السلام عليكم ورحمة الله وبركاته

مســاء الخيرات .. وحيــاكم

هذي شرح سويته في احد المنتديـــات .. على مراحـــل
قلت بحكمـ ان منتديــات ذوقــي ... تسـتــــاهل الخير .. قررت اني اجيبه هنـا
بحكم انه عملــي .. ولي حرية التصرف فيه ..!
اتمنى في الاول والاخير ان الاعضـاء او الزوار يستفيدون منه...!
نبدا الشرح .. وسامحوني على القصـــور .....!
هذا شي بسيط اقدمــه لهذا الصرح .. الي رغم ان الفترهـ الي عشتها فيه قصيرهـ .. لكن المشـاعر الي عشتها معكمـ .. صدقوني كبيرهـ..!

ما اطول عليكم ونبدا على بركة الله:


في البداية اعتقد ان بعض الناس وان كانوا قله للحين يشتغلون على اصدارات قديمه للويندوز
مثل WIn2000 او Win98 ..! ومرتاح معها ويقول وش يحدني على الاكس بي وعلى التغيير!!
فيه اسباب كثيره تدفعك اذا مو تجبرك انك تغير نظام تشغيل جهازكـ !!
بذكر بعضها :

1- اول سبب واهم سبب .. ان شركة ميكروسوفت وقفت الدعمـ الفني لنظام WIn98 ..( بالنسبه لـ Win2000 .. ماني متأكد اذا وقفوه او لا) بمعنى اخر الشركه ما تنزل تحديثات للويندوز القديم .. ولا تنزل سد ثغرات النظام القديم .. يعني الله يكون في عونك .. في صد المخترقين!!
لكن نظام ويندوز اكس بي تدعمه شركة ميكروسوفت وتصدر له التحديثات وسد ثغرات النظام ..!

2- ثاني سبب واعتقد انه لا يقل اهميه .. ان اكثر البرامج الجديده ما تشتغل على النسخ القديمه من الويندوز .. اشهر مثال الاوفيس . الاصدارات الجديده ما تشتغل على الويندوز 98 !!


3- السبب الثالث ..قوة نظام التشغيل ويندوز XP ومرونته ووسرعته وهذي من اهم المميزات الاساسيه .. ومميزات اكثر .. منها اساسيه ومنها كماليه .. مثل اشكال الايقونات وغيره .. مع انها غير مهمه الكماليات ..!!
ذكرت بعض الاسباب واعتقد اهمها ..!

الحين ننتقل لنقطه ثانيه :... وهي الي ما زالوا يشتغلون على انظمه قديمه .. لكن يبي يحدثون اجهزتهم ويثبتون الويندوز XP ..!!

بعض الاجهزه لا تقبل الويندوز اكس بي .. او بالاصح لا تستطيع العمل في بيئة ويندوز اكس بي .. انا صراحه ما اعرف مواصفات معينه للاجهزه الي تقدر تشتغل على الويندوز XP .. لكن بذكر اهم المواصفات .. اهمها الذاكره العشوائيه ( الرام Ram) لازم تكون اكبر من 64 يعني لازم تكون 128 ميقا بايت .. او اكثر ..
وبالنسبة للمعالج . .انا عن نفسي ثبت الويندوز XP على جهاز بمعالج انتل سيلرون سرعته 1 قيقاهيرتز .. وماشي معي تمام ... ( سليرون اقل المعالجات كفاءه في عائلة الانتل )
طيب الحين كيف يعرف الواحد مواصفات جهازه ..!!؟
الامر سهل اتبع الخطوات التالية:
اضغط ابدأ .. بعدها .. امر تشغيل .. بعدها اكتب في المربع الي طلع لك dxdiag واضغط موافق.!
اتبع الصوره






الحين عرفت مواصفات جهازك .. اذا هي تصلح كمل معنا اذا ما تصلح .. دور لك حل
ركب ذاكره زياده .. ( وهذي نجيها ان شاء الله في دورة صيانة الحاسب ان شاء الله )
شف لك حل .. واذا ما فيه حل .. الله يعينك على الويندوز 98

قررت انك تثبت الويندوز XP
اللي اقتنعوا بالويندوز XP .. بعضهم يبي يروح لمحلات الكمبيوتر ويعطيهم الدراهم ويجيهم اخر النهار ياخذ جهازه .. وهذي شغلته كل مره يبي يفرمت جهازه او يبي يثبت الويندوز!!

وبعضهم يبي يتعلم طريقة الفرمته ( ويجربها ) بعدها يا تصيب يا تخيب .. واذا صابت كان بها .. واذا خابت يشيل جهازه ويلحق خويه الي قبل شوي لمحل الكمبيوتر ويرجعونه له جديد ..!!

خلونا مع النوع الثاني الي يبي يتعلم ويبي يوفر .. وقد يكون اسباب اخرى .. يمكن انه في منطقه ما فيها محلات كمبيوتر ..! ما علينا مهما كان السبب..!؟
الحين نبي نشرح للشباب والشابات .. كيف نفرمت الجهاز ونثبت الاكس بي .. وحنا جالسين نشرب كوفي (قهوه :) ) !!

الموضوع سهل .. وابي اسهله اكثر بالصور . كل خطوه بصورتها ..! وكل نقطه بنوضحهـا!!؟
اول شي ابي اشرح وش هي الفرمته ( الفرمته طالت اعماركم هي انك تمسح كل شي على الجهاز من ملفات ومن فيروسات ومن برامج كل شي )!!
لكن بعض الشباب ( الشابات مفهومه ضمنيا ً :D ) عندهم ملفات على اجهزتهم ما يبون يخسرونها وضروريه لهم ..!
طيب وش الحل !!؟

الحل سهل وبسيط ... القرص الصلب ( الهاردسك ) في كل جهاز مقسم الى اقسام ( C و D و على حسب الجهاز .. ) وفيه بعض الاجهزه ما فيه الا قسم واحد الي هو C ..
شف الصوره:


طيب الملفات الي نبي نحفظها !!؟
عندنا طريقتين /
اول طريقه هي .. اننا نحفظ ملفاتنا الي نبيها على قسم من الهاردسك .. مثلا D ونفرمت C ..!
او اننا نحفظها على سي دي CD-ROM ( للي عندهمـ سي دي رايتر CD-R ) يعني عندهم جهاز السيديات يقدر يكتب على السي دي ..!
الحين نجمع الملفات كلهــا على القسم D .. واذا خلصنا وجمعناها نبدا في الجد !!
بوضح نقطه .. الي نقدر نحفظها هي الملفات( صور مقاطع ملفات وورد او اكسل .. وغيرها .. كلها طبعا ملفات ترضي الله) ..
لكن البرامج . اغلبها يحتاج اعادة ثبيت يعني حتى لو نسخت ملفات برنامج معين ( مثل الريل بلير) .. بعد الفرمته لو ترجعه للـ C ما راح يشتغل ..!

اهم شي ملفاتك ونسختها على الـ D ... او نسختها على سي دي CD-ROM ..المهم دبرت نفسك وحفظت نسخه من ملفاتك!
================================================== =
طيب الي ما عندهم سي دي رايتر .. ولا عندهم الا قسـم واحد من القرص الصلب ( الهاردسك) الي هو C
وش الحل؟ ... الحل انك تقسم الهاردسك الى قسمين او اي عدد تحتاجه .. تقسمها قبل الفرمته .. وتحفظ ملفاتك في احد الاقسام الجديده وتفرمت القسم الثاني .. وبعد تثبيت الاكس بي ترجعها ..!
نبي نشرح طريقة تقسـيم الهاردسك لاكثر من قسم ( للي ما عندهم غير قسم واحد في الهارديسك) :
انا افضل استخدام برنامج ليقوم بالعمليه هذي .. وانا بشرح لكم واحد .. والي ما يعجبه البرنامج.. ما عليه الا انه يقوقلها رؤية الروابط خاصة بالاعضاء فقط ويشد حيله في البحث ..!
انا جبت شرح مفصل لبرنامج Partition Magic8 لتقسم القرص الصلب
رؤية الروابط خاصة بالاعضاء فقط

اعذروني ما امداني اجهز شرح .. لكن ان شاء الله الرابط يفيد ..!!
ولاي استفسار .. انا والاخوان موجودين..؟!
================================================== =

الحين قسمت القرص الصلب (الهاردسك) .. اجمع ملفاتكـ في قسـمـ ونبي نفرمت القسم الاول .. الي غالبـا هو الـ C

قبل الفرمته .. لازم نحفظ تعاريف الجهاز .. اذا كان عندك سيديات الجهاز .. وسيديات الاجهزه الي عرفتها على الجهاز كان بها اذا ما عندك .. حمل البرنامج الي بشرحه الحين واتبع الشرح ...!
فايدة البرنامج .. يحفظ جميع تعاريف الاجهزه الي شبكتها على جهازك وعرفتها عليه ..!!
اذا انت مو فاهم وش اتكلم عنه .. انصحك تحمل البرنامج وتتبع الشرح وان شاء الله امروك كلها تكون تمام
برنامج WinDriverGhost لحفظ تعاريف الجهاز...!
حمل البرنامج >>>> رؤية الروابط خاصة بالاعضاء فقط
اذا حملت البرنامج فك الضغط عنه .. وبعدها شغل البرنامج ..!
اذا ظهرت لك الصوره التاليه .. اتبع المكتوب فيها ..؟ اضغط على زر Register later


اذا ما ظهرت لك الصوره الي فوق تبي يظهر لك الصوره الي تحت ..واجهه البرنامج :


الجهه الي يمين فيها ازرار البرنامج وهي الي نبيها ونبي نشرح كل زر فيها :
الزر هذا يجلب كل التعاريف للاجهزه الي عرفتها من سي ديات خارجيه .. يعني ماتعرف عليها الويندوز

الزر هذا يجلب جميع التعاريف الموجوده في جهــازكـ ( انصحكم باستخدامه .. وابي اشرحه بعد شوي )

الزر هذا يحظر تعريف جهاز معين تحدده انت .. مثلا الطابعه .. او السكانر ( الماسح الضوئي )

الزر هذا يحظر جميع ملفات التعريف في الجهاز

الحين بشرح طريقة الاستخدامـ :
نضغط على زر Fast Collect كما في الصوره


الحين جمع جميع التعاريف الي بجهازي ... اذا ابي احفظها كلها اضغط على زر Make All
اذا طلع لي المربع الي احدد فيه مكان حفظ ملفات التعريف .. طبعا احفظها في القسم الي ما راح افرمته .. يعني احفظها مع ملفاتي الضروريه في الـ D
مثلا تابع الصوره:


اذا كنت ابي احفظ تعاريف اجهزه معينه اختارها واضغط زر Make .. هذا للي يبون تعاريف معينه .!
حنا نبي نتبع الطريقه الاولى . ونحفظ جميع ملفات التعريف...!

الحين حفظنا ملفاتنا المهمه وملفات التعريف للجهاز .. نروح ننام وبعدين نكمل ان شاء الله ..!

<< تعبت من كثر الكتابه .. اترككم .. تشاورون انفسكمـ .. او تجمعون ملفاتكـمـ في جزء من الهاردسك ... وتفرغون الثاني .. نجري عليه عملياتنا ..!!
نكمل باقي الشرح في يوم ثاني ... وبالنسبه للي شغالين على ويندوز XP .. ينتظرون الاجزاء المتقدمه من الشرح ... والي ان شاء الله نبي نطلع فيها على طريقة العمل على الاكس بي والاستفاده بأقصى قدر من موارد هذا النظام .. ونتعرف على خفاياه واسرارهـ ...!؟

انا كتبت الموضوع وضغطت (( اعتمد الموضوع )) .. يعني ما راجعته لأني صراحه تعبت من الكتابه .. لكن اي خطأ نبهوني اعدله .. خصوصا من خبراء المنتدى ..! والعليميه مثلي..!؟

وأي واحد يدلي بدلوه في الموضوع وينورنا ويعلمنا ونكون له شاكرين ...!


تقبلوا تحيات اخوكم وآفــــــــــــي

مشكور اخوي بس عندي عدة اسئله ايش فايدة الفرمته ؟ واذا فرمت نرجع الملفات الي بل ببرامج اعادة الملفات المحذوفه ؟ وكمان يعني هذا D حاولت اخلي برامج التورنت تحفظ ملفات الافلام فيه لكن ماعرفت خربت الدنيا كيف احفظ عليه الاشياء واشغلها منه علشان اوفر مساحة على Cولا مايصير كذا?

حيــاك شـــاشـــا.. العفو طال عمرك .. هذا قليل بحق مملكـة ذوقــي واعضـاء المملكه..!

عندي عدة اسئله ايش فايدة الفرمته ؟
فايدة الفرمته طال عمرك
اول شي واهم شي .. لو كان في جهازك فيروسات ولا قدرت تحذفها بالطرق العــاديه لان اكثر الفيروسات ما ينحذف الا بالفرمته..لذلك تحتاجل الفرمته..!
ثاني شي اذا كنت تبي تثبت الويندوز الجديد مثلا .. تفرمت الجهاز علشان ما يتعارض الجديد مع القديمـ.. ويسبب لك مشـاكل ويصير جهـازك بطيء
لذلك نسوي له فرمته علشان نثبت الويندوز الجديد .. بدون تعارضات او مشـاكل
وبعض الاحيــان .. اذا كان جهـازك فار تجــارب .. يعني انت راعي برامـج
تحمل وتثبت وتحذف وتثبت وهذي شغلتك تثبيت برامج وحذف برامج
بعد فتره يصير الويندوز عندك ثقيل .. اكثر الناس يفرمتونه ويبدون من جديد
لذلك انصحك ما تحمل وتثبت الا البرامج الي تحتاجها .. اما التثبيت للتجربه يثقل جهازك مع الوقت ..!
اتمنى وضحت الاجــابه على السؤال الاول .. اسهبت فيها علشان ابين لك الفايده بصوره اوضح..

واذا فرمت نرجع الملفات الي بل ببرامج اعادة الملفات المحذوفه ؟
اذا فرمت الجهــاز .. تقدر ترجع اغلب الملفات المحذوفه...!
اذااستخدمت برامج اعادة الملفات المحذوفه المشهور والقويه..!

وكمان يعني هذا D حاولت اخلي برامج التورنت تحفظ ملفات الافلام فيه لكن ماعرفت خربت الدنيا
بالنسبه لكيف تحفظ ملفات التورنت على الـ D
فهذا يعتمد على برنامج التورنت االي عندك .. كل برنـامج له اعداداته الخـاصه
ادخل قوقل واكتب "شرح برنامج( وحط اسم برنامج التورنت الي عندك )"
وتبي تحصل الي يساعدك

كيف احفظ عليه الاشياء واشغلها منه علشان اوفر مساحة على Cولا مايصير كذا؟
بالنسبه للـ D تقدر تستعمله مثل الـ C تماما
تقدر تحفظ وتحذف وتنسخ وتنقل منه وعليه .. كأنك تستخدم الـ C


شـاشـا .. صدقني اسعــدني تواجدك واسألتك .. واتمنى لك التوفيق .. ومن سار على الدرب وصل ..!

يعطيك العافيه اخوي وافي

فعلا كفيت وفيت وبيض الله وجهك

على هالموضوع المميز

لاحرمنا الله من جديدك

اخوك ملك الذوق

ملـك
عـافــاك الله .. طال عمرك..!
وجهك ابيض .. وهذا قليل في حق المملكه .. واعضــاءها..!
المميز والرائع هو مرورك .. وكلنـا ان شاء الله نطور المنتدى ..!
تقبـل ارق التحــايا .. ولا تحرمنـا تواصلك
وانتظروا الجزء الثاني قريب جدا ... ان شاء الله

السلام عليك ورحمة الله وبركاته
صـبـحكمـ الله بالخير جميــعــا .. كل واحد باسمه ...!


نكمل الدرس .. الي اتمنى انكم تستفيدون منه ..!

الحين بعد ما جمعنا ملفاتنا وتعاريف الجهاز .. ما باقي الا نفرمت الجهاز ونثبت الويندوز
اول شي متطلبات الفرمته والتثبيت ..
شي واحد بس : القرص المضغوط حق الويندوز اكس بي .. وهذا تحصلونه في اي محل كمبيوتر .. او اي واحد يبسط عند مسجد يبيع سيديات :)
... قيمته عشره ريال بس ( لا احد يضحك عليكم يبيعه بخمسطعش )..
او يمكن انه جا مع الجهاز اول ما اشتريتوه .. تأكدوا منه..؟

المهم الحين اذا الجهاز شغال اعمل له رستارت ( اعادة تشغيل ) واذا طافي شغله ..
اول ما يبدا الجهاز يشتغل نضغط على F10 ( موجود في لوحة المفاتيح فوق ) او نضغط على ديليت DELETE اي واحد فيهم ..
.. طبعا على حسب المذربورد ( اللوحه الام في كل جهاز ) ما عليكم من كثر الكلام .. اضغطوا Delete وتمشي معكم ان شاء الله ..
اهم شي انك تضغطها وقت الجهاز ما يشتغل على طول .. للتأكيد اضغطها اكثر من مره
حتى يطلع لكم مثل الصوره الي تحت . او صوره مشابهه ( حسب اللوحه الام مثل ما قلت ) : تابع الصوره

نحرك بالاسهم الي في الكيبورد ونختار كما موضح في الصوره فوق .. Advanced BIOS Features

الحين يبي يطلع لنا الصوره التاليه ..


ننزل بالاسهم الي بلوحة المفاتيح حتى نوصل First Boot Device
بعدها نغير قيمة الاختيار هذا بعلامة الزايد والناقص + , -
نخليها على السي دي روم .. ATAPI CD-ROM
طبعا تختلف طريقة كتابة ATAPI CD-ROM من جهاز لجهاز .. انت الي عليك انك تختار السي دي روم .. يعني من الاختيارات تبي تفهم وين السي دي روم ..
تحت الاختيار First Boot Device فيه السطر الي تحته مكتوب Second Boot Device و
وتحتها سطر مكتوب Third Boot Device
نغير قيمها كلها لين تصير بالترتيب التالي :
First Boot Device [ATAPI CD-ROM]
Second Boot Device [Floppy]
Third Boot Device [HDD-0]
ومثل ما قلت الاختيارات تغيرها بعلامة + , - ...
ولا تنسى بعد مثل ما قلت الاختيارات على حسب اللوحه الام لكل جهاز .. لكن كلها قريبه من بعضها ..

الحين بعد ما سوينا كل الي فوق نضغط على زر F10
يطلع لك رساله فيها SAVE to CMOS and EXI (Y/N)?
نضغط على حرف Y من لوحة المفاتيح ..

تبي ترجع للشاشه الي جت قبل شوي .. نضغط على F10 مره ثانيه ..
وتطلع لنا نفس الرساله الي قبل شوي نضغط على Y مره ثانيه .. مثل الي في الصوره التاليه:


بعدها الجهاز يبي يعيد التشغيل مره ثانيه .. ويمكن ما يعيد التشغيل على حسب الجهاز كما ذكرت ..

المهم .. السي دي طبعا موجود من قبل في الي سواقة الاقراص .. يعني حط السي دي قبل تطلع من الشاشات الي قبل شوي ..
اذا اعاد الجهاز التشغيل .. يبي يطلع لنا شاشه سودا مكتوب فيها .. Press Any Key To Boot From CD
اضغط على اي زر في لوحة المفاتيح .. بعدها يبي يطلع لك كما في الصوره :


اترك الجهاز يحمل ملفات التشغيل .. على حسب سرعة سواقة الاقراص عندك وحسب سرعة جهازك
اذا حملها وخلص يبي يطلع مثل الي في الصوره :


نضغط زر ENTER من لوحة المفاتيح مثل ما تشوفون في الصوره السابقه ..

الحين يجيك مثل الي في الصوره التاليه :


نضغط على زر F8 مثل ما تشوفون في الصوره السابقه ..

الحين يجيك شاشه مثل الي في الصوره التاليه:


نختار الهاردسك الي عليه الويندوز ( انتبهوا تختارون الهاردسك الي عليه ملفاتكم وملفات تعريف الجهاز .. وتلوموني بعدها )
نختارها طبعا بتحريك الاسهم الي في لوحة المفاتيح ..

بعد ما اخترنا الجزء الي نبي نفرمته ونثبت عليه الويندوز نضغط ENTER من لوحة المفاتيح..
يجينا مثل الصوره التاليه :


النوع الثالث للي يشتغلون على شبكات اضمن لهم .. وهو اقوى الانواع خصوصيه . انضحكم تختارون الثالث ..
نختار الاختيار الثالث ونضغط ENTER
يجينا مثل الصوره التاليه :


الحين النظام يفرمت الجهاز .. نتركه لين يخلص من الغرمته .. بعدها يجينا مثل الصوره التاليه :


بعد ما ينسخ جميع الملفات الي يحتاجها للتثبيت .. يجيك مثل الصوره التاليه:


بعدها يبي يعيد تشغيل الجهاز مره ثانيه .. وبعد ما يشتغل يجيك مثل الصوره التاليه .. الي هي صورة الويندوز اكس بي :


وبعد ما تروح يجيك شاشات التثبيت مثل الصوره التاليه :


بعد دقايق وبعد ما يثبت معظم المكونات يبي يطلع لك مثل الصوره التاليه :


نضغط على زر Detail بي يطلع لنا مثل الي في الصوره التاليه :


نضغط مثل ما في الصوره على زر Add بعدها يطلع لنا مثل ما في الصوره التاليه :


نختار منها الدوله ونوع لوحة المفاتيح .. اتبع الصوره السابقه فقط .. بعدها تبي ترجع لنا الصوره الي قبل شوي..!
نضغط موافق مره ثانيه . !

بعدها اثناء التثبيت يجيك شاشه مثل الصوره التاليه :


بعدها يجيك شاشة ظبط الوقت مثل الصوره التاليه :


اظبط الوقت بعدها .. اضغط موافق او OK

الحين يجيك شاشه يطلب منك الرقم السري (رقم التسلسل)حق الويندوز .. طبعا عاده تحصله مع السي دي حق الويندوز .. واذا ما حصلته

هذي مجموعه ارقام للاحتياط ..
VFWGM-3GRYG-QB43V-MVP84-XB3G9
HHBCG-3V2QR-72KPV-YQCXW-KHGJ7
YVGKQ-B7QYX-WWPBR-M7T2R-PB8BM
XW6Q2-MP4HK-GXFK3-KPGG4-GM36T
X4682-4BKMH-M4MRW-MY32H-FC8BD
DX87K-XKPJ3-2H4D6-TX47Q-J46B6
V773F-CY2FD-KTPCF-RKYR7-FK42J

الحين بعد ما تحط الرقم .. يشتغل الجهاز .. ويطلع لك سطح المكتب مثل الصوره التاليه:


الحين معناها انك ثبتت الويندوز اكس بي بنجاح ..

تلاحظون ما على سطح المكتب الا سلة المحذوفات .. طيب وين باقي الايقونات .. نجي الحين كيف نحط باقي الايقونات
اللي هي جهاز الكمبيوتر ومجلد المستندات و الاكسبلورر ..

اضغط بزر الفاره اليمين .. على اي مكان فاضي في سطح المكتب .. ومن القائمه الي تطلع لك اختر ( خصائص )
يطلع لك مثل الي بالصوره التاليه:


بعد ما تختار تخصيص سطح المكتب .. يطلع لك النافذه الموضحه بالصوره التاليه :


بعد ما تحدد الخيارات الموضحه في الصوره فوق .. نضغط على موافق..!


وكذا نكون انهينا عملية فرمتت الجهاز وتثبيت الاكس بي .. واذا فيه شي مو واضح .. اسأل قبل تسوي اي شي ...!
والموضوع بسيط يا جماعه .. يبي لها واحد يمشي خطوه خطوه مع الشرح بس ..!

تـحـيـات اخوكم وآفــــي

يــــــــــــــــــ ع ــــــــــــــــــــطيكـ الــــــــــــــــــــ ع ـــــــــــــــــــــــافيهـ اخووي

الله يعـــافيك نــدو
اسعدنــي مرورك طـــال عمرك

يعطيك الف عافيه وافي

بصراحه شرح حلو

وماقصرت

محد قدهــا
يعــافيـك ربـــك ... ويطول عمرك..!
الحلو هو مرورك وتشريفك ..!
تقبـلي ارق التحــايا