القلب يا سعود يشكي من الشوق
والعين لأجل الزين ماصابها نعاس
يطري هواها كل ما هب طاروق
وتطري عليه كل ما هب نسناس
باسبابها قلبي ولا فيه معلوق
ومن حبها كل المعاليق يباس
مابالوطى مثل أريش العين مخلوق
ما شافت عيوني مثيله مع الناس
ما له شبيه غير نجم لمع فوق
زين الوصايف بالملا ماله أجناس
أبو خدود لا عرضت كنها بروق
يشرق سناها لاغدا الليل خرماس
وليا نثر شعره على المتن من فوق
تقول شلال نزل وقت الأدماس
أنا أشهد انه ساقني بالهوى سوق
لكن مكانه في حياتي على الراس
أبــــو نـــــايـــــف
القلب ياسعود ... 
العرض العادي
