خطــــــــــــوة اشوااقي

يجي بعضك وانا كلي يذوب من الصبر والخوف
واجي كلي ولا كنك دريـت بخطـوة اشواقـي

بكيت من القهر دمع سقا ذاك الطريق طيـوف
ام كنه حلف يبقـا كسيـر بزحمـة اوراقـي

وجع سطر رواياته قصيد وكبريـاء حـروف
سراب عانق الرمضا وجال بداخـل اعماقـي

يجيني كنه الرؤيا وانا في مرقـدي ملهـوف
قسى/ واشعل قناديل الضلام وطـوق احداقـي

نسيته واثره الذكرا هجرته واستبـاح الجـوف
هربت وردني سـوره نزلـت وكنـي الراقـي

هنا بين الضلوع اسمك اذا انك تستطيع تشوف
هنا كل البشر بسمك دعوك وهمـت بآفاقـي

حبيبي وردة احلامي غبيه غرهـا عاصـوف
حبيبي والبشر ناموا وانا من دونهـم شاقـي

أمانه كانها رموشك على ذاك الرصيف سيوف
حبيبي غمض عيونك ترا ركضي كسر ساقـي



{..كـلي هــدايــا..}


اليوم أبيك تقـول كـل أمنياتـك
وتغمض عيونك وأنا بمسك ايديك

وتطفي شموع العتب وسط ذاتك
وأنا أوعدك مهما حصل ماأخليك

وتراجع أوراق التعب في حياتك
منهو تحب ومن يحبك ويغليـك

أنا لك الله لـو بعـدد صفاتـك
مابه عظيم إلا ولقيت أكثره فيك

كلي هدايا ياابيض الوجه جاتـك
بالمختصر كلي نويت اني آجيك

أموت..صدقني أمـوت بغلاتـك
لاتلومني لوقلت لك منتحر فيـك


شمس القصايد

ثلاث شهور يالحرف الحزين آحـاول التعبيـر
ثلاث شهور لا الطرس احتواك ولا قويت اشكي

تبعت النور لين ابعـد مـداه ولا قـدرت آطيـر
وعرفت ان الضلام ارض اليتيم ولوبـدا يحكـي

ونسيت الجوع وهموم الرغيف وهاجس التقصير
وعرفت ان الفرح غطاه بشته وابتديـت ابكـي

حضوره مشيته ضحكه ياربي كل مابـه غيـر
ياربي من رحل شمس القصايد ما نطـق فكـي

مدام ان العزا صافح يميني كيف اكـون بخيـر
وانا الي لو فقد لمست يمينه هـد نـي شكـي

ذكرته وانحنت كـل الغصـون لسيرتـه تقديـر
كتبته وخضعت كل المعاني فـي حمـا شركـي

ابرحل في وطن مجده وابرفع هامتـي وآسيـر
واشمّه لاابتدا بـارد نسيمـه بورقـي يزكـي

بعد هذا انـا مؤمـن بأنـي ماقـدرت آصيـر
سوى شخص تباهابك اذا اسمك عانقـه تركـي


ميعاد
أناديلك ويبقى للحكي في داخلي ميعاد
ولا ادري ليه لاضقت بزماني قمت اناديلك


عتقّك الغيم وامطرك السحاب وجيت لك منقاد
ألوّح بالضما وامسح دموعي في مناديلك

أنا محتاجلك قبل الحياة وفرحة الميلاد
انا اول من نقش قلبه على التاريخ بازميلك


أنا اللي قد وصلك بلاد وامسابك بدون بلاد
انا اللي لاتمللك المكان انهض واغنيلك

حبيبي والمكان اللي جمعنا والقلوب بعاد
الا ياويل قلبي لو تركتك وانت ياويلك


حرام احلامنا تصحى على هم وجروح جداد
حرام تصد عن عيني وانا عيني تراعيلك


احبك ليه اكررها وليه بداخلي تنعاد
لو اصرخ في هواك 2000 احبك ماتوفيلك


لأنك من رحلت اصلا سكوتي والحكي مافاد
تفز طيور من قلبي لشباكك وتهديلك

سلام وشوق وان كان لغرامك والحي ميعاد
بضمّه وان بقا فيني حياة أرجع واناديلك


أنا تعبت من جد


دخيلك مابقى عقبـك حبيـب ولالقيـت احبـاب
ولاعدت الذي قلبـه وسـع هالكـون بحساسـه

لعمري / ماتعودت الفراق وماحسبـت حسـاب
وهذا قلبـي اشتـاق لهـواك ودقـت اجراسـه

شف هناك انتبه عود وتأمل منضـري وارتـاب
وسولف عن هوانا واصبح المرغوب في ناسـه

شف الشارع على كثر الغرام وماجمـع غيّـاب
تمنـى لـو نمـره مـن بعيـد نعطـر انفاسـه

شف الما ماروى نفس وسقى عرق ومشى بتراب
فقد حتى شعـوره بالحيـاة وشـح فـي كاسـه

قسـم بالله قلـب مافقـدك بغيبتـك كــذااااب
تظن انساك؟ شف دمعي على حبري و قرطاسه

يأول من سكن بين الضلوع وأصدق الأصحـاب
علام الحب من بعدك غريـب وطـول نعاسـه

تصدق لو كتبت ابسط صفاتـك ماكفـاك كتـاب
وش اكتب وانت اصلا للشعر روحه ونبراسـه

انا من مر طيفك ممتطى بيـن النجـوم شهـاب
لعنـت ام الغيـاب ومـن تسببلـي بنومـاسـه

وانا لاصير من ضيع حبيبه مـن يديـه وتـاب
رجع لاكن تعذره الزمااااااان ودقـت اجراسـه


لعبة النكران

وصــــــــــلــــــــــت

وكــــــــــنــــــــــي

الـــــمـــــنـــــهـــــك

ادوّر

لــــــلـــــــفـــــــرج

مــــــفــــــتــــــاااااااح

.
.
.
.

حزينه يالعيون اللي سكنتـي دفتـر النسيـان
يطوّقـك الظـلام ولاتسلـل نـور نقـرابـه

تشع رموشك الذبلى بلا سحـر وبـلا ألـوان
وجفنك داعبه ذاك السـواد الـي تحـلا بـه

ذكرتك يوم أنا حظّي فتح لي للحـزن بيبـان
فتح لي للحزن بيبـان وقفـل للفـرح بابـه

تلمّست الجروح وثار من زود الولـه بركـان
حِمَمْه الشوق ودموع المفارق زفـرة ترابـه

تشظّى قلبي المغرم ولا لك يالفـرج عنـوان
بكيت من الغياب وجسمـي الغرقـان بثيابـه

وطن من علّمك قتل الشعور ولعبة النكـران
وطن قلّي وش أقسى من حبيب فارق أحبابـه

عزاي إن الفقر مالد عينه عن هموم إنسـان
وعزاي إن النفوس تموت مقهوره ومرتابـه

حبيبي كان تسمعني لك الله هيه أنـا تعبـان
انا مليت مـن درب نجاتـه بـارت أسبابـه

وأنا رجلٍ ليا ضاقت طلبـت الواحـد المنـان
سجدت لمنـزل الرحمـن والفرقـان بكتابـه

أحبك ماشرقت شمس وصدح طير وهطل هتّان
وحبّك ماارتعش كف وبكا طفلٍ علـى العابـه

لقيت من الأسى حرفي على جال البحر غرقان
يلـوّح مالقـى أي أبجديـه توصـف غيابـه

طفح ماف البحر من كهرمان ولولو ومرجان
ورسى قلبي على قاعه وحيدٍ يرجي أصحابـه

إذا كان القمر حتى القمر من غيبتـك مابـان
أبرسم بالسما وجهك وابفهق نورك اقرا بـه


قيود .. بدون عمق


ثلاث سنين محتل الخفـوق ولا سألتـك ليـه
ولكن القصيـد اللـي كتبتـه مـل سجانـي


وانا شاعرك غصيت بكلام ولاقدرت اطريـه
وياعنك ان العذاب اللي بعيوني غصب طراني

على بال الجميع اللي قروني من عذابي فيـه
وهم لو ركزوا يمكن بكو من زود حرمانـي


واذا شاعرك يامال الذهـاب مكبـلات ايديـه
تراي بداخلي حـر طليـق رغـم احزانـي

تـــــــــعــــــــــااااااال

تعال ومدلي كف الوصال ارجوك قلـي ايـه
وش اللي يمنعك دامك هنيـا بـس وحدانـي

تعال حبيّبي والدرب لو طول تـراي اطويـه
قسم لاجيب طبلوووون الغرام ان كان بمكاني


على الّلي لاانتهض ماكنـه إلا للمواتـر بيـه
همر واليا وقف حدّر دموعه ولـد جيرانـي


كذا العاشق ليا منه انهبل لااحد يه
وجس بيـهوهو في برجه العاجي ملك ماحوله اعوااااني

دقــــــيـــــــقـــــــه :


دقيقه يالحضور الظاهر انـه طافنـي تنويـه
ترى اللي قد مضى ماهوب انا ذا واحدٍ ثانـي

انا اطش العراق بوجه جرحي لو بكى غاليـه
واطش القدس في وجه الحبيب ان كان اذّاني


ثلاث سنين لا مرت ثـلاث ولاسألتـك ليـه
ولاكن القصيد اللـي كتبتـه مـل ّ قضبانـي



.. نـــــوف ..

الحزن طرقي والحنايـا معازيـب
لفـى ولكـن الهنـوف مخطوبـه

اللي لها بين الضلـوع المحاديـب
قلب صدق وسط الحيـاة الكذوبـه

راحت على طرق العطا والمواجيب
أقفت وهي بنت الحلال مغصوبـه

والذيب مايقلط على فضلة الذيـب
والجـرح مايبـرى ولوحاولوبـه

يانوف لوهي بالظفـر والمكاسيـب
ماخاب ظن اللـي بفعلـي هقوبـه

لكنهـا قـل وحماقـة وأكـاذيـب
ثلاث لاجـن الرجـل عذربوبـه

مدّلي الفرقـا وأنـا ودي وأجيـب
عيـن تضـم الغاليـة واللعـوبـه

يالله يارب السمـا عالـم الغيـب
تستر على عبدك خطـاه وعيوبـه

لاصرت أحب ولاتجيني مكاتيـب
وجسمي نحيل وضايق فيـه ثوبـه

ياوجد حالي وجد سالم على كليـب
وجد الّذي كـلّ العـرب هبلوبـه

لاهيب قصة حب صارت ولاهيب
نهايـة العاشـق وقمـة عيـوبـه

لكنهـا خبـث وحماقـة وأكاذيـب
ثلاث لاجـن الرجـل عذربوبـه


الليـــال الســـــود..!!


ياصاحـبـي مـحـدٍ بطـيـبـه غلـبـنـا
مــن ويــن أبـبـدا والنـوايـا بـريّـه

رح لـلــذي ودّه كــــذا ينتـحـبـنـا
قـلــه يهـوّنـهـا عـلـيـه وعـلـيّـه

حـنـا لـيـا مـنـا مـدحـنـا سلـبـنـا
لــب العـقـول الـراشــده والـذكـيّـه

وليـا ارتكيـنـا مــن عطـانـا وجبـنـا
مانلـحـق الـمــدات مـــن وأذيّـــه

الـلـي عطـانـا مــن قـبـل ماوهبـنـا
معطـي وهـو مـؤمـن بــرد العطـيّـه

مـاهـو ظــروري لاسكتـنـا طـربـنـا
ولاهــو دلـيـل صراخـنـا عنجـهـيّـه

ومـع مــرور الـوقـت مـاقـد نكبـنـا
غـيـر اللـيـال الـسـود والسـرمـديّـه

يـوم انـي اعشـق جـادلٍ مــن عربـنـا
طــب النـفـوس الضايـعـه والشقـيّـه

الـلـي لـهـا بـيـن المعـالـق مـبـنـى
يضلـل مــن طـويـق لـيـن الحـويّـه

فـي صدرهـا الموقـف بـلا ذنـب ذبـنـا
يــوم الـعـرق يـنـزل كـريّـه كـريّـه

وفـي طولهـا عـن كـل الاوصـاف تبنـا
واتثـبـت الشـعـار مـثــل الـسـريّـه

كنـا سـوى مـن يـوم طـابـت وطبـنـا
والـيـوم يـابـن عبـيـد محـنـا سـويّـه

عـــز الله ان الـبـعـد زوّد تـعـبـنـا
وانقسـمـت الـنـيّـه ثـلاثـيـن نـيّــه

ماغـيـر اناديـهـا عـقــب مانشـبـنـا
ويـن الـخـوي الـلـي يـزبـن خـويّـه

هــذا الــذي بالـبـال والـلـي نكبـنـا
قـلــه يهـونـهـا عـلـيـه وعـلـيّـه


والينا


هنا مر وسأل نفسه عن آخر هم فـي عينـه
مدام ان الهموم اكثر حقيقه ماتبـي استـدراك

غريبه كنهـا قـدح الشـرار لجـوع كفينـه
كئيبه كنها نظـرة حـزن يوميبهـا الشبـاك
نفض بعض الغبار اللي تجمع بيـن رجلينـه
تمادى بالسكوت وعقّد السبحه على المسـواك

سمع بعض الضجيج لناس تهتف عاشت سنينه
ياوالينا ياوالينـا نمـوت وننعمـي لرضـاك
وبين اقدامهـم طفلـه حزينـه اسمهـا لينـه
ذبحها الجوع غنت يارغيفي وين انـا بلقـاك

بعد راحت ركايبهم وجتـه وضمـت ايدينـه
وقالت ليه انا وانتـا بقينـا ماخذونـا هنـاك

دخيلك ليه خلونـا وليـه الضيـم راضينـه
تعال وننحني مثل الجميـع ومدلـي يمنـاك



ولحظتها حمل لينـا علـى راسـه وكتفينـه
وقال ارجوك غنيلي ياوالينـا نسونـا هنـاك



حـــــــزن الشوارع

حبيبي لو نضـب عطفـك دخيلـك مـن يدارينـي
وانا الي ملتحف حزن الشوارع فـي ثـرا اهدابـك

انــا ودي تبعثـرنـي وتذبحـنـي وتحـيّـنـي
ولجلك لو لـزم أمـري بموتـك وارجـع احيابـك

تمايـل كنـك القمـرا علـى المـا ثـم تنادي
نـيوحسنك يجلـي احـزان النوافـذ لاضحـك نابـك

وجيتـك والسمـا تالـي عرقهـا بلـل ايديـنـي
وطلبتـك ترتكـي قلـب هـواك وشاقـه عتابـك

وسألتك لي متى ذاك الغروب يمـوت فـي عينـي
وانا ابكي وحشة طيـور رماهـا الحـظ بسرابـك

وسألتـك وش كثـر ذيـك المنايـر أثـرت فينـي
سوى ذاك الصمود اللـي ذهلـك وشـرع ابوابـك

وسألتـك ليـه نضراتـك تلاشـت مـن دواوينـي
وليـه حروفنـا فتـق سماهـا نيـزك غيـابـك

تأكد لـو ضمـى سمعـك رويتـه مـن شراينـي
ابنزف مانطـق فينـي عشانـك واروي اعشابـك

حبيبـي لـو نضـب عطفـك طلبتـك لاتخليـنـي
أحبـك يابعـد عمـري وسقفـي قـبـل تـرابـك



فرحان الفرحان .. من صافنات الشعر لهذا اليوم


من ﴿صافنات الشعر﴾ ببدا لين مابانت سعاد
لعيون رجل كل هذا الطيـب يستاهـل يـدة

البارحة بان الحزن بان العزى بان السهـاد
البارحه عيد الرمـل يامـن دفنـه ولحـدة

البارحـة للطيـن نبـرة للتوجـد والبعـاد
البارحة شيـخ يمـوت ولا يعانقـة ولـده.
ا
لبارحة عين جزت قلب انكسر فات المعـاد
كل رحل لاكن رحيلك عن ضنونـي مبعـده

الحمـدلله لانيـاح ولا صيـاح ولافـسـاد
دين واعرف ان الجميع بهالزمان مسـددة

﴿ يبه ﴾ تمنيت السنين اللي قضيناها تعـاد
حتى الكلام اللي يفوت ارجع واكون مـرددة

﴿ يبه﴾ تمنيت الجبيل تساوم القرب الحصاد
وابيع ماملك بس اكون اقرب قريب ومسنده

يارب انا عبدك ولد عبدك ابـو كـل العبـاد
من مات ابوي ومابعينـي فـرح إلا بـددة

حتى المزارع والنخيـل وبيتنابذيـك البـلاد
حتى الشوارع والمآذن والمصاحف شـاردة

كل بكاك ولا بقـا عيـن تغشاهـا الهجـاد
إلا عيوني لن كـل النـاس عقبـك واحـدة


بريـــده

حبك اللي في خفوقي من وريده لـي وريـده
واضح مثل انتشار البرق فـي صـدر العتيـم

باختصار اكثر عجزت آصفك في جمله مفيده
تهت مدري كيف اببـدا دخـت والله العظيـم

دجت في كل العصور البائـده ليـن الجديـده
رحت لين آخر حدود الشمس واطراف السديم

جيتلك عود يشوف عقيل فـي نظـرة حفيـده
واثرك اطهر من دموع الشوق في خد اليتيـم

جيتلك طفـل توضـا للصـلاة بيـوم عيـده
ماعرف معنـى الحيـاة إلا بجامعـك القديـم

جيتلك شاعر طموحي لـو أوفيـك بقصيـده
وانتي اجزل من زكاة الليل في كـف الكريـم

جيت والإرهاب عوّد في نحر من بـان كيـده
يوم ثارت صارو عيالـك عمـا عيـن اللئيـم

دام اهلك رجال ماتطرب على رقصة فريـده
همهـم يـوم القيامـة والسـراط المستقـيـم

ثابتيـن ماتزعزعهـم محـطـات وجـريـده
ولا يغررهم غريـر وفـوق ذي علـم عليـم

خصك الله فـي أميـر جمّـع الثنتيـن بيـده
لللئيم تصيـر صلـب وللفقيـر تصيـر غيـم

فيصل اللي بـان فعلـه بالمهمـات الشديـده
مستحيل الحق جـزاه ببيـت وافهـم يافهيـم

ونايبه عبدالعزيز الماجـد الشهـم وعضيـده
كم كفوف تطلب الله بيـن زمـزم والحطيـم

يحفظة ويدوم عـزه وتصبـح ايامـه سعيـده
سيدي واليا ابتسم نختـال فـي ظـل ونعيـم

الوكـاد انّـك وطـنـا يابـريـده يابـريـده
درّة ربوع البـلاد وعاصمـة كـل القصيـم



عبس وجه الرياض بليلة ضلما تشح بنور



عبس وجه الرياض بليلة ضلما تشـح بنـور
وعلى كثر الحزن كان الصمود النـد للتفجيـر

يضنون الرياض ارض كساها من الزمان البور
وضنو في عقائدنـا مجـال لمنهـج التكفيـر

وضنو في تلاحمنا هبـاء طايـش منثـووور
وكادو مير كيد الله علـى كـل البغـاة كبيـر

طغو وستاثرو حد البشاعة والكـدر والجـور
وحنـا ماشكينـا يادعـاة الـذل والتغـريـر

وحنا يالرياض رجال مايحجب سماهـم سـور
ولايمكن نحاور قمبلة حاقـد وطيـش صغيـر

وحنا للوطن مثل الجسد حب وغـلا وشعـور
إذا صاب الشمال الضيم همّ وعانـق الخريـر

نبادر للسلام بكـف قـدرة وانتمـا وسـرور
ونبذل للضعيف إليا تباهـا واستشـاط الغيـر

نحبك يالرياض بقلب صافي ماغشـاه الـزور
ولا يمكن نساوم فيـك ياكـود الجبـال تطيـر

بلاد خصـك الله فـي أميـر قائـد مشهـور
نبادلك الغلا في كـل خطـوة نتبعـك ياميـر


لذا يالعاصمة يالقاسمـة يـام الغـلا والـدور
مدام انه على الرحمن تدبيـرك تـراك بخيـر



الـشــــرهـــات



يقولون الولا في هالزمن قائم على الشرهـات
وانا اقول الولا يكرم عن الشرهـات والمـدّه

يحسبون الولا ( خرقـه ) نعلقهـا بجـوالات
او بروشور احطه في مصر وارميه في جـده

قهر نحيا تحت ضل الضروف اللي تمر اموات
قهـر نقمـع شعـوب ونتـرك الأراء للبـدّه

تحملنا الخطا مره ومـره واغلـب المـرات
نمررها لو ان الشعب همّـه واصلـن حـدّه

حسب علمي نهايات الدول تبدا من الساسـات
ولكن هالزمـن صـارت زعاماتـه بلامـده

تعبنا نعايش الصمت ويعايشنا بدون اصـوات
متى يالله صدر المستضيق يبيـح عـن سـده

طلبتك لاتزودها علـي وتنبـش اللـي فـات
ولا تفتـح ملفـات الفقـر والضيـق والشـده

شعوري بالكمال اول معاناتي وحسـن الـذات
تجنبنـي حماقـات البشـر والبعـد والصـده

لأن النفس لو تفقـد ثقتهـا باخـر اللحظـات
تضيع مع الزحام وتستسيغ الضد مـع ضـده

ولو ان الناس تقنع بالقليـل وتتـرك اللـذات
لقينا كـل واحـد لابسـن ثوبـه علـى قـده

تأكد كل شخص وله طموح ولو تبـي اثبـات
ترى مقياس حزن الآدمـي دايـم علـى ودّه

وشف كم واحد تحبه حزيـن وفاقـد بسمـات
وشف كثر الوجيه اللي مـن الايـام مسـوده

متى يالله تفرجها علـي وتقضـي الحاجـات
وتقربلي حبيـب مـن خلقـت اهـواه واودّه

قبل ماجن وامـوت ويجينـي هـادم اللـذات
ويصير اللي يموت وصورة المحبوب في يـدّه



حكــــــــــــــاية طفل




اشـــاره مـــن ثـــلاث الــــوان

ضــــــــوت حــــمـــــرا

وانـــــا بـالـحـيــل مـتــأخــر

طـــــــــــفـــــــــــل

يـنــقــال لــــــه شـــحـــاذ

يجينـي رافــع راســه يـطـق الـبـاب

وانـــــا بـالـحـيــل مـتــأخــر

يــــقـــــول افـــــتـــــح

أبــــي تــشـــري مـنـاديـلــي

أبـيــك تـحــس فــــي لـيـلــي

أبــي تــدري بـأنـك انــت ومثـالـك

قــســو واطــفـــو قـنـاديـلــي

ضــــــــوت خــــضـــــرا

وانـــــا بـالـحـيــل مـتــأثــر

تـــــركــــــنــــــي وراح

تـــــركــــــنــــــي وراح




طفل.. يسكن زوايا هالمدينه والقصيد شعـور
يضج بصبح وتحس بحضوره نشّـوة اعيـاده


يبدده الحكـي غصـبٍ عليـه ولا بقالـه دور
بقلبه من صحا عرق الغيـاب ومـزّق وسـاده


لأنه لابغا يقصر مـداه تضيـق فيـه بحـور
وربان الكلام اكبر مـن انـه يخفـي سهـاده


تنثر في يده رمل وبنابـه مـن خيالـه سـور
ليا ضاق الدهر عرّج عليـه وسـاور عنـاده


يجول بهيئته مثل الغريـب وينتمـي بسطـور
يردد كلمتيـن اقـرب مـن البـارود لزنـاده


(كفايه ياسهر فينـي عثيـت ولابدالـك نـور
كفايه كني المنفـي عـن بـلاده عـن بـلاده


عن حدودالأمل /عنّي/عن رياض غدت لي بور
عن احضان الحبيب اللّي سكني واعلن ابعاده)


يغص بعبرته لكن عيونـه تكشـف المستـور
يضيق به الفضا وادري شموخه يخفي اجهـاده


وانا من مرّني ذاك الكريم البائـس المكسـور
كتبته وارتسم في وسط قلبـي اجمـل قـلاده


حكاية شخص خلاني احـسّ بعالـم مغـرور.
يعيشونـه طمـع ماكـن طفـل مالقـا زاده


صوووت آخر .. بصوت واحد . ولاخيار بذلك


البارحه في وسط صدري صوت آخر للصمودوجه العراق وقبلة المقدس وتنهيـد وقصيـد


ان جيت للجنب اليمين هتاف تكبير وحشـودوان جيت للجنب اليسار اثر الوسايد من حديد


وشلون انام وغير اقلق راحته ابـن اليهـودغرّبه من داره ووطنه الشوارع مـن جديـد


مانيب قومي انتمي لحزاب واعـلام وحـدودانا تزوّلي جهنم لاصرخت هـل مـن مزيـد


وشلي اذا كانت حياة الناس من كبت وركـودوصراخ من بين الضلوع وخوف ياخذنا بعيد


ربي اعذني من حيـاة كـل مافيهـا جحـودربي وثبتني اذا الجمـع يتخـاذل او يحيـد


انت اللذي صحيت قلبي يوم قلبي في صـدودربي ولا تبقي بـذات اللبيـن جبـار عنيـد


البارحه لو يثقب الصدر القهر طـارو جنـودوصفّولي بكل انتباه وغطـو النـار بجليـد


اما نعيش محكمين الشرع في كـل الوجـودولاّ نموت سيوفنا اقرب من حبـال الوريـد



خلف المشعان .. يقولون ماعليك من احد


يضيق الصبح فحدود المكان وينكسر مصبـاح
ويظهر للشجر ضـل هزيـل يبعثـر اطرافـي


واحس ان الدجا طوّق مداي وثارت الأشبـاح
واحس بحمل يباري خطـاي ويثقـل اكتافـي


واحس ان الصبر مزّق رداه وضيّـع المفتـاح
مدام ان الصداقة والرجوله صعـب تنشافـي


يمر بيوتهم ديـم وغمـام وبـارق لـو لاح
يشق جباه خاليـن الكرامـه دامـه الوافـي


عطاهم ماعطا نفسه يموت من العطا ماطـاح
وهو يومه بغاهـم انكـروه وربـي الكافـي


آثاري دمعهم دمع يشابـه دمعـة التمسـاح
يبـل جفونهـم عقـد غريـب كـاذب طافـي


لك الله ماخبرت ان السنابـل خانـت الفـلاح
ولا اذكر قد توسدت المـلام بقلبـك الصافـي


أعرفك كوكب تضوي شهامه بالفضـا سبّـاح
وانا يالوايلي في بحر وصفك ضاعت اوصافي


خذ اجمل ماكتب هذا الخفوق من الشعر وارتاح
لأنك ياخلف شيـخ القصايـد لا نـزف قافـي


انا ياسيدي لاضاق صدرك لـك ذرا وسـلاحعن سموم الهبايب والجحود وجرحك الخافـي


فديتك مابكا فينا صغيـر ومارتعـش مسبـاح
ولاتخشـا محبيـن النذالـه دامـك سنافـي


تطمن لو يشحون بعطاهـم عطـرك الفـوّاح
يمر وجيههـم مثـل النـدم لاتـاب عرافـي


وتذكّر دامك البحر الكريم وغيـرك الأشبـاح
انا يالوايلي لاتلومنـي لـو ضـاع مجدافـي



مشعل دهيم


مشعل وتشتاق الحياة لصوت يرويها حنيـن
وكفوف عانقها القلم حرمان تكتب هالزمـان

البارحه يوم اتصـل يسـأل علـي بكلمتيـن
كنه عطاني من كنوز الأرض مفتاح الأمـان

كنه وهبني من وصاله يـوم كلـم بسمتيـن
وحده إلي والثانيـة تمتـد لرجـاء المكـان

ياكويت هو مثلي يحس ان الغلى ماله يدين
:تبطش ولاله مركبٍ يوصل بنا شـط الحنـان

تكفين يادار الحفـر كانـه وصلّـك علّميـن
الصاحب اللي من كتبته كل حرف فيـه زان

والوردة اللي قد سألها (هي تجين او ماتجين)
زرعتها واثر الشعر ضلـل عليهـا باتـزان

ياصاحبي دام انت تسوى في عيوني الف عي
نسلم على قلبك وقلّه صاحبك مايـوم خـان

ودامك ليا ضاق الصدر تسأل علي بكلمتيـن
فانا الوحيد اللي معه مفتاح بابـك يالأمـان


شموخ ..

أبد على حطت يدك مامن جديد ونكتبه
غير اني اعتدت لغيابك واستلذيت الرتابه

إلا انت وش جابك علي وخاطرك وش عتبه
على بقايا انسان مات من القهر محدن درابه

دام الوفا رجل تهاوى ماتشايله ركبه
آه ياوجوده وجد من حده زمانه للمعابه

قال الأمل قلت ارتسم لحظه وعدى وشطبه
من لايعرف إن الأمل ابسط طموحات الغلابه

قال انت .. شف تكفى جوابي وانتبه
ترى السؤال احيان يدعوا للتعمق بالإجابه

ماقدس الحطاب فاسه لين ماباع حطبه
وانا بعينك زنت يومك عشت من شعري مثابه

انا فقدت من الحياة اليوم قولة يايبه
وش عاد يثربي غيابك لو تطاولبي عذابه

رح واسأل التاريخ عن جرحي وش اللي رتبه
رح واسأل الحاجب من اللي صك للعشاق بابه

رح واستفز الصمت وتدري ليه ارخى منكبه
واصبح يشيل من العيوب اشكال لايمكن تشابه

( هذا النخل شامخ ولادنق ليا طاح رطبه
وشلون ادنّق لو يطيح القلب والساقي مشابه )

لايمايضر العين دمع من ولعها تسكبه
ولايضر الليل شمعة حب او ومضة صبابه

الموت جهدي لاتعبت وغصب غيري ينهبه
ياويل حالي مابقى فينا حياة ولامهابه

كان القصيد أكبر طموحك خذ قصيدي واكتبه
والا انا رجل يخاف يموت وغيرك مادرابه



مزارق رماح

خيل وصهيل وليل ومزارق ارمـاح
ورجال كـرّ وفـرّ والشـك زايـل

أرواح لله البقـى طــارت ارواااح
من دون الأرض وفوق ذيك الأصايل

وسيف شطير ودرع والهم منـزاح
وصدر وسيع وطيب قول وفعاااايـل

تطري على لامن ذكرت الـذي راح
رفيق دربي صفـوّة عيـال وايـل

يابومحمـد كـل ماقلـت ابرتـاح
من غيبتك سافرت والبعـد حايـل

ثلثين روحي تتبعـك درع وسـلاح
والثلـث يبقالـك شعـوب وقبايـل

تجمعوا في جيتـك وانـت ياصـاح
عقيـد قـوم ومضـرب للمثايـل