تـقـول ام عبدالله

حينما كانت معي صوره لإبني عبدالله عمره 6سنوات
الذي أبعدتني الأقدار عنه فأصبحت لاأراه إلا أيام معدوده بالسنه الواحده
فصرت أتأمل صورته
وخرجت من قلبي هذه الأبيات التي جرت على لساني

هنــا بصوت المنشـد ابو نــواف
اسمعوهــا وانتم تقرونهــا




ما انساك لو تسبح بالأنهار هالطير
ولو طارت الأسماك وأقفى بحرها

ولو أعلنو إسلام شـارون وبليـر
والا نست بنـت الحمايـل أثرهـا

غالي ولك بالقلـب حـب ٍ وتقديـر
مكانتـك بالقلـب محـدٍ خبرهـا

أبكـي بليلـي والنهـار بتفاكيـر
وآخذ من الأحزان واشرب كدرهـا

وانشد عن الاخبار سرب العصافير
يا كود الاقي طيف يلمح شجرهـا

يفز قلبي عند ( مامـا ) بتبشيـر
وافرح عسى ( عبودي) اللي ذكرها

ويغم قلبي وأحـس فيـه تكسيـر
لا شفت لـي أم ٍ تراعـي زهرهـا

وأنا وجنينـي أخلفتنـا المساييـر
عِـدة ليالـي أو تكمِّـل شهرهـا

من عقب ماهو بالحضن كنّه أميـر
أقفت به الدنيـا وحفَّـه خطرهـا

عزِّي لقلـبٍٍ ذاق هـم المشاويـر
من بعد فرقى دنيتي مـع قمرهـا

يارب يا اللي حكمتـك بالتقاديـر
ترحم حياتي من سعايـر جمرهـا

ويالله يا اللي عالـم ٍ كـل تقصيـر
تلطف بحالي يوم قلبـي خسرهـا

وترد لـي وداعتـي دون تغييـر
وتحيي رياضي من سحايب مطرها

ويالله ترضيني بما صار ويصير
ومصيبتي يارب اقصـر سفرهـا

وصلاة ربي عِدّ ما خِـط تقريـر
على النبي داوى القلوب وعمرهـا

صــح لســان ام عبدالله
والله يرد لهــا ولدهــا بالسلامــه .. ويخليــهـــا له..!
ويحفظ امهــات المسلــمــــين ..!

يارب يا اللي حكمتـك بالتقاديـر
ترحم حياتي من سعايـر جمرهـا

صح لسانك ام عبدالله .. وعسى الله يفرح قلبك برجعة ولدك
رجعة بدون غيييبه يااارب..

وافـــــــــــــــــــــــــــي

تمتلك حس راااقي .. ونبض صاافي..

حملك لتنقل لنا هذه المفردات المميزه

فكل الاحترام لماتملك ...


وافــــــــــــــــــــــــي

ان قلت رائع فساكون ظاالمه..

لاانك ارتقيت عن هذه المكانه

كن دوما هكذا..

وليحفظك الرب
وفــــــــــــــــي

بالتاكيد اطمع بالمزيد بعد طول انتظاار

لك اعذب امنيه
اسطوررررره

ويالله يا اللي عالـم ٍ كـل تقصيـر
تلطف بحالي يوم قلبـي خسرهـا

وترد لـي وداعتـي دون تغييـر
وتحيي رياضي من سحايب مطرها

ويالله ترضيني بما صار ويصير
ومصيبتي يارب اقصـر سفرهـا

صح السان أم عبدالله قواك الله أخوي وافي
قصيدة جميله ومحزنه الله يعطيك العافيه
ننتظر جديدك

احسنت الاختيار وافــــــــــــــــــــــــــــــــــــي...


والقصيده كلهـــــــــــــــا بدون تحيد قمة في الروعه والجمال...


تسلم على نقلك للقصيده, ورد عبدالله لامه ومملئ قلبها صبرا ...


ولك ارق التحيه...

الاسطورهــ
صـح بدنــك بالنيــابه عن ام عبدالله .. وعسى ربي يتقبل دعواتك..!
الــراقي هو تعبيرك .. الذي طالما احرجني في الرد ..!
ولكـــن .. هنا بالتحديد اؤؤمن بمقولة ( الصمت في حرمـ الجمـــال جمـــال )..!
بالتأكيد .. انا بانتظــارك . . في كل موضوع اطرحــه..!
واطمــع بتشريــفـــك ..!
لا تحرميــنـــي من .. مشــاهدتك تنيرين .. صفحـاتي..!
تقبــلي ارق تحيــه .. معها هذهــ >>


ابو نــــايف
صــح بدنــــك بالنيــابه .. عن ام عبدالله رد الله لها ولدهــا..!
الجميل هو مرورك .. والمحزن هو عدم تشريفك لمواضيعي ..!
عــافــاك ربــك .. ولا حرمنــا طلتك..!
تقـبــل ارق تحيه

ريفــان
الروعه والجمــال .. هي مرورك وتشريفــك .. للموضوع ..!
سلمـتي على مرورك وكلمـاتك ..!
عسـى الله يتقبـل دعائك .. ويرد لها ولدهــا..!
تقبـلـي ارق تحيــه

وافي

عن التشريف مشرفه موضوعاتك مايحتاج دعوووه

لكن انت وشو موضوعي اللي شرفته؟؟

ياليت تمر ولو بالغلط على موضوعاتي وحتى ولو ماعجبتك.. تعلم فن المجامله
يمدحونه هاليوميييييين خخخخخ

لك الاحترام دوما

اسطورررررره

صـــــــح لـــــــسان أم عبدالله..
وســــــــلمت أناملك أخــوي وآفـــــــي
كل ماتحــــــــضره يلامس الوجدان ..
ويــــــحرك الضــــــمائر النائــــــــمة ..
اللهــــــم رد ضنينها إلى أحضـــــانها
وقـّـــر عينهـــــا به ..
فما خـــــاب من دعـــــاك يارب ..

تحيتي لحـضورك الرائع دائما" ..
أخـــــــــــتك/ بنـــــــــــوتة..

اسطورهـ
حيـــاك .. للمره الثــانيه .. زاد الموضوع تشريف على تشريف..!
وبالنسبــه لمواضيعك << ما تحتـاج .. لوآفــــي .. لانهــا حاضره بكاتبـتهـا
وابشري بالخير < بزعجــك فيهــا .. بكتب في الموضوع ردين وثلاثه .. بتعلم فن المجـامله على حسـابك
الايام هذي قليله دخلتي للمنتدى ..الحين مشغول في الاختبــارات ..!
لا تحرميـنـا دعواتــك..!
تقبــلي شكري .. وانتظر تشريفك في كــل .. موضوع انزلـه في المنتدى..!

بنـ ذووق ـت
صــح بــدنــك .. بالبنيـابه عن ام عبدالله..!
سلمتي على مرورك وتشريــفــك .. شــاكر لك كل كلمـه ذوق جت منك..!
الرائع دائما والمميز هو مرورك .. على ما اطرحه في طيات هذا المنتدى الغـالي..!
تقبـلي ارق تحيــه .. مغلفه ببـاقة شكر..!