بعض العلاقات ما منهـا ابـد فكـه
يا شينها كان جابتهـا لـك القـدره
لاجاك دمه ثقيـل ومنطقـه سكـه
يضيق صدرك وهو مستاسع صـدره
لاصرت ضيق الصدر بالي معك صكه
لاتجامل اللي غثيـث وشفتـه ودره
زك الخوي من قبل لا تعاشره زكـه
ترى خوي النشامـا صابتـه نـدره
وقت الشدايـد اذا بتجربـه ضكـه
يمد شوفه وتلقـى فزعتـه حـدره
الاجودي اجودي ما تلحقـه شكـه
وفرخ النخل ما يجي في قاعدة سدره
من رافق اجرب تبي تبدا به الحكـه
والطير سلم عليه ان صابته جـدره
باب يجيب الهواء ان طعتني صكـه
ارقى الرفاع وتجنب كل من حـدره
ما يبخص شعاب مكه الا اهل مكـه
الصاحب انشد وتلقى عندهم قـدره
كـل القلـوب بهالوقـت منـدكـه
سبت كدرهم خوي حاشهـم غـدره
للشاعر حمد السعيد
أبـــــو نــــايـــــف
المواضيع المتشابهه 
بعض العلاقات ...... 
العرض العادي
