الشاعر تركي الميزاني قال قصيده في صاحب السمو الملكي الامير سلطان بن عبد العزيز حفظه الله
كريم يانوّ(ن)هبوبه تقوده
لي مدة(ن)وانا عيوني تراعيه
اكبر من الغربي ترازم رعوده
سيله حقاق والمخايل تباريه
اللي وطا حزم البلاد ونفوده
عقب المحل ماناش من عرق يحييه
ايام وسمه ماتجيك معدوده
ثابت على طول السنه من مناشيه
هتان ودان ذعاذيع نوده
تجلا هموم القلب والجرح تبريه
وليا سمك وبله وخيّم ركوده
تفرح به البيدا وتروا ضواميه
فوق البسيطه ماتحدد حدوده
مافيه وادي غير تجري مجاريه
والعشب انواعه تلاعب وروده
طلعه سوا من مدلهم(ن)يساقيه
هذي هماليله وهذي شهوده
كل(ن)يرحب به وكل(ن)يحييه
هذاك سلطان السعد من جدوده
غيث(ن)على غيث(ن)يعافيه
ياراح قلنا الله علينا يعوده
من كثر حبه ودّ شعبه يخاويه
وليا رجع تباشروا في وجوده
شيخ(ن)وحنا برض البلاد لمواطيه
حنا تحت رايه وحنا جنوده
واعمارنا في ساحة الحرب تفديه
القايد اللي منبع الجود جوده
صار الكرم صرح(ن)للأمجاد بانيه
((خلو كرم حاتم))وماضي عهوده
سلطان يعطي شي حاتم مايعطيه
خيره على العالم عسا الله يزوده
لو جيت ابذكر ماتعدد حسانيه
وفاه وصلة لكل دوله وفوده
من مد كفه مايبا احد(ن)يكافيه
وليا قدح من نار فكره زنوده
رايه سديد وكل تايه يقديه
وليا بطش ضاعت روابع حسوده
من سطوته خصمه يضيع هقاويه
هداج تيماء اللي يصدر وروده
ياحي ابو خالد وياحي طاريه
كنت اتمنى وقفتي في وجوده
واليوم انا موجود مابين اياديه
وهذا هو رد شاعر الكبير مرزوق بن محمد الرمالي الشمري :
كريم ياقاف(ن)خذته البروده
وعلى صفا سلمى تحطّم معانيه
قدام اجا غصب يتبخر صموده
ويصبح سراب(ن)بأوله لين تاليه
اصغر من اللي عن سمانا يذوده
يقفي وذعذاع الشمال متقفّيه
ماينثني لأطماع نفس(ن)حقوده
ياصار راعيها الخطا من مباديه
نفسه عن الكايد عزوم(ن)شروده
والا على الذمه كبار(ن)هقاويه
حايل غنيه عن نفوس(ن)جحوده
وتركي يبي سب الاجاويد يغنيه
سيرة سجاح اليوم منه معيوده
متفرش(ن)نهجه ونهجه مغطيه
لو كان مسلم ماسجد مع سجوده
فرض الصلاة اللي نصلي يصليه
شرهاتنا بالطيب نثبت بنوده
والا الردي ماله علينا مشاريه
وتركي عطا الله قام يشعب قعوده
يبي كرم حاتم يشيله ويمحيه
اكرم رجل يوم الحبال معقوده
واطلق شنب يجري كرم مايجاريه
تركي جحد والا النبي جاب جوده
تركي طعن والمصطفى اللي مزكيه
يمكن يشيل جبال حايل لسوده
وطويق للصمان يرسي مراسيه
دامه لحاتم طي جنّد جنوده
ويمكن فرس حاتم هو اللي مذكيه
دام الكلام بلاش يبذل جهوده
شاعر وطن يالله عسا الله يخليه
شاعر وطن يبغى المشاعر يسوده
وعلى حساب الغير يبني مبانيه
نعم(ن)بحكام الجزيره واسوده
حكام تاخذ حق وافي وتعطيه
حكام عدّو للمعالي سنوده
والكل منهم مانزل عن معاليه
الهرج ياجاهم تقيّد قيوده
يطيب هرج الطيب بلسان راعيه
ال سعود احرار جو مهدوده
وسلطان منهم ماتردا مداليه
والسرد مايغني رجال(ن)سروده
لو ماانسرد يعجبه سرده بشافيه
مانيب مجازيك
ما نيب مجازيك في صدك وهجرانك
ودعتك الله وتلقى واحد ثاني
أتعبت الأعيان والأقدام من شانك
وأنت ولا شيء سويته على شاني
فزيت لك يوم قلت أسمك وعنوانك
لو كان ما تنتمي لأسمي وعنواني
ما جيت أدورك ولا أطق بيبانك
وإلا ترجاك مثل فلان وفلاني
أنت الذي جيت لي وأعلنت بلسانك
أنك على شوفتي جايع وعطشاني
صدقت هرجك ومنطوقك من لسانك
وأقبلت لك مندفع من كل وجداني
ما كنت أفكر يجي في يوم نسيانك
وأنساك وأنت معاهدني ما تنساني
إلا بعد ما قريت الكذب في أعيانك
حاولت أوادعك وأنسى كل ما جاني
خلاص ما نيب متعني على شانك
ودعتك الله وتلقى واحد ثاني
يابنت انا قلبي
يا بنت أنا قلبي من البعد محروق
لا تحسبين أني قطعت العلاقه
محبتك في القلب و ابراجها فوق
تشيل صوت اسمك في حلم الصداقه
محبتن ما شالها كل مخلوق
بطاقتن يا حيها من بطاقه
يسوقني طاريك لمشاهدتك شوق
واشفق على لمست يدينك اشفاقه
و الصبر زين و كل مطرود ملحوق
شرهت قدم رجلي على عظم ساقه
زرعت لك زرع له اثمار وعروق
وقدمت لك من زهرت العمر باقه
وان كان عندك شك لا ناشك العود
في قلبي الي لك يزيد اشتياقه
الشوق مشتاق اكثر من الشوق
شوق ابدوي ضاعت نياقه
محاوره شعريه بين فضيلة الشيخ الدكتور عايض القرني الداعية المعروف والمحبوب
وبين الشاعر الشاب تركي الميزاني حبيت انقلها لكم
تركي الميزاني
سلام يا رمز الأدب والدين وبحور القصيد
ياللي بنيت أمجاد وصروح ما تمحاها السنين
إنت بزمنا أكبر عطايا وقتنا وأغلى الرصيد
ولا أقول غير الله يخليكم ذخر للمسلمين
عائض القرني
أهلا هلا بالشاعر المقدام والشهم الرشيد
في حضرتك ننثر سنابل كادها والياسمين
إليا ذكر تركي ذكرنا قصة القول المفيد
أقطف زهور الورد من شعره على مر السنين
تركي الميزاني
الله يبارك فيك ياللي كلما زادوا تزيد
وتبني من الأشعار ما تذهل عقول السامعين
النار فاتح بابها والموت في حبل الوريد
لكن متى تصحى قلوب الغافلين النايمين
عائض القرني
ذكرتني بالنابغة والبحتري وابن العميد
مجالس المأمون في بغداد وأيام الأمين
معاوية نمدح علومه مير ما نمدح يزيد
وش لون نمدح من توهق حيل في قتل الحسين
تركي الميزاني
هذي شهادة والشهادة منك يا دكتور عيد
نبي نعلقها على جدار الزمن للتابعين
أحد بها الدنيا شقي و أحد بها الدنيا سعيد
تمر دورات الزمن والعاقبة للمتقين
عائض القرني
أبي أرسل الأشواق لكن كيف يحملها البريد
أحسن نوصلها وليلة عيد شوق الطيبين
أرجوك خبّر كل مخذول وشيطان مريد
قبر الغزاة ديارنا وحنا عيال الفاتحين
تركي الميزاني
ضاعت حلول المشكلة يا شيخنا مابه جديد
إلا غرور أهل اليسار وصمت أصحاب اليمين
مدري نقول لما مضى من وقتنا ليته يعيد
وإلا عليك نهل كل الدمع يا بدر وحنين
عائض القرني
اليآس ذنب وعندنا أحفاد المثنى والوليد
والشبل من ذاك الأسد وأرض الوطن كله عرين
من يعتصم بالله ربه عاش في عمره سعيد
يبشر بحفظ الله له ويكون في حصن حصين
تركي الميزاني
حنا بلشنا بالقريب اللي عرض دون البعيد
يا صعبها لا حولت ما بين خشم وبين عين
الجرح مبطي مابرى والصبر ذاب مع الجليد
ولا أقول غير الله يعين القانتين الصابرين
عائض القرني
حنا تعودنا على طحن الحجارة والحديد
ولا نخاف الموت لنّا للجنان مسافرين
عدونا والله ما يحميه زيد ولا عبيد
على جماجمهم نشيد مجدنا الباهي المتين
سيرة بطل..
يافالق الصبح يامولج نهارك بليل --- ياجامع الناس في يوم البعث و النشور
عليك كل إتكالي وأنت نعم الوكيل --- يا عالم بالمصير و ماتكن الصدور
يالله يالله تهديني سواء السبيل --- و تعصم لساني عن الزله وعن كل زور
الشعر موقف وحده مثل حد الصقيل --- لو كان كتله من احساس البشر والشعور
ياما رقابي ورقيته براس الطويل --- وياما سبح بي بحور وغصت به في بحور
وانا ليا حان ميقافي قبست الفتيل --- و اوقدت من نار فكري للمسافات نور
واليوم لاهنت ياشعري مايخدم بخيل --- مادام سلحتك الافكار مانت معذور
قدمك من العز مايروي ظما كل جيل --- سوالفه تزرع الامجاد في كل بور
وقدمك لميع الهنادي والقنا والصقيل --- وقدمك من المجد ماترويه كل العصور
مسافته عز ماتنقاس كيلو وميل --- بركانها ماخمد وامجادها ماتبور
ياموكب الشعر وقف واستمع لي قليل --- حتى اني اعطيك للتاريخ رخصة عبور
سيرة بطل ماتغيبها حكاية رحيل --- تبقى بوجه الزمن كالنحت فوق الصخور
ماكانت ارض الجزيرة قبل ذاك الاصيل --- إلاتفكك عقيدة وانحدار ودبور
نهارها كم قتيل وليلها كم قتيل --- جنايزٍ مالهافوق البسيطة قبور
قويهم سلطته تسلب حقوق الذليل --- وشيطانهم ساد والظلم انتشر والفجور
وكلٍ لخصمه من اصناف العداوة يكيل -- وصدورهم من جهلهم فالمعاصي تفور
مال الاْمن شجرةٍ فيها مقر ومقيل --- ولابينهم للمودة في الجزيرة جسور
هذا قبل هيت تخطيها عيون الدليل --- وهذاقبل سطوة القرم العزوم الصبور
النادر اللي على العارض يهيم ويخيل -- من يوم عمره عشر شوره غلب كل شور
من قو باسه صنع ممكن من المستحيل ---- ومن طيب راسه يحل معقدات الامور
زهابه الصدق والاخلاص حمل الصميل ---- وسلاحه الدين والتقوى سلاح الغيور
جمَع شتات القبايل لين صارو فصيل ---- واخوان عقب التناحر والجفا والشرور
وحكم بشرع الكتاب اللي ماغيره بديل --- وعم الفرح فالبلاد وساد كل السرور
لامال ميزان غيره مايحيد ويميل ---- في سطوته ينكسر راس الجهل والغرور
شخصيته مالها في كل جيله مثيل ---- تجف الاقلام وبمدحه تضيق السطور
والله ليبطن ماجابن ناقضات الجديل --- مثله ولااقول في كل النشامى قصور
ويالله يامستجيب للدعاء ياجليل --- من عبدك اللي لك مطيع وذليل وشكور
ترسل على قبر ابو تركي صدوق المخيل-- وسمٍ يساقيه من غر السحاب البكور
وتهل فوقه بسيل مايلاديه سيل ---- وترحم عظامه وتغفر زلته ياغفور
وتجمع به المصطفى في جنتك والخليل --- وتحفظ عياله مواكير الحرار الصقور
وإنك تجمل وتهديني سواء السبيل --- وتعصم لساني عن الزله وعن كل زورٍِِ
ياصاحبي واللي خلق
ياصاحبي واللي خلق نعمة السمع .... انك هنا بين المعاليق ثابت
ماجيت لك صدفه ولاجيت لي رمع ... وأن غبت عني فرحتي معك غابت
غيري عبث ف الحب بسياسة القمع .. لكن لاودت ولايوم جابت
الا محبك من عشق يحسن الجمع .. ماشاب حبه لو قوافيه شابت
والدمع هذا اللي تشوفه ماهو دمع .. أشعلت عيني لجل اشوفك وذابت
واللي ينزل منها على خدي الشمع.. ارقد مادام الشوق في القلب نابت
الخلـطـه الـسـريـه
يـاعـذابـي مـنــك يـامـوتــي ويـاحـرمـانـي
..................................زابـنــك بالله تـخـفـف عـنــي الـلــي فــيــه
مـن عذابـي وشهـو الـلـى بـاقـي ماجـانـي
..................................فـي عيـونـي مــن عـذابـك صـايـر مـاريـه
وانــت تــدري كــل ماتحتـاجـنـي تلـقـانـي
..................................يشـهـد الله عـنـك مـاتـقـدر تـشــح يـديــه
بــــس تـكـفــي لاتـعـذبـنـي ولاتـنـسـانــي
................................ضمنـي يانـور عينـي فـي حـشـاك شـويـه
كـــل ماشـفـتـك تدخـلـنـي بـعـالــم ثــانــي
...............................عيـن تنظـر لــك بـشـر و الثانـيـه حـوريـه
فيـك شيـطـان الـهـوى ياسـيـدي وصـانـي
..............................بـالـغــلا والــولــف والـتـقـديـر والـحـنـيـه
والقصـيـده الـيـا بغيـتـه فـيـك مايعصـانـي
..............................يتباشـر فـي وصــوف عيـونـك السحـريـه
يـاوجـودي لــو أشـوفــك يـابـعـد خـلانــي
.............................يشـهـد الله لـحـذف الغـتـره مــع الطاقـيـه
كيف أنا المجني عليه وكيف صرت الجاني
...........................لعنبـوا حـظـك ضبـطـت الخلـطـه السـريـه
لين من حبك ومن طيشـك نسيـت اخوانـي
...........................صــرت أجــي واروح لاهــاذي ولاهـذيــه
والهوى هو حاكم شعوري وهو سلطانـي
...............................لاحـصـل لــي مـنــه لارحـمــه ولامـاويــه
أشـهـد أنــه راح فيـهـا تـركـي المـيـزانـي
............................ومــن يكذبـنـي يـعـرف الخلـطـه الـسـريـه
فاح عطر القصيد
فاح عطر القصيد وغردن الفرايد
..........................من ضميرٍ على بدع المثايل رهاوي
وشلعن من غصون الشعر ندر القصايد
............................شردن ما يروضهن قريب الهقاوي
وأستوت طبخة المعنى بجمر الوقايد
....................... لين ذيب القصيد من الوله جاك عاوي
حالف أني لعلقها قلايد قلايد
..........................لان ما عاد تطلع من ذهن كل راوي
وكان ما رضيت راعي الموهبه والمحايد
..........................والله أني لصير عن القصايد نحاوي
أعشق الشعر وآخذ من سنيني فوايد
..........................واتزود وانا اللي ما قطعت الرجاوي
جعل يومٍ جمعنا في الإمارات عايد
...............................دولة ما حكمها غير حر نداوي
لين صار الأمن والعز والخير سايد
..........................ومن يجيها فقير يروح منها غناوي
أعشق ترابها واحبها حب زايد
...........................ودي اروح عنها مير ماني بقاوي
املكتني وانا قلبي من الحب جايد
............................وحبها ما يداويه الطبيب المداوي
ودعت قايد غالي وفرحت بقايد
.......................عنده اكبر مصيبه مثل شرب القهاوي
وله عضيد على هامات الأمجاد رايد
......................منهو اللي براع المجد والطيب غاوي
سِعد منهو تعزوى به نهار الشدايد
.......................يوم فعل الشجاع يبين وقت العزاوي
وانا من دولةٍ فيها وساع البنايد
..........................دولة الآ السعود مزبنين الجلاوي
محاورة بين الشاعر الكبير / راشد السحيمي ،، و الشاعر/ تركي الميزاني
راشد السحـــــــــــــــــــيمي:-
أشوف الليل راح و لابقى إلا ساعة الموال
ألا ياتركي الالفين كيف أنته و كيف الحال
مادام أنك عقدت العزم رجع سلفة الرجال
لياهب الهوى ميلي شوية ياغصون الراك
أنادي على الصفين و أقول 00 و أكــــرر يا خنذف ياشبابه
بأعلمك ياتركي على طــول 0 0 على الخـــــط تنتظرك ذيابه
تركي المـــــــــــــــــــزاني :-
نبأ نلعب و جو الملعبة يا أصحابنا صافي
و ألا ياناشد عن حالتي طيب و متعافي
ونور الخير والع و المشاكل نورها طافي
لياهب الهواء ميلي شوية ياغصون الراك
قريت الرسالة و أنت مرسول 000 ياراع القراية و الكتابة
ترى السيف أبو حدين مسلول 000 أحذرك لاتقــرب نصابه
راشد السحـــــــــــــــــــيمي :-
عساك بخير أنا ودي لكــــــــم دايم ولاودي
وفيه ىأمور ياتركي توقفني على حــــــدي
لحيث الغدر ماهو طبعٍ لأبويه و لاجـــــدي
لياهب الهواء ميلي شويه ياغصون الراك
ياتركي ياشين عيونك الحول 000 وصلته و لاطقـــــيت بابه
ترى القول الأول غيره قـول 000 و تركـــي مصفيله حسابه
تركي المــــــيزاني :-
علومك يالسحـــــــــيمي طيبه للبال و تسره
و لياسولفت بأقصى نجد و إلا بأيمن الحره
لكن أخــــــــــر زمانك مختلف ياعاقل المره
لياهب الهواء ميلي شويه ياغصون الراك
لكن أنت ياراشد كما الهول 000 كما الهول في روس الشعابه
سمعنا صياح و دقة طـــبول000 و هاذي من عصور الصحابه
راشد السحــــــــــــــــــــــــــــــيمي :-
توصفني بجني و أنت وش حدك على الجني
لك الله مايصير النقص لامــــــــنكم و لامني
ألا يامطير بالله سكتوا هذا الولـــــــــــد عني
لياهب الهواء ميلي شويه ياغصون الراك
أنا شفت تركي قلت يازول 000 ترى الزول ما أدري ويش ابابه
سمعتوا كلامٍ غير معـقول 000 هـــــــــــرجتوا براشد في غيابه
تركي المـــــــــــــــيزاني :-
أنا ما أقول غير الصدق يارشاد عساك بخــير
تحسبنك تبي تضحك على حضرة رجال مطير
تزور و المزور مايعيش إلا على الــــــتزوير
ليا هب الهواء ميلي شويه ياغصون الراك
يموت الصعيدي لالقى الفول 000 يكـــــفن و ريحه في ثيابه
أنا مالقت الباب مقـــــــــفول 000 و راشد نسى ماصك بابه
راشد السحــــــــــــــــــــــيمي :-
سوالفنا كثيره لاتوصلها مطــــــــير و حــرب
ترى هاذي قبايل طيبه مالك عليــــــــها درب
تبيها يالمطيري طرح و إلا جمع و إلا ضرب
لياهب الهواء ميلي شويه ياغصون الراك
أثر عيشتك من حول لاحــول 000 مخاشر صعيدي في زهابه
ترى الكذب ماهو منك مقبول 000 بليهان جاب العيد جـــــابه
تركي المـــــــــــــــــــــيزاني :-
تسمع كلمةٍعــــــــــــــــــــــندي على هونك تسمعها
أنا الاعداد أبا أضربها و أبا أطرحها و ابا أجمعها
ياراع الصورة اللي كل رسام يلمـــــــــــــــــــــعها
لياهب الهواء ميلي شويه ياغصون الراك
ليارحت جعله روحة الجــــــــول 000 هاذي عن خناذف بالنيابه
أبا أمشي على صيوان و أزلول 000 و راشد يبي يقلع ســرابه
راشد السحــــــــــــــــــــيمي :-
ألا يامطير تركي عندنا بس أرسلوله فــــكس
ترى ماله صور ماعاد باقيله ياغير العكـس
من أول صورته متوفرة مع كل راعي تكس
لياهب الهواء ميلي شويه ياغصون الراك
بكم قول ياخنذف بكم قـــــــول 000 ياحتـــــى الدعيع مادرابه
من أول تعرف تصول و تجول 000 و هالحين ما بالحكي ثابه
تركي المــــــــــــــــــيزاني :-
ياراشد لاتكب الضل و تباين لــــــــــــــنا بالشمس
ترى أن الأمس غير اليوم وأن اليوم غير الأمس
ياراع الصورة اللي باقية مع كل راعـــي جمس
لياهب الهواء ميلي شويه ياغصون الراك
يبهلل على العربان بهـــــلول 000 و لــكن وش حضرة جنابه
مابين العرب سايل و ماسول 000 ياراع السؤال أخذ الاجابه
راشد السحــــــــــــــــــــــيمي :-
أنا شايب و حتى صورتي تقبل شوي شوي
ولكن صورتك يشفق عليها كل قــــلبٍ حي
أنا حصلتها قعدت أفكر هــــــي ماهي هي
لياهب الهواء ميلي شويه ياغصون الراك
أنا نجم واضح و أنت مجهـــــول 000 تدرق تقل ريس عصــــابه
يا أبو ثوب فيه العرض و الطول 000 لكن أسألوه من أين جابه
محاوره ( سمو الأمير خالد بن سعود @ تركي الميزاني
تركي الميزاني :
سلام الله سلاماً للعلوم الطيـبه عنـــوان
واعرف معزبه والضيف في حكمة معازيبه
وأنا لي صاحب ٍ ما ينطق الكلمه بلا برهان
أبا سولف معه والعلم يدري به وأنا أدري به
خالد بن سعود :
الا يا مرحبا واهلا بقلطة ساعر المطـران
تراحيب ٍ لها بالصدر تشريقه وتغريبـــه
وانا ياصاحبي مانيب مثلك للشعر مـيزان
ترفق بي توي غشيم وداخلي ريبــــه
تركي الميزاني :
يدوم الك البقا والطير ما يكفخ بلا جنحــان
وانا خابرك صقر وكل صقر ٍ له مخاليبـه
سبحنا في البحور اللي ضن اللول والمرجان
واخذنا ما نبي والوقت ما تصفي مشاريبـه
خالد بن سعود :
صحيح الوقت ما يصفي وتعكير الزمان ألـوان
واشوف الخايبه تعجب وهذي والله مصيبـــه
عدى عند الهزيلة شان والجزلها ثمنها هــان
وسيف الكذب والتهريج اشوف الناس تغزي به
تركي الميزاني :
اشوف اللي تشوفه طال عمرك يالله الغفران
واشوف الناس قامت تبتسم بسنون تركيبـه
لو إن اللي بنى البيت المسمى ثبت العمدان
ما شفنا الريح تلعب بين ذرياته واطانيبـه
خالد بن سعود :
يا كيف الحل والحاله سفينه مالها ربــان
يمشيها الهوى من حيث ما هبت دواليبــه
عربها ترقص وتزفن على حس الوتر والدان
يحسبون المعاني صولها من جاب له خيبـه
تركي الميزاني :
اظن الحل نتركها تهيم بغبة النســـيان
عساها من نصيب القيض لا هبت لواهيبه
لون النابغة مخطي ما عود بالرضى حسان
يكفينا رضى حسان والوقت وتجاريبــه
خالد بن سعود :
انا خابرك ميزاني وربعك كلم شجعــــان
علامك يوم عرض لك هدفها ما تضحي بــه
ترى صمتك عن الغاوي وتصديدك عن الخوان
عذاب ٍ للضمير الحي ولا في هرجتك غيبـه
تركي الميزاني :
انا مثلت فيك القاف ما مثلت فيه فــلان
وطبعي كل مقفي ما الحقه واشذب عراقبه
نبى نبعد عن المنقود والمشروه مهما كان
ولا نفرح على المسلم ليا كثرة عذاريبـه
خالد بن سعود :
أجل بنشدك عن فيل ٍ يحب مغازل النسوان
تضيق ابه الاماكن والمداخل من لغابيبــه
يقول إلهن أنا الساحر أنا الباهر وأنا الفنان
وهو ياكل شنق غيره وكل ٍ داري بعيبــه
تركي الميزاني :
سمعت إنه على كبره يحس بعقدة النقصـان
مجند له رعاة تمدحه وتقول يا طيبــــه
لكن الفيل يبقى فيل يوم إن الحصان حصان
وضلع طويق ما كل ٍ يبى المرقى يعديبــه
خالد بن سعود :
ما بين ممسح الريضان وبين ملهي الرعيـان
غد ما للجزاله دور ولا لاهل السنع هيبــه
الا يال الزمان الشين الا يا ضيعة الوجـدان
نزل في سوق ابن قاسم وكل ٍ قال كم هي به
تركي الميزاني :
من أول كنت يا هداج تيما تروي الضميــان
لكن اليوم جمك ما نذوقه من غثاريبـــــه
لا بد الوقت يكشف من هو الرابح من الخسران
وكل ٍ يلتبس له ثوب في قده يصلي بــــه
خالد بن سعود :
انا يعجبني الشاعر قوي الحبك والبنيان
إلي منه بنى بيته يشوقك فن تقطيبــه
اجاذبه العلوم اللي تونس والخفا ما بان
مثل تركي عساه يفوز بالمليون ويجيبه
بمحاورةين الشاعر ملفي المورقي والشاعر تركي الميزاني
تركي الميزاني
موال
وين ملفي وين ملفي لا يروح
جاه دكتور المفاصل والجروح
قالو انه من سلايل قوم نوح
والقناعه كنز ثابت فالحياه
قوم يالروقي وصلناك صف عيال روق = مثل صف مطير والنار من شبابها
(::::::::::::::::::::::::::::::::::::::::::::::::: ::::::::::
ملفي المورقي
موال
المواقف كلبوها ناد ناد
مايخوفنا صباح ولاهجاد
وانت قالو لحقتن من قوم عاد
والقناعه كنز ثابت فالحياة
من قديم الوقت وصفوفنا منكم وفوق = يالله التيسير والنار من شبابها
الهروج الضايعه ماله قيمه وذوق = يابن عم العير والنار من شبابها
تركي الميزاني
موال
المواقف مالها غير الرجال
الرجال اللي ترسي كالجبال
وانت مابين العرب روح وتعال
والقناعه كنز ثابت فالحياة
والله انك ماتعرف الغروب من الشروق = مثل ذاك الطير والنار من شبابها
وانت راعي شجرتن لاغصون ولاعروق = جعلها الجنزير والنار من شبابها
ملفي المورقي
موال
المواقف لرجال الطيبيين
مثل ابووافي ومتعب هالحين
اكتسح كل الرجال الحاظرين
والقناعه كنز ثابت فالحياة
مثل صاحبنا نبا نحط له فالسوق سوق = شوف وش يصير والنار من شبابها
شجرتن مامن تحته صبوح ولاغبوق = مالها تأثير والنار من شبابها
تركي الميزاني
موال
خلي متعب عنك يامال الغناه
المطيري رافع الله مستواه
وانت مالك لامفر ولانجاه
القناعه كنز ثابت فالحياة
من يصاحبكم يعود على ربعه سروق = طيح ولا طيروالنار من شبابها
والله نروقك بالمشعاب لين انك تروق = شر ولا خير والنار من شبابها
ملفي المورقي
موال
المطيري مرتفع واخشى يطير
ثم يصير الصبح شي مايصير
وقعوفوق البسيطه يامطير
القناعه كنز ثابت فالحياة
نحمدالله طبعنا لانخون ولانبوق = وانتم اهل البير والنار من شبابها
العرب تردعك وانت علىشان السبوق= وين رحت مغير والنار من شبابها
تركي الميزاني
موال
الله اللي عزنا بين الشعوب
بالشجاعه فالشمال وفالجنوب
وانت دوب انسترتك بك بثوب
والقناعه كنز ثابت فالحياة
اول العلم عيا ::::: فالمنطق صدوق = غير فالتزوير والنار من شبابها
محاورة بين صياف الحربي وتركي الميزاني المطيري
تركي ا لميزاني
سلام الله عليكم بالنيابه عن رجال مطيرسلام لويخص يعـم والعملـه سعوديـه
الا ياحرب لي وجهة نظر تبغى لها تفكيرعسى ذاك اللزوم يتم والعملـه سعوديـة
صياف الحربي
هلا يامرحبا بالخير واللافي يـروح بخيـرعسى تركي يجيله عـم والعملـه سعوديـة
عيونك صاحيه وتشوف حتى اللي بقاع البيرلكن البكم راحت صـم والعملـه سعوديـة
تركي الميزاني
يدوم لك البقا يالشاعر اللي عن شبابه غيروانا همك ليا جا الهم والعملـه سعوديـه
عيوني شوفها يم الجبال اللي سوات النيروأنا ما أذبحك لوفي دم والعمله سعوديـة
صياف الحربي
انا قبل امس مروني ثلاثه فوق ظهر بعيروالاوسط ثوبه ماله كم والعملـه سعوديـه
اليا جابو مجال السالفه محمي عن التقصيرولن دورت قلنا سـم والعملـه سعوديـة
تركي الميزاني
بعد مروك ياصياف وش سويت من تدبيرعساهم ماسقوك السم والعملـه سعوديـه
انا ماظنتي من عقب ذاك الزيريطلع زيرخسارة اللأبو والـلأم والعملـه سعوديـة
صياف الحربي
مشوا قبل الصباح ونزلوا وسط القصيم عصيروجبنا الجمر وقالـوا تـم والعملـه سعوديـه
سواليف البدو بيـن الجماعـه كلهـا تزويـرهـذا يمـدح وذاك يـذم والعملـه سعوديـة
تركي الميزاني
تقوله وانت ياصياف ماتسلم من التكبيرتذرى بين خال وعم والعمله سعوديـه
الا ياحرب شيلوا فرتكم للمجمعه وسديرمخبط مايسام بكـم والعملـه سعوديـة
صياف الحربي
ترى كلمتك هذي مخطية يبغالها تفكيرنثرت الحب لمه لم والعملـه سعوديـة
انا خابرك شاطر ماتدور لحمة الخنزيروذا الحينه تظمه ظم والعمله سعوديـه
محاوره بين الشاعر تركي المطيري والشاعر فواز العزيزي
( تركي 2000 )
وين انت وين انت يافواز هات الخبر ### عن ربعك اهل السوارقيه وما حولها
قامت تدافع بوابير السعد فالبحر ### وانت تعرف القظيه قبل لاقولها
( فواز العزيزي )
ابشرك طيبين ولا علاهم خطر ### يامطري الديره الي جاك مرسولها
اخر خبر طوع الالفين كرت حمر ### والمشكله قبل تكبر دبر حلولها
( تركي2000 )
وش تنتظر ياوسيع العرف وش تنتظر ### المعركه يالعزيزي دقة اطبولها
الساعه الحاسمه ماعاد فيها صبر ### صفو لها ياعيال مطير صفولها
( فواز العزيزي )
الله يوصلك ياتركي لحد القمر ### لين الجبال المنيفه ماتجي حولها
يامطير تركي يشرفكم ليا من حظر ### لاكن قومو لها تكفون قومو لها
( تركي 2000 )
ماباقي الا سبوع وتنتهي ياشهر ### وتبرك الزمل فالمبراك لحمولها
من يعترظ في طريقي بشره بالسهر ### اقولها ياوسيع العرف واطولها
(فواز العزيزي )
ماصايبك ياولد ميزان غير القدر ### لو كنت تحسب جيوش الناس وخيولها
يالعنبوها يابن عمي حيات الفقر ### ياجعلها فال للي تصغر عقولها
(تركي 2000 )
الاوله روحت والثانيه من عصر ### والي يعرف السنه لايجهل افصولها
المرجله ياوسيع العرف تاج وفخر ### والثانيه ياعساها تحكم قفولها
ديوان تركي الميزاني ( تركي 2000 ) 
العرض العادي
