تابع ( 2 )
الدوحه
يغفـر اللــه للحبيــب .. اللي رحـل للدوحــــــــة
......................... غــادر بـلاد الكويـت.. ولا عـرف منـزالــه
راح .. ما أعطاني خبـر عـن هجـرتـه ونـزوحه
......................... مـن بـــلادِِ مـا يعيـّــن بالخليــــج أمثــــالـه
بالبـدايـة .. قلـت :- كـذب وقصـةِِ مطروحـــــة
......................... ليـن شفـت البيـت تبكـي بالسكـون أقفـالــه
وإنصدمت .. وجـض قلبـي .. وإبتـدا سـاموحـه
......................... وإبتديت أقول وش يبقى لي ؟ وش يبقى له؟
مـا بقـى لي .. عنـده إلا صــورتيـن ولـوحـــــــة
......................... ولا بقـى لـه .. عنـدي إلا خـاتـم وسلســالـه
وانتظرت لشهــر كــامل عقــب ذيــك الروحـــة
......................... أي حـي يقول لـي وينـه ؟ وكيـف أحـوالـه؟
بس ما بـه .. نــور بيـّن .. يستـدل بــ ضـوحـه
......................... ولا بـريـد .. ولا اتصال .. ومنقطع جـوالـه
واقتنعت .. إني ضحيــة .. دمعتـي.. وجـروحـه
......................... وإبتدت الآمال تضعـف.. في مجي مرساله
وإبتـدت فـرقـاه .. تفضح روحي المفضـوحـة
......................... وإبتـديـت آجــر .. آهــاتي على هالحــالــة
آآآه .. مـن فـرقـا الدلـع .. بالطـلّـة المملـوحــة
......................... وآآآه .. من فـرقـا الغنج .. بقفـايتـه وقبـالـه
وآآآه .. من فرقـا صبـاح .. الغـرّة المصبـوحة
......................... وآآآه .. من فـرقا براءة .. وجهـه المحتالـة
وآآآه .. مـن فـرقـا رجـاحـة ...عقلــه الملموحـة
......................... وآآآه .. من فرقا الخبال .. اللي سواة خباله
وآآآه .. من كسـرة حـكاه .. الكسرة المسموحـة
......................... وآآآه .. من خثـرة لسانه .. يوم ينسى حاله
وآآآه ..من ضحـكِِ يسيــح .. فـبحـّـةِِ مسيـوحـة
......................... وآآآه .. من خمر السوالـف فوق حبـّة خاله
وآآآه .. مـن ليــلِِ .. يبي يطـري علـي مزوحه
......................... وآآآه .. من عين الشقى ..ودموعي الهمالة
دمعــةِِ مـن دون شـرح ... ودمعـةِِ مشــروحـة
......................... ودمعـةِِ تـزعل علي .. ودمعـةِِ ترضى لـه
ودمعــةِِ.. تغلــق مـداه .. ودمعــةِِ مفتــوحـــــة
......................... ودمعــةِِ تسعى معاى ... ودمعةِِ تسعى لـه
علـّمـوه ... إن زلـّته هـاذي ما هـي مـدمـوحـة
......................... وعلـّموه .. إني بحـالِِ مـزريِِ يـرثـى لــه
علـّمـوه ... إني مخــادن للحمــام ونــوحــــــه
......................... وعلـّمـوه .. إني بـــ أغنـّي لـه على مـوالـه
علـّمـوه ... إني بشـر يـركـض وراء مصلوحه
......................... وعلّـمـوه .. إنـّه يـرسـّخ كلمتـي في بـالـــه
مـن يـطاول .. عزّتـي فـوقـه هـدمت صروحه
......................... لـو يكـون الشيـخ وألا واحـد امـن عيـالــه
علـّمـوه ...( الوايلــي ) نفسه ما هي مشفـوحه
......................... مـا يميـل الرأس لـو دايـم يميـل عقــالــــه
وعلـّمـوه .. برجعتــه لـي .. لا يتعــّب روحـه
......................... دامــه أقفى .. من رضاته سمــّح اللـه فاله
وعلـّمـوه .. إنـي بعــالج نفسـي المجــروحـــة
......................... وأعتصم في طرح واحد من قـديم أمثالـه
اللــه أكبــر يا زمــن ... تطــوّرت منفــوحـــة
......................... عقــب ما كـانـت مجـرّد غـرفتين وصالـة
جابر مات
يا عين حزنـك حـي .. وأفراحـك جمـاد
إبني على خدي دموعك .. بيـت .. بيـت
أبا أبكي .. أبا أبكي .. أبا أبكي .. باجتهـاد
وأبا أبكي .. أبا أبكي .. بحرقه .. ما حييت
لـو البكـا مـاهـو مبلغـنـي .. مــراد
بـس إن صـدري يتّسـع لامـن بكـيـت
وأنا على صـدري يميـن الجـرح .. جـاد
جـودة غصـب رضيـت وإلا مارضـيـت
أحيـان أبشّـر جـرح قلـبـي بالضـمـاد
وأحيان أزيـده جـرح .. لامنـي صحيـت
صحيت فـي يـوم الأحـد .. تـال العيـاد
وليا النحيب .. وهاه حي ؟؟ لا. لا.. ميـت
منهو ؟ وكيف ؟ وليه ؟ مدري ؟ والوكـاد ؟
إنـي بغيـت أقـوم .. لـكـن ماقـويـت
تثنّـت عظامـي .. وانـا عظامـي شـداد
ولحقن على جسمـي معاهـن .. وإنثنيـت
أفتّح عيونـي .. مـا شـوف إلا السـواد
أغمّـض .. ألقـى فـي عيونـي دانميـت
وشلـون جابـر مـات ؟؟؟ يـارب العبـاد
أستغفـرك ... أغوانـي الحـزن وغويـت
الشيخ جابر مـات ؟؟ موووتـي يـا بـلاد
الشيخ جابر مات ؟؟ مـن يقـوى المبيـت
كـل شـي تغيّـر بعـد موتـه يـا ركـاد
حتى الكويت اليـووم .. ماهيـب الكويـت
أشوفهـا بـمنظـور دولـة قــوم عــاد
ماباقيِِ منها .. سـوى .. ذكـرى وصيـت
يا سيدي ... مولاي .. يـا شيـخ الفـؤاد
ياخذني الله .. كان عن حزنـك .. سليـت
أبـا أجـرح عيونـي .. بسكيـن السهـاد
والجـرح يصحيـنـي ليامـنـي غفـيـت
يا شيـخ عقبـك كيـف يهنـا لـي رقـاد
وأنـا بموتـك ذاب قلـبـي .. وانتهـيـت
يا اعـدل ولاة الأمـر ... وأصفاهـم وداد
يا من تحت ظل الكـرم .. عشـت وربيـت
عطـاك .. واضـح بالـقـراب وبالبـعـاد
وأخلاصـك .. مبيّـن .. ليامنـك عطيـت
والنـاس تعطـي .. بـس تاخـذ بازديـاد
إلا أنت تعطي ثم تعطـي .. وإن خذيـت ؟؟
تاخـذ عـروق قلوبنـا .. علـى انـفـراد
تتشرّبك .. حـب وغـلا .. ليـن إرتويـت
مافيه أحد من فضـل خيـر .. مـا استفـاد
مثلك يـا سيـدي .. لا سمعـت ولا رأيـت
ورغم إنك اللي فوق .. عرش الطيب .. ساد
من زهدك .. إن طرّوك بالمدح .. استحيـت
آآآآآآواه من فرقـاك .. وآآآه مـن البعـاد
والذبح .. من طيفك لا جـا يمـي وجيـت
يا ليـت موتـك رجـل .. وأعلنهـا جهـاد
وأدافع إمـن أجلـك .. دفـاع المستميـت
لكـن هـي الأقـدار .. مـا عنهـا حيـاد
وإلا ترانا نقـول .. يـا عـل ويـا ليـت
يا مجري الأقدار .. ذو الفضـل .. الجـواد
يا واسع الرحمة .. يا محيي .. يـا مميـت
يـا مـن علـيـك المتـكّـل والإعتـمـاد
يـا سامـعِِ دعـواي .. لامنـي دعـيـت
أرسـل مـن جنانـك نسانيـس الـبـراد
على قبـر مـولاي ... إلهـي بـك لجيـت
تعبـان ..وأتعبنـي شـعـور الإضطـهـاد
وأبا أتحـرّر .. وأكتـب أصـدق مانشيـت
إن مـوت جابـر .. يعلـن لكـل العـبـاد
إن الكويـت اليـوم .. ماهيـب الكـويـت
الاقلام النسائيه
ضحاله بالفكر .. والطرح مزري .. والنقاش أضحل
علـى أنقـاض التخلّـف .. والحيـاة الإبتدائـيـة
وأنا أسمع صوت مع آخر صدى الصدمة يقول إرحل
قبـل لا تحتويـك مـن النـدم نزعـه عدائـيـة
وصلني .. بعد ماروّت دموعه .. صدري الممحـل
وصلنـي وإنتحـر .. فـوق النفـوس الإنطوائيـة
وتركني بين تأنيب الضمير ... وجرحـي المبحـل
ودورات الزمـن .. حسـب الخطـوط الإستوائيـة
ولاهي ( غلطتي ) حذّرت .. قبل الشـر يستفحـل
ولـكـن قابلـونـي .. بالعـبـارات الهجائـيـة
وبعد طالت . خيوط المشكله يصعب وجـود الحـل
وصمـت الخـوف ماهـو طبـع للـروح الفدائيـة
لذا لابد .. من فرقا .. المكان . المقرف .. الموحل
وتسريـب الخبـر .. عبـر القنـوات الفضائيـة
علشان ( المليكة ) تحتفـظ فـي زهـرة المنحـل
وأنــا أحــط التـوقـع للمقـاديـر الفجائـيـة
وأعود (لغفوتي) في (صحوتي) بالصاحـب الأكحـل
أبـو رمـشِِ يـغـازل خصلتـيـه الكستنائـيـة
هـذاك اللـي يسمّينـي بإسـم الشاعـر الفطحـل
عسـى تفـدا حياتـه كـل الإقــلام النسائـيـة
يافاتنة مطلق
يا فاتنة مطلـق .. ولا عليك أمـر
....................... تقـرّبي .. وأدني مـن العـذق خـرزة
أبا أنظمـك مسبـاح .. مـن عذق التمـر
....................... صعبـــة أنـا أدري بس أبا أصنع معجزه
يا معجزة عمري .. وتبسيطـك عمـر
....................... أستبسطــه .. وأعيـش به .. وأستعجـزه
لقيت بك بيـض .. المراويح السمـر
...................... وفقدت بك .. فوح السموم المفرزه
وأخذت بك .. جود الهبايب للجمر
....................... ودفعت بك ... بخل السنين المعوزه
وأوجـزت بك .. سهبـــة لياليـك الحمـر
...................... وفصـّلت بـك ... كل الليال الموجزه
حتي عقدت لبعد ( قربك ) مؤتمر
......................أنـا .. وقلبي ... والهموم المجوزه
لين إتفقنـا .. ناخـذك ليلـة سمـر
...................... تبقي على صـدر الزمن .. متمركـزه
يا أم العيون اللي بصحوتهـا خمـر
..................... وتفقد .. بخمرتـها العقول المنجزه
فديت روحك .. جاك شعري منسمـر
..................... يستخفي .. بجهلـك .. وعرفـك يبـرزه
وأنا .. وشعري .. والطواريق القمـر
.....................متلعـوزين .. وقاصديـن اللعـوزه
لين الثعالب تفتكر .. صمـت النمـر
.................... قبـل النمـر .. يغمز ابليس .. ويغمـزه
وكان القصايد هـم زيدان وعمـر
.................... أنا أعتبرهـا شغلـةِِ مو محـرزه
لكن فيك أنتي مدى الحكي الثمـر
.................... وأنا مـدى فخـرك .. وصنـع المعجـزة
تفاخـري (بمطلق ) ولا عليك أمـر
..................... شاعر قوي باسـه .. ومـن رووس عنــزه
آفــــــة الذوبان
يا زاكـي العرقيـن .. يـا أعـز منسـوب
يـا مرجـع أنسـاب الوفـا .. والنظـافـة
أزعلت من شانـك حكومـات .. وشعـوب
ولا لحقنـي مـن زعلـهـم .. حسـافـة
واللوم إبن عم الحسـد .. والحسـد ثـوب
لا طالـت كمـومـه .. تشـقـق كتـافـه
لوّامتي بك .. صاروا .. قـروب وقـروب
وإن زادوا .. أزيـد بهـواك .. المسـافـة
يعني عشاني متعـب .. قلـوب .. وقلـوب
تعلّقـي بـك .. صـار مثـل الخـرافـة؟؟
بس أنت غيـر .. وكـل مافيـك مرغـوب
والهـرج .. عقبـك بالصبايـا .. سخافـة
تحشم .. عن الرفلات .. والطفق .. والعوب
مخلـوق كامـل .. مـا يبيلـك إضـافـة
طيب .. وابن ناس .. ومسامح .. وحبّـوب
وافـي .. طبيعـي .. ماتـحـب الكـلافـة
أهيف حشا .. مغناج .. رقراق .. غرشوب
مزّاح .. سمـح قبـال .. مـا بـك لقافـة
ميّاس .. ليّن .. مورد خـدود .. رعبـوب
ثقل .. وعقل .. وأبعـاد فكـر .. وشفافـة
هرجك .. مسافة .. جمرة اشفاتك .. دروب
خلطـة عسـل دوعـن .. بـسكـركنافـة
أما إنعطافة خصـرك .. حكايـة ـبصـوب
يبغـي لهـا .. شـرح .. ودروس بكثافـة
ما أكذب لا قلت إنك .. مربرب .. ودبـدوب
وما أكـذب لا قلـت إنـك زعيـم النحافـة
يا دوب .. أقاوم سحر عينيـك .. يـا دوب
ماني حمل .. خصـرك .. لا زاد إنعطافـه
اتركني أذنب .. في عيونـك .. ولا أتـوب
ذنبِِ .. ولا أحـلا منـه .. كـود أقترافـه
ذيك العيون .. اللي بهـا بيـت مصبـوب
عين المهـا .. بيـن الجسـر والرصافـه
فيهـا آتذكـر مـا ورا معـتـق الـطـوب
وقلوبنـا بـيـن الأمــن .. والمخـافـة
وصدري ..نزاعات .. وعداوات .. وحروب
وصدرك .. صراع الملك .. بعـد الخلافـة
والصمت سيّد .. والحكـي عبـد مغصـوب
والـدم نــازل .. بالـعـروق بـكثـافـة
والشوق جسم . وروح . طالب .. ومطلوب
واللـون .. بايـن بالوجيـه .. إنخطـافـه
باللحظـة هـذي .. ينعـدل كـل مقلـوب
وتقرب .. وأنا أقرب .. منحنـي بالتفافـه
وأذوب .. وأنت تذوب .. وأذوب .. وتذوب
واذوب .. وتذوب .. وذوبانـك .. آآآآفـه
إي والله آآفه .. تثمل العقـل .. بإسلـوب
يعجـز خيـال .. أكبـر رمـوز الثقـافـة
ثمالة .. بنشـوة صحـاوة .. بـماجـوب
بـعلـوم ظفـرة .. بإنشـراح بـظـرافـة
يا كثر ما منّك .. وما فيـك .. والنّـوب؟؟
يبونـي أستطـول .. علـيـك المسـافـة
يامحلا طاروق الدحه
يامحلا طاروق الدحــه // لا وافـق لـه صوت وبحـّه
صفين .. وحاشـي .. ومصنـّع . وبيوت الشاعر ممليه
متـونِِ تدحـم بعضـها // وقلـوبِِ زايل مرضـها
وأصـوات سبـاعِِ بتـّـاعـة .. ميـه ميـه .. ميه ميه
غنـّـاها عمـي مع خـالي // وأنا أغنيهـا لـ عيالي
تاريخ وبصمـة معروفـة .. أصليـة من بطن أصليه
لعـبة حرب ولعبة هيبـة // ما فيها حاجة معيبة
لا والله نفخـر لا قلنا .. دحيـّه يا أهـل الدحيـّـه
ماهي لعبـة هشـّـك بشـّـك // مصيـونـة عن نيات الشـك
محشومة من حشمـة وايـل .. ماهي دبكـاتِِ شاميـة
وأنا طاريـها سـّـلاني // وقمـت أرددها بـ لساني
ولا صحيـت ألا الترفـة ... تشبك يـدّيـها بـ يديه
تضحك وتعضـض مبسمهـا // والضحكـة ذابت من فمهـا
قالت لي : تكفـا يا مطلق .. أبغـى دحـّـه شماليـة
قلت الغالي يطلب غالي // قومي (حوشـي لي) بـ عقالي
يالله نبدا؟ يالله نبدا .. نبدا بداية فعلية
يا بنيـة قومي غنـي لي // يا ويلي منـّـك يا ويلي
وأنا أصفـّـق لك وأغنـي . يا بنيه ميلي يا بنيه
حبيني يا ريحـة جـِـدي // تراني جيتـك متحدي
اللى عن دربي يحدونـك ... أهل النيات الملويـة
أبا تفنـّـن بأوصـافك // لأجل يشوفك .. من لاشـافك
وصفِِ حي .. وتمشي روحـه من روح الشعر وراعيـّـه
مان بـ وصـف عيونك باحل // عينـك بحـر .. ورمشـك ساحـل
لا بحـّرتي بي واغضيتي . تركبني مية جنية
وخدودك بيض ومفروشة .. من ورد الجوري مرشوشة
أفتـح من حـب الرمانة .. وأغمـق من شمس العصريـة
وشفاتك لمــّـة حبايب // كانت فرقاهم غصايب
الفوقيــّـة فيها معاند .. والطاعـة عند الحدريـّـة
وحجاجك مبـري ومقـوّس // ورموشك لـ رضاه تهـوّس
وإن طار وكسـّـر جبينـك ... أغديت الحسنة بالسية
واللى على متنك دايم // دمـّـه (مي) وقلبه (نايم) ؟
متشيـّخ والشيخة جاته .. لا ورث ولاهي عـاريـّه
وإن جيتي تمشين ..وعجلـه // وعيونك بـ عيوني ..خجلة
والقذلـة تضحك للغـربي . والغربي يضحك عليه
كـن القاع تعـدّ خطاتك // وإلا تحلف لك بـ حياتك
شـيِِ ماقالو لي عنـّـه.. شوفـة ذي .. وشوفة ذيـّـه
شفــّـافة ذوق.. ولبـّـيسه // لبسك ملبوس .. برنسيسه
وإن تلثمتي بالشيلة .. كنـّك من أهل الشرقيـة
يقلدونك خواتك .. حتى في لبست عباتك..
لكن قولي لي من يجمـع.. بين الشمس وبين الفية
يوم الله خلقكم فـرّق // ما غـرّب بالزين وشــرّق
خصــّـه فيك .. وعمـّـه فيهم.. سبحانه جزل العطيـة
والحيـن أبغـى رايك فيها // مـن أولهـا لا تـاليها
عساني مرضي غرورك .. يا ام العيون السحريـة
قالت : تعرف رأيي مبطـي // لا تخطـي ..تكفـا لا تخطي
ما ذوّبنـي غيراشعارك..فديت الشعـر وراعيـّه
أنا ضحيـة قصيدك // لكـن لي شرط .. بـ جديدك
أبغـي من اليوم وطـالع .. تلعب دحـة شمالية
آخر رصاصه
آخر رصاصة .. كنـت أهـدد بهـا .. الغـول
طاحت .. وأخذهـا الغـول .. وأخـرج لسانـه
وأصبحت .. لا محزم .. ولا سـلاح مصقـول
ولا ظـهـر يسـتـد ... ولامــن حصـانـة
أجسم خسـارة .. وأكسرتنـي .. علـى طـول
كسـرة قهـر ... ماهيـب كـسـرة جبـانـة
صـدمـة .. وهزّتـنـي .. وردّدت مـذهـول
أثـر النوايـا البيـض .. جــرم وإدانــة ؟
مـن كانـت الدنيـا ... فتيّـة .. وعطـبـول
وكل شي ..لـه أصـول .. ومقـام .. ومكانـة
حتى الخطا .. لا أخطيت .. تخطي على أصـول
وإلا إنوصفـت .. بـنقـص عقـل وديـانـة
يامن خطاك .. يطـول شرحـه .. ولا أطـول
عــذرِِ يـوقّـف .. مـكـرة الأسـطـوانـة
معقول !! جتني منك ؟ منك أنت ؟؟ .. معقول !!
يا صبـر الأرض .. وهالزمـن .. يـا هوانـه
وأنا أعتبرك .. أكبـر اخوانـي .. ومسـؤول
عنـي .. وأقـول إنـي مـن أصغـر اخوانـه
وأغض عـن زلّتـك .. مـن حـول لا حـول
وأقـول لـه .. عـذر الـغـلا .. والميـانـة
وأسمـح .. وأقـول إن الخطـا منـك مقبـول
إلا لـيـا وصـلــت حـــدود الإهـانــة
أنا خلاصة .. حـرب .. وسيـوف .. وخيـول
وفعل البطـل .. لا قـال .. أنـا أخـو فلانـة
ما أرضى .. ولو كان الثمـن ..فقـدي لـذول
والعذر ..شـان القبـح .. والقبـح .. شانـه
اسمـع وأنــا بناخـيـك .. للهرج مـدلـول
العـار .. عـار الصيـت .. والصـدق أمانـة
أنـا جبـل عـلـى الرفـاعـات .. مجـبـول
مـانـي بـشـقّـة جـيـب .. وإلا خيـانـة
أنا إبـن عـم السيـف .. لا صـار مسلـول
مـع صيحـة الفـارس .. وصهلـة حصانـه
وإن رحـت للمجهـول .. مانيـب مجـهـول
وأعـرف أسالـيـب الـدجـل .. والكهـانـة
وأصيـر بهلولـيـن .. لا شـفـت بهـلـول
وأخـطـر مفاهـيـم الـذكـاء .. اللـعـانـة
القـاع تتزلـزل .. ولا طـاح أبــا الـهـول
تباشـروا بالخيـر .. يــا أهــل الكنـانـة
لذا يـا ابـن عمـي .. تـرى البـاب مقفـول
والبـيـت ثـابـت مــا تـزعـزع كيـانـه
ماهـي كـذا .. يـا محزمـي .. لكـن أقـول
أقبـل شكـر مطـلـق .. وكـثـر امتنـانـه
إعـرف نتيجـة .. قسمـة الطـول بالـطـول
وتكسـب .. تجاريـب الزمـن .. وامتحـانـه
وأوصيك يـا بـن العـم .. لا جـاك مرسـول
رحّب .. تري الترحيـب .. مـا فـات أوانـه
والحيـن أبـا وادعـك .. والبـال مشـغـول
قبل الوداع .. إخـذ الشطـر .. مـع ضمانـه
شطـر لابـن رشيـد .. مـن بيـت منقـول
لـو كــان مـاهـذا الـزمـان بـزمـانـه
قالـه يوّصـي .. عبـده حسيـن .. ويقـول
تـرى الخـوي يـا حسيـن .. مثـل الأمانـة
يا آخر غلا ...
يا آخــر غــلا .. ويــن الغـــــــلا الأولـي ويـــن
..................أحــــس بـــك مــوجـــة فتــور .. وهـــــداوة
ما كنــت هـادي .. كنــــت نــــار وبراكيــــــــن
.................. وكنـــت لـ غلاي أشــــد وأكثــــر .. صفــاوة
كنت تحضنــي لا تضايقـت .. من شــِـــــــــــين
.................. وكنـــت تــّــقبــل .. ضيقتــــي .. بالحفــــاوة
وش غيــّـرك .. يا بعــد عينــيّ .. هالعيـــــــــن
......... ......... وأنت تعــرفني زيــــن ... ليش الجفـــــــاوة ؟
وأنت تعرفني زين .. وأنـــا أعــرفــك زيــن ؟؟
.................. ليش تــّــغابا .. وأنــت ما بـــك غبـــــــــاوة
أدري بـ خطـاي .. ولا يبي منــــك تبييـــــــــن
.................. بس الظروف .. من الخطأ .. أكثر قســـاوة
وشلون تقــسى .. وأنت ساســك .. من الليــن
.................. وأنت الخليـــط .. إمنالنــــدى والنــــــداوة
شفنـي وصلتــك .. جـرح .. بحســاب جرحيــن
.................. داوه .., عســاني ما خــلا منــــك .... داوه
و ارجع مثــل .. ما كنــت .. يا شجــرة التيــن
.................. وأعــط الغصــون اليابســـــات .. الطـراوة
أبيــــك .. تلعــــب لعبــتك .. بالشرايــيـــــــــن
.................. لعبــــــــة عبــث .. فيها تصنــّــع عــــداوة
أبي العيـــــارة منـــــك .. وحــدة وثنتيــــــن
.................. وأبي كلمـــات الدلــــــع والشقـــــــــــــاوة
اللي تــرددهـــن .. على كـــل يــوميـــــــــــــن
......... ......... يـــوم أتراهــى بــك .. ولا بك رهـــــــــاوة
الــ لــيـش .. وبكيفــي .. ومقدر .. وبعــديـــن
.................. مــرّات .. لكن منـــك فيهــــنحـــــــــلاوة
الـ ( ليــــش ) .. لامني سألتــــك سؤاليـــــــــن
.................. ولا كـان عنــدك للإجــــــــابة .. فضـــــاوة
و ( كيفــي ) .. ليـا ردّيت .. ليــشك بــ ليشيــن
.................. تقولــها زعــلان .. تبغــي الرضــــــــــاوة
و( مــقدر ) .. ليا من قلت لك .. يوم الاثنيــــن
.................. يومِِ مسمــّــى .. يجمــع أهــل السمــــــاوة
و( بعــدين ).. لا من ذبــت بين .. الشفاتيـــن
.................. ولعــانتك .. تدفـــــــع خجلــك .. بـ جــراوة
هذي كلمـــاتك مـــن الحيـــــن .. للحيـــــــن
.................. وهذا دلعــك .. اللي يـزيدك .. حــــــــــلاوة
ارجع فــديتك .. مثل ما كنــت .. هالحيـــــن
.................. والله تعــبت .. مـن الجفــا .. والقســـــاوة
عتـاب الأنهـزام
يــاحــي هالصــوت الــذى أخــلا الفــؤاد المــزدحــم *** بآخــر عتــاب الأنهــزام .. وفقــد حلــم السيطــرة
يــاحــي صــوتــك لا تمــادى بالتغنّــج واقتحــم *** خلــوة فــؤادى فــى عتــابــه للجــروح المخطــرة
ويــاحــي صــوتــك لا همــس لآخــر عــروقــي وألتحـــم *** يجبــر محيــط الــزاويــه يــرفــض قيــاس المسطــره
صــوتــك .. أشــارات لضميــري يــدحــم اللــوعــه دحــــم *** وأعــلان لأذنــي تحتفــل باللــي قــدرهــا تنطــره
صــوتــك يكــوّن مــن حجــر .. أنســان مــن دم ولحـــم *** صــوتــك كتــابِِ يعجــز التــاريــخ يشــرح أسطــــره
صــوتــك ليــا انســاب بهــداوه .. روّض قلــوب السحــم **** رووس السبـــاع اللــي علــى رووس الآوادم مفطــره
صــوتــك .. يبـــث العــاطفــة فــى قلــب طــاغــى مــا رحــم **** فــى ذبحــة الطفــل البــري يــا مـا أشطــره .. يا مــا أشطــره
صــوتــك علــى جــال الــدلــع فكــل ليلــه يستحـــم *** صــوتــك ...أمــان القلــب فــى وقــتِِ أمــانــه بخطـــره
صــوتــك بيــالــه شــاهــى النعنــاع مــن جمــر الفحـــم **** صبّــوا لــه المـــا مــن شهــاليــل المــزون الممطـــره
ويكفــي ليّــا منّى سهيــت .. وقلــت لــى .. (إحـــم) ..( إحــم) **** (نحــن هنــا) .. (نحــن هنــا) .. أفقــد وجــود السيطـــره
ديوان مطلق النومسي 
العرض العادي
