بسم الله الرحمن الرحيم
هذه القصيده وهي للشاعر "سعد بن مانع القحطاني"
ردا على الشاعر " ياسر التويجري"
لما قال : (( لا يوجد شعر في المنطقه الجنوبيه في الماضي , فكيف يوجد
بها شعر في الحاضر ))
وإلى الابيآت.....
قـال الـذي قلبـه يـزيـد إحتـراقـه
....بآجرّ بالمسحوب لجل انتسـي الضيـق
الله واكـبـر يـازمـان الطـفـاقـه
....ياكيف عاشـوا واهتنـوا ذا المطافيـق
قبـل أمـس حنـا نعلمـه بالطـلاقـه
....وليته اجـاد اصـلاً علـوم المطاليـق
ونعلمـه رمـي السـهـم وانـزراقـه
....وشفتـه رمانـا يـوم شـد المرافيـق
ياأبيـات شعـري علمـيـه بـرواقـه
....وقولي له اصحـا يانمـا انتبـه فيـق
واعـرف مـن اتكلـم ياجعلـك لعاقـه
....اهـل الجنـوب اللـي تعلّـو شواهيـق
ولاتدخـل المضـمـار دون الليـاقـه
....تـراك تسعـى ثـمٍ اتطيـح وتعـيـق
ولا لا تقـرب صـوب درب الزلاقـه
....تـراك تعسـر فالـدروب المزالـيـق
متحمـسٍ بالشعـر ولافـيـك طـاقـه
....احذر يطق العرق.. او ينشـف الريـق
وان كان مثلك جمّـع الشعـر باقـه؟؟
....فحنـا بساتيـن الشعـر والطـواريـق
وحنـا عمـود الشعـر وحنـا رواقـه
....وحنـا النوابـغ ياسـويـد المعالـيـق
يكفيك (بن جـدلان) صيـت وعراقـه
....ولاّ (علي ابن ابـلال) شعـرٍ وتنسيـق
وياطيب حرف (الحاز بي) فـي مذاقـه
....وأشعار (بـن حوقـان) دقـه وتدقيـق
ولا (بو متعـب) يذهلـك فـي سياقـه
....ولاّ (الشريف) اللـي قصايـده ترويـق
وأشعار (بـن هضبـان) فـن وأناقـه
....و (إبن عزيز) احروف شعره به تليـق
و (ضيدان) شاعر شق دربـه وساقـه
....ويعجبك (بن حمري) بقـولٍ وتطريـق
ولوني بعدّد؟؟ صـاب عمـري رهاقـه
....ابكتفـي بعشـره علـى قـد ماأطيـق
حنا أسـاس الشعـر واصـل انبثاقـه
....وقولـي تـراي موثقـنّـه بتوثـيـق
وإن جات للأنساب واصـل العراقـه؟؟
....فهـاك الكـلام اللـي عليـه المواثيـق
انسابنـا مـثـل النـخـل وانبسـاقـه
....جـذرٍ اصيل..وهامـةٍ ماهـي اتعيـق
قحطـان) منبـع للعـرب وإنطـلاقـه
....فكاكـت الانشـاب وكـل المزانـيـق)
عدوهـم مـاشـاف نـومـه وذاقــه
....بـاسٍ شديـدٍ فـي نهـار المخانـيـق
في هيجهم؟؟ مثـل البحـر واصطفاقـه
....وفي حلمهم؟؟ مثـل النهـر بالمشافيـق
و (يااام) المطانيخ اهـل عـز وطلاقـه
....تاريخ واضح مثـل شمـس المشاريـق
لاجا نهـار السيـف ووقـت انبرااقـه
....تلقى (محلف) رسيّه كما رسيّـة طويـق
و (شهـران) نبـعٍ للوفـا واندفـاقـه
....من حد (بيشه) (ل.آل . سرحان) (للشيق)
لاجـا الصديـق يقـدّرون الصـداقـه
....ولاجا العدو يمسـي قطـاعٍ وتمزيـق
و ( الاكلبـي) لـو زاد فيـه انزناقـه
....يضحك ولا همـه صـدوف التوافيـق
ولا زان شيٍ له .. وشـدّه .. وراقـه؟؟
....يجيبهـا لـو إنهـا مـن ورا بقـيـق
ولاّ ( العسيـري) كـل مـازان شاقـه
....واما الـردا ماقـط شاقـه ولا يشيـق
يامـا عـدوّه منعطـب مـن طراقـه
....وياما خويـه معتـزي فيـه بالضيـق
و (الاحمري) لاشـان وقتـه وضاقـه
....ماشـان علمـه لـو تشيـن المخاليـق
و ( الاسمـري) ماقـاد للشيـن ساقـه
....ارجال فـي درب المراجـل عشاشيـق
و (زهـران) علـمٍ غانـمٍ بإرتيـاقـه
....اصقـور بجبـال المراجـل محالـيـق
و (الغامـدي) ماجـار وقتـه وعاقـه
....يشيل حمـل المرجلـه فـوق مايطيـق
(شهـري و عمـري) جيّديـن العلاقـه
....ربـعٍ لهـم بالمجـد نـورٍ وتبـريـق
و (بللّقرن) صيـتٍ واضـحٍ بإنشراقـه
....وصلوا هِمـام ابكـل جـداره وتحقيـق
حنا الجنـوووب وكـل ابوونـا رفاقـه
....ولا بيننـا تنقيـص ولا فيـه تفريـق
يوم إن بعض الصفـق ضيّـع نياقـه؟
....حنـا نعقّـل ذووودنــا يامصافـيـق
تكرم أحـرارٍ عـن غـراب ونعااقـه
....وتكرم رجالٍ عـن هـروج المطافيـق
قبـل امـس حنـا نعلمـك بالطلاقـه؟
....واليووم صرت اتسب روس المطااليـق
::::::::::::::::::::::::::::
وسلامتكم
رد على الشآعر يآسر التويجري<<الحقو لآ يفوتكم 
العرض العادي
