الطلسمه

لا إلـه الا انـت يـا رحمـن ياواحـد احـد
واهـبٍ نـور الهدايـه عـن دروبٍ مظلـمـه

باسـطٍ سبـعٍ وسبـعٍ فوقهـا بلـيـا عـمـد
فارضٍ خمـسٍ عليهـا العبـد نفسـه مسلمـه

اشهد ان وحدك إلهـي ربنـا الفـرد الصمـد
واشهـد محمـد رسولـك والكـذوب مسيلمـه

واستجيـر برحمتـك يالله مـن ضيـق اللحـد
والتجيبك من عـذاب القبـر واهـل المشئمـه

واستعيذك يا الاه الكـون مـن حاسـد حسـد
ومن نفث في عقدته من بعـد ذيـك الطلسمـه

ثـم اببدابـك الهـي راجـيٍ منـك الـرشـد
الشعر يغـوي وانـا غاويـه لاجيـت انظمـه

دام بي فيـض المعانـي كثـر طفـاح الزبـد
الخطا وارد وانـا عبـدك ولا اقـدر اعصمـه

اجتهـد وادري بـإن ماكـل مـن يجهـد ورد
للمصاب اللي يبيـه مـن بعـد شـدة محزمـه


يعني لو صح المثال ان كـل مـن جـدا وجـد
كان ماخسر الفتـى وخطتـه كانـت محكمـه


وكان ماشفنا مـن اللـي فزعتـه تسـوا بلـد
نكـس ارقبتـه والا يـادوب يجتـر انسـمـه

وقتنـا فيـه التضـاد اشكـال واكثرهـم نكـد
الجلم فيه اذكيـا!! ولا الذكـي فيـه جلمـه؟؟

فوضويه عارمـه لامـا حصوهـا فـي عـدد
والحقايـق خايبـه والزيـف يرتـف علـمـه

مثل مـا شفنـا البخيـل اليـوم للعليـا صعـد
بكره انشوف الكريـم ان مـر ذكـره نشتمـه

البخـل ماهـو ببخـل المـال لاشـح المـدد
البخـل باللـي تكاثـر ضحكـةٍ مـن مبسمـه

والجبان اسوء صـوره الـذل والاسـواء بعـد
قذف عـرض المحصنـه يالله لاتبـري دمـه

والادب ماهو رزانـة القـاف للـي بـه نشـد
كـم وكـم شاعـر يخالـف مايدونـه اقلمـه

ماسلمت..ولاسلـم غيـري ولـو انـه جحـد
اغلب الشعـار تخطـي والخطـا فينـا سمـه

كن عيني عن طريـق الحـق حاديهـا الرمـد
ولـو بفكـر بالاجابـه .. الاجابـه مبهـمـه

وان تجاهلـت الحقايـق داخلـي شـيٍ وقـد
ما قوى صدري يطيقه ونفسـي عيـت تهظمـه

ان مشت رجلي تبعها..وان قعدت يمـي قعـد
مدري هو..!!باقي الضمير الحي وأزريت اكتمه

رحمتك يامن ملكت الكـون والهمنـي الرشـد
دام يغويني الشعـر واغويـه لاجيـت انظمـه

ودام بي فيض المعانـي كثـر طفـاح الزبـد
الخطا وارد وانـا عبـدك ولا اقـدر اعصمـه



وحده بوحده

طالبك تسكت ولاتنشد يابوسفاح
ماودي يزعل كلامي واحد ٍ موالي

مالقلب طيب ولا بالي بعد منساح
والخوف اجمع غثى الاول على التالي

ياما وياما تركز بالضلوع ارماح
لاكن رمح الرفاقه يزيد غربالي

مابين هرج الشماته وضحكة المزاح
شعره بسيطه وانا ماني على فالي

وحده بوحده وتصبح القلوب اصحاح
لو كان طبع ابد ماصار ذا حالي


ولوي من اللي يناطح بصياح صياح
ماكان تعبت ركابي في وقف عالي


الله وكيلك يانايف وش بقى ماطاح
واقرب قريب ٍ غدى في صف عذالي



اذكر خسرت وخسرت ولاجنيت ارباح
الله يعوض جهودي والله الوالي



واسمع عزايا في ذيب ٍ في عواه انباح
بيتٍ واحطه مع تصنيف الامثالي


الحر دايم تغشه ريشة الملواح
لاكن يبقى عزيز ومنزله عالي


خلني بفضفض بشعري كني المرتاح
بكتبه مره بعقل واحيان بهبالي

بعسف امهار القصايد وارتشفها قراح
وياكثر ناس ٍهوت قافي وموالي


بنيت نفسي بنفسي والتحفت وشاح
واخترت انا في رفيع المجد منزالي



والحاسد اللي بغاني مامعاه سلاح
ياكود هرج القفيا وجوفه الخالي


طالبك رح له ورجه لي يابو سفاح
لايحدني واقلب الاول على التالي



تهني ياقطر في شيخ

بعد سرجت مهار الشعر وخلت هالقلم خيـال
حروفن نبظها فكري وصدقن دوم يبراله

وثارت ثوره الهيجا على المعنا تبي مدخـال
عجز منها الهجوس اللي بغاها وين مدخاله

قطر وانتي العروس اللي ولو زان الشعر ماطال
شموخك لو نزف حرفه حشى والله ماطاله

بلاد الخير وانتي الخير نعم يادوحـه الامـال
يشـرف شاعرك يكتب ويرفع فيك منزاله

لانك من خلقك الله على مر الزمـن مدهـال
رجـال تعشـق العليا وفعـل الخير تعناله

هاللمنكوس والعرضه وصوتن يزعج الهوبال
لهم فزعه ليا صاح المنادي وطوح عقاله

ورجالن بالبحر غاصت طربها في صدا اليامال
تشـوف الموت بهوال الخليج ولاتهياله

حضر والبدو عاشو بـعـزه منحنـو باذلال
حديهم بالشدايد صلب ويرخص دونك عياله

تحت رايه حكيم الراي سليل الجود والافعال
حمـد شيخ الشيوخ اللي رفبع المجد يرقاله

الامن شدت الكربه وكثرت بعـدها الاقـول
ابـومشعـل ولاغيـره يطابق قوله افعاله

تشوف الطيب في وجهه وحلمن ترتجيه اجيال
وشـرن للعـدا ينذر قبل لايـدك زلزاله

كريمن لا عطا يعطي مثل مايعطي الهمـال
يـعـم الخير بدياره عساها دوم تهناله

عطوفن كم دعا في ليل يتيم ومقعد واطفال
لان مالهـم غـيره وبعد ظل الله اظلاله

حفظك الله وثم تبقى ذخر يا مظرب الامثال
الا يامن على الحسنى تطول وتارد حباله

وهني ياقطر في شيخ ولو طال الزمن مامال

ابــد مامال منه كود زيادت طيب بفعاله



ابن الملوك

بزهمك يا هاجسي والحمل كانك تقدره
والغزيــر اليــا زهـمتــه لايجيــب الا الغزيــر

شايفـك مـن هــول مابـك منـت قـاو السيطـره
ولــو تلــوًح مايصيــر آقــول لا والله يصيـــر

منت (ابو الطيب) ولاني في قصيدي (عنتره)
لا ولا انت (بوفراس) ولاني المدعو (جريـر)

شاعرٍ من طيب ( فيصل ) جاني بالراس انعره
شلعت بي من (الكويت) ولين ما جيت ( لعسير)

ياســــلام الله ســــــلامٍ والنـوايــــا معطــــــره
عطرهــا ريح الخزاما ورعــة انفــاس العبيــر

سقتهـــا ( لإبــن الملوك ) معــززه ومقــــدره
وصـغتها بعـذب حروفـي واكتسـت ثوبٍ حرير

والقصيده كان ماهي أبـ فيه ما فيهـــا اثمــره
لــن ذكــره دوم غيــر وكن يبصــره الضريــر

يرتقــي بالجــود ليــن الجــود يحكــي منبــره
عــن خصـايلـه الحميـــده ويتـقــدوبـــه كثيـــر

سيـــدي جيتــك ببــارك والمشـاعـر ممطـــره
مــا ابـي رتبـة عميــد ولا ابـي سطـوة وزيـر

جيـت امثـل ديرتـي والطيـب من عــام اذكـره
حامــلٍ اسمــا التهـاني هدوْ يالـراس السطيـر

والمحبـه وهبــة اللــي فـــي يديــه المغفـــره
وانــت ربــي حصلــك منهـا بمحصـولٍ وفيـر

يعنـي لو جينـا انحسبهـا بالقلــم والمسطــره
كـان شاركنــا بغلاتــك الشفــق مع كل طيـــر

والله انــه لو جبـــال (ابهــا) لديهــا حنجــره
كــان قالــت ماتبــي غيرك (يابو خالد) اميــر

وكان سولـف عن كرمك الريح لامر اشجــره
ويتبادلهـــا سحـــاب الليـل للنجــــم الاخيــــر

كلنــا فـــي صـــف واحــد.. إلا والله اخشـــره
انتفاخــر بك وتبقــى الذخر يالسيف الشطيــر

سيـــدي ماعــاد بينـي عنــك والحلم شعـــره
دام صافحتــك يمينــي اشهد انـي بألـف خيـر

سيـــدي والشعــر لاطــول يشـــوبه ثــرثــره
او تمـلق..او كـذا..او أيـش .. من هـذا الأثيـر

بـس ودي اعترفـلـك وشهـو عندي مظمــره
واختصـر بعـد المسافـه لايطـول إبيـا المسير

تدري وش يكسر شموخ الشعر..ويفك اظهره
يــوم يمدح شخص مثلك .. خابره دايم كبيــر




طيف الحبيبه

انا لامن لفــى طيــف الحبيبــه يبتــدي همـي
واحس اني علـى كفــه وكل الناس في كفه

وحيــد ولا لقيـت اللي يطالب بالهــوى دمــي
مغيـر الطيف ياخذنــي ويلف ابمامضى لفه

وعرفت ان الهوى نارٍ حرق منها اللهب كمي
وعرفت ان الوله يترك على عقل الفتىخفه

لجا فـي خاطري كلمه عجـز لا يقولهــا فمــي
وعيني فسـرت صمتـي بعد ماخانــت الشفه

كلبتك هاجســي هــود وخلــك جالـــسٍ يمـــي
ابيك اترف لــي بيـرق من النسيان لي رفه

والا ياطيف وش جابــك تقلــب بالــهوا غمـي
تحلى بالخجل وارحـل ترا نبـع الخجـل عفه



طلال الرشيد

من لفــــى علم الجزائرامتزج لون الكأبـــــه
في عيونـي لين صار العلـــم اكثر من اكيـــــد

يرحــــم الله من توفى وافجــع الناس بغيابــــه
والحــزن في ذمتـــي ما اختص في الرشيــــد

كل نفـــس تعشق العليـــا وقولت مرحبــا بــه
تذرف دمــــوع المفـارق فيك يا اغلى فقيـــــد

والله ان الشعـــريعجـــزفي حروفه والكتابــــه
ماوصـــف هماً تزاحــم ثم جرىوسط الوريـــد

غبـــت ياسيف الطنايـــاومركزالجودونصــابه
غبـــت لا ما غبت غاب الفجر والله الشهيــــد

جعل ربي يسكنــــك جنات عــدنً والصحابـــه
بين صديق الرسالــه وبين خالدبــن الوليــــد

وجعـــل ربي يسعــدك بالقبر ويجعلـــك برحابه
وحده الغفــار والمنجي وذو العرش المجيــــد

ويالله الرحمـن عينه في سؤالـــك والاجابــــه
وطهره من كـــل ذنــبٍ مثل مولــــودٍ جديـــــد


ولا نقـــول الا رضينا بحكـــــم خـــلاقٍ نهابــــه
ومن يموت من دون نفسه صار بأذن الله شهيد


والبقــــا بنـــواف جعــل الله يخليــه لشبابـه
ومن يخلف ما يموت وهـــذا هـو العلم الاكيد




مســـــرحيــــــــه

مسرحيــه صــارت الدنـيـــا بعيــونـــي
وانتــي اجـدر من لعـب دور البطولــــه

يـامــلاك الحــب عفــــوا... ياجنـــونــي
لوسمحتـــي بخـاطــري شــيٍ بقولـــــه

بسألك وشلــون خابــت بــك ظنونــــي
وكيف هانت عشـرتي معـــك بسهولــه

وليه كنتــي توصفــي حالــك بدونـــــي
مثــل وادي ينتظــر تجـــري سيولــــــه

هـو غبـــا منــي تسيرنـــي شجونــــــي
او غبــا اتبــع خفوقـــي فـــي ميولـــــه

اوغبـــا صديــت عــن نــاسٍ نهونــــي
ثم ضربت الكون في عرضــه وطولـــه

وانصحوني ..وانصحوني.. وانصحوني
لا تجــــي خطـــوات رجلينــك عجولــه

وكنــت اكابـــر واحلــف انـك ماتخونـي
ليـن جتنــي طعنتـــك فــي صــدر يولــه

فعلتــــك تمحــــا ويبقــــى يافتـونـــــي
شـــي واحـــد وان سمحتيلـــي بقولـــه

انتـــي اعلـــم من اكــون ومن تكونـــي

والجبـل مــا هزتـه ريـــحٍ خجــــولـــه



نــرجـســــيـه

نرجسيه.. نرجسيه.. أذكـر إنهـــا نرجسيـــه
كلمةٍ مطلع قصيـده راودتنــــي مـن زمــــان

كنــت أبكتبها ولكن عيـــت ظروفـــي عليــه
والزمن أيضا حداني وبعدها كان اللي كـــان


نرجسيــه يا علـي بنــتٍ تمـــادت بالخطيـــه
أسرفــت في حالـي حتـى عفتهـا يابـــورزان



بعثــرت عمري شظايا بين ذيك وبيــن ذيـــه
ولاقويـت أجمع شتات العمر وأطراف الحنان



أذكر إني كنـت أهوجـس فـي غلا هالأدميـــه
وأحســـب للحــزة لقاها هالدقايــق والثـــوان



وأذكــر إني كنت أشكـك في وجـود الجاذبيـه
وأتساءل ليـه أطيـر إليـا دعتنـي فـي مكـــان



وكنت أظن إن النهار إليا ظهر ثم بان ضيـه
إستمـد النــورمنها ثــم خــذى منهــا ضمـان


والضمان إنها تصون السـر عن كــل البريـه
ما تخبـر به قريــب ولا يسولــف بـه لســـان


جادل ربـي حباهـــا فـي ملامـــح يوسفيـــــه
عنــق وإلا خسـر وإلا.... يادخيل المستعــان


إن تهادت فــي خطاها تسلـب العقـل برويـــه
وإن تثنت شحت كفـي وش بقى للخيــــزران

وإذا إنتثر مجدولهـا اللي حشى ما شفت زيه
فاح ريح العــود وإلا هو عبيـــر القحويــــان

من نظرها كنه اللي ماحسـب طعنــة خويـــه
ولاله إلا لاتبســــم ثغرهــا عـــض البنــــــان

لو نظرها إبن الملـوح عاف ليلــى العامريــه
يختلف طرقه ونهجــه وتصبـح العشره ثمان




يترك الشعـر المقفــى والحــروف الابجديـــه
أو يهيجــن هيجنــة بدوٍ لهـــم عــــزه وشـان



أشهد إنهـا من عذابـي ياعلي ماهـي بريـــه
قلبهــــا قاســي ونـــــادر مـا تمايلـــــي ولان



عرضتني للهجير وقالــــت أمشيلــك بفيـــه
واتركتنـــي للسهاد ولوعــة أصفـاد الهـوان



واستباحت كل عرق من عروقي والضحيــه
حبنا اللي من سواهـــا ما صفـا مــــره وزان



عنجهيه ونرجسيـــه.. نرجسيــــه وعنجهيـه
حلها وشلـون مـدري!! طالبــك يابـــو رزان

تابع ( 2 )

عيوني مرايا


يا فؤادي لا تسلهم يا فؤادي
دام دمعك جند واحزانك سرايا


انكسرت وما سلم حتى زنادي
كيف أثور وما بقى فيني بقايا


استمعت الصمت بأنفاسي ينادي
كن صمتي بوح وعيوني مرايا


التمست من الزمن نسيان هادي
ولا وعيت الا وأنا جروحي عرايا


ويا سهادي وين وصلني عنادي
ليه أكابر وانفي الجرح بزوايا


وليه أقول ان ما حصلي شي عادي
والحزن يغتال صدري والحنايا


ما هقيت الوقت يخدعني برشادي
ولا هقيت القمح يتنكر رحايا


ولا هقيت ان هقوتي خانت مرادي
لين يدي خطت بحبرب رثايا


فضفضه



هذا انا جيتك بسولف يافهد من حر مابي

فضفضه أو بوح ما ادري المهم جيتك وانا

ضايقٍ بالي وصدري ما قوى يحمل صوابي

والأمل ما بان نوره ولا ألمحت عيني سنا

جابني يمك ثقيل الهم يوم انه دوابي

أجهده والموت كنه داخل اعروقي دنا

استفزيت المعاني والقلم وحده درى بي

يوم بيح من خفوقي كل ما جوفي كنا

والمصيبه يافهد ويشلون بشكي لك عذابي

دام صار الهم شايب وصرت بعيونه ظنا

من بعد يوم المفارق طال ليلي والتوى بي

كل حزن الكون فيني وزاد بي كثر العنا

فارقتني من تبيع الناس لجل لحظة لقا بي

والخطا ماهو خطاها وكنت أول من جنا

اعترف اني خطيت بحقها وهذا جوابي

كان ودك بالحقيقه يافهد خذها هنا

صعب تخذل من يحبك وهي أول من هقابي

اني اجمع كل بسمه وآتنصفها المنا

غرني طيشي ومشيته وإلا هو اللي مشى بي

ولا وعيت إلا وانا اهدم صرح من عشقٍ بنا

والله اني ماندمت من الطفوله لين شبابي

لين حبل الوصل شفته بأوسط يديها انثنا

ليتها تغفر خطايا يافهد باللي جرى بي

بعدها ما غط جفني لا ولا قلبي اهتنا

وليتها ترجع وتجمع ما بقى او ما بقى بي

وأحلف بربي ما ازعلها إلى يوم الفنا



على ذكر الذي نزل


على ذكر الذي نزل كتابه للنبي داود

ونجّا موسى من فرعون بعد ما غرق وأعوانه

اببدى والقصيده توّها في أول العنقود

مثل نبتٍ زهي طلعه عيون الناس بأغصانه

وأنا رجلٍ أخاف الله واعرف العيب والمنقود

ولانى من كذب كذبه وصدقها على ألسانه

غشيمٍ لاهرج جاب السوالف صِدقها مفقود

وناخذها على منهج ايا دانه ويادانه

نخيتك وأن نخيتك يا قصيدي كنك البارود

تجيني بفزعتك ثاير وتنصاني بأخو فلانه

أبي لا ضاقت الدنيا بعيني والليالي سود

تبدد ضيقتي بقافك وسج بروعة ألحانك

وبشكي لك زمن جاحد وحنا قسمنا المجحود

زمن ضيع خطاوينا وصار الزيف عنوانه

زمن فيه الشجاع ايهاب ودربه بالشقى موعود

زمن فيه العزيز يذل ويكثر فيه حقرانه

زمن خلا ضعيف النفس واللي ما وراهم فود

تعلوا في مراتبها وصاروا بأول الخانه

جهل نرسم أمانينا حرارٍ ما تعرف اقيود

وحنا ما بنا واحد سلم من ظلم سجانه

وعبث تكتب مشاعرنا قصايد والعنى مولود

ربى داخل محاجرنا وصرنا نعشق احزانه

قضينا عمرنا نتعب نبي قولت لبن مردود

نعيش احلامنا بدنيا بها الأحلام خوانه

حدينا ما يبات الليل وجاره يشكتي مهبود

يرد الظلم للظالم لو أنه أقرب اخوانه

واذا صار الأمل دايم على حبل الرجا معقود

دعينا ربنا يلطف بحال الوقت سبحانه



بدري حبيبي

بدري حبيبي تعال اجلس هنا اقبالي

ودي أملّي عيوني وخاطري بشوفك


أجلس يا دوبك وصار الوقت يهنالي

مدام سمحت لك الأيام وظروفك


ياما وياما سهرت الليل ياالغالي

ارسم خيالك وعانق بالهوى طيوفك


واكتب قصايد نثرها الشوق في بالي

وأفرح إذا ما زهاها حرف بالحروفك


تبغى الصراحه .. احبك يا بعد حالي

وعقلي سلبته وقلبي صار ملهوفك


ما يوم والله أطاوع فيك عذالي

لو هم يقولون جروحي بسبت سيوفك


تبرى جروحي وأحس الكون يصفالي

لا صرت يمي وكيفي لامس أكفوفك


بدري حبيبي تعالي وخلك اقبالي

وبالله كمل علي اليوم معروفك



ياحمووود



يا حمود ما والله كتبت الشعر كيف

همٍ لجى بي قلت أعبره ببيات


شعري وانا خابره ما خلطه زيف

وما قد عصاني يوم انا قلت له هات


كنه يصرف عني الهم تصريف

والقى بحروفه طربةٍ لي وسجات


وكنه ليا هاجت بصدري عواصيف

يقطع بي أميال الفكر والمسافات


مجنون يرقى بالضلوع المهاديف

صاحي وله في عالم العقل بصمات


سهلٍ صعب به جد وانوع تخريف

لين وقاسي ولا حصل فيه ميلات


لا ما تكلف في حروفه تكاليف

يجيبها وتجي على كيف ماجات


أيه والله اني عارفه دون تعريف

خديم روحي بالشقا والمسرات


كم مرةٍ زرته من الضيق و الحيف

وكم زارني مره ومره ومرات


يا حمود ما والله كتبت الشعر كيف

الشعر يكتبني ليّا قلت له هات



كم وكم


بالله قلي ماكفا ............

منك الجفا ...........

ودمع (ن) حدر لجلك...............

..........عليك

يا اعذب انواع الشتات.............

قلبي عشق حتى الممات ............

......لوكان من طعنة يديك


****

بالله قلي وش تبي ......؟؟

بجاه النبي ..........

وبجاه من كبر وصام.....

ثم طاف بالبيت الحرام.................

يرجي من الله رحمته والصفح في يوم الزحام

قل وش تبي.......؟؟

ارجوك علمني شتبي ........

ولاتترك الحيره علي...........!!

يرسم ملامحها الحزن..........

..........ويموووووت ضي!!

..وتوه في بحر الشقا

مجدافي همي ...... والالم

واتعطش اللحظه لقا ..................

حتى ولو عشت........ بوهم


****

وان كنت في مره خطيت........

قبلي تماديت بخطاك............

ولاقلت الا مسامحك................

وترد في نفس الخطا...... !!

وارجع و اقول امسامحك......

..........واسااااااامحك..

وانزفلك احساسي شعر...........

واجمعلك اعتابي قصييييييد..

واذكر كتبت.....!!

حبيبي كم وكم مره تحملت الخطا منك
--------------------اداري بداخي حبك واحاول اكتم الشكوى

غرامي والشعر فني ..وجرحي بالهوى فنك
--------------------تبادلني قسى حبك وابادل قسوتك نجوى

صحيح اني نويت انسى غرامك وابتعد عنك
--------------------ولكن حظي العاثر تركلي قلب مايقوى!!

تركلي قلب يتناثر شتاته لاضحك سنك
--------------------وتصبح كل زلاتك بعيني شي مايسوى

تطمن يا بعد روحي وابد لايدور في ضنك
--------------------حبيبك يا نظر عيني تعود منك البلوى

تدلل وطلب اعيونه حراااام ليقولك جنك

لك الله ماحدن مثلك غدابه من بني حوى..!!!!!



الحزن غطى الكويت


ماحصل شي عظيم ولا حشا ماهو بعادي
يفجع الطفل الصغير ويحرمه لذة المبيت

كن هذا الكون كله اصبح بعيني رمادي
وان قويت امنع دموعي حزن قلبي ما قويت

لملميني ياحروفي و البسي ثوب الحدادي
ويعلم الله ماوفيتي ياحروفي ولا كفيت

من صغر سني و انا اسمع جمله حافظها بفؤادي
يعني اول ماعرفت العالم اقصد من وعيت

ان زايد عز شعبه حضرها وي البوادي
لين صارو مضرب الامثال وللعربان صيت

ايه صحيح اني بعيد الدار واسكن في بلادي
لكن اشعر في ضميري اني بدياره ربيت

يالله ارحم شيخنا يالله يارب العبادي
انت وحدك من عطانا وانت وحدك من خذيت

من هو غيرك لا لفانا الكرب نرفع له الايادي
ونتضرع لك بخشيه وحدك بوعدك و فيت

اللهم اغفر لزايد ياله لك ننادي
نرتجي تسمع دوعانا ولا نعارض ما قضيت

وان سلبه الموت منا العمر لتلى النفادي
ويبقى حين في حشانا لا حشا ماهو بميت

ما حصل شي عظيم لا ابد ماهو بعادي
والحزن ما هز قلبي و الحزن غطي الكويت



قروض



وهذه القصيده تتكلم عن المشكله
التي تكلم عنها المجلس الامه .. ألا وهي القروض



الليله الليه نبي نفتح الباب
يعني بسولف واكثر الناس دارين

سوالفٍ علمو بها اقراب واجناب
ماهي سياسه يعني بين بينين

دامي بديرة عدل ماني بمرتاب
والشكر للي رابط الحكم بالدين

ولا يقطع الارقاب سوا رب ما غاب
اللي خلق لي عين .. و من هالجهة عين

حنا إبتلشنا بين صادق وكذاب
وإشاعه تمشي ولا ادري على وين

ضعنا وتهنا بين مجلس ونواب
مابين طاح الدين .. وماطاح هالدين

عضوٍ يهدي وعضو منهد طلاب
هذاك طيب وهذا والله مليعين

وعضوٍ يهدد والهدف كسب الاعجاب
وعضو محبة ديرته بين قوسين

والا الحكومه لنسبت وسط هالناب
حلت وزارة مالها كود شهرين

والدعوه ضاعت بين صيحات وسباب
وحنا انفقرنا ولا جنينا ملايين

هم المواطن بس تكسير الحساب
والقسط يذبح لا وصل حد تسعين

(( فهد )) يبي لعبه و (( شيمه )) تبي كتاب
و (( هلآ )) طولت وقصرن الفساتين

والراتب الماخوذ عشرة الشهر ذاب
طار وتبخر ما بقى منه قرشين

غير العنا تزاحمت ذيك الاسباب
حوايجٍ خلت لها البال بالين

وشفيها يعني لفتحو كم دولاب
من خزنة الدوله وعسى ربنا يعين

حنا أحق من الاجانب والاغراب
والشعب طيب وانتو أصل الكريمين

بس بصراحه لو شعر عارضي شاب
هذا البلد عندي بكل البلادين

فيه بركة والخير به حيل جذاب
والطيبه بأهله ما تبدل بثنتين

يالله طلبتك وانت لي خير طلاب
تحفظ بلدنا ورددوا بقول آمين

ولا جيت يم الحق محتاج لإعراب
بقول انا الزبده وابي تسمعوا زين

حنا عشقنا كويتنا سيف وتراب
من قبل يظهر نفطها والبلايين

وآل صبآح من دونهم ترخص ارقاب
سآكن غلاهم دمنا والشرايين

واذا فتحنا باب بنسكر ابواب
والشعر احرف ويتدون عناوين

وهذي سوالف قالها اقراب واجناب
ماهي سياسه يعني ما بين بينين



عدت بكيفي


كلمتك عدت بكيفي لاتحسبنها شطاره !!
والله اني مانويت اجازي السيه.. بسيه

ولانويت اقسا عليك وانت ماعندك جساره
وش لك اتكثر حطبها دام مالك مقدريه؟؟

من عرفت العلم واسمع بالخبل هرجه دماره
وانت خليت المقوله ثابته ميه في اب ميه

ليتك اللي ماتكلم واحتفظ بقصى قراره
ولافتشت علومك اللي عرضتك المهمهيه

ايه شبت نارها والنار مبداها شراره
وانت مثل اللي تهبد جوفها والنار حيه

عندنا للخبل منها ميسم(ن) ينطق حراره
نلحق بعلباه كيه ولاصرخ زدنا.. بكيه

ان صحا نفرح ابشوفه .. وان غدا..ماهي خساره
ماهو بغلا طروش جدي وروحة(ن) من غير جيه

بس انا عندي نصيحه خذها من باب (الاعاره)
لا تعزوا دام مالك لاشداد .. ولامطيه

جيت يمي بالقشر وابلاك ربي بالقشاره
والا انا مرضى الاهانه لاعليك ولاعليه

حاشم(ن) نفسي وحشم اللي حشمني في وقاره
واحد(ن) لاجاك فازع ياسعد منهو خويه

واحد(ن) حافظ مقامه ولا إلتفت في بنت جاره
وان نصيته بالحذيه قال تبشر بالعطيه

ذاك لو تعطي يمينه مادرت عنها يساره
اجودي(ن) مايجالس كود ناس(ن) اجوديه

كل رجل وله ميول .. وكل نجم(ن) له مداره
وكل سيف(ن) له جفيره من عصور الجاهليه

والرجال اشكال وادري عرفهم مثل التجاره
بعضهم يغنيك عرفه .. وبعضهم لارحم حيه

والزمن نفس الزمان ولاتغير في مساره
الاوادم هي تغير طبعها صبح .. وعشيه.!!

بس انا باخر كلامي بختم اب هاذي العباره
(الاصابع في يدينا لاحشى ماهي سويه


المزاج

المزاج اليوم عالي وفللي
رايقٍ بالي وجوي معتلي

بس كذا لزوم الانبساط
انت يآ (( عايد )) بصوتلك (( علي ))


لا تجادلني ولا تزيد الملام
أحمد الله مادعيتك (( فرغلي ))


يا ولد هالدعوه خربانه معي
يعني لا تنقد ولا تشره علي


ودي أضرب كل شي بعرضٍ بطول
وأترك المنكوس وهوبالت هلي

ثم بوجهها على الشعر الفصيح
بشتويه أحيآن وأحيآنأ قلي

أقترب ببدا وثم خلك معي
من بعد هالشطر دقق مدخلي

لي فتاةٌ عذبتني بالهوى
لم تُزيِنُها الأَسَاورُ والحُلي

بل هي من زينت تبر الجبال
صاغها من هو بعرشٍ مُعتلي

قد رأيتُ منهآ السبع العِجاب
إن مشت مآلت غصون السنبلي

طرفها يخطر إليك بالهلاك
إن تداعت بالحرير القاتلي

(( ورعةٌ )) ما مِثلها عيني رأت
(( أمحقت )) قلبي وجسمي ناحلي

ورعةٌ مع امحقت هذي لنا
لعنبو هالعرق يصلاني صلي

قلت أبسلك مير ما سلكت موانا
مبتلي نفسي ولاني مبتلي

قرد حظي كآن شعري ما ذكرت
القصايد ما اتعدى منزلي

ويابري حالي من حرووف السكون
والماخوذ الجر وأبن الدؤلي

كلمتين وكني داخل في جهاد
ناشفٍ ريقي وحالي امبهذلي

لين طالت يا عساها للذهاب
وانكتم صدري بعد ماهو خلي

عايد اسمع طالبك انسى القصيد
واللي قلته لا يحط بفايلي

ارم ما قلته ورا ظهرك وكاد
والسموحه منك لا تنقد علي



حبيبي كم وكم مره تحملت



حبيبي كم وكم مرة تحملت الخطا منك
أداري بداخلي حبك واحاول اكتم الشكوى
غرامي والشعر فني وجرحي بالهوى فنك
تبادلني قسى حبك وابادل قسوتك نجوى
صحيح اني نويت انسى غرامك وابتعد عنك
ولكن حظي العاثر تركلي قلب مايقوى
تركلي قلب يتناثر شتاته لا ضحك سنك
وتصبح كل زلاتك بعيني شي مايسوى!
تطمن يابعد روحي وابد لايدور في ظنك
حبيبك يانظرعيني تعود منك القسوا
تد لل وطلب عيونه حرام لايقولك جنك
لك الله ماحد مثلك غدابه من بني حوا