جيت اقول الكلمتين اللي وسط راسـي تـدور=كلمتين اوضح من اللي نـوره بعتـم الظـلام








كلمتين ان ماسمعتيها مـن الصـوت الجهـور= اسمعيها من صدى الاطلال وقصـور الغـرام







قلتها ولاخيـر فينـي كـان دمـي مايثـور= من كلامٍ يجرح ولوكـان فـي بعضـه مـلام







يوم جيتك جيت غرسـه طيّبـه ماهـي بّـور= جيت بنـتٍ تنتقـي فـي حكيهـا در الكـلام







كل كلمه لاحكتهـا ترسـم بثغـري سـرور= واتّمنـى كـل عمـري ابتسـامٍ فـابتـسـام







عاقلـه ماهمهـا حـب المظاهـر والظهـور= فوق حبي ماخذت مني سـوى كـل احتـرام







لين صارت نوري اللي زاد عن كل نور.. نور= ماملى عينـي سواهـا مـن مزاييـن الانـام







مثلها مافيـه تكـرم لان مـا بالكـون حـور= طاغية مبسـم مثـل مايبـرق بليـل الحسـام







كان باهضم حق حسن البنت من بين الحضور= أفضل اللي شافته عينـي لأنهـا فـي الأمـام







واقفه قـدام عينـي كـان باجلـس او بثـور= لين غطتهـا جفونـي فـي عيونـي بالمنـام







لين جات اول تجارب من هزيلات العصـور= واتضّح صدق النوايـا وانجلـى قـولٍ غمـام







واستحيت الا اني اثبت ليه سمونـي هصـور=وابتديت انخى خفوقـي, ثـمّ شدّيـت الحـزام







والغرام خيوله ازرت بـي ولاكنـي صبـور= مانثنيـت الا لويـت اعناقـه بجـر الخطـام







من ثنى عسر البراري تنثنـي دونـه بحـور= مـن تصـدى للمشاكـل بيتصـدى للسهـام







كنت منها في امور وصرت فيها فـي امـور= عين نامت بس الاخرى قالت النومـه حـرام







ماكسبنا قول عفيه غير مـن صـدات جـور= والذليل يعيش مايسمـع مـن العابـر سـلام







والحضاره علم حنـا نرغبـه فـي كـل دور= دامها ماتنتقـص حـق الصـلاة او الصيـام







والبصيرة علمتنـا نعـرف شبيـن السطـور= ماتعلمنا الحضاره لاجـل نرضـى الانهـزام







والحضاره كانها في نظرتك-( يس آند شور)=فالحضاره فكـر ماهـي اتبـاع العـم سـام







والدناوه والقصور هناك لاصحاب القصـور= ذل في جوف النهار وعز فـي وقـت المنـام







بس انا من قوم يعرف صيتها بين الحضـور= من ذكرها يحـذر بحكيـه او يقـول التمـام







واسمعي ياللـي تبدلتـي التواضـع بالغـرور= واسمعي ياللي مـن شكوكـك تبيـن الانتقـام







ان تخليتي صعـب وان ضقـت والله معـذور= بس والله ان الاصعـب ينحنـي راس الكـرام

واسمعي ياللـي تبدلتـي التواضـع بالغـرور= واسمعي ياللي مـن شكوكـك تبيـن الانتقـام

ان تخليتي صعـب وان ضقـت والله معـذور= بس والله ان الاصعـب ينحنـي راس الكـرام

صح لسانك

كلمات قوية ,,,,

واسلووووووووب راااااااااقي ,,,,

وابدااااااااااااع في الكلمة ,,,

وجماااااااال في المعاااااااااني ,,,

يسلموووووووو اخوي ملك

لاتحرمنا ابداعاتك ,,,

اختك الاميرة

اختي الاميرة شكرا علي الزيارة والمرور الكريم

اخوك ملك الرومنسية

تسلم على الأبيات الرائعه