وحنا صغار
وحنا صغار ..
زرعنا في تراب الحلم ... حلم ويشبه العصفور ..!
لكن طار !!
وكنا صغار ..
ويتفتّح صباح ٍ غارق بغيّه مثل تفتيحة الازهار
ولاندري متى نمنا !؟
وكم نمنا ..!
وش اللي صار !!
وصوت الوالد المرحوم : يالله قوم !
أمان ودمعة استغفار !!
وريحك يارغيف امي ..
سوالف هاااااادئه واشعار !!
وأتريق مع اخواني ..
وتتريّق عيوني وجه ابوي الدافي الحاني ..
واصك ّ زرااار !!
وآخذ ( حُبّه ) من أمي ..
وفي يدي " ربع دينار " !!
وآخذ شنطة أحلامي على اكتافي ..
واصحّي بـخطوتي درب طويل ومظلم وغافي !!
وتصحى اشجار !!
واروح امشي لـ مدرستي ..
واناديها :
يامدرستي ..!
علامك ماتنفستي !؟
سوالف طفل ضحكاته أناشيد وغنا وامطار!
متى نرحل عن اسوارك ..
بعد ماكنّا شطّارك ..
نبي مره ولو مره نحس ّ إنّا غدينا كبار !!
هِنا كانوا لي اصحابي ..
هِنا ضاعوا مع العابي ..!
هِنا ياكم نخبّي من براءة فـ علبة الأسرار !
وصرنا مثل ماكنّا إنتمنّى !!
والغريب اشـ صار !!
رجعنا كبار تنمنى لو إنّا بس بقينا صغار !!
شاعر أنا ياحنين الأمس محتاجك
....................... أبغاك لامن طرقت الباب .. تفتح لي !
مشتاق والله كثير لراحة إزعاجك
....................... مشتاق أحسّك مثل ماكنت تفرح لي
ماتذكر الحلم يوم ينام بـ ادراجك
....................... تعال فسّر غيابه ليه !؟ واشرح لي !
مشتاق أداعب بحرك وألمس امواجك
...................... مشتاق ألامس عميقك وانت تسبح لي
تعال واشعل بصمتي كلمة سراجك
..................... تعال لكن إذا ماجيت لك ... رح لي !!
ماجيت أجمّع جروحي قاصد احراجك
..................... جيتك أببكي وابيك الحين تسمح لي !!
بـ بكي على الناس والإحساس لاماجك
.................... بـ بكي على الموت يوم إنه يلمّح لي !!
بـ بكي على الجوع والموجوع لاداجك
................... بـ بكي على الكون والمدفون في وحلي !!
بـ بكي على الروح والمجروح لا هاجك
.................. بـ بكي على الحب يوم الحب لوّح لي !!
ياخطوة الحلم نامي وسط ديباجك !
.................. وإلا اتركيني .. وخليّ الدرب . وارتحلي !!
الموت لامن بكيت وجيت .. محتاجك !
................. وطرقت بابك .. ولابه ناس .. تفتح لي !!
واروح اشرب .!
هوى ذيك البراءة .. وابكي ..
و .. أهرب
وين كانت
ياصبـاح اعيونهـا اللـي يحترينـي
قبل هذا اليوم ... قلّي وين كانت !؟
طفلة ٍ آشوفهـا.... بينـي وبينـي !
وين مالدّيت .. بالأنظار .... بانـت
طفلة ٍ ترحل معـي وتحـل .. فينـي
في سبيل الحب ما لحظه .. توانـت !
جيتها ماشوفها ! من دمـع عينـي !
أشتكي دنيا قست مايوم ... لانت !
قلت مدري وش أبي ! لكن عطينـي !
وامسحت دمعي وقالت : أص هانت !
جيتها ترجـف مـن اللهفـة يدينـي
ورحت ولسان الخفوق يقول زانت !
علمتني بالغياب .. انشـد حنينـي !
واذكر إنه قالي : كانت .. وكانـت !
طفلة ٍ أشوفها .. بينـي .. وبينـي !
وين مالدّيت بالأنظار ..... بانـت !!
.. (( ضوى )) .. !!
ماضواك الشعـر ... ياقلـب الخيـال ..!
ولانصيتك ...... قاصد ٍ منّك .... دوى !
شاعـرك مجنـون ... لاميّـل اعقـال ..!
كيف أجل ..... ( لاحب) واغواه الهوى !؟
إيه قافي .. ذيب ! ... ياإبـن الحـلال ..!
يدهش الإحساس .... لامنّه ... عـوى !!
جيت أذوّق حضرتـك شعـر ٍ زلااااال ..
واسمعه لاجيت أغنّى في ...... " ضـوى "
غادة ٍ لامن مشـت شـارع ... تعـال !
شوف وشلون " الحجر " ! يقلب هوى !!!!
كل هذا لاجـل ..... لاجاهـا مجـال ..
وشمّت انفاسه يجـي " معهـن " سـوى !
والزهر لاميّلت مـن صـوب ... مـال !
ولابعدت عنّه ... تنهّد ! ....... ثم ْ ذوى !
وحبتين التـوت ... بيـن .. / البرتقـال !
أذكر إن الغيم .... سمّاها .. / الـدوى !!
ولاحكت .. ( هذي ولا فيها جـدال ) !
تطبخ اعصابك على..... جمـر النـوى !!
أصعب من السهـل .. فـي كـف المحـال
وأسهل من الصعب .. في قلـب ٍ هـوى !
أذكر إنه دار .... فـي ذهنـي سـؤال !؟
( أرتوى !؟ يمكن ! ... لا لا ! مارتوى ) !!
ثوبها اللـي ينعـم ! بـعـز ... ودلال !!
واااااهنيه بس ! ...... ملعووون الثـوى !
كل شـي ٍ لامشـت .. تمتـم ! وقـال !
( ودك إن كل النسا ...... تشبه ضوى ) !!
مساكين
والطريق ..
كم بكاني يوم .. جافاني الرفيق .!
كم ندهني يوم ..
بعيوني تضيق :
كل هالدنيا .. الوسيعه !
وعمري الذابل .. ربيعه ..
وصدر من قالوا : ( صديق ) !
والرحيل ..
كم يلوّح لي ورى .. الهم ْ الثقيل !
كم صرخ لي " ليلك الليلة .. طويل " !
والشقا .. درب ومسافة !
و( المسا ) .. مخلوق ( آفه ) !
وصبري الباقي .. قليل !
والغياب ..
كم طفل ٍ ... داخل احشائي .. أذاب !؟
كم جرح ٍ .. ماسلم منّه ..
وطاب ..!؟
كم يعلمني .. أحن ّ !
واطلق آهاتي .. واون ّ !
واكتب .. بدمعي .. الـ عذاب !!
بقّيت لي بغياب روحك ... مساكين !
...... عيني .. وقلبي .. والأمل ... والأماني !!؟
كنّ الثواني ... في غيابك سكاكين !
...... ليتك تذوق شوي .... / طعم الثواني !
القلب ماهو قلب والعين .. مو عين !
...... حتى مكاني ... ماأحسّه ... / مكاني !
شفني على جال السهر أنطرك لين !
...... حسيت بان الجال .. / يصفق عشاني !
مديت قلبي ! قبل لاآمدّ ...... يدّين !
...... وطلبت كلي ! . قلت : جالك .. هذاني !
قلّي دخيلك بس ابلقاه .... من مين !؟
...... من غيبتك .. بلقاه !؟ أو من ... زماني !
والحين شفنا وين !؟ .. واحلامنا وين !
...... ضعنا اندوّر ... للسعادة ....../ مواني !
وش بيننا !؟ إلا التعب واسود البين !؟
...... وشي ٍ لعب في حسبتي .. واحتواني !
كل شي بكاني من غيابك إلى اللحين !
...... حتى عدوي ! .. من غيابك ../ بكاني !!
ماعاد تفرق جرح واحد ! ... وجرحين !
...... الموت واحد .. له عذابك .... / خذاني !
ياصاحبي .. يكفي غيابك .. وبعدين !؟
...... ماخفت ربك بس ... " أنت و زماني " !؟
صباح.........
ثرثرة صباحية !
صوتٍ دوى بروحي و ... طن ْ !
" دوّر لـ تحنانك "
وطن !!
.
.
من منطلق حرصي على توحيد صف العاشقين ..!
....... وايضا ً نزولا ً عند رغبة ( من نواني ) بـ إنكسار ..!
جمعّت كل اللي بقالي ... من يسار ومن يمين !
....... وايقنت بان البؤس حولي من يمين ومن يسار !
يمديك تتهجّا جروحي من ( ألف .. باء ) اليقين !
....... ويمديك ترسم من ملامح وحدتي .. ضحكة نهار !
الدمعة لاطاحت أبد ماهو دليل ... إني حزين !!
....... مثل السحابة لاهمت ... ماهي دليل ../ الإنحدار !!
العمر مسباح التعب .. في راحتينك يالسنين !!
....... نركص ويلحقنا الأسى !.. ياشين طعمك يالفرار !!
والوقت لامنه عطى يعطي من الهم السمين !!
....... وجايز إليا منّه خذا ياخذ ... شموخ الإنكسار !!
!
!
يسعد صبــاحك عاد ..! وشوله النوم ؟
ــــ النوم .. ماهو للحبايب .......... / ياخلي !
الغيم جاك ..يصافحك.. يالغضي قوم !!
ــــ سلم ّ عليه وقول ....... / خلّك .. محلي !!
كنت اسولف للصباح العذب .. عنها ..
واحتريها ..
كنت اقول ..
(( الله لو ألمس يديها )) ..
إيه .. ابيها ..
ترسم الإحساس في صمت العيون ..
ولو أخون ..!
تغفر وتسمح ..(( ياويلي عليها )) ..
كانت أشهي من رحيق !
كانت ابهى .. من بريق !
كانت الحلم / الأغاني .. كانت العمر / الصديق ..
وعايش ٍ منها ... وفيها .!
ياصباحي وش بلاك !؟
قول !
وش عنّي ... خذاك !؟
آآآآه منّك ياصباحي !!!!
أنت مثلي تحتريها !!؟
صباحك خير
صباحك غير
صباح الدفتر الوردي ..
صباح الحلم ..
صباح النور ..
../ صباح الجامعة والسور !
صباحك آآآآآه مايمدي !
أنا وحدي !
أتمتم ... نوووور !
صباحك نور ..
صباحك غير .. / صباحك خير ..
صباح النور .. والنوير ..!
صباحك .. دقّت الساعة ..
ألم .. ساعة
وجع .. ساعة
تعب .. ساعة
صباحك : قمـّة اوجاعة !
صباح الضحكة لاطارت !
وماصارت !
صباح البسمة لامسّت نسيم الصبح !
واحتارت ..!
صباح احلى .. خطاويها ..
أمانيها ..
صباحي يومي .. أناديها ..
صباحي غير .. بشعورك ..
صباحي ( دج ّ ) ! في نورك ..
صباحي مات ( بالشيلة ) !
وياويلة ..
إلا من .. شاف ( تايورك ) !!
صباح ( الحر ّ ) و ( الزحمة ) !
صباح ..
وأطلب الرحمة !
صباحك أنفاسك العذبة ..
وزينك ( شحمة ) و ( لحمة ) !
صباح ( اريال )
صباح ( اعيال )
صباح الهولو واليامال ..!
صباح ( اشلونك )..
و ( كيفك ) ..
صباح ..( اعقالي الميّال ) !
صباح الشارع الفاضي ..
وانا مستقبلي / ماضي ..
صباح الثرثرة هذي ..
و(عطرك ) .. ياآخر امراضي !
صباحك ( توت ) لا ( ياقوت ) ..
صباح ( الموت ) بعيونك ..
و(صبحك بالعيون ) .. الموووت ..
صباحك / غير !
صباحك / خير !
.
.
واغنـــي بـك / سحـــاب ابيض !!
تطيح من السمــا ..
غيمــــة !
واجـي لــك منتــشي كــلي !
أســوي لحضرتــــك !
قيمــــة !
وانوّرس لك .. فضاءاتي ..
ولابـك للأسف !
شيمـــة
صباح النور .. / والبللور .. / والمرمر ..
.... صباح الخير .. / والنويّر ... / والكادي ..!
أنا اللي ميّل اعقاله ......./ ولد شمر .. !
.... عرفني الصبح .. من لحني ../ وإنشادي ..!
يالحزين ..
لملم اوجاعك ..
كفا قلبك ... حنين ..
اتركوك ..
وهملوك ..
والتعب .. شوفة عيونك !
من يسارك .. واليمين ..
كنت تشعل هالاصابع ..
شمعه .. شمعه ..!
كنت .. وتكابر إذا صبيت ..
دمعه ..!
ياخي استح !!
قلت لك خل الهوى لاهل الهوى ..
بس قوم .. وارتح ..!!
ولاطرق داعي الهوى بابك ..
ولاأبغاك .. تفتح ..!
منت ناقصني .. أنيييييين !
صباحك همس ياأصدق نوايا....... رحلة الأحساس
...... صباحك شمس ..لاداعب هدبها .. قمة احساسي ..!
أشوفك وين !؟ وين الله يهديك وصرت لي هالناس !
...... تقول اليوم لو نبعد ؟ شسوي ؟ أصص ياقاسي !!
ولا .. كلمة
ولا كلمة !
أبسمعها .. من عيونك !
أبي تنطقها .. بجفونك ..!
أبي هالليل .. من دونك يدوّر عن .. دفا حلمه !
أبسمعها ..!
وابتبعها ..!
وابي تنثرها في روحي ..!
عشان إن غبت عن عيني .. أروح بلهفة واجمعها ..!!
أنا وإن غبت ( مابيني ) !!
ولا تسأل بعد .. ( ويني ) !!؟
لأن إن جدت بغيابك .. وربي ماأحس ( فيني ) !
ولا كلمة !
أبيها من كحل عينك !
أبيها من دفا .. ايدينك !
أبيها .. لاطغى زينك ... وهد ّ الروح .. من ظلمه !
أبيها لاتقابلنا ..!
وعلى أنفاسنا ... مِلنا !
أبيها .. لاابتسم قلبي .. وحنا بحب .. مازلنا ..!!
ولا كلمة !
أبيها .. إن سال لك .. دمعي !
وصوتك .. يشربه .. سمعي ..!
أبيها .. لين مانسكت ولانلقى ... ولا كلمة !!
/
\
/
تعالي .. وامسحي دمعة من عيون ٍ ... بكت فرقاك ..
..... تعالي .. قبل ماأصبح .. فـ عالم حزني ... المسجون ..!
عجزت اضحك على قلبي واقول إني قدرت انساك !
..... أبي أنساك ! لكنّي مع نفسي ... أقول .... اشلون ..!!؟
بعد ماضيّعك قلبي ... بعد هالوقت ....../.. ماودّاك
..... تلطّم .. وجهي الباسم .. وفرّع / وجهي .. المحزون ..!
تعالي وانزعي جرح ٍ نمى فـ ضلوع .. من يهواك !
..... أنا من ( طحت في يدّه ) ظلمني ظلم ! ../ هالملعون ..!!
تعالي لملمي شتاتي .. أنا بعدك ... هِنا ... وهناك !
..... وعمري .. ( يابعد عمري ) .. هواجيس وتعب وظنون !
على كثر الهموم اللي تجول فـ خاطري ... لرضاك !
..... أنا مالي جدا .. ياكود .. قولة ..... ( ماعليه اتهون ) !
ودك نكون
والله شاعر ! داخلي خافق ٍ ذاب !
....... أدور اللي ... يستحقه .... ويغليه !
تعبت ادور بين الاحباب .. أحباب !
....... تعبت أنادي " ياترى وينهم فيه " !!
الحظ عوّدني على .. قفلة الباب !
....... والعمر يجري بي ولااقدر أجاريه !
قالوا : ولايسوى الأمل حفنة تراب !
.......هو فيه أمل جاني وانا قلت : مابيه !؟
شاعر واعرف الحرف وشلون ينساب
....... واعرف بعد وشلون اهذّب .. معانيه !
عاشق ولااعرف للهوى .. أيّه اسباب !
....... معطيه قلبي قبل لاهو .... يعطيه !
اذا عطيت اعطي ولاأحسب حساب !
....... واعطي بعد روحي إذا .. مايكفّيه !
ياهيه ياللي ماخذك عنّي .. اغياب
....... القلب بعدك ياترى ..... وين اوديه !؟
اليّا متى حنّا مع الناس .... أغراب !؟
....... والحب .. يدعينا ولااحد ٍ .... يلبّيه !؟
أسألك باللي حط بك سحر الأهداب
....... واللي رسم في مبسمك سالفة تيه !
ودي نكون بعالم الحب .... أحباب !
....... واليا سألتك ( ودك نكون ؟) قل: إيه !
هذيان فقط
طفلة ٍ تلعب على ( جال الحنايا ) ..!!
وش عليه إن وردت روحي ..
على ..
حوض المنايا ..!؟
.
.
أنت تدري من أنا ..!؟
هو هذاك ..
اللي (هَذاك) .. !
يوم قال البيت هذا :
لاتخاف الحب ! .. دامنّي حبيبك ..!
..... ( الهوى ) مسكين ! ... واسألني أنا !
هذا منه .. فيه مني ..
انت تدري ..
هو كأني ..
لاا . ياخي .. وش كأني ..
أنت اسأل فيه ..
عني ..
تلقى ( ياليت ) التمني ..
تذبحه ..!!
وتسيل مني ..!!
وقالها صبح تلعثم.... في شفاة الأجوديه ...
.... امشط الليلة هباءا ً .. وانتظر ( قذلة ) .... صباح ..!
أي صباح ! الله يلعن والدين .. المهمهيه ..
.... ترّخ اهمومك .. وجغرف ../ ياوطن/ مليون صاح ...!
علمتني .. ريم .. وشلون آتوقّا ..
وعلمتني هند ..
كم مني .!!
تبقّى ..
وعلموني ..
لااطعنوني ..
كيف أصمد ..
وأتلقّا ..
بس تدري .. مادريت ..!
ــــ إن أنا يمكن ... هذاك ..
لاتدقق ..... لو بغيت ..
ــــ اصلا ً (ألقاني) .. بذاك ..
حي يتسربل .. ابميت ..
ــــ ميت .. لكنّه / .. حياك !
.
.
أذكر( اني ) .. مرني مره وقال ..
أنت منهو ..؟
قلت : شاعر ..!
قال : حزني .. أكتبه .؟
قلت أسمع وش بقول ..:
هي فقط : حالة شبه ..!
يعني لو ترسم مساحة من.../ مساءات وحديقه ...
.... أركن أحساسك ابرف ٍ ... ضج باحزانه ../... مساااء ..
أنت لوّن استيائك .. من صباح الهم ../.. ضيقة ..
.... تكبر بعين .. المشاعر ../ .. حتى لو فيها ../ غبااااء ..
وانطلق من صبح أبيض ../ ينتشي فيك الحقيقة ..
.... وانتثر لعيون بنت ٍ ... تنثر الحب.... / .....بسخـااااء ..
اشعل احساسك أغاني لا ! مواني / أو دقيقه ..!؟
.... اشعل احساسك خطاوي ! لا ! حكاوي .. أو لاااااء !
اشتعل كلك ياهذا ! واشعل احساسك حريقة ..!
.... وانحني لامن تهادت ./ صاحبة ذااك ..... الرداااااااااء ..
لبى حسنه لبى غصنه لبى تفّاحه ... وريقة ..!
.... سندريلا هالقصايد .../ دمعتيني ../ .. والهوااااااااء ..
يعني ارسم هالمساحه / من احاسيسك حديقة
.... واركن الدمعة برف ٍ ../ .. حزنها بكّى السمااااااااااء ..
أذكر إني قلت مره :
لاتخافي ...
والله إني لجل عينك ...
لمشي فوق الجمر ..
حافي ..
ياأمل طيّب .. ووافي ..
بسـ لو تدرين ..
وشـ سوى الحنين ..
والأنين ..
وهم وسط الروح ..
غافي ..!؟
الهوى قام يتهجـا ...حسنها ..
.... لين ماذابت عروقي ...... وابتدا :
ليلها المجدول يرقى.. متنها
.... والجمر قام يتلعثم ...... بالندى
بنت لكن ياجماعه ..... كنها :
.... من ملايكة السما : لكن عدى :
إنها تعطي السحايب : منّها !
.... بس ماتاخذ : من أيّة ..( حدا ) !!
قمت اسولف للقصايد .. عنّها
لين ..
ماطفل الشعر ..
فيني ..
غـدااا ...
بس لحظه ..!
ارسميني خط .. بين الشوق ..
فااصل ..!!
اكتبيني حب ..
هزي .. هـ المفااصل ..!!
وإلا شاعر ..
كل همه ..
يقرا حزنه ..
في (( فواصل )) ..!!
بالنهايه ... يامهاتي ..
شاعرك ..
تحصيل حاصل ..!!
استطاع الفذ هذا اصطيادي ...!!
قلت عادي ..!!
هذا ( أبيض ) ..! جاي يطعن بي ../ سوادي ..!!
!
!
من ملل مدري أمل مدري ألم مدري... شعور ..!!
.... جيت متسوسن على غصن اليباس .. / وشايل المــااا .....!!
شايل المـا .! شوف عاااد ! وكل من ناديت بور !
.... إيه أعمى .. والمصيبة من ينادي! .... الكل .. / أعما !!!
!
!
أمي تقول : المـا ... نمـا ..!
وأنا أناظر للسمـا ..
وأقول ..
وبحالة أرق ..
(( جـادك الغيث ُ إذا الغيث ُ همـا )) ..
إيييييه محتاجك ..
غرق ..!!
ارتمى هاك الظلام وشق نوري ...!!
.... لين ماسال التعب ........./ من مقلتيني ..!!
يازعيمة حسن هالتكوين ثوري ...
....أسألي عني ( معاي) إن قال ...... ويني ..!!
لاتخافين الصباح / ألحين دوري ..!!
.... برسمك غيمة وطن .. في نون ... عيني ..!!
بطعن غياابك / على جثة حضوري ..!!
....وباخذك مني لاجل /.......... ألقاك فيني ..!!
جبت تاريخ الحزن ..
والثرثرة ...!!
ضاع مني ياحبيبي .. أكثرة ..!!
شاعر ٍ موجع نزيفه ..
قال حزني ..
وانثرة ..!!
للنور أسولف ../ عن أمـل../ ذكرياتـك
ــــــ ولليل اسولف ../ عن ألم ../ ذكرياتي ...
ياكيف ابهرب وابتعـد عـن .. / جهاتـك
ــــــ وانتي عيونك ... / لارحلتي / جهاتـي ...
هـذي عيونـي قبـل لاقـول ../ جاتـك
ــــــ تبكي المسافة / والأمل / وامنياتـي ..
يالهف حال اللـي .. حيابـك ! وماتـك !
ــــــ فرقاك .. كلمة / مختصرها : .. مماتي ..!
ياقـو قلبـك .. لاا .! ...... يـاقـو ذاتــك
ــــــ من غاب طيفك .. والحصيلة : رفاتـي ..!
رحلة حزن ../ عنونتها ../ من غلاتك .!
ـــــ عادي ! لو إن البحر هادر ...... وعاتـي ...
حبيبتي وإن جيـت ../ الملـم شتاتـك !؟
ــــ كذاب ..! يعني .. لملميلـي شتاتـي ..!!
وشهي حياتي .. لاخلـت مـن حياتـك !؟
ــــ أطلع غبي لو قلت ../ عايش حياتـي ..!!
!
!
لو كتبتك ../ تاه عصفور السما ...!
لو شربتك ../ الظما .. يشكي / ظما ...!
علميني .. ( الليل ) ..!؟
ليه الليل ..؟
يسهر في جديلك ...!؟
وليه أنا لارحت منّا أو منيّا .../.. أخيلك ..!؟
علميني ياشذا ..!؟
من .. من الثاني خذا ..؟
القمر ..
وإلا جبينك ..!؟
الزهر ..
أو وجنتينك .!؟
!
!
أنــاا يابـنـت .. ماابيـنـي !!
ــــــ ولااهوانـي .......... ولاابغـانـي !!!
هـنـاك ابعـيـد ... وديـنــي
ــــــ عـن همـومـي ...... واحـزاانـي
الامــن رحــت .. نـاديـنـي
ــــــ ياسـيّـد ...... كــل اشـجـاانـي
انــا بالـهـم ... شوفـيـنـي
ــــــ وعند الياس .. ......./ألقااااني !!
أنــا .. لـلـحـزن ثلثـيـنـي
ــــــ وثلثٍ .../........ بااات وحدااني ..
أمـانـه فـيـك ... خوذيـنـي
ــــــ ولابغـى شـي ..... ودااانــي !!!
أنــا يـابـنـت .. للحـيـنـي
ــــــ اجـمّـع ....... اجـمـل الـواااانـي
هـنـا للـنـور ... / هاتيـنـي
ــــــ ابسـرق صـبـح ...../ تحنـااانـي
احبـك .. ....شــي يعنيـنـي
ــــــ وعمـري .. /.......آخـره فـااانـي
ابـي لـي حــب ... اسقيـنـي
ــــــ عطـش../.... والطبـع إنسـانـي
أنــا لاامـــت .. ارثـيـنـي
ــــــ وقولـي حـبـه ........ اغـوااانـي
السحاب ..
غيمة الحب الحزينة ...
والمطر ..
هذا أنينه ..!؟
وانا .. في صمت المدينه ..!
أكتبت احساسي ..
واضيع ..
واكتم انفاسي ..
واطيع ...
هالقلم لا ضاق مني ..!
من يسولف هم ..
عني ..؟
من يفضفض آآآه ..
مني .!؟
هو كاأنه ...
لا ...!!!؟
كاأني ..
طفل ضايع في زحااااام ...
وحل ..
بعيونه ظلااام ...
وين .. ياعمي ..!!؟
ينااااااااااام ..!!!؟
أممممممممم
قمـ لاعدمتك صحصح الشوق.... لاهنت ..
ـــ أطرب مسـامع .. حيرتي .. وانفعــالي ...
ما( لعوز ) أحساسـ المقاريد... إلا أنت ..!
ـــ ماهو بذنبك ../ بسـ اشوفك ... مثالي ...
أنا شمالي ..لو رحلت ....../.. وتمدنت
ـــ وتشهد على ماقول .../.. ميلة عقالي ..!
وشـ عاد يعني كنت أو كنت أو كنت ..!
ـــ مازلت ( عادي ) في عيون / الشمالي ..!
آآآآآآه
خوذي يدي ..!!
بقهر الغيمات ..واصرخ ..!!
منهو قدي ..!؟
لاتاخذين الجرح
ياحلوتي ... مافاد حزني ../ ولابكاي !
...... ولافاد دمع ٍ .. لاجل عينك ../ بكيته ..!
ليتك قتلتي أول الحزن ... / ..جوّاي !
...... ماكان قلتي : ( بسألك .. مانتهيته ) !!
جيتك وشايل في ضلوعي هداياي !!
...... وحلم ٍ كبير .. ومن جروحي .. بنيته !
ياهي حزينة قصة الملح .. والناي !
...... والشاعر اللي .. في جنوني ابتليته !
من كل عقلي أرسمه داخل الماي !!
...... ومن كل قلبي .. انقهر ../ لامحيته !
ماعاد تغري ضحكة الحب .. بشفاي ..
...... من يوم ماصك الأمل باب .... بيته !
أواه يومٍ جيت لك أسبق ... خطاي ..
...... حتى حنانك ... / للأسف / مالقيته !
كنى أحس إن التعب قال : انا جاي
...... ومن دون روحي جبت روحي .. وجيته !
الياس يرمي .. أسود الهم .. بحشاي
...... والحلم بيدي .. / لليالي / .. رميته !!
وانتي دخيلك .. لاتذكرتي .. ابكاي ..
...... قولي عطاني بيت ..! ياما ... قريته !!
(( لاتاخذين الجرح ! .. خليه وياي
...... أذكرك ... فيه ! .. ولاذكرتك ../ نسيته ! ))
أحاسيس مبعثرة
علميني !؟
لاسألني الشوق ويني !؟
تسأليني !؟
أنت وين ؟!
واسمعيني !؟
لاصرخ هالجرح فيني !؟
وأسأليني !؟
يعني وين ؟
يعني وين !؟
يعني وين !؟
في دهاليز التعب !
في ممرات الهموم !
عند ركنك يالضياع !
عند بيتك يالحنين !
وتسأليني !
يعني وين !!!؟
للسما / للصبح / للغيمه / .... وليـّه ...
..... للهوى / للحب / لايامي / .. وهمي ...
للتعب / للحزن / ........ للأشواق فيّه ..
..... للأمل / لـ النور / للدمعه ! ... ياعمي !
وش تبي أكثر من جروحي... هديّه !؟
..... وش تبي أصدق من الصرخة أبـ فمي !
علّم الطفلة / رغد / .. معنى الأسيّه ..!
..... لانبت .. هالعشب من دمعات .. أمي !
ماشتهيت الصدق واحلامي غبيّه ...!
..... لو تسوسن غدر من .... أغصان دمي !
ليلة البارح ! .. وكانت / .. سرمديّه !
..... أطلبتني شوق .. قلت بذوق : سمي !
صبت بعيني سهر ! بنت الخطيّه !
..... آآه ياطول السهر .. ! لاجات .. يمي !!
ليلة البارح / .... وانا / .. والآآآدميّه !
..... كلنا يشكي ! .. واقول الهم ... همي !
.
.
.
ياعزيزي .. قوم نم ْ
كافي فوق الهم ْ
هم ْ
كافي نقطف من حنين !
كافي .. نسرف
بالأنين !
وكل مافينا سأم ْ
كافي تحرث في خيالي !
وكافي نبحث ..
فـ الليالي ..
عن دوى .. يشفي ألم ْ
خذ تعال ! .. الشوق يندهلك !
تعال !
ولاسألك :
الصبح وافي ؟
قول : لا !
ولاسألك :
الليل جافي ؟
قل : نعم !
وعلّم الدنيا مراسيم .. التعب !
وعلّم العالم شنو..
أصعب صعب !؟
إنتكاس الحب كله .. للعدم !
لملم أشواقك وهات ..
وإلا تدري !
للجهات ...
أنتثر كلك ... شتات ..
ولملم .. إجراحك ..
ونم ْ ..!
.
.
.
لحظه وحده !
قبل ترحل !؟
ودي أسأل .. هالسؤال .!؟
....
ركز إحساسك .. معاي !
وحاول إنك ..
تسمعــــه !
....
السؤال يقول !
تدري !؟
ودي أقلبها خيال !
....
خلني بتبع خيالي !
يوم اشوفك
تتبعه !
....
...
..
.
ماأحب اسكن ( سهولي ) والسما تنده! تعال !
ـــ لن أنا .. أصلا ( نزولي ) ... ( ماأبالغ ! ) يرفعـه !!
( طلع الشعر علينا) ..... من ثنيّات ( الجدال ) !!
ـــ وآمن .. الراعي بنايه ! ...يوم أيقظ ..... مضجعه !!
لبّى قلبك ! ياقصيدي .. شاعرك ميّل اعقال !
ــــ وعاد لاميّل اعقاله ! ... وين منهو ... يردعــــه !!
الأسم واضح ومسقط راس .. جدّاني / الشمال !
ــــ فاضح ٍ كل الجروووح .. وماأحب /.... المعمعه !
اليقين اللي يشكك فيك ... تحريمه . حلال !
ــــ اركله ! من قرية أفكارك ! .. لإنه ... إمــّعـــــه !!!
من يقول الشمس .. أصلا ً مالها أيّة ظلال !؟
ــــ ظالم ٍ .. حظ الكواكب ..! في سفاهه ... مقنعه ..!!
إيه !
وش كنّا نسولف !؟
قول !
ياإبن الحلال !؟
...
هو سؤال .. الله واعلم
هاك مني ..
واسمعه !
....
والسؤال بكل بساطه !
دام طرّيت !
السؤال !
...
أنت .. ضد القلب ..
والا
يابعد روحي ..
معه !!؟
.
.
.
واتركيني للغياب !
واتركيني
.. بلا أمل ..!
واتركي بي .. طفل شاب !
شاب .. صبره
.. واندمل .. !
تاه يبحث في فيافي الشوق ..
عن صبحه وهمسه !
تاه يبحث عن حنان ..
عن أمان ..
عن هوى .. مسكون أمسه !!
كان بالإمكان ..
لمســه !!!!!
.
.
.
أفـففـ ! هَـم ْ !
ياخي !
أفـ هم !
.
.
.
واللـه إني .. جيت أطهر من ينابيع النقــاء ...
ــــ واللــه إني جيـت أصــدق .. من دموعــك .. ياليتيم ..!
آه ياربي .. يارب الأرض هذي .. والسمــاء ..
ــــ تغفر أخطـائي وزلاتي ...... وترحم ... يارحيـــــــم ..
كنت مثل الطفل أحلم في زمن كله صفـااء ..
ــــ وكنت ابني الحلــم هذا ... من ( جزيئات ) النسيــم ..!
لين ماطاح الصباح / ودمعتي / .. وآخر لقااااء ..!
ــــ لين مايّبست اعروق ..! وسال ملح /...... وجف غيم !
الهوى ماعاد ابيه .. ولايشرفني إنتمااااااء ..
ــــ دام ( إذلال ) الرجولة .. من ورى ( ضحك ) .. الحريم !!
أنت تسأل كيف حالي ؟ مزري وكلي استياء ..
ــــ من سخافات الزمان ........ ومن سماجات النديم ..!!
لا ياقلبي عاد صحصح .. طير لعيون السماااء ...!
ـــ عيش باحضان السحابة .. وارسم الاحساس / غيم !!
.
.
.
جبتهـا لك مـ الأخير !
يا .. تسلمني ( حياتك ) !
والا باخذها ..
واطيررررررررررر !
.
.
.
عقبك غدت كل الليالي .. حزينه ..
ـــ ومافيه عقبك ... من يسد بمكـااانك ..
روحي غدت للياس منّك رهينه ..
ـــ وخان الزمن فيني ... وخـانك زمانك ..
مثل الغريق اللي يتحرا سفينه ..
ـــ ظليت انا اتحرى يجيني ...... حنانك ..
شاعرك ياخلي .. تفجّر حنينه ..
ــــ لاجلك وكل الليل ... يسهر .. عشانك ..
ماغير اقلّب ذكريات ٍ .. دفينه ..
ــــ يوم الهوى عايش ..... بدنيا جنانك .. !!!
.
.
.
انا باقي !
أسولف للمطر .. عنّك !
ولكنّك !
ولااعبرت أشواقي !
المواضيع المتشابهه 
ديوان بركات الشمري 
العرض العادي
