محاورة بين الزلامي و العير
عـــبـــدالله الــعــيـــر
سلام يا اصحابنا اللي جيتهم بالوعـد
وانـا لياجتنـي الدعـوات لبيتـهـا
اصفى سما نجد لابارق ولامن رعـد
وانا لمحت المزن ورعودها اوحيتهـا
رشـــيـــد الـــزلامـــي
الله يحييـك ترحيـبٍ بليـا عــدد
قدمـك رجـالٍ ترحبـك ليـا جيتهـا
بس المصيبه تجيهم وانت مامعك احد
قامت بك الارض واشتغلت عفاريتهـا
عـــبـــدالله الــعــيـــر
البارحه يارشيـد وليـت الاول بعـد
وشلون حال الجماعه يـوم مريتهـا
حنّا طراقي ولاحنّا مـن اهـل البلـد
لكن دعوتك هـذي تعـرف بويتهـا
رشـــيـــد الـــزلامـــي
ان كان تنشد جماعتنا بحـال السعـد
ومطير ماهي على الـدرب وتعديتهـا
وش رايكم في عجوز بليس جابت ولد
واليـا اسـر الله ضحكتـك وبكيتهـا
عـــبـــدالله الــعــيـــر
الله ولا النشده اللـي تاليتهـا نكـد
وشلون موجتـك للمطـران فريتهـا
اللي عطتك البريره وانت وسط المهد
قالوا لي انك بعـد شيّبـت جازيتهـا
رشـــيـــد الـــزلامـــي
الله يعلم رشيد وقصـده اللـي قصـد
مطير مـن قبـل جيرانـي وحبيتهـا
لاتحفر المقبره يطبق عليـك اللحـد
واللي عطتني البريره جيت وارضيتها
عـــبـــدالله الــعــيـــر
الليلـه انتـه بعيـرٍ تنتظـم وتهبـد
ماتنتثنّـى يدينـك مـيـر ثنيتـهـا
اللي عطتك البريـره حظهـا منقـرد
عرضتهـا لاهـب الكنّـه وخليتهـا
رشـــيـــد الـــزلامـــي
الموج اشوفه طفح والبحر جاله زبـد
لكنّ ذيـك البضاعـه ويـن وديتهـا
فزعتك عشرين واللي طاح واللي قعد
وخمخمتها في ظلام الليل واخطيتهـا
عـــبـــدالله الــعــيـــر
حطيتها في بيـوتٍ جـودت بالعمـد
وانتـه تباهـا لكنّـك ماتحليتـهـا
الله يعذبك كيـف اشغلتنـي بالنشـد
عن حرجةٍ تطلـب الميتـه وذكيتهـا
رشـــيـــد الـــزلامـــي
اقول سبحانك الخـلاق فـردٍ صمـد
عيـون فتحتهـا وعيـونٍ اعميتهـا
يالعير دم الخواجه ماع مـدري جمـد
وارد عراوي دخل ماها علـى زيتهـا
عـــبـــدالله الــعــيـــر
الله ليا راد لـه حاجـه بليـا جهـد
حرّم عليك الزقـاره وانـت كنيتهـا
ماعاد عند الخواجـه دم كلـه نفـد
اتعبت رجلك علـى دربـه وعنيتهـا
رشـــيـــد الـــزلامـــي
وش رايك اعطيك بالغليون لين تهجد
تصبح وساعتـك ضايعـةٍ تواقيتهـا
محاورة بين الشاعرين الكبيرين رشـيـد الـزلامـي و صـيــاف الـحـربـي
الـــــــــــــزلامــــــــــــــي
يا سلامي ها السلام اللي خفيف ٍ دمّه
معه جنسية ويبغى له جواز سعودي
مشكلة صياف صارت بين ابوه وعمّه
والسبب ناس ٍ تدق الملح والبارودي
الـــــــــحـــــــــربـــــــــي
مرحبا بالشاعر اللي ما قدرت آذمّه
الليالي ما تغيّر والزمان ايعـودي
الزلامي معه علم وكل شي ايهمّـه
مير لو يزعل تغيّره الليال السودي
الـــــــــــــزلامــــــــــــــي
كيف تدلي بالشهادة يـا كبيـر الذمّـه
وأنت ما شب الك ضوّك غير قدح زنودي
صرت مثل اللي كبر وانكر لبن ديس امّه
والعرب فالصيف تعرف عدها المارودي
الـــــــــحـــــــــربـــــــــي
العلوم اللي تحط النـاس راس القمّـه
حبلها من يمكم يا صاحبـي معقـودي
ثوبك اللي ما ينوش الأرض غير ابكمّه
نزله للجمرة اللي فوق راس العـودي
الـــــــــــــزلامــــــــــــــي
ودي اكشف غلطتك للعالـم الملتمّـه
أنت حربياً تطالبني بـورث اجـدودي
يا محبين العقـال ومنكريـن العمّـه
خصمكم في الآخرة عبد الله المسعودي
الـــــــــحـــــــــربـــــــــي
أنتم رجال الشرف وعظامكم منسمّه
أعبروا ذاك الطريق وحملكم مشدودي
أنت ما تدري عن البارود لين اتشمّه
مير لا ترمي بها فالوادي المسدودي
الـــــــــــــزلامــــــــــــــي
لوّ يا صياف علمي تمسكه وتضمّه
تاجده مثل العسل وألا حليب القودي
أنت تحسب جدنا داب يموت بسمّـه
مير أنا باذل لنصره طاقتي وجهودي
الـــــــــحـــــــــربـــــــــي
يقطع الله بيرك اللي ما يعرف الجمّه
والتجارة يالعتيبي بابها محـدودي
قبرك اللي في تهامه بالتراب اندمّه
تحفره بالليل الأظلم والعباد رقودي
محاورة بين الشاعرين رشيد بن زيد الزلامي و ملفي الشلاحي
الــــــــشـــــــــلاحـــــــــي
ياضيوفٍ حضرتوا يسعد الله مساكـم
كل ضيفٍ نبي نأخذ حمايض علومه
الزلامي يحسب انه على الشعر حاكم
ما درى إنّا على الشعار مثل الحكومة
الـــــــــــــزلامــــــــــــــي
كان فيها تحـدي فارقونـا وراكـم
عارفين القمر والليل نحسب نجومه
ياعرب مالحقنا شك في مستواكـم
مير ياليت حضن الضلع يلزم بقومه
الــــــــشـــــــــلاحـــــــــي
ياعتيبة زعلكم ما يباعـد رضاكـم
من يحب التحدي ما تردى عزومـه
ياوسيع البنايد ما رضينـا خطاكـم
وادري ان المطيري ما فرحت بقدومه
الـــــــــــــزلامــــــــــــــي
شرنا مانعينه وان طلبتوه جاكـم
مير خلوا لحاكم غالية ومحشومة
امتحنتوا عتيبة هالسنة وش بلاكم
والمراجل بحر واللي يعومه يعومه
الــــــــشـــــــــلاحـــــــــي
والله إنّا مانرجي قطرةٍ من سماكم
ياعسا هالسنة تكثر عليكم غيومه
العتيبي طبيعي لو همومه تراكـم
عادة اصغر مطيريٍ يزود همومه
الـــــــــــــزلامــــــــــــــي
يالاجاويد حنا ربعكـم وقصراكـم
والعرب ما تطق الباب غير معزومه
اعزمونا ونلفيكـم وتكـرم لحاكـم
لا تقولون هذا عندنا وش لزومـه
الــــــــشـــــــــلاحـــــــــي
راعي البيت رجلٍ جالـسٍ فـي حراكـم
مير ضيف العرب يونس على الكبد لومة
يا عتيبة ترا داكـم طلـع مـن رداكـم
المثايـل قديمـة و الشكـوك معدومـة
الـــــــــــــزلامــــــــــــــي
في زمانٍ مضى نزعل ونلعن ثواكم
والعشية مطير مريّحة ومخدومـة
ليت والله يجي فرصة ونقلع مداكم
لو ملفي من الضيقة يشقق هدومه
الــــــــشـــــــــلاحـــــــــي
دائم افعولكم ما تتفق مـع حكاكـم
مير خلك على البيداء ونومتك نومة
محاورة بين الزلامي و السناني
الــــســــنــــانـــــي
ياسلامي عليكم بالتظام الجديد
والرياجيـل مايهتزمقـدارهـا
الحناتيش لاغاب الزلامي رشيد
=يم قبر العطاوي تلفت أنظارها
الــــــــزلامـــــــــي
مرحبا وأنت ضيفٍ جاينا من بعيد
عند ربعٍ تشب النار مـن نارهـا
إترك الناس لوتروح واحد وحيد
والقناوات لاتاخذ مـن أخبارهـا
الــــســــنــــانـــــي
البقايالزلامي من هـو المستفيـد
كان طاحت كبار القوم واصغارهـا
وانت شيخٍ من الروقه وباسك شديد
صافح شيوخ برقى طالت اعمارها
الــــــــزلامـــــــــي
مايضد الحديد الصلب غير الحديد
وانت مالك بمدخلهاومضهارهـا
كان ودك تمادى في العذاب وتزيد
سوقهالين تبرك بك على زارهـا
الــــســــنــــانـــــي
رأس ابو زيد يبكى والفقيـد الفقيـد
علم أصحابنـا لاتخـرب شعارهـا
عشت وانت وحيد وموت وانت وحيد
خطتك شيلهـا لاتكشـف اسرارهـا
الــــــــزلامـــــــــي
انت وشلون جبت السالفه ياعنيد
جبتها من يميـن الدارويسارهـا
يفعل الله بخلقه مايحب ومايريـد
فالعرب شر واجهينه من اشرارها
الــــســــنــــانـــــي
الكتاب الموثق والكـلام الأكيـد
قالو البورصه مختله اسعارهـا
انت اضنك تقول فراقهم يوم عيد
الله اكبر على الحفره وحفارهـا
الــــــــزلامـــــــــي
كـل ماقلـت شيطـان العروبـه يهيـد
جتـك بنـت الحـرام تـدق مزمـارهـا
وان رميت السهم مدري السهم وش يصيد
جعلهافـي بعيـر الـقـوم وحمـارهـا
اما يقـــوم الجمل شقران بشداده :: والا تـهب الهبوب وتقتل الجــرّه
يامعالج الجرح صبري واصلا ً مـاده
وعلاج قبل امس زاد الجرح ماسـرّه
احرجتني في سؤال مااعرف ابعـاده
والناس للناس محتاجـه ومظطـرّه
اخفض جناحك ترى دنيـاك حـداده
وترى سليمان قبلك خاطـب الـذرّه
وجرحي ترى مايبي دكتور وعيـاده
يحتاج قلـب رحيـم ونظـرة حـره
وان كان جرحي بقى والطب مافـاده
اعود وانصحك ياقلبـي ميـة مـرّه
لا عاد تحلـم بشـي فـات ميعـاده
قد ايش تبكي وكبـدك ليـه محتـرّه
اصبر علـى ماقضـاه الله ومـاراده
يكفيك فعـل الزمـن بمحمـد الـدرّه
ويكفي من الوقت خمس عقود وزياده
ماعاد خلـت بكبـدك قطـرة مـرّه
وان قلت انا في زمان فات لي عـاده
دارت رحاة الزمـان وجتـك مفتـرّه
ريح ضميرك وخل الوقـت وجهـاده
لعل خير الزمـان يفـك مـن شـرّه
اما يقوم الجمـل شقـران بشـداده
والا تهب الهبـوب وتقتـل الجـرّه
اعيش عيشة ذيب والراس مرفوع :: وان قلّ مالـي عزّ نفسي غناتـي
البارحه والناس غافيـن وهجـوع
جتنـي هجوسـي ورداً سارياتـي
والليل طال وخط الارسال مقطـوع
ياليل ياطولك متـى الصبـح ياتـي
قزرت ساعاتك على ثومـة الكـوع
مالـي نديـم الا الثـلاث الخواتـي
صفر الدلال اللي بها الهيل مشموع
باشكـال وارناقـا معـه لايقاتـي
واصبحت من كثر الهواجيس مفجوع
وافكـار قلبـي شـرداً سارحاتـي
ياسائلاً تسأل ترى الصوت مسموع
وما نشر بالصفحـه قريتـه بذاتـي
سويت لي مشروع من غير مشروع
والزمتنـي بالـرد دون شهـواتـي
اكيد عندك يا فتى الجـود موضـوع
والا مسوي بـك زمانـك سواتـي
مسقيك من علقات الايـام قرطـوع
وتسمع صراعي فيـه ومغامراتـي
فان كان هذا الامر بالشكل والنـوع
خـل الامـر لمكـون الكاينـاتـي
ساير زمانك كان لك قلب وضلـوع
وارج الفـرج بايامـك المقبـلاتـي
وان كان ما طاعتك خلك لها طـوع
ما انته بضاربهـا برمـح الزناتـي
اما سوالـك مـا جوابـه بممنـوع
ولو للحيـاه اسرارهـا الخافياتـي
اجاوبك لو ما معـي منـك منفـوع
تحب تعرف كيـف قصـة حياتـي
حياة ذيباً عايـش الفقـر والجـوع
ليلـه يبـات وليلـة مـا يبـاتـي
اعيش عيشة ذيب والراس مرفـوع
وان قلّ مالي عـزّ نفسـي غناتـي
ولو الوساده من صلافيـح الاحجـار :: للراس اخير مـن التـرف والميوعـه
الله على اللي شوحتـه تقطـع الـدار
يوصل غريب الـدار ديـرة ربوعـه
أبيـه والله ميـر مغليـن الاسـعـار
والبنـك ماادلـه ولااعـرف فروعـه
وذي حالة الدنيـا لهـا ادوار وادوار
يومـن تواصلنـا ويومـن قطوعـه
وكـل البشـر فيهـم فقـارا وتجـار
ونفوس تتحمـل والاخـرى جزوعـه
وحتى بنـوك النقـد تعجـز وتنهـار
ماهوب انا عجزي بعـاد(ن) رموعـه
بس المهم ودون توضيـح الاسـرار
وضعي ووضع الجيب شكله ونوعـه
شريت لي جيب(ن)عسى ابوه للنـار
بانـت عذاريبـه مـن اول اسبوعـه
مزعج مع الصحراء ومزعج مع القار
ومـن يركبـه لازم يسكـر سموعـه
مثل الشبـح ماينقصـه غيـر طيـار
شكله وتصميمـه وممشـاه روعـه
من خف دمـه مابقـى فيـه مسمـار
ولايركبـون عيـال الانـذال نوعـه
مايركبـون الا سـفـاري وفكـسـار
آخر زمان(ن) جعـل بقعـا تصوعـه
خـلا رجـال المرجلـه مالهـم كـار
الذيخ لـو يبكـي مسحنـا دموعـه
الذيخ يشبـع فالفضايـل والاسـوار
والذيـب مايـدرى بفقـره وجوعـه
وقت(ن) يخلي صاحي الفكـر يحتـار
ويشوف من هول الدهـر مايروعـه
تلقى الفقير وفزعتـه خمسـة انفـار
وتلقى الغني كـل الجماعـه فزوعـه
ياعاشق الدنيـا تـرى مالهـا جـار
كما واحد(ن) في حبها طـار شوعـه
اليوم تضحك لـه وتعطيـه الانـذار
وبكـره تلحويهـا محانـي ضلوعـه
خلك علـى صكـات الايـام صبـار
ويوم(ن) يفوتـك لاتمنـى رجوعـه
اقفى على مافيه مـن خيـر واشـرار
نجم(ن) هوى مايندرى عـن طلوعـه
وماهي على كيفـك تمنـى وتختـار
ابعد على المخلوق من حـب كوعـه
يخبرك من ذاق المتاعـب والامـرار
وحـاول ولاجالـه زمانـه بطوعـه
ومرت به الدنيا على بعـض الاقطـار
في رحلة(ن) ماغيرت مـن طبوعـه
والله ماواطن عيشـة الـذل والعـار
مادام لـي شيمـه ونفـس قنوعـه
وقرش(ن) عزيز افضل من الفين دينار
من مصدر(ن) للذل يعلـن خضوعـه
ولو الوساده من صلافيـح الاحجـار
للراس اخير من التـرف والميوعـه
محاورة بين الشاعرين رشيد بن زيد الزلامي وعبدالله ابن شايق القحطاني
ابن شايق
ياماعازيب الوفاء ونتم دعيتونـا وجينـا
قبل مردود البرا يا زين مـردود السلامـي
الزلامي شاعر(ن) شايب وله حق(ن) علينا
والحقيقه كل خلـق الله يحبـون الزلامـي
رشيد الزلامي
مرحبـا والله يحيكـم وحنـا حاظرينـا
وانتبه للكلمه اللي لاحـلال ولاحرامـي
اثر في قلبك محبه من زمـان ولادرينـا
شوفلك واحد سنينك يتجهبك شرق شامي
ابن شايق
الرجـال الطيبينـي يقـدرون الطيبينـا
خلنا نلعب ونكسب خبرتك خمسين عامي
لاتناظر فوق وتعـد الليالـي والسنينـا
الحرامي يحسب كل من قابله مثله حرامي
الزلامي
شد حيلك ودحـم الشعاربالجنـب المتينـا
والهدف في راس ظلع(ن)مايصيبه كل رامي
والله انا مالقينا صورتك في حـرب سينـا
مير هذا الوقت جبت البندقيـه والحزامـي
ابن شايق
عيت الشاره تطيح اليـا رميتوهـا رمينـا
الطمع بيني وبينك فالـردوف وفالسنامـي
ونت لك صوره على شاطي بحر هادي ومينا
لاتلحقنـا المـلام ولانلحـقـك المـلامـي
الزلامي
ودنا يسـرون ظيفـان الكرامـه مكرمينـا
ون بغيت اكوي كويت و ميسمي فالنار حامي
عقـب ذاك الوقـت اظنـا لانبيـك ولاتبنـا
رحت مرواح الغراب الـي تقفـاه العسامـي
ابن شايق
ان رضيتوا مازعلنا ون زعلتو مارضينا
لاتخلينا نشيل الروس ونقص العظامي
فيك ثنتينن سوا والثالثه وحده وفينـا
نحمد الله ظحكت الدنيا لنا والحظ قامي
الزلامي
ياعيال العود مادون الحلـوق الا اليدينـا
مير حنا يوم شفنا العود في خشمه عرامي
من قرارت نجد سقناكم وجيتـو مقبلينـا
مادرا جنب الحصاه الا تـردون السلامـي
ابن شايق
لونعد الفعل الاول كم خذيتوا كم خذينـا
ياحليمه جوك خلان الأشده والمسامـي
يوم حولنا عليكم من يسار ومن يمينـا
رحت من نجد العذيه يالحجازي والتهامي
الزلامي
شفت ذريت حليمه يوم جوكم سارحينا
ان حييت بغبنها ون مت مانته لارحامي
ان فعلتو شي في ذاك الزمان مسامحينا
انتبه هذا كلام المعركه ماهـو كلامـي
ابن شايق
دورو لشيخوكم وليـا نسيتـو مانسينـا
انت مانته حامين بيض الحباري والنعامي
ان خجلتو وستحيتوا ماخجلنا وستحينـا
اسمحو لي باتكلـم ياعزيزيـن المقامـي
الزلامي
الصحيح انا نسينا مـن حنـا فاقدينـا
تاخذ الراعي وناخذ فيه حامين الجهامي
ياله اغفر ذنبنا ان كان حنا مسرفينـا
والخطيه يوم عرظنا القحاطين المظامي
ابن شايق
كان شيخك راعين عندك شيوخك ظايعينا
انته صاحي بالسيع واحيان ياخذك المنامي
اشتكيتوا لـالشريف ويعلم الله ماشكينـا
ون ظمينا يالزلامي كان وردنـا الحيامـي
الزلامي
ياولد شايق ترى الله سامحك دنيا ودينا
ثايرن دمك من الماظي ومثلك مايلامي
ماتعرفونه يارديين الأعماق :: هذا فهد ذخر الفهد في محله :: بين الزلامي و زميله
إلتحق الشاعر رشيد الزلامي بالجيش الكويتي وفي يوم من الأيام كان
هو مع عدد من زملائه في ساعات العمل وكان رشيد الزلامي على مكتبه
ويتصفح مجلة على غلافها صورة الملك فهد بن عبدالعزيز عندما كان أميراً
وكان زميله الكويتي ينتظر أن ينتهي رشيد الزلامي من تصفح المجلة ليقرأها
وأطال رشيد تمعنه لصورة الأمير فهد بن عبدالعزيز
و قال له زميله باللهجة العامية ( ماشبعت من شو فتك لمعزبك)
فغضب رشيد الزلامي وأدخل المجلة بدرج الطاولة وقال برد قاسي
مافيه مجلة ، فقال زميله هذه الابيات
حنا بدارٍ مددلهة صدر من ضـاق
=بلّـغ سلامـي للزلامـي و قلّـه
ياعابد الصورة على بيض الأوراق
=دارك عرفناهـا وعلتـك علـه
إن كان حبه محرق ٍ قلبك إحـراق
=شد الرحال ودرب عمـك تدلـه
فرد عليه رشيد الزلامي قايلا
ً
أنتم بدار مدلهة صدر مـن ضـاق
=وانا تخيّل صورته مخلـص ٍلـه
ماتعرفونـه ياردييـن الأعـمـاق
=هذا فهد ذخر الفهـد فـي محلـه
اللي لياشطـت و يبسـن الأريـاق
=وأنته و انا و معزبك تحت ظلـه
واهل الحسد ماهم على باب الأرزاق
=رزقي علـى كـوّن الكـون كلـه
وحنّا سعوديين ياشرس الا خـلاق
=أحـرار ماعشنـا بعيشـة مذلـه
رجالنا لو هو على مكسـر السـاق
=حب الكرامه والو فا عـادة ٍ لـه
البارحه يو م الثــريــا تــو يــقــــي :: يـــــو م كــــل ٍ في لــذيـذ الكــرى راق
البارحـه يـوم الثـريـا تويـقـي
يـوم كـلٍ فـي لذيـذ الكـرى راق
وقفت ليـن الشـوف جالـه بريقـي
مثل السراب اللي على البعـد لهـاق
أخيـل بـرق صـوب واد العقيقـي
ماشفت مثله يفضـح الليـل بـراق
عسـاه يسقـي دار ذاك الفريـقـي
لو رغبتي ما عـاد بـاقٍ لهـا بـاق
وذيك الدير مانـي عليهـا شفيقـي
تطيب منها النفس وتضيق الاخـلاق
قزرت عمري فـي بحرهـا غريقـي
متحمـل ٍ كـل المتاعـب والارهـاق
لين انكشف وجه العـدو والصديقـي
والرفقه اللي حبلهـا رمـث ودقـاق
ولا كلفـت نفـسٍ بمـا لا تطيـقـي
تبينت لي كنهـا شمـس الإشـراق
وانا ليا شفـت الجفـا مـن رفيقـي
وصار الامل حبر ٍ على بيض الاوراق
قابلـت غلطاتـه بـوجـهٍ طليـقـي
ونظرت له نظرة محـب ٍ ومشتـاق
أعطيـه حتـى مـن منامـه يفيقـي
لا كلمته سمّعـت ولا خاطـرٍ ضـاق
حتى يعـرف انـي رفيـقٍ حقيقـي
وليا انحرف ماهو على باب الارزاق
يروح في دربه وانـا فـي طريقـي
من خلقت الدنيا بها جمـع وافـراق
علـي بيبـان الفـرج مـا تضيقـي
أسوقهـا فـي كـل ديـره وتنسـاق
وابعد عن اللـي رفقتـه مـا تليقـي
ماني علـى جنبـه معلّـق بمعـلاق
ياكثر مالي في الديـر مـن صديقـي
لا بارت العملـه وشحّـن الاسـواق
صداقـةٍ تبنـا بـسـاس ٍ وثيـقـي
لا عقربٍ تلـدغ ولا مـوس حـلاق
الخاتمه من يوم هاذي سواياك :: بالله لا تعطي عتابه بناتك
ياهـن ابـن هــن مــاوالله ارداك
ومااردى نصيب اللي يسوي سواتـك
ومااردى نصيب اللي من البعد ينصاك
يبا العشا ويشوف بعـض احركاتـك
تحلق الشـارب مـن الديـن يـاذاك
ودك تخـدع المومنيـن بصـلاتـك
لكـن وش تكسـب بدينـك ودنيـاك
لا صار ترك الواجبه مـن صفاتـك
لا صـار ضيـف الله تلقيـه علبـاك
باقي علومـك خشهـا فـي عباتـك
الجـود مافقّـرك والبخـل مااغنـاك
ولا تحسب انك مت من موت شاتـك
الخاتمه مـن يـوم هـاذي سوايـاك
بالله لا تعـطـي عتـابـه بـنـاتـك
تكثر بنا الرديـان مثلـك وشـرواك
وتـروح تشمتنـا الرجـال بشماتـك
عجيب ياقلبي وعجبتك دوبك :: ماشوف علم ٍجايزاً لك و معجبك
عجيـب ياقلبـي وعجبتـك دوبــك
ماشوف علم ٍجايـزاً لـك و معجبـك
ياقلـب حاسبنـي وحاسـب ذنوبـك
ماادري بخـلان الرخـاوش مرغبـك
وش ولعـك فـي نـاس ماقلـدوبـك
ولاثمنـوا حقـك وقامـوا بواجـبـك
ربعـاً يذريهاالـذرى عـن هبـوبـك
خسـران لوتشكـي عليهـم مصايبـك
ان كـان ماتلمـس يدينـك جيـوبـك
في ذمتـي مامنهـم اللـي يصاحبـك
وان حصلـوا مقصودهـم ربعـوبـك
سووا لك الخـط الزلـق ليـن يقلبـك
وعندالنهايـه برقـوا وضحكـوا بـك
كم من ضحـوك ٍيستغيبـك ويشذبـك
اليـوم صدقانـك وباكرحكـوا بــك
وبعدالرجـا منـهـم تكدرمشـاربـك
هراجـة المجلـس ليامالقـوا بــك
شيـاً يقولـونـه حـداهـم تنكـبـك
ومالوبسـوق المهزلـه ونزلـوا بـك
ضعاف العقول اللي تسولف على الدبك
يحكي بك اللي عاجزاً عـن دروبـك
لافـاعـل ٍفعـلـك ولاهومجـنـبـك
ورعكم يلعب ودنياه لعابه :: مادرى انا قدلعبنا و هو نا
الزلامي كيف رمح الهوى صابـه
والهوى ماصابنامن على اولنـا
ياهل البيت الخضرسكـرو بابـه
سكروبيبانكـم ياعـرب عـنـا
وامسكواورع الهوى اللي بلشنابه
كـل ماجينامـن الـزام قابلنـا
هزرمش العين والاضحـك نابـه
ضحكـة ٍمنهاالنجـوم يتهاونـا
امسكـوه ببيتكـم قبـل نبلابـه
وأن طلع لاتامنون العتـب منـا
لايكلمناولايطـلـع الـجـابـه
لوصبـاح الخيركـنـه يلعـنـا
مايخاف الله ولايرحـم اصحابـه
جاهـلا ًبعيونـه السوديفتـنـا
اتمناحـرب مـدفـع ودبـابـه
والعيـون السودعنّـا يصـدنـا
بس ياهل الورع متنامن اسبابـه
مايردالمـوت لاانتـم ولاحـنـا
ورعكـم يلعـب ودنيـاه لعابـه
مـادرى انــا قدلعبناوهـونـا
مالقينافي طريق الهـوى ثابـه
زتنافـي بحرالاهـوال واهملنـا
الهوى علـه ولاتوجـد اطبابـه
دايمـا ًراعيـه مفتـون ومعنـا
ودنابيت الهوى نقطـع اطنابـه
ونطلب الوالي عسى العفويشملنا
من خلـقة الدنيا تجوع الذيابه % بس المهم تعيش والراس مرفوع
الوقـت يامقـسـى عـنـاه وعـذابـه "
" حطـاب ليـل ولـه معاويـن وفـزوع
احد (ن) منـه يمكـن يعالـج صوابـه "
" واحد (ن) يموت بعلته مـوت جربـوع
يروح مثـل مقـاط محـد (ن) درابـه "
" لاحبـل يرقـى ولاصـوت مسـمـوع
بغـى يجيـب رشـاه ورشـاه جـابـه "
" مـن عالـي الشفـه على ضربـه الـكـوع
هـذاه مقـاط اللـى ارشـاه التـوابـه "
" واصبح مثل للناس فـي كـل موضـوع
قصـه مـقـاط وقصـتـى ماتشـابـه "
" اسباب وقـت وكـل قصـه لهـا نـوع
مقـاط صفـى فـي زمانـه حسـابـه "
" وانا بلشت في وقـت طامـع ومطمـوع
كم واحـد (ن) وقـت اللـزوم تهقابـه "
" واليـا نصيتـه غيـر الطبـع بطبـوع
والصاحب اللى صحبتـه ضحـك نابـه "
" يبينى ابقى لـه علـى الـدوم مـزروع
ان شـاف وجهـي قـال يامرحبـابـه "
" وان غبت ينسانى علـى راس الاسبـوع
واليـا نسانـى منهـو حظـره جنابـه "
" انسـاه واجعـل دونـه الخـط مقطـوع
وعيب (ن) عليـه كـان طقيـت بابـه "
" لونى امسي بالخـلا ميـت (ن) جـوع
من خلـقـه الدنـيـا تـجـوع الذيـابـه "
" بس المهـم تعيـش والـراس مرفـوع
وتكسـب بعـز النفـس قـدر ورحابـه "
" وتمشى على خط (ن) سليم (ن) ومشروع
ياموزع النعم خل النعم لاصحابه :: ماينعطي غير للي يستحقونـــــــه
ياموزع النعم خل النعم لاصحابـه
ماينعطـي غيـر للـي يستحقونـه
النعم ينعطـي لرجـلٍ فاتـحٍ بابـه
للضيف وليا بغـوه بحـال يلقونـه
اللي بوقت اللزوم يبيـن مضرابـه
سيـف تحـده لزومـه مايحدونـه
والاالردي لاتقول ونعم يظرى بـه
يرهي على نعم وهوه قاصر ٍ دونه
ليا قلت له نعم قـام يفتـل أشنابـه
يحسبك صادق ما يدري نعم وشلونه
يطمع بشيٍ يموت الخبل ما جابـه
ثم قال أنا جبت نعم اللي يقولونـه
بعض البشر يحلمون احلام كذابـه
ومن لاعرف قدر نفسه عدّ طبلونه
يجيك مسرع مايدري ويش يبلابـه
من قلة العرف ما يمشي علىهونـه
اما على الاقربين اشتـال مشعابـه
والابعرض المقفي سـلّ مسنونـه
تناول الغايبيـن و كثـروا أحزابـه
اللي علـى قلـة الخيـره يدفونـه
واهل العقول سكتوا ماقالوا الجابـه
لا ينقصونـه بشـي ولا يزيدونـه
قالوا هذا فيه عاهـة وابتلشنـا بـه
والا هذا فيه شـي ٍ مـا يعرفونـه
وخلوه يسرح ويمرح خاب من جابه
ما نومس اللي من الصغر يترجونه
ليا اجتمعت الثنتين حاجه وشيمه راس % وهذي تنزلني وهذيك ترفعني
انا ويش اسوي في زمانى يابـن نمـاس
زماناّ مغامـر والثقـه فيـه تخدعنـي
يحاول يوقفني علـى شفـه مـن يـاس
وعيت دروبـاّ تاسـع النـاس تاسعنـي
اخذبي على درب الشقاء والعناء مرواس
ولاباقـي الا فـي المهامـه يضيعنـي
تحملت من جور الليالي بـدون قيـاس
ولو حملها ميل على المتـن واوجعنـي
وصبرا ّ على الشده شجاعه وقوه بـاس
لكن الضـروف القاسيـه ماتطاوعنـي
ليا اجتمعت الثنتين حاجه وشيمـه راس
وهـذي تنزلنـي وهـذيـك ترفعـنـي
رفعت النظر والله عطاني نظر واحساس
وهي ميزه في كـل الاحـوال تنفعنـي
ولو كان بين الصم والبكم لي مجـلاس
هـذا مايكلمنـي والاخـر مايسمعنـي
حياه التجارب علمتنـي وانـا حسـاس
وخلتني اعرف نظره العين وش تعنـي
وانا لو بدت لي حاجه عند بعض نـاس
اريد الكـلام وعـزه النفـس تمنعنـي
ما تسبقه في سر عة الر و غ مير ا ج
البخـل طبـع مستحـيـل عـلاجـة
والجود طب لكل الأمراض وعـلاج
جيت الرفيق اللي بشـوش حجاجـة
اللي بحـزات الرخـاء مثـل هـداج
قال العلـوم وقلـت طـلاب حاجـة
حاجة يسر ماهي تكاليـف واحـراج
ان كلفت يكفـي العـذر والمواجـه
وان كان جت من يسر صاحبك محتاج
واومى براسه مثـل راس الدجاجـة
وهز المتون وراح وجهه كما الصاج
واقفيت من عنـده مطفـي سراجـه
ولي حاجـة ماعطيتهـا كـل هـراج
عرض العلوم لغيـر اهلهـا سماجـة
والصاحب الطيب له الـدرب ينعـاج
وكم ضيقـة ياتـي بعدهـا انفراجـة
ياليت كـل اصحابنـا مثـل سهـاج
الصاحـب اللـي مايعكـر مزاجـة
ولا حطلـه كثـر المعاذيـر منهـاج
ولا الردي صيـده يضيـع بعجاجـة
ماتسبقه في سرعـة الـروغ ميـراج
مراسله بين الشاعرين الكبيرين رشيد بن زيد الزلامي و معالي الامير محمد الاحمد السديري
وهذه قصيدة وجهها الشاعر الزلامي إلى معالي الامير / محمد السديري تشرح موضوعاً لم يفهمه السديري
اكتب ويكتبلي وانا اقول حتى ايـشحبراً على قرطاس ماهـوب كافـي
والوضع ماهـو قابـلاً للمطاريـشيا امير بشرنـي عساهـا عوافـي
سجيت يوم غصون قلبي مواريـشواليوم يا فرز الوغى شـاب قافـي
وعروق قلبي يالسديـري معاطيـشامشي وانا مقفي واعايـن خلافـي
رافقت حجـاج الهنـود الدراويـشوسريت مسرى الذيب رجلي وحافي
وطال المسير وصار بالجو تشويشمتى على الله يصبح الجـوّ صافـي
شياّ يخدش ثومـة القلـب تخديـشوسره يعود الى القلـوب النظافـي
يكفيك لايـح كلمتـي دون تفتيـشوعندك خبر ما قال صقر النصافـي
مادام انا قلبي جزوعـا ليـا نيـشحساس من كلمـه سريـع العيافـي
ارضاً خلا لو مابها لقمـة العيـشاخيـر مـن رزق عليـه اختلافـي
والرمز يكفي الحر والخاتمه ويـشاقبل تحياتـي وانـا شـاب قافـي
ولما كان معاليه تخفى عليه الدوافع والظروف التي كانت وراء ارسال قصيده الزلامي السابقه فقد كان يتوقع ان تكون غزلية ورد رحمة الله على هذا الاساس :
يا طير ياللي بالسما تنفض الريـشياللي تهز اطراف ريشـك خفافـي
ياللي نهضت الصبح وقت المغابيشوقت الصباح وكلاً ابصـر وشافـي
اعطيك سـراً مخزنـه بالنشانيـشوانحر رشيد ولـك بـداره ملافـي
رشيد مـن ربـع عـداة مداغيـشوصـل سلامـي للعديـم السنافـي
قله عرفت اهل القلوب المغاشيـشاللي عصوا باللـي ثمانـه رهافـي
زين الصباح منقـش الخـد تنقيـشعين العنود اللـي تـرب الشعافـي
برقاً يفوتك لـو مزونـه مراهيـشلا تستخيل امطـار سحـب مقافـي
العام قلت ازهم هل الخيل والجيـشاهـل البيـوت موسعيـن الرفافـي
ليا غـدا فعـل المراجـل تناويـشافعالهـم مثـل الفنـر بالكشـافـي
وقلوبهم للضيـف دايـم هشاهيـشوعدوهـم سقـوه سمّـاً زعـافـي
دور مع الاجواد ضافي العكاريـشوابعد عن اهل الكيد والستر ضافـي
رزقاً ورا الانذال جوع وعراميـشوالشرب منهـم يالزلامـي عيافـي
اجزم وشم واعرض وبعد عن الهيشما فيه كود الشوك مثـل الشلافـي
فيه العقـارب والافاعـي محانيـشوالفعل وسط قلوب الشرار خافـي
وليا عصوا مالـك بنجـد مهاويـششرعـاً وسيفـاً للشريعـه لحافـي
راحت سنين الخيل مع حزّب الجيشوهـذي سنينـاً يالزلامـي عجافـي
رشيد اهل خلك ترى عندهم طيـشويفرقون اهـل القلـوب الولافـي
أليا جهلت انشد
أليا جهلت انشد ترى مابهـا عيـب لا تنخدع للجهـل وأنـت السبايـب
عيب الفتى مافيـة شـك ولاريـب ترك الفروض وقطع وصل القرايب
والعيب ترك ملازمات المواجيـب وتبع الردى ومجالسة كـل خايـب
فالتجربـة برهـان مافيـة تكذيـب واليا جهلت انشد من القوم شايـب
ولا قول يوجد شايب يعلـم الغيـب الغيب يعلـم بـه مديـر الهبايـب
لاشك يوجد شايـب لـه تجاريـب ومن الدهر شاف الفكر والعجايـب
بيض النواصي جبهته كلهـا شيـب من كثر ما مرت عليـة المصايـب
قد صارع الدنيا على الخبث والطيب فالغوص وإلا فوق عوص النجايب
قالوا تعلمت قلـت عنـاد وفراسـة
قالوا تعلمت قلـت عنـاد وفراسـة
أعاند النفـس والدنيـا وأصارعهـا
ودرست في مدرسة من شيبت راسه
دنيا العنا اللي قصيفـات مطامعهـا
تلميذهـا دايـم تكتـب بقرطـاسـه
وتعطيه جملة دروس مـا يضيعهـا
والله عطانا نظر وشعـور حساسـة
ناخذ علوم المعرفة مـن مراجعهـا
ونساير الوقـت ونقيسـه بمقياسـه
ونمشي مع النفس بالواقع ونقنعهـا
وترى حياة الفتى مهما قوى باسـه
محفوفة بالخطـر والمـوت تابعهـا
من مبتدى العمر لاما يلفظ أنفاسـه
يمر فـي مرحلـة تكثـر زوابعهـا
أول حياة الفتـى تدريـب ودراسـة
تكثر ظروف الحياة وينشغل iiمعهـا
وثاني حياة الفتى مشوار وعساسـة
مسيرة في عجاج الوقـت يقطعهـا
وآخر حياة الفتى يرجع على ساسـه
النقطة اللـي بـدا منهـا يراجعهـا
يرجع لسن الهرم ويضيـع الطاسـة
ويمشي مع الأرض ويخطط شوارعها
واليا تلاقت متونه وارتخـى راسـة
ضاعت جميع العلوم اللـي يجمعهـا
ديوان رشيد بن زيد الزلامي 
العرض العادي
