السلام عليكم ورحمة الله وبركاته
اليوم عندي شويه نصايح لعل وعسى انها تنفع احد منا
اذا تبي تصير عضو مزيون 
1 / اول شيء تترك عنك الردود الي مالها سنع يعني اذا واحد من الأعضاء من زملائك ودة ينكت لا تكسر مجاديفة وتقول ان النكتة بايخة وقد سمعتها من قبل ما يحفرون البحر جاملة مسكين ودة يشارك زملاة وقل حلوة منك
2/ انتبة تلطش موضوع احد حتى وان عجبك لأنك بتنكشف طال الزمان والا قصر وبعدها الأعضاء الي كانو يمدحون الي في بالهم كتاباتك تراهم بيفقعون وجهك ويمسحون بكرامتك حوش المنتدى وينشرون اسمك فوق السطح على حبل الغسيل
3/ حاول بقدر الأمكان انك ما تجرح احد معروف ان المنتدى يظم مجموعة من كل الأعمار والجنسيات والثقافات خل ردك موزونه واعطي كل واحد على قد حجمة
4/ لا تحاول تحتك بالمشرفين او المراقبين يعني قدر وضعهم كل يوم وهو ماسك ها المقص ويخشخش بين المواضيع تقول ( خياط ) يعني مساكين لا رواتب ولا حوافز ولا أجازات وفوق هذا كلة ما احد يقدر تعبهم الا القليل فأنت لا ترهقهم بطلباتك وتساؤلاتك وبمخالفات قوانين المنتدى
5/ بنات المنتدى تراهم بحسبة اخواتك بالبيت يعني ماهو بشرط وحدة اعجبها موضوع لك تروح اليوم الثاني تحط طيب ( عطر ) وانت تكتب موضوعك والا تتميلح وترز بريدك الأكتروني لها
6/ ابعد عن السياسة احنا شعب نبي ناكل ونسولف بها المنتديات وننكت اما السياسة خلها فية ناس مسوين فيها غربت شوف وكلنتون وتلاقيةساقط في سادسة وما يعرف كوعة من بوعة وانت خذها من قاصرها وخل السياسة لهم
لا اوصيكم خليكم مزيونين
م ن ق و ل
الاميرة
اذا تبي تصير عضو مزيون... ادخل هنا الله لايهينك 
العرض العادي
