرب وشو سوى بوشٍ قدر يعدي بدون شروط
تأمـلـت وتفـكـرت وبـكـت عيـنـي دمـــوع الـسـبـط
وضربـت جـدار عزتنـا بكفـي وإنضـربـي شــوط
وقفـت وشلـت رشــاشٍ علـيـه مــن الليـالـي قـبـط
ورثتـه مـن هـل النخـوه جنـوه لـدولـةٍ وسـقـوط
وقـفـت وقـلـت أبـرمـي بــه ولكـنـه غـزانـي حـبـط
عرفت انـي وأنـا واقـف بعيـد ويقصـر الشاعـوط
مـدام شعـوب هالعالـم تبـي تكـسـر خـشـوم اللـبـط
وش اللـي يجبـر الحاكـم يحـب النفـط والنـاقـوط
غـــدت حـكــام دولات الـعـروبـه بـالـلـزز تـحـبــط
يعبـد المنصـب الحـاكـم ولا فـكـر بقـبـر وســوط
مثـل شخـصٍ يـداري لـه علـى راتـب عيالـه وأبـط
إليـن انـه تهيـا لــه عـلـى بـنـد الأجــور حـطـوط
عطونا السيف مـا نبغـى صواريـخ وإشـارة ضبـط
وعطونـا الكيـف فالـدلـه وخلـونـا نقـيـم الـشـوط
علـى بــوش وعـلـى تـونـي ورامسفـلـد لا خـربـط
عشان يشوف وش حنا ويعرف موقعه مضبـوط
نـبـي ننـخـا شريعتـنـا عـلـى ذيــك الـكـلاب العـبـط
تحت راية عظيم الشان يعز الضعف والمضغـوط
نموت أو ما نموت أحسن نمـوت ولا تحطـك بإبـط
خنـازيـرٍ يهـوديـه تـضـوطـك بالمـفـالـي ضـــوط
تعلمـنـا بــأن الطـيـر مـثـل مــا طــار يـبـي يهـبـط
ولا منـه نـوى الحومـه يجيبـه للثـرى صـاعـوط
وكـل الخـوف لامـنـه وقــع بـيـن اللـظـى والشـبـط
يجيـه اللـي علـى وجهـه يعالـج كسـره المفـروط


الــعــــــنـــــــود

لا شـمـوخ وكبـريـاء وأنــف يـرقـى للـسـنـود
والقضيـه أكبـر أكبـر مـن شمـوخـي وإدِبــي
للجهـالـه إيــه والله فــزت فــي كــل البـنـود
والغـبـاء لـكـل شـخـص ٍ مايـقّـر إنــي غـبـي
أستبّـد وكـنـي الـلـي ماخـلـق مثـلـه إســود
لين داور هالزمـان وقـص خشمـي وشنبـي
إيـه راحــت وتركتـنـي ويمـكـن إنــه ماتـعـود
وداسـت برجلـه لعانـه وجـه قلـبـي وأهـبـي
وكرّمتنـي فـوق نزفـي وشكرتـنـي للجـهـود
وقـالـت إنــت وبإحتـقـار ودق كـفّـه منكـبـي
من تكون ومن أكون وطول عمرك لـو تسـود
ماربطـنـي مــع شتـاتـك إلا يمـكـن مذهـبـي
حمّلتني فوق وسعي وأكبـر حلولـي صمـود
والصمـود لغيـر مـوقـف مـثـل هــذا مطلـبـي
وطحت كني في مكاني شـي تافـه مايكـود
حـتــى أرض ٍ إحتـوتـنـي ماتـحـفّـت بـركـبـي
كني اللي حاصل ٍ لـه دعـوة ٍ مـن قلـب عـود
وافقـت لـه إستجابـه وإسـتـوى لــه مايـبـي
وش عليهـا يـوم راحــت وتركتـنـي للـشـرود
وشبّـت النـار بيديـنـي وإستعـانـت بحطـبـي
وش عليـهـا يــوم ســوّت إحتـفـالات الهـنـود
ورسمت رمز الضحيـه فـوق عينـي وهدبـي
وشكّلـت قلـبـي طـبـول وقدّمتـهـا للحـشـود
وإستعانـت فـي حلاهـا وإستقالـت منصبـي
وإستلـذّت صـوت قلبـي لا تعـلاّ صــوت عــود
وإستـغـلّـت كـــل درب ٍ يـــم رومـــا وتـعـبـي
ليت وقت ٍ قد مضى لي قبل حرمان الصدود
يغدي الـدرب ويجينـي أو أجـي لـه لـو حبـي
يوم فوحي من غلاها ريح مسـك وريـح عـود
وإن سكت لغير قصدي قالـت آمـر وش تبـي
تنقـهـر عبـلـه عليـهـا وســط طـيّـات العـقـود
وأقهر العبسي بحب ٍ دون سيـف ومشعبـي
لامشتني مع دروبي وأصعب دروبي حسـود
كن قلبه قلب ذيب ٍ وسط جـوف ٍ فـي ضبـي
ترسـم بـريـده بكـفـي مالـهـا حـكـم وحــدود
وأنـثـر الطـايـف عليـهـا بالقـصـيـد المـغـربـي
كرّهتنـي فــي حيـاتـي وأنكرتـنـي للجـحـود
يـوم فـازت فـي ضياعـي وإستملّـت ملعبـي
إرجعي لي لو سمحتي إرجعي لـي يالعنـود
دام قلبي يوم رحتـي فـي ضلوعـي مختبـي
مايفـيـد الـحــال بـعــدك لانـيــاف ولا خـلــود
وش يسوّي كل مكسب دامك أنتي مكسبي
إذبحيني لو بغيتـي وإلغـي إسمـي بالوجـود
وإكتبينـي تحـت عطفـك دام بـيـدك مخلـبـي
وكـان خفتـي مـن خيـانـه قيّديـنـي بالقـيـود
وعقّدي لي تحـت نملـه وسـط غـار ٍ مرعبـي
ماعـلـيّ مــن المـلامـه والاهـانـه لــو تـــزود
والـرجـولــه مانـبـيـهـا لا نـويــتــي تـقــربــي
واجـد اللـي يحسبـون الحـب تفتـيـل الـزنـود
ظافـريـن وكــل واحــد بـنـت قلـبـه تنسـبـي
الدعايـه دبلجتهـم مـن شـمـوخ وبـيـت جــود
فـي بحـور ٍ لـو تبعـتـه كــان يـغـرق مركـبـي
ماعلينـا إرجعـي لـي لـو سمحـتـي يالعـنـود
دامك أنتي أكبـر أكبـر مـن شموخـي وإدِبـي
وصدّقيني لـو يحـول الوقـت دونـك بالسـدود
ما أنكر إنك يـوم رحتـي طحـت واثـق بركبـي


مســــــــــاء البــــــوق


مساء البوق وعيون الذيابه وأتعس اللحظـات
مساءٍ ماوطى قبله على رمـل الليالـي ظلـم
مساء العز لا عـزاى وقـدم باقـة العبـرات
مساء الدين وعيون اليتاما وانكسـار الحلـم
مساءٍ كن شارون اليهـودي يطلبـه فزعـات
يمرك دلم من غدره وتبقى مـن سـواده دلـم
شريتك قرب يوم إني حسبتك من حساب الذات
وبعت الناس بحجاجك حشمتك والحشيمه سلم
أنا ماصحتلك وينك عـن (محاكيك)بالنكبـات
أنا أنصحك لاتاقع على الظلعان وأصلك جلـم
تغر الناس في طنخة عقالك وايسر المركـات
وأنت أكبر فعايلك الكلام ومـا برأسـك علـم
تحط الطيب في كف (الحكايا) يوم كفك مـات
وتحط السيف بجراب الفعايل وأنت سيفك ثلـم
علي (تحرم) فناجيل الرجال وريحة الفزعـات
بأنك منت محسوبٍ من حساب الرجال الوِلـم
رح إستفسر عن علومك وإلامن جبت لي إثبات
بمثل دور(يسريه)على شانـك بأخلـع (فلـم)


نــــقـــــطـــــة تــفــتــيـــش



ينـام الزيـف بـظـلال الحقـايـق محـتـزي بـفـراش
صنعه اللي عـرف يتقـن مداخـل لعبـة التشويـش
مثـل كذبـة عمايـر بـوش وبنـدق عمهـم منقـاش
يـدز النـاس للتفجيـر ويسـأل مـن وراه وليـش؟!
تقـوم النـاس تتسائـل وتنـجـح خـطـة الأحــواش
ويبـدا الشـك فـي دارك وتنصـب نقطـة التفتـيـش
بعـد هـذا يجـيـك الـلـي حيـاتـه ابـتـدت مــن لاش
قضـى عمـره ورى لميـاء يـحـط بكفـهـا تنقـيـش
يقول اللي ورى الارهـاب وفجـر عندنـا وانحـاش
مـطـوع لحيـتـه كـذبـه تعـلـم بالقصـيـم الـطـيـش
عسـاك وربـي الأعـلـى تـمـوت بغـرفـة الإنـعـاش
وقبل لا تموت من ربي يحرمك لقمتك من عيـش
تبي عودٍ قضـى عمـره بروضـة مسجـده معتـاش
يشيـل الدقـن لعيونـك ويـأمـن منـكـم التخـديـش!
ألا تـكــرم لـحـاهـم لـــو يـرابــط فـوقـهـا نـتــاش
وألا تكـرم لحـاهـم لــو تقـولـون الـكـلام الـويـش
هم أكثر ناس ضد اللـي يقـوم وفـي يديـه كـلاش
وهم أكثر ناس لا قامـت تقـوم ولا يقـوم الجيـش
يمـر الوقـت وينـور عـلـى الدنـيـا شـعـاع فــلاش
ويكسب مرضيٍ ربـه ويخسـر مرضـي التطنيـش
نـشـوف ولا تعلمـنـا ومـــا زلـنــا نـعــد أوبـــاش
بعين الكلب.. ابن الكلب.. راع الكلب ذاك بويش



العـــــرش


ضحكت وشققت عينـي ملامـح (رزة) المغـرور
خنقـت الهـرج بلسانـي وقلـت الله يحييـنـي
عرفت إني على بعضي سلاحٍ فـي يـد المقهـور
وكنه ياخـذ حقوقـه شراهـه باجـزل إيدينـي
أنـا ماهمنـي إنـي بسيـطٍ راضـيٍ مسـتـور
أنا لـو مايجـي منـي سـوى مقتلـك يكفينـي
لإني أدري إن اللـي شهـد ضـدي شهـادة زور
يجي له يوم واطري له علـى التفكيـر ويجينـي
حمدت الله يوم إنـه جعلنـي كتلـةٍ مـن نـور
حمدت الله يـوم إنـه رحمنـي مـن شياطينـي
مادام الوقت مايدعـم طمـوح ومايمـد جسـور
أنا احسن لـي أتريـح تحـت أسـم المساكينـي
لإنـه بينـي وبينـك قهـر أتشـبـه بتيـمـور
وأنا أصلاً من عروقـي ملـوكٍ تقضـي الدينـي
وإذا ودك يسمونـك بشعـرك شاعـرٍ مشـهـور
أنـا ودي يسمونـي عزيـزٍ عـزتـي ديـنـي
أنا ماعزني شعـرٍ كتبتـه فـي عيـون الحـور
ولو إنـي قـدرت اقتـل قتلتـه فـي شرايينـي
وأنـا ماعزنـي خالـد ولا مسلـط ولا منصـور
ولا ناسٍ تصفق لـي وتكتـب عاشـت سنينـي
أفكر وآخر افكاري (أفكر فـي رضـى الجمهـور)
ومع ذالك كثيـر اللـي مدحنـي وافتخـر فينـي
لإنه لو وصل صيتي بشعري لـو وراى (لاهـور)
أظل بواقعـي ياسـر ووضعـي ماملـى عينـي
تصدق لو قدرت أجهض قريحت شعري (المسعور)
واسـوي مسـح لأبيـاتٍ تـرددهـا محبيـنـي
أبـادر مانتظـر لحظـه ووادع عالـمٍ محظـور
واقـول الله ياربـي طلبتـك نسـنـي ويـنـي
وإذا هي هرج وعلـومٍ علـى مـد الخيـال ادّور
أنـا ودي قبـل لاطلـع أطلـع عزتـي فيـنـي
واصير العاهـل المنقـذ لأمـه ظامهـا هالجـور
وامـد النـاس مـن مـدة عظيـمٍ مايخليـنـي
وامد سبال كفيني على عـرشٍ عريـض سطـور
واحط الشعب في عيني .. واحطك تحت رجلينـي
واجيبك عندي بقصري وانا الآمر علـى المأمـور
واقول امدحني بشعـرك وحلـق فـي بساتينـي
وإلى من قلت مايرضي (زعيمك) قلت لك ياثـور
صدق شعرك مـادام إنـه تغنـى فـي عناوينـي
كذا حققت لك ذروة طموحـك باسـرع المقـدور
وانا مابي من الدنيا سوى(عـرش السلاطينـي)


لـيلـــــــــة عريـــــــس


أستريحي كنك المفروض في ليلـة عريـس
وأستغلّّي مـدة الديـان فـي وقـت الفلَـس

لاتعيديـن الخطايـا لاتحمـيّـن الوطـيـس
وأنتِ أدرى في طلوعك قبل دقـات الجـرس

ماابيك بدور ليلى لو عشقتـك عشـق قيـس
بس خلينـي أشوفـك ليـن ماآخـذ نفـس

أفرجي عنـي بعطفـك لا تخلينـي حبيـس
وأحبسيني وسط قلبك وأسطري عندي حرس

مابذلت أغلى اجتهادي .. كل جهدي بالنفيس
وماغرست الشوق فيني أنتِ اول من غـرس

ماعشقتك من غرور وعارفٍ درب الحويـس
الرجل لا رز خشمه غمض العيـن وعطـس

ماعشقتك عشق فارس يهتوي مهرة عويـس
عاشقك خيلٍ اصيل يموت في ذيـك الفـرس

خلي العذال تـدرع مـن قهرهـا بالحميـس
وأتركيهم خلف ظهـرك وأستهلـي بالدبـس

وإن حسبتي لي حساب وعدت للمنصب رئيس
بأخبرك بأني عشقتك بس مـن زود الونـس

قاهرتني في جراءة عين وطلـوع الخميـس
لين سويت التحدي بين عشقك .. والطفـس

وأحمد الله من كسبتـك ماكسبـت إلا لميـس
بنت لاسلطن دلعها خلـت الشاعـر خـرَس

لويعرف إبليس بأنه لاطـرى نلعـن إبليـس
كان لاشفتـه بدربـي دق لطمـه وإنتكـس

وأنتِ أدرى في علومي والغلا لك يا.. لميـس
وفوق هـذا لا لمحتـك دق قلبـك وإنكبـس

علمونا نخاف فطره من نياشيـن البوليـس
بس وشلون نتعلم ناكل التمـر بعبـس ..!!؟



عـبـدة الدرهــم


أنفجعت برحلة التفكير فـي عـرض المسيـر
والتغى قيـد التوجـد مـن حياتـي وانطـوى
والمصيبه كل مافقـد شـي ف عيونـي مثيـر
ماتوجـد ليـن كفـي دون حـقـي تلـتـوى
المهم إني كسرت السلـم فـي صفـو الغديـر
والوكاد إنـي شربـت المـر واكلـت الهـوى
هيـه ياللـي ماحسبتـي أي معنـى للأسيـر
ليـه يـوم إنـك رحلتـي ماخذيتـي هالنـوى
أنتحرتي بـي بدايـه وانتصرتـي بـي أخيـر
والعشم اكبر وانا اللي احسب ان احنـا سـوى
شلت حبك وسط صدري وانوسم باقصى الضمير
لين أشرف ذيـب قـدرك فالمعاليـق وعـوى
أهتدالي دربـك المظلـم وأنـا مانـي غريـر
واستوى لي في عيوني يـوم قلبـي إستـوى
عذري إن الصدق مبدأ.. وأنكشفت إنـي فقيـر
وعذرك إن الطعج ملجاء للهروب مـن الخـوى
عيبي إني ماجمعـت القـرش لليـوم العسيـر
وعيبي إن الضيف عندي هو رفيـع المستـوى
أذبح الحيل السماني من خـروف ومـن بعيـر
مهتوي والطبع يغلب يـوم غيـري ماهتـوى
ماشتغلت من المناصب غير في منصب خفيـر
والصحيح إني عقيد القـوم فـي رتبـة لـوى
أدري إنـي ماملكـت المـال لكـنـي أمـيـر
دام رأسي من عرفتـك فـوق كتفـي ماهـوى
وأنتي اللـي كـل همـك بالتذاكـر والمطيـر
والسفر وازعـاج قلـبٍ مـن فراقـك انكـوى
تعبدين المـال وأنتـي فـوق يابنـت الوزيـر
ومن ولدتي ماكسرك الجـوع وأحتجتـي دوى
ودي اسأل دام عندك مارد.. وجمـه .. وبيـر
ليه تجفيني وأنـا اصـلاً ماطلبـت الإرتـوى
أسمعينـي واحسبينـي نـاصـحٍ وإلا نـذيـر
وأفهمي قولٍ أقولـه قبـل شاعـث وشعـوى
منتكس عبد الدراهم لو يصيـر اللـي يصيـر
فالأحاديـث الصحيحـه والبخـاري مـن روى



عبدالعزيز بن ماجد بن عبدالعزيز


هذه القصيدة إهداء إلى سيدي صاحب السمو الملكي الأمير عبدالعزيز بن ماجد بن عبدالعزيز نائب أمير منطقة القصيم يحفظه الله


انـا يـا محزمـي ضاقـت علـيّ ومــا نـويـت قـعـود
انــا طالـبـك رح شــف لــي مـحـل فــوق طـيــاره
ابرجـع فـوق ملـسـات الجـوانـب خـارقـات الـنـود
وخــل الـلـي مـاهـو مثـلـي يـعـوّد فـوقـي حـمـاره
انـا مــا عــاد لــي مقـعـد بــدار الحـاكـم النـمـرود
وتــرى الـوافـي لـيـا مـنـه تـبـاطـا حـــن لـديــاره
ابــاعــوّد لـمـربـاعـي ودار الـمـرجـلـه والــجـــود
صنـاديـد الـرجـال الـلـي تحـفـظ الـجـار وجـــواره
انـا بسألـك وش أحسـن مـن الصحـه وآل سـعـود
تـــرى ذولٍ مـــن أنـعــام الـحـيـاة ولـــذة ثــمــاره
أبــعــوّد أبــعـــوّد وخـــــل الــهـــرج والــمـــردود
وانــا مـابـي مخاضـيـر الجـبـال وقطـفـة أزهـــاره
بقـلـبـي كـــن ثلـثـيـن الـمـدافـع يـهـدمـن ســــدود
لـــوازم حاجتـيـنـن تنـتـظـر هـالـبـوح وأســــراره
بـودي لا رجـعـت أسـجـد وبحـمـد ربــي المعـبـود
وأقــول ان الـزمـن ظـالـم وأقــول الـنـاس غــداره
وأكمـل لازمـي وأركـض لقصـرٍ مـا عنـه منـشـود
جنـوب الـدار فــي وجـهـه حـيـاة وتشتـعـل نــاره
انـا مـا قـول هالقصـر الكـريـم الشـاهـق المـعـدود
انــا أقــول الـكـرم كـلـه تـظـلـل تـحـتـي أســـواره
يـذري لعنـبـو قـصـرٍ تنـحـى عــن ذرى المـطـرود
يـحـيـي لعـنـبـو حـــي البـخـيـل وكـثــرة أعـــذاره
تمركـز فـوق مـزوي الهضـاب وفـوق نبـت العـود
وراهـــن بـــن تحـتـيـه ربـيــع وتـمـشـي أنـهــاره
لأنـه مـن سكـن وسطـه ولـد ماجـد عريـب جـدود
نـعــم عبدالـعـزيـز الـلــي نـحـبـه كــبــر ايــطــاره
وهو مـن كثـر مـا يجمـع صفاتـه تكسـر المحـدود
ألا يـــا مـطـيـب فـعـولـه وألا يــــا مـكـثــر أدواره
أمـيــرٍ لا بـغــا يـامــر يـفــت لـطـاعـتـه جـلـمــود
مـع ان الأمــر يـركـع لــه ولـكـن تلـمـح اصــراره
كـريـمٍ كــن كفيـنـه عـلـى جــزل العطـايـا شـهــود
وهـو لا مـد مــا تــدري يميـنـه وش مــع يـسـاره
شـجـاعٍ لأنتـحـت هيـجـا يـــدك الـمـلـح بـالـبـارود
ولا يا المخطي أردى لـك وهـو مـا يخطـي عيـاره
حليـمٍ شفـتـه بعيـنـي رفــع سيـفـه عــن المـقـرود
نفـض بشتـه عـن البطـش الحـرام وطيّـر غـبـاره
حكيـمٍ مجمـل الحكمـه تـراهـا فــي طـبـاع سـعـود
ولـــده الـلــي تـــذرا فـــي ذراه وطـبــق أشـــواره
أنــا عيـنـت بـــه شـــيٍ يسـمـونـه لـيــان الـكــود
تـواضـع مــا بـعـد شـفـتـه بـشـيـخٍ بـيــده أمـــاره
أبــك حـنـا الـيـا مـنــا عـجـزنـا نـاصــل العـنـقـود
مــن الكـبـر وعذاريـبـه نـقـول العـيـب بـأشـجـاره
فـمـا بـالـك بأمـيـر وحـاكــمٍ يستـفـزعـه مـجـحـود
أمـيــرٍ مـــن خـلـقــه الله بـكـفــه عــــذق نــــواره
وش يسـوي لـيـا مــن الضعـيّـف عانـقـه ملـهـود
يـبــي فـزعـتـه والـشـكـوى لـربــي طــيّــح زراره
يرصه وسط عيـن اللـي عيونـه مـن قهرهـا سـود
جـلـيـس لـلـرخـوم الـلــي بـــلا مـدلــول ثــرثــاره
أباصـل سيـدي وأرجــي عـسـاه بمـاكـره مـوجـود
وأبثـنـي ركبـتـي قـدمـه وأحـبـه وأسـكــر بـهــاره
جبرنـي غصـب مـن طيبـه أحبـه وأفـقـده وأعــود
وأجيـلـه كـنـي المجـبـر بـعـد مــا فـكـوا حـصــاره
هـذاك اللـي ليـا مـنـي فقـدتـه عـشـت بــه مفـقـود
هــذاك الـلـي لـيـا مـنـي لقـيـتـه طـــرت بـأنــواره
عجزت أقدر على وصف الشطير الصارم المجرود
عجزت ألمسه في شعـري وأعـز الشعـر بأشعـاره
قصـر فـي عينـي العبسـي ووايلنـا وروبــن هــود
وشـو سـيـف باهلـهـم بـوسـط حــروب ذي قــاره
قصر فـي عينـي الشـارد وراع الصفـر والمشـدود
وأبـو ليلـى قصـر معهـم لـو أنـه مـات فــي ثــاره
شهر مثل الحـرار اللـي رقـت فـي عالـي المسنـود
نــزل فــي قـلـب مــردي النصـيـب ودق مسـمـاره
كسـر كـل القواعـد سيـدي صاحـب سـمـو الـجـود
لأنــــه يــدخــل قــلــوب الأوادم قــبــل إشــعـــاره
لأنـه مـن وصـل بيتـه وهــو مـيـت طـلـع مـولـود
ولأنــه دون مــا يـبـرق ويـرعـد تهـطـل أمـطــاره
ولأن النـاس مـن ذكــره تحـبـه مــا تـبـي مــردود
ولأنــه دون مــا يـرقـى منـابـر صــاروا أنـصــاره
ولأنــا لـيـن هاللحـظـه وحـنــا ماسـكـيـن حـــدود
ولا شـلـنـا تماثـيـلـه ولا طـفـنــا عــلــى جــــداره
عسـى الله لا يوريـنـا عــذاب الـفـارس المحـسـود
وعـســى الله لا يقفـيـنـا غـــلاه ونـفـقـد إبـصــاره
أنـا مـن ويـن مـا جبـت القصايـد أطلـع بــلا فــود
مــع أنــه رمــز تجـديـد القـصـيـد وقـــل تـكــراره
مصيبه كل ما أثنـي لـه حروفـي أكتشـف بـه زود
وأصيـر بحضرتـه غــادي ونفـسـي فـيـه محـتـاره
لــك الله يــا ولــد مـاجـد طلبـتـك أرفــع المـنـقـود
وقــدر ظــرف مــن روحــه فــداك وهــل مـعـبـاره
وأنا أدري فيك ما تحسب حساب ولا وضعت بنود
ولا كــج الـدسـم كـفــك وعـيـنـك تـرقــب حـــواره
ولكنـي أنــا مــا أنـكـر كـريـم ولا رضـعـت يـهـود
أنـا مـن نسـل أبـن وايــل مـعـرب فـخـذي جـبـاره
أحـسـب أنــي عـلـى رد المثـايـل والثـنـا محـسـود
وأثـر مــا ألـعـن مــن الـلـي يـمـوت بـيـد بيـطـاره
وأنــا يــا سـيـدي ودي ختـامـاً تـعـرف المجـحـود
تـــرى مـاســم سـمــوّك بـيـنــه بـالـقـلـب اثــــاره


Bm صنعـة للمسـافـات دسـتـور


ياصاحبـي يانـور يـانـور يـانـور
والوقت ضلمـاء وانـت مـن يقتدابـه
ضاقت عليّ وضقت مـن حـرة الجـور
مـن شـيء والله ماحسبنـا حسـابـه
مير الوكـاد إنـك تبـي تتقـن الـدور
قصة مسلسـل وانـت ضـد العصابـه
صافـي نوايـا وانـت بالله منـصـور
حط بيمنـك سيـف واقضـب نصابـه
واركب على اللي لانخيته علـى القـور
ماكـنـك إلا تنتـخـي لــك بـلابـه
فكرة هل التحديـث فـي عالـم الـزور
مافكـروا وشلـون صـنـع الربـابـه
ألمـان × ألمـان تفكـيـر وحـظـور
ماجمـعـة فـالـروس وإلا انـبـابـه
Bm صنعـة للمسـافـات دسـتـور
سـم الخطـوط وعـز مـن ينتخابـه
حطولهـا مـن قـو الإتقـان ماطـور
يـوم صنعـوه لقـامـزات السحـابـه
شدوا محركهـا علـى عشـرة شطـور
واثنيـن معـهـا فالمـلازيـم هـابـه
كن الكفر لاجاء علـى الجنـط محفـور
حذو الخيـول اللـي تقـود الصحابـه
فتحـة غمـى واربـع تشاكيـل للنـور
للعـج والضلمـاء وهــل السحـابـه
والرابـع اللـي فالكرستـال منـثـور
رمـز التقـدم لـو تـغـم الضبـابـه
مع وجهها لاجيت لـو طحـت معـذور
ماكـنـك إلا داخــلٍ لــك بغـابـه
لاقـام يلعـج عكـس الأضـواء بلـور
كنـك تحلـى فـي عـيـون الذيـابـه
مصفـق جوانبهـا مضمـر ومفـتـور
مثـل القعـود اللـي ينومـس شبابـه
حفـرة رفارفهـا مثـل منـور السـور
فالأندلـس يـوم إن طـارق سطـابـه
قزازهـا كنـه مـن البـعـد ديـجـور
وإلا القـزاز اللـي هــذاك إحتمـابـه
فالبنـك لا جيتـه مـدبـل ومسـتـور
وشرهتـك للـي راح يدعـم حسـابـه
ولاجيتها من خلف عملـه مـن اليـور
أجـزل كلامـك ياعجـيـب العجـابـه
لاقام يرهش بوسـط القلـب عصفـور
والقلـب يذكـر مامضـى مـن عذابـه
كنـك تشـوف بـدور وتقـول يابـدور
بنت النصـارا عـن شمـال الكسابـه
إليا ربطـة خصـره بشاليـن وسيـور
وقامـت تكسـر وجـد وإلا صبـابـه
في ردفهـا الأيمـن ثمانيـن مسعـور
وفي ردفهـا الأيسـر جنـون وغرابـه
طبلونهـا بالتـو والايــت والـفـور
ويكشـح مثـل وقـدة زعيـم الذرابـه
أبو علي لاصار مـن دون أبـا القـور
الأردح الـلـي يستـحـق المـثـابـه
إليـا وقفـت كـل التحـف مالهـا دور
تعطـي شمـوخ وكبريـاء ومهـابـه
مقدم مراسمهـا علـى القـاع منـزور
عـودٍ تحيـدب قـام يـقـرأ كتـابـه
كرسي دريولهـا يشابـه مـع الـزور
كرسـي ﴿...﴾ قبـل تنـوخ ركـابـه
لاسقتهـا كنـك مـع النـاس مشهـور
أو كنـك المطنـوخ وسـط الغـلابـه
تعطيـك رزه وإستحـائـات وشـعـور
بـان الوليـد يمـوت ماصـك بـابـه
لوانت متواضـع تبـى تصيـر مغـرور
ولوأنـت متضايـق تخمـك رحـابـه
شـيً بديهـي ومتنـاقـل ومخـبـور
الماء علـى المـاء يالسنافـي حزابـه
والمـال بالقـرآن يـاخـوك مـذكـور
هـو زينـة الدنيـا وحلـوة شبـابـه
لو راعي الددسـن يهيجـن ومسـرور
تـراه يخشـى مـن تبـيـن عـذابـه
أركـب عليهـا يامحمـد علـى الفـور
والـدرب خلـه شــيء ماينـدرابـه
واخذ الكتاب اللي بـه الوجـد مبـذور
وخفف عـن اللـي بالتزايـد صوابـه
وانحربها رجـلٍ علـى الطيـب دكتـور
وكنـه علـى رأس المراجـل عصابـه
سعود يسبح في خيالـي مـن شهـور
حربـي ولا بيـنـي وبيـنـه قـرابـه
لآكـن يسـوى عنـدي ألفيـن هـاذور
والطيـب واحـد والـرخـوم تشـابـه
إنص لمحله وأنـت يالـذرب مشكـور
تلـقـاه واقــف ويتبـسـم بنـابـه
ويقول بلسانـه تـرى الطيـب مقـدور
ويامرحبـاً بالـلـي لفـانـي هـلابـه
في مجلسه تلقى علـى يمينـك طيـور
قشـر الوحـوش مبينـات القطـابـه
واللي على اليسرى شمالٍ عـن السـور
صفـة بغـاديـدٍ تجـيـب الطـرابـه
تتكي علـى جمـرٍ محظـب ومحكـور
يشـدى لجمـرٍ فـي خفوقـي عثابـه
وفي وسطي المجلس على الوسط مزرور
وكـرٍ عليـه اللـي مجسـه صـلابـه
تلقى العضب مرهي وواثـق وماسـور
والحـر يـدري بـأن طيبـه مثـابـه
ماضـره اللـي بايمـن الكـف مبتـور
دامه ليـا منـه نـوى الخـرب جابـه
غيـره مخاليبـه تقـل صفـة ضفـور
وهـو مثـل صفـة شطـار الحـدابـه
الله خلـق كفـه علـى الـدم مجبـور
وغيـره كفـوفـه مــدرجٍ للذبـابـه
أجلس وعطـه اللـي بالقلـب محفـور
وعجـزت لاقولـه وهــو ينحكـابـه
أستر على نفسـي وانـا منـه مقهـور
ليـن إن جسمـي قـام يثقـل مصابـه
أبختصر لـك وانـت ياراعـي الطـور
تفهـم رمـوزي لـو رمـوزي تشابـه
عفت الحرار اللي بهـا يقطـع الشـور
وعفت الـدروب اللـي يبيـن الردابـه
وعفت القصيد اللي به السلـم مكسـور
مـدام ربــك مايخـيـب الرجـابـه
ولو إن قلبـي داهـلٍ معشـور الحـور
لقـول عـفـت مقـربـات النسـابـه
وبيني وبينك وأنـت تـدري ومعـذور
عفتـك وعفـت الـروح ممـا جرابـه
كـن الكـدر يدلـي عليـه بسـاطـور
وكنـي صويـبٍ بيـن شهـب الذيابـه
مدحور من ذاتـي وانـا مـن مدحـور
وسيـف الهواجـس يحتدينـي عطابـه
هو ليه هستربـي ردى الحـظ والجـور
هـو ليـه كفـي يلحقـونـه معـابـه
مد الرخاء ماهـو مثـل مـد مهصـور
وأنـا امـد وكــن مــدي نهـابـه
أموت في وسعـه ولا امـوت محجـور
والسيف يصـدي لنظلـم فـي جرابـه
أبختصـر ياسعـود مانيـب محصـور
وابخـفـي الـلـي دار مايـنـدرابـه
واسمحلـي اردد مثـل بنـدر ســرور
﴿وحـدك ولاخـوة جمـوع الزلابـه﴾



مــمــدوحــــه





لا واحــــلالاه يــــا الــدوحـــه
لــي حـاجـةٍ عـنـد خـلانـي
فـي دار مـن تـطـرب مـزوحـه
الـلـي لـيـا جـيـت حـيّـانـي
القـلـب يشـفـق عـلـى بـوحــه
والعيـن تفـرح لـيـا جـانـي
أفـــوح فـــي ذكـرهــا فـوحــه
فوحـة مطالـيـع الاوزانــي
أحـبّـهـا الــحــب بـوضـوحــه
وهـــي تبـيـنـي وتـفـدانـي
لا جيـتـهـا الـبـرقـع تـشـوحـه
ولـبّـاس مخـمـل وكـتّـانـي
مــن زود مـاهـيـب ممـلـوحـه
تــتــلّ قـلـبــي بـشـريـانـي
تــحــبّ تـسـمــع لـصـبّـوحــه
وتموت في صوت الاغاني
والصبح تركب فـ﴿ مرجوحه ﴾
مــن بـيـن وردٍ فـبستـانـي
هــي رايـقـه بــس مجـروحـه
قبلي مع ﴿ الكاولي ﴾ هاني
والـيـوم انــا بـلـسـم قـروحــه
واحـــسّ ومـفـتّـح آذانـــي
ويــــلاه لا قــمــت لـلــروحــه
تـقــوم تـبـكـي وتـرجـانـي
وتــقــول لاتــتــرك الــدوحــه
وازهد بـدارك علـى شانـي
واقـول ماهـيـب ﴿ منفـوحـه ﴾
ذي دار جـــدّي وعـمّـانــي
والله لــولا يــا ﴿ مـمـدوحـه ﴾
ثــــلاث روسٍ وتـيـجـانـي
مليكـي اللـي عـلـى صـروحـه
وعبدالله والنـا يـب الثانـي
لاقطـع مـع البحـر فـي لـوحـه
واجيـك واطـنّـش اخـوانـي