القصيده جميله للشاعر سالم في منتدى الوليد بن طلال
قلب الليل وقلب النهار وما بينهما
الليالي سولفتلي بالقمر وسهيل طالع
يسترق سمع الحكي والليل ما يخفي شجونه
والحكي عن قصة القمرا وغيرة غيم طامع
غار وأخفى خلها بأحضان غيمات ٍ حنونة
كلما جا يحتضنها جا لها طاري الموداع
بالسحاب اللي تسوقه ريح زادت له جنونه
والبلا إن سهيل واشي والقمر لو مَرّ جازع
في رجا موعد غرامه أقبل الواشي يخونه
الليالي والقمروالغيم وسهيل المخادع
مسرحيه يا غبون الحب فيها يا غبونه
مسرحية عمر ولَّى والبطل فيها متابع
وتنقضي الليله بفجر ٍ يصبغ الشعرات لونه
((قلب النهار))
قلب ليله بالسحب , والصبح هايم بالشوارع
ياكثر ما طفت فيها , ناطرن هلة مزونه
وثرك اللي شاغلن , كل النجوم , بها المواجع
غيرت ناموسها صارت , من أوجاعك حزينة
طالبك يا قلب ليلي , زد وجعها, والمدامع
ربما هاك المدامع , تندي , القلب , و جنونه
محتمل من نو دمع سهيل , تتغير طبايع
والقمر يمكن يحاكيها , و يسكب من عيونه
عل هلاته تصيب ,,,, القلب وتزيل المواجع
ناشدك تكثر همومك ,, خلها تبكي سنينه
((مابينهما))
عاشق يشكو , لطقس الليل , همه و المواجع
وان قضى ليله , يعيش بقلب ثاني يستدينه
عل قلبه بالنهار , يرو ق , و يجفف مدامع
مير صبحه وسع جروحه , و ضاعف من أنينه
انقل لكم قصيده عجبتني مع ردي عليها 
العرض العادي
