وجه الغلا !!

اقبلـت ياوجـه الغـلا .. حــيّ هـالـزّول زول ٍ تغـيـب عـبـاد ربّــي لـيـا غــاب
تطلـع طلـوع سهيـل مـن حـول لا حـول وتشّخص لك عيون .. وتلافت لك أرقاب
ومن يوم جيـت الله وكيلـك علـى طـول سلامـك عتـاب !! وسواليفـك عـتـاب !!
طـوّل علـي بالـك عسـا عمـرك يـطـول ماكـل مـوقـف تنـشـرح فـيـه الاسـبـاب
عطنـي يديـنـك وأنـثـر اللـيـل مـجـدول خلّـه يطيـر أسـراب .. ويعـوّد أسـراب
وأضحـك وفـرّق جمرتينـك عـن الـلـول بفتح لـك سموعـي قبـل مـا افتـح البـاب
خمـر الكـلام اللـي مـن شفـاك معـسـول أبـيـه يــدرج فــي عـروقـي ويـنـسـاب
سوالـفـك فيـهـا مــن السـحـر مفـعـول تأثيرهـا عـلـى الـجـوارح والاعـصـاب
بأمـلا عيـونـي مــن تهـايـاك وأقــول : يـاوجـه صـبـح ٍ لـبّـس اللـيـل جلـبـاب
عـذر القصيـد إليـا قصـر عنـك مقبـول أوصافك أكبر من مـدى شعـر وإعجـاب
عــودك مـعــزّل ومتـنـهّـض ومـفـتـول اليـا تـعـدّل رمــح والـيـا انحـنـى داب
ومعنّـقـك فـــارع و زامـــي ومـنـتـول وصــدرك جـمـع مـالـذ كـلّـه ومـاطـاب
وسـودك طلايـع قـوم وسيـوف وخيـول خيّالـهـا يــارد عـلـى الـمـوت مـاهـاب
ايّووووه من صحوة هدبها ويحّـووووول وإن سلّهمت ( هذا بلا ابـوك ياعقـاب )
قـريــب لـكـنّـك بـعـيـدٍ عـــن الـنــول وا حــر كـبـدي حــرّة الـظـن لاخـــاب
مـاكـل مـجــدٍ يـبـلـغ الـمــرء مـعـقـول اللي ماجاب حصان أبو زيـد وش جـاب
من لا جمـع راسـك براسـه علـى طـول والا يقـضّـي تـالــي الـعـمـر عـــزّاب


الورده الحمراء !!


طـرّف الليـل والأشــواق حـرّاقـه والمواعـيـد مـلّـت مـــن تحـرّيـهـا

كل ماوايقـت عينـي مـع الطاقـه !! تلمـح وجيـه تبغانـي .. ولا أبيـهـا

مالـهـا لا جـمـل عـنـدي ولانـاقــه كــل عـيـنٍ تـلـد لـعـيـن غالـيـهـا

ماثنى عـرق صـدري فـوق خفّاقـه غيـر مهـرة عقـيـدٍ عـنـد راعيـهـا

بنـت قـومٍ علـى الوقـفـات سبّـاقـه تعـرف فعولهـا .. قــدام أساميـهـا

الطـواري تمـر ابهـا عـلـى فـاقـه حي طاري الغرام !! وحي طاريهـا

بعـد غيبـة شهـر للوصـل مشتاقـه كابـرت ليـن جـاب الشـوق تاليهـا

أقبـلـت للـقـاء والـعـشـق تـوّاقــه كـل غـصـن إيتثـنـى مــن تثنيـهـا

خلّت أطول ظفايرها علـى الساقـه كنّـهـا الصـبـح واللـيـل امتقفّيـهـا

غيمـةٍ مـن حقـوق الوسـم منسـاقـه دكّهـا البـرق .. وأشتبـت مثانيـهـا

أستباحت حشاي !! وقـدّت ارواقـه وأمطرت في ضلوعي .. عز واليها

قالت : البعد هزّ الغصـن واوراقـه قلـت : حبـلٍ خـذا الدلـو بعراويهـا

أعطـي الطيـر حريـتـه ومسبـاقـه ودّه يصـيـدهـا .. والاّ يـخـاويـهـا

لكن ( الورده الحمراء ) من الباقـه أخذي العمر يفداك .. وعطينيها !!


جفول الريم !!


الصدر ممحـل غـرام .. ومرتـوي صـدّه والعين غصـن السهـر فيهـا ثنـى عـوده

لـولاي رجـل ٍ محـد وايــق عـلـى ســدّه فضحني الشـوق فـي باسـه ومجهـوده !!

أدلّــه الـبـال بـيـن الـضـيـق والـشــدّه الـوقــت دوّار .. والأعـمــار مـحــدوده

لــو كــل واحــد يـجـي ودّه عـلــى ودّه ماطـال صبـر العقيـم لشـوف مولـوده !!

راعـي القناعـه ليـا مــن الـزمـن حــدّه يرضـى بحـظ ٍ ذخــر جــوده ومـاجـوده

يابـيـض الأحــلام لاتمسـيـن مـسـودّه !! بشايـرك فـي نواصـي الخـيـر معـقـوده

حـي الله اللـي عليـه القـلـب مــن مــدّه كـنّـه سـحــاب ٍ يـمــد يـديــه لـلـسـوده

أبطـى وحــس الضـلـوع يـقـول لابــدّه رجله على الدرب !! وعيونه على العوده

إيّ بالله أقبـل جفـول الـريـم مــن قــدّه يشـيـل روض الـجـمـال بـكـامـل وروده

كنّـه بيجـزم ولْــه !! وأنــا عـلـى حــدّه وأغضيت شوفي يمين شوي .. ياكوده ..

.. إليـا تمثنـى قـفـص صــدري ولا ردّه ما ياخذ القلب فـي رمحيـن مـن سـوده !!

اللـي قـلـوب أكـثـر العـشّـاق فــي يــدّه تسـعـى لغايـاتـه .. وتطّـمـح لمقـصـوده

لـو كـان ماهيـب ورث ابـوه عــن جــدّه لكـنّـهـا كـســب حـجـانـه وعـنـقـوده !!

سلمـتـه الــروح وأغليـتـه عـلـى الـبـدّه يرعـا مفالـي حشـاي .. ويـارد عــدوده

مـن كثـر مـا أتـوق لــه وأغلـيـه وأودّه تنقـص مقامـات بعـض النـاس مـن زوده

علـيـه الأشــواق .. مـحـتـرّه ومـبــردّه ويلـي علـى نفحـة النسنـاس مــن نــوده

ما والله أقسى على العاشـق مـن الصـدّه الا أن كـبـده بـحــد الـمــوس مـقــدوده

لكـنّـه العـشـق لامــن زاد عـــن حـــدّه يـاكـثـر مـايـاخـذ !! ويـاقــل مـــردوده

أن حطّـك براسـه .. ونـواك مــن جــدّه مايحـتـرم نفـسـه !! ولايمـسـك حــدوده

فيه التناقض وجمـع الضـد مـع ضـدّه !! حاجـات معدومـه .. وحاجـات مـوجـوده

الله عطا (السوده) اللـي ماعطـا (جـدّه) والله عطا (جدّه) اللي ماعطـا (السـوده)


بعض ممّا لدينا !!


علـى الله كــل شــي ولاعليـنـا سـوا أنّـا نذكـر إسمـه ماحيينـا
نسالـه جـوده وعطـفـه ولطـفـه يسامـحـنـا ويـعـفـو ويـهـديـنـا
إلــهٍ رحمـتـه تـسـبـق عـذابــه عسـى ظلّـه مـن النـار يحميـنـا
مـدام بضاعـة الشاعـر قصيـده تجـي فـي يــوم وتخـلـد سنيـنـا
يجـوز العـذر فـأيّـة حـاجـه الا (هـل الغلبـا) وواجبـهـا عليـنـا
لـحـد يغتابـنـا عـمــد وجـهـالـه فنجهـل فــوق جـهـل الجاهليـنـا
ليـا زامـو هـل العـيـلات زمـنـا ونـبـطـش بالـمـعـادي لابلـيـنـا
قبل لا أرجعك لا أصلك وفصلك تعـال أعلمـك يـا ابــن اللذيـنـا
تراك اللي نسيت اسمك رباعـي وحنّـا اللـي علـى بالـك طريـنـا
لـنـا الأيــام والتـاريـخ يـشـهـد علـى المجـد اعتدلنـا وأستويـنـا
مايزعلنـا لامـن الشمـس غـابـت ولابـــه فالـسـمـا الا نجمتـيـنـا
تعـلـت فـوقـنـا وانّـــا تحـتـهـا وهـي مـن حيـث ماتبـدي بديـنـا
يزعلـنـا نــزوح البـحـر عـنّــا وهـو مـن دمـنـا سـاحـل وميـنـا
لو اعطى الناس مرجانـه ولولـه ماعـلّـمـه العـطـايـا الا يـديـنـا
ولامـن الـعـرب قـامـت تفـاخـر مافيـهـم حـاجـةٍ ماهـيـب فـيـنـا
ليـا قـالـوا هــذا الـرجـال مـنّـا نقـول الضلـع هـذا مــن حديـنـا
هــل الــردّه مجمـلـة المـواقـف يـعـدْي الـمـوت معـنـا لاعديـنـا
هـذاك الوقـت يـوم ان الذيـابـه معيشتهـا عـلـى الله ثــم عليـنـا
تنـشّـد كــل قــاع وكــل شـبـرٍ نزلتوا به ورحتوا يـوم جينـا ..
سحـاب ٍ بارقـه بيـض الهنـادي وعزاويـنـا رعــوده لاعتزيـنـا
أشاويـس ٍ علـى حـوض المنايـا وردنـا مـن صطرنـا وأرتويـنـا
مخليـن العـيـوف مــن الـعـذارا تعـنّـس عـنـد أهلـهـا تحتـريـنـا
فعـايـلـنـا تـنـومــس لافـعـلـنـا ونـوايـانـا نـزيـهــه لانـويـنــا
هـذا حنّـا وكــل الـلـي تشـوفـه على كثره .. بعض ممّـا لدينـا !!


وش يبي !!


الـحـزن ظـالـم والليـالـي مظـلـمْـه بين الضلوع العـوج يمشـي ويحبْـي
عـن لايمثنـي ثومـة الصـدر قـدمْـه أنـا دخيـل الله وفـي وجــه النـبْـي
لاصـار يصحبنـي قـريـن وملهـمْـه وأعشق عيون الطير وهيـام الظبْـي
بأمشي وأنـا مغـرم ونفسـي مرغمـه مـاقـل مجـهـودي ولا بــان تـعـبْـي
مــن عـلّـم المشـتـاق مــا لايعلـمْـه ماعلّمـه عـنـد إحتيـاجـه وش يـبْـي
ياصاحـبـي تــل الصـبـاح بمقـدمْـه والصيـت والتاريـخ والمجـد الأبْـي
مايجـرح القـلـب العـزيـز ويظلـمْـه الا غـــرام الأجـنـبْــي لـلأجـنـبْـي
ياحشـمـةٍ ماشفتـهـا فـــي مسـلـمـه وياغـيـرةٍ ماهـيـب فــي دم عـربْـي
تمـعّـن وقــدّر شـعــوري وأفـهـمْـه لاتسـهـج فــؤادي وتسبـانـي سـبْـي
مـن فتنـة البسمـه وسحـر السلهمْـه يـادوب شالتنـي مـن القـاع ركـبْـي
واللـي حبـاه الله نعـومـه وأكـرمْـه يـجـي يـبْـي حـاجـه وكـنّـه مايـبْـي
قـدام ينطـق حـرف واحـد مـن فمْـه سلّمـت كـفّـه لحيـتـي قـبـل شنـبْـي
حتى عرفت ان الدلع (طبع) و(سمْه) يضحك بها واحـد ذكـي علـى غبْـي
عينـي شفـاويّـه وكـبـدي مضـرمـه علـيـك ياحـلـم الـحـيـاه ومطـلـبْـي
يفداك من تاطـا علـى الأرض قدمـه حبيبي انت وعالمي وأمّـي وأبْـي !!


الغرو الفروع !!


الجـفـول الـلـي تـوايـق عـلــى حـــدب الـضـلـوع حــوّلــت بــيــن الـحـنـايـا .. وانـــــا خـلـيـتـهـا

تــدلــه بـقـفــر الـمـفـالـي بـقـلــب ٍ فــيــه روع ومــن حـذرهـا !! شــوف عيـنـي لـيــا لديـتـهـا ..

جـــازي ٍ تـرعــى السـراجـيـف وتـفــز وتـفــوع تسـتـذيـر مـــن الـهـبـايـب .. ومــــن تنهـيـتـهـا !

إن تـــوارت قـلــت : لـبـيـه يـالـغـرو الــفــروع وإن تـعـالـت قـلــت : يـاعـزّهــا .. ياصـيـتـهـا !!

الـهـواويــه عــلــى بـيـتـهـا مــثـــل الـجــمــوع كنّـهـم ( وِرِد ٍ عـلــى غـــب ) .. والـمــاء بيـتـهـا

مـايـطــرّون إسـمــهــا الا تـسـابـقــه الــدمـــوع مــــن عــيــون ٍ تـطـلــب الــقـــرب يابلـفـيـتـهـا

إن بـاقـي مـــن رجـاهــا عـلــى تـالــي الـسـبـوع ســاعــة ٍ مـايـنـعـرف حـيّــهــا مـــــن مـيـتـهــا

أفطمـتـنـي عـــن ســواهــا !! وخـلـتـنـي قــنــوع مـابـعـد حـبـيـت لـــي نــفــس مــــن حبـيـتـهـا !!

يـاوجــودي والــوعــد لـيـلــة ٍ قــبــل الــربــوع كـــل ٍ أمـسـاهـا وأنـــا سـاهــر ٍ مـــا أمسـيـتـهـا

قلـبـهـا نـــار ٍ تــواقــد .. وأصـابـعـهـا شــمــوع تحـتـريـنـي فــــي وعــدهــا وأنـــــا مـاجـيـتـهـا

إستماته !! خوف !! رهبه !! ضما !! تشتيت !! جوع غيـرهـا أشـيـاء لـــو أعـــرف إسـمـهـا سميـتـهـا

الحظـيـظ الـلـي تهـيّـت لــه الدنـيـا ب" طـــوع " دلّــهـــا قـبــلــي وأنـــــا تـــهـــت مـادلـيـتـهــا

كــل عـمـري عـشـت بــه .. مـاعـدا ليـلـة ربــوع إبــتـــدت يـالـيـتـهـا .. وإنـتــهــت يـالـيـتـهـا !!



سلـّة السيف !!

سولف على النـوّار والنـود والريـف همسك رشاش !! وضحكتك برق غيمه

تمطر على البيداء من السيف للسيـف أربـع ليـال .. وخالـف السيـل ديـمـه

منها الغصون تصير خضر ومواريف مـن عقـب ماكانـت يـبـاس وهشيـمـه

سولف .. وبعّد عن حشاي التحاسيـف و دكّ الهجوس اللـي بصـدري مقيمـه

مـن شفتـك ياحلـو طـعـم السوالـيـف القـلـب طـيّـب .. والنـوايـا سلـيـمـه

عطني من أعماقك ثلاثٍ علـى الكيـف تـرا لهـن فـي وســط قلـبـي خريـمـه

واغفايـتـي بـيـن الثنـيـن الموالـيـف ضمّـة غـلا .. فيـهـا ميـانـه وشيـمـه

فـي ساعـةٍ ماهيـب واقـع ولا طـيـف أعـــود مـعـهـا للـسـنـيـن الـقـديـمـه

وأنـا مـن البـارح عيـونـي ملاهـيـف عـلـى رغــد هــاك الـقـوام ونعيـمـه

اللـي وصوفـه غيـر كـل التواصيـف عـيـنٍ روت منـهـا !! وعـيـنٍ محيـمـه

ياكيـف أببـدا فيـك والا أنتهـي كيـف وأنـت العديـم اللـي وصوفـك عديمـه

ريـان عــودك يانحـيـل السراجـيـف شــيٍ يـفـرّج لــه !! وشــيٍ يضيـمـه

والجمرتيـن اللـي تحـت سلّـة السيـف والشـامـه الـلـي جـاورتـهـن يتـيـمـه

علـى صبـاحٍ بـان فــوق المشـاريـف بـيـان نــور الـحـق فــوق الظلـيـمـه

ومجـدلٍ مـالـه عـلـى أحــدٍ معـاريـف الا يـديــك الــلــي تـلـيّــم عـتـيـمـه

الفقـر .. ماهـو فقـر قـل المصاريـف الفـقـر فـقـر الـلـي ماحـطّـك نديـمـه

خذنـي ودثرنـي عـن الـهـم والحـيـف معـك .. أحـس لبـاقـي العـمـر قيـمـه

الشـوق يمطـر فالضـلـوع المهـاديـف أربـع ليـال .. وخالـف السيـل ديـمـه


صدر الثريّا !!


ياصاحبـي علـى كثـر مـا أجتنبنـا درب الخطيّـه .. تعترضنـا خطيّـه

ونصـد عنهـا مـن شيمـنـا وأدبـنـا مـدامـت النـفـس الغـنـيّـه غـنـيّـه

ماكل من يخطي رخـص لـه عتبنـا الـنـاس مختلـفـه مـقــام وهـويّــه

أحــدٍ ثنيـنـا دون قـــدره ركـبـنـا وأحـدٍ علـى قـدره ســلام وتحـيّـه

لاصار مـن خيـر المناسـب نسبنـا وعزومنـا الصلبـه مهيـب الطريّـه

نـمّـن ويـامـن خـوفـنـا مارهـبـنـا الا وعـيـد الله .. وحـجّــة نـبـيّـه

حنّـا عـلـى صــدر الثـريّـا كتبـنـا أسـمٍ لـيـا شفـتـه نسـيـت البقـيّـه

نزهـى مناصبنـا !! ونزهـى رتبنـا ولاخذينـا الفعـل الأبـيـض حـذيّـه

متوارثينـه ورث ( الآبـا للأبـنـا ) وصـيّـةٍ ياحـيّـهـا مـــن وصـيّــه

والـلـي لمـدعـاة التفـاخـر جذبـنـا صوتٍ من أصوات القصيم الشجيّه

فـرض علينـا الإحتـرام وغصبـنـا مــن زود تقـديـره نـقـدر سـمـيّـه

ياصاحبـي تعـبـت شــوق وتعبـنـا الـحـب شـددنـا .. وشــدد طـمـيّـه

عشـاق عصـرٍ شـتـت الله شعبـنـا نطـرق لنـا أبـوابٍ عليـنـا خفـيّـه

جيـنـا نـدربـي روسـنـا ماحسبـنـا كــم بــدويٍ طــاح عـنـد بـدويّــه

مـحـدٍ عـلـى قـفـا يديـنـا ظـربـنـا من خاطـرٍ راضـي ونفـسٍ رضيّـه


يامال الذهاب !!


ليتـنـا ياصاحـبـي نقـضـي الدنـيـا شـبـاب كــان أعيّـفـك المحـبـيـن قـبـلـي وبـعــدي

لـكـن الـلـي قـدرتـه ماتغطيـهـا الـسـحـاب خـلّـت الأعـمـار تـاقـف والايـــام تـعــدي

أعـرف إنّـك مـن تـراب ومــردّك للـتـراب خلّـك اللـي يُخلـق إنسـان ويمـوت أجــودي

الوفا فـي الحـب مثـل الأمانـه فـي الرقـاب مـلـتـزم فـيـهـا سـنـافــي وخـايـنـهـا ردي

وأنـت حـاول تحفـظ الـود ياسمـح الجنـاب مثـل مـا بـلادك تحفـظ الجمـايـل لبـلـدي !!

لاتغـيّـرك الليـالـي .. ويـغـريـك الـغـيـاب وتحدانـي !! والجفـا مـنـك حاديـنـي حــدي

نبض قلبـي يـوم ودّا .. ونبضـه يـوم جـاب مايقـول : الا عـسـى الله يسـامـح ويـهـدي

عـد غلطاتـك علـى يـدك وأحسبهـا حسـاب إنسها .. ومسامحـك .. وأذبـح لنفسـك فـدي

كـود ذيـك الغلطـه اللـي تعـاب وتستـعـاب غلطـةٍ ضيّعـت عمـري وراهـا وجـهـدي !!

طعنـةٍ مـن سيـف عنتـر ومـن شلفـا ذيــاب تنتهـي بـيـن الضـلـوع القـصـار وتبـتـدي

ماهقيتـك يـوم الأجـسـاد تستـرهـا الثـيـاب بالجفا عريت صبري ؟! وعريت جسدي ؟!

ليه ؟؟ وأنا اللي عشانك تحديـت الصعـاب وفـي دروبـك متعـب أقـدام رجلـي بالعـدي

إن ضوانـي اللـيـل سريتـهـا بلـيـا ركــاب وإن نويت سهيـل .. وجهـت وجهـي للجـدي

من عذابي كل خطوه !! وخطـوه مـن عـذاب الليـالـي سـرمـديّـه !! ودربـــك سـرمــدي

وين أيمم شوف عينـي وأنـا اخيلـك سـراب كـل ماضميـت زولــك تـلاشـى مــن يــدي

مـذهـبٍ حـالـي بطـاريـك يـامـال الـذهـاب مابقـى فالقـلـب مــن سبّـتـك عــرقٍ نــدي

ليـت مايفتـح علـى بـاب شعـري منـك بـاب لاتثاقـلـت اجلـسـاي .. وجفـانـي مـرقــدي

وأرسمـك قـدام عينـي علـى صفحـة كتـاب وأنـت بيـن السالمـيّـه .. وبـيـن الأحـمـدي

إن نسيتك .. فأعرف إنّـي مـوارا فالتـراب وإن تذكرتـك .. عسـى الله يسامـح ويهـدي

وان تعدتك المشاريـه .. وأخطـاك العتـاب أعرف ان منتب سنافـي !! ولانتـب أجـودي



كبار السوالف !!


يابـنـت يالـلّـي مـالـك اشـبـاه .. يالـلّـي مكاحـلـك ســودا .. ورمشيـنـك طــوال

و وجهـك بشـوش .. وحاجبـك مسفهـلّـي وخصرك نحيـل .. وقـدّك أهيـفّ وميّـال

وعنقـك طويـل .. ونـافـر .. ومستقـلّـي وصـدرك هنـا فنجـال .. وهنـاك فنجـال

وسـوالـفـك مـعـهـا البـشـايـر تِـهِـلّــي أعذب من النسمات .. وأطيبّ مـن الفـال

وطبايـعـك .. لا يــا بـعــد كـــل مـلّــي أحلى من أحلى شـي يطـري علـى البـال

أطهـر مـن القـلـب الخـشـوع المصـلّـي وأصدق من الضحكه على وجيه الأطفال

فـتـنـة حـــلا .. مـافـيـك شـــيٍ يـمـلّـي مـن جرّتـك فـالأرض لـي حـبّـة الـخـال

ويـقــي مـــن رواق الحـنـايـا وطـلّــي عـلــى مـكــانٍ مـانــزل فـيــه نــــزّال

ضـلـعٍ يـرحــب بـــك وضـلــعٍ يـهـلّـي تربـعـي وسـطـه مــن الـجــال لـلـجـال

لرضـاك تـرخـص وقفـتـي فــي محـلّـي ودمــوع عيـنـي لا تـذكـرت الأطـــلال

مـــدام مطـلـوبـي رضـــاك وحـصـلّـي والله لأبـيــع أبـــو ريـالـيـن بــريــال

دوسـي عـلـى روس الـظـروف وتعـلّـي وبيـعـي لـزولـي ماعرفـتـي مــن أزوال

يـاتــل قـلـبـي مـــن عـراويــه تــلّــي بين المفارق .. والظما .. واشهب الـلال

أن كـان جيتيـنـي .. فـأنـا جـيـت كـلّـي وأن كان رحتي .. يالله أن ترحم الحـال

وألـيـا نـقـص قــدر الـغـلا ربــع مـلّـي غـنّـي عـلـى فـرقـا المـوالـيـف مـــوّال

وأخـذي مــن كـبـار السـوالـف وخـلّـي مـاكــل رجـــالٍ يـعـوضــك بــرجــال


تدل بيت أهلها !!


حبيبتـي.. وشلـون اصبّـحـك بالخـيـر وأنتـي صبـاح الخيـر والخـيـر كـلّـه

صبح الندى والعشب والغصن والطير وصبـح الغيـوم الـلـي عليـنـا مطـلّـه

أنتـي صباحـات السعـد .. والتباشيـر عـلــى وجـيــهٍ بـالـرضـا مسفـهـلّـه

دامك صباحـي ويـن مـأروح و أسيـر والله مــأدوّر فــوق راســي مـظـلّـه

جيتي و صارت لك ضلوعي جماهيـر ويـتـل منّـهـا شـوقــي الـلــي يـتـلّـه

ومـدام جيتيـنـي فـأنـا حـالـي بخـيـر لـو كـان جرحـي مـا أسترتـه الأجلّـه

جيّتـك هـذي غيـر وأنتـي بعـد غـيـر جيّـتـك مـثـل الـوسـم لاجـــا فـحـلّـه

تـزهـر بـهـا قيـعـان قـلـبٍ مـداهـيـر وتـــرد مـعـهـا روح خــــلٍ لـخـلّــه

يامرحـبـا يأغـلـى وأعــز المسايـيـر وأغلى المشاعر ( بيـت اهلهـا تدلّـه )

عــروق قـلـبـي لـــك دلالٍ مبـاهـيـر صفيتـهـا دلّـــه .. ودلّـــه .. ودلّـــه

تربـعـي بـيـن الـحـشـا والازاريـــر وأخـذي علـى ترويقـة البـال .. فـلّـه

والا أصبري .. بأطيّر القلـب تطييـر وأنتـي تعالـي وأجلـسـي فــي محـلّـه

سقت الغـلا لـك ... والنوايـا مغاتيـر ولاهمّـنـي حـقــد الـقـلـوب المـغـلّـه

مدري صباح الخير والا مساء الخيـر بـس المهـم أن وجـهـك الخـيـر كـلّـه




عسى حياتك طويله !!


الصـاحـب الـلـي مايبـيـنـي ولا أبـيــه يخلـي سبيلـي مـثـل مــا أخـلـي سبيـلـه
مـالـي مشـاريـهٍ !! ولا لـــه مـشـاريـه لــو أنّــه أقــرب واحــدٍ فالقبيـلـه .. !
أن جـاء مثـل غيـره عسـى الله يحيـيـه وأن راح ماعلـقـتـهـا فــــي شـلـيـلـه!!
مانـي رفـيـق مصـاحـب الـلـي يوالـيـه مـتـاهـةٍ يـضـيـع فـيـهــا الـدلـيـلـه !؟
خـوّة نهـار .. وضحكـة وجيـه لوجـيـه تبـيـعـك وتـشـريـك بـأهــون وسـيـلـه
والرجـل عـن صلـف الهبـايـب يـذريـه ( ثنتـيـن ) مــال لثانيتـهـن بـديـلـه ؟؟
مـن الجبـال ( الـلـي طــوالٍ مراقـيـه ) ومـن البشـر ( وريـث مـجـد وسليـلـه )
ياخـذ عـمـس خـاطـر رفيـقـه ويعطـيـه قــدرٍ عـلـى راحـــة كـفـوفـه يشـيـلـه
تطـري علـي ( الأوّلـه ) عـنـد طـاريـه وأذكـــر مـواقـفْـه الـجـسـام الجلـيـلـه
يــوم أن ( حــزات الشـدايـد ) تسمـيـه ( مـتـن الحـمـول ) الكـايـدات الثقـيـلـه
الـلــي لـيــا مـنّــي تـبـيّـنـت أنــاديــه يبيـع عشـر سنيـن مــن شــان ليـلـه !!
يقول لي : ( أبشر !! وحاضر !! ولبيه ) وأقول له : ( عسـى حياتـك طويلـه ) !!



ضحكة الوسمي !!


تهـنّـفـي بـشـويــش يـاشـيـخـة الـغـيــد يـامـا علـيـك أتـــوق يـامــا و يـامــا !!

قـدمْـك لا قـبّـل ثـــرا الـقــاع والـحـيـد خطوه على غيمه وخطوه على ( على ما )

تشـربـك الارض وتـرتـويـك العنـاقـيـد لـيـن الغـصـون مــن الهـبـايـب تـوامــا

ياضحـكـة الوسـمـي عـلـى غــرّة البـيـد لا قــام ضحـضـاح الـســراب إيـتـزامـا

مـيـلـي بـعــودك لـلـقــاء والـمـواعـيـد وأعتـدلـي بـطــاري مـواصــل و لامـــا

وتـسـامـي وعـــدّي حــــدود التـقـالـيـد وأنــا بصـافـح راحـتــك وآتـسـااااامـا

نـنـثـر تـبـاريــح الــولــه والتـنـاهـيـد ونجـمـع سـوالـيـف الـنـفـل والـخـزامـا

قبـلـة حــلا كـلّـك مـــن الإيـــد لـلإيــد ديـمـومــةٍ مـنّـهــا الـجـمــال إيـتـهـامـا

إطـلالـتـك ماكـنّـهـا الاّ ضـحــا الـعـيـد لا لاح نـــوره فـــي عــيــون الـيـتـامـا

لـو ينكشـف صبحـك مـن الـراس للجـيـد ويـبـيــن لــيــلٍ لـلـهـبـوب إيـتــرامــا

والـلّـي خلقـنـي مـانـي بمـطـلـق عـبـيـد إن كـــان مـاضـاعـت عـلــوم النـشـامـا


ضيقة صدر !!


افرد لي يديـك و احظنّـي علـى شـان اروووق تراني اشعر من الدنيا ب ( ضيقة صدر ) ..!!

ياودّي أغفى علـى صـدرك ولا عـاد افـوووق فــي ليـلـة ٍ نـارهـا سـمــر وقـمـرهـا بـــدر

آراقـب الوقـت ويدينـي عـلـى الجـيـد طــوق ولا دقيـقـه غــدت مـنّـي فــوات وهـــدر ..!!

أنـوي واسـوّي وامـارس كـل حـاجـه ب ذوق وانـت تعـرف كـل نيّـه فـي طرفهـا غــدر !!

تــدّي الامـانـات ل آهلـهـا وتــدّي الـحـقـوق عـلـى حـسـب طـاقــة المـحـتـاج والمـقـتـدر

أنـزل ل تفاحتـك وأرقـى ل جـمـرك وأذووق أشــوف ريـقـك خــدر والا بـعـد مــا خـــدر

فـي ساعـة ٍ ترتـوي فيهـا عطـاشـا الـعـروق كـنّــا مـــن الله طلبـنـاهـا ب لـيـلــة قــــدر

ما قبلها غير ( رغبه وأندماجـه وشـووووق ) ولا بعدهـا غـيـر ( سامحـنـي عـلـى مـابـدر )

دام اللقـا ( كنـز ) وذراع الليالـي ( سـروق ) لو نظمن ( الحب ) يبقى ماظمنّـا ( القـدر ) !!

أنا معي حظ لامـن قلـت لـه : فـوووق فـوووق من كثر سـوّه يحسـب أن فـوق تنـزل حـدر !!



فرعونة الحسن !!



ف( البال ) بنت ٍ عجـزت أسـج وأنساهـا حروفـهـا فــي جــدار القـلـب مرسـومـه
من ( ليلـة وصالهـا ) لا ( يـوم فرقاهـا ) ميـلاد حـبٍ عسـى يـومـي قـبـل يـومـه !!
لجل رضاها رهنـت العمـر ل( رضاهـا ) والا البـشـر بالبـشـر ماهـيـب مـلـزومـه
فرعونـة الحسـن .. مـن فــدوة محيّـاهـا.. ..حـيـاة روحٍ عـلـى روحـيــن مقـسـومـه
تربّـت ب( حضـن ) شايبـهـا .. وخـلاهـا من ( عمرهـا يـوم ) .. دلّوعـه ومحشومـه
مـحـد يتـجـرّا يحاسبـهـا عـلـى أخطـاهـا دايم تجي ( ظالمه ) وتروح ( مظلومه ) !!
ماهمّـهـا لــو تصـيـر آخــر ضحايـاهـا.. ..نفـسٍ مـن الصبـر والسلـوان محـرومـه
يجنح بي الشـوق .. وأعـوّد ل( ذكراهـا ) لـعـل يسـقـي زمــان الـوصـل ديـمـومـه
غنيـت ( دنيـا حظـوظ ) وحظّـي أسـواهـا حتـى يدلّـك وأنـا فــي سـابـع النـومـه ..
.. لازارنـي زايـر الفجـر ب( هداياهـا ) يدركنـي الصـبـح قــدام أخــذ علـومـه !!




أحلام الحياه !!




بدا الشاعر اللي نبـرة الحـزن فـي مبـداه وسـلّـم يـديـه لـوجـه ربّـــه وناصـيـتـه
علـى راس رجـمٍ خالـي الـبـال مايـرقـاه والأنسـام تلعـب فــي شمـاغـه وطاقيـتـه
وقـف وقفـة اللـي باقـيٍ يـوم مـن دنـيـاه ولمـح غالـي أحـلام الحـيـاه متعديـتـه !!
رقا بإنكساره .. وإلتفاته .. ودمعه .. وآه وحوّل بضيقه .. وإستماته .. وتنهيتـه !!
نصيبـه متاهـاتٍ مـن الـبـؤس والمـأسـاه هـذيـك متنطـحـتـه !! وذيـــك متقفـيـتـه
يـوم أن الغـلا جـزّه بسيفـه مـع المثـنـاه تقـفـاه وقـتــه مـــن خـلافــه بجنبـيـتـه
وليفي عساني لـو عدمتـه ماعـدم أرضـاه ولا أعـدم نبـاه !! وميلـت القلـب ناحيتـه
سقـا الله ليـالـي عوّدتـنـي عـلـى لامــاه طريقـي علـيـه ووقفـتـي عـنـد ساريـتـه
قبـل تفتـح الدنيـا عيونـي عـلـى ذكــراه وأنـا ماغفـلـت وغفـلـت الـشـي ماريـتـه
ليا أمسيـت فـي قطـع الخـلا مانـي بويـاه ولا العـيـن شايفـتـه ولا الإذن موحـيـتـه
الا يـاوجـودي مـــن فـراقــه ويـاعــزّاه وجـود الوحيـد اللـي شريـدة عـرب بيتـه
هو الله عطاه الصبر عنّـي !! وانـا والله مـأخـلّـي جـــدارٍ مـأتـلـوّا بـزاويـتــه !!
عسـى الله يبـرّي ذمتـي مـن خطـا فرقـاه كثر ما أنتظرتـه فـي الـدروب وتحريتـه
تــدور السنـيـن وكــل مـاقـدمـه يـلـقـاه الأيــام عـجـلـه وأرذل الـعـمـر تالـيـتـه
تعرف المصايـب مـن تحنّـه ومـن تـدراه مثـل ماتعـرف اللـي تـروح متوطيـتـه !!
الإنسـان ودّه ينحـرم مـن ( رغـد دنيـاه ) ولاينحـرم مـن ( نـور عينـه وعافيـتـه )



النفوس الفقيره !!


الصدر روض أشواق والشعر نسنـاس مــيّــل عـنـاقـيـده وفــــوّح عـبـيــره

ترايـعـت مـعـه الحـنـايـا والأنـفــاس وتعـطـرت مــن سيـرتـه كــل سـيـره

والشاعر اللي مرهف شعور وإحسـاس أدنــا مايلـمـس خـاطـره يستـثـيـره !!

حبيبتـي إخـذي علـومـي مــن الــراس بيـض النوايـا مــن بـيـاض السـريـره

لاتضربيـن الظـن بأخمـاس وأســداس وتفيـض روحـك بـيـن شــرّه وخـيـره

ترخين سمعـك .. والمقاريـد الانجـاس مـن خلقـت الدنـيـا عـلـى ذا الوتـيـره

يبـغـون وجهـاتـك تـقـلّـب وتـنـحـاس مـاهــوب حـــبٍ فـيــك والا بـريــره

نـاسٍ تــدوّر رزقـهـا مــن ورا نــاس وتـصـوّر الـواقـع بتـصـويـر غـيــره

اقـرب مثـل يضـرب عليـهـم وينـقـاس الـلـي يـقـول لـكــل سـايــر مـسـيـره

وظيـفـة العـسـاس فالـنـاس عـســاس يجيـب عـلـم السـيـل مــن كــل ديــره

خلّـي ظنـونـك ياكبـيـره عـلـى ســاس تبقـيـن فــي عـيـن الكبـيـر الكـبـيـره

تفائـلـي مـابــه حـيــاةٍ مـــع الـيــاس خـيـر الـحـيـاه العـافـيـه والسـتـيـره

بشاعـة الدنـيـا ورا حـسـن الأونــاس خـدامـةٍ تلـبـس لـهــا ثـــوب أمـيــره

أغلـى مـن الياقـوت واللـول والـمـاس كـرامــةٍ تـغـنـي الـنـفـوس الفـقـيـره

تعـوّذي مـن كــل نـزغـه و وســواس وتطمـنـي يـــا الـجـافـل المسـتـذيـره

قلـبٍ سقتـه كفوفـك الحـب فـي كــاس تبـقـيـن فـيــه الأولــــه والأخــيــره

أنتـي قريـنـة كــل فـكـره وهـوجـاس وأنتـي وليـفـة كــل نـبـض وخشـيـره

الـوصـل غيـمـه والمعـالـيـق يـبــاس قـــدام تـدركـنـا الـعـمـار القـصـيـره

ما أحر من عرض الشكاوي على الناس الا الجـفـا بـيـن العـشـيـر وعـشـيـره

مسكت يدك وأخذت علومك من الـراس فـيـهـا لـخـرمـان الـغــرام إتعـمـيـره