معقوله تجـي منـك .. وترمينـي لأي إنسـان
يلملمني ولا يلقى .. في عيونـه غيـر دمعاتـي
أنا ما أصدق إنك أمس .. تنهيني مـن الوجـدان
وترميني وأنـا أشـوف القبـر نـادى مسافاتـي
كسرني الشتاء يا وليـد وأنـت بداخلـي غفيـان
تحملت السنين وقلـت علـى الله تلملـم اشتاتـي
صحابي البرد واللهوب وأنـت بداخلـي دفيـان
تحملت الأسى والضيم عشانـك يـا بعـد باسـي
أنا أمك يا هيه أمك . حملتـك والعـذاب الـوان
ولدتك والألـم سكيـن .. يركـز داخـل لهاتـي
وأنا أثناء الولادة من .. بكاء صوتك طعنت أحزان
لأني شفتـك بصوتـك تنـادي كـل طموحاتـي
ومهدتك بعين وعيـن يشـرب حضنهـا القـرآن
وهزيتـك وكـان النـور يتهـزز مـن دعاتـي
أضمك في يديني لا تجـي وتقـول أنـا بـردان
تركت البرد لضلوعي رح أسأل رعشـة شفاتـي
كبرت وصرت بعيوني شجاع واشهـم الفرسـان
وحلفت أني على عرسك لأرقص كـل شيباتـي
أسولف للبشر عنك أقـول و لابـه أي نقصـان
فضايل بالشهامة شـب طموحـه فـي معاناتـي
وله شان الصقر لا لا أخذ منه الصقر لـه شـان
يجي مثل وهو لا طـب حنينـه فـوق راحاتـي
يقولون الولد هو خان .. أقول وليدي لا ما خـان
وهم يدرون مـا غطـى منامـي غيـر وناتـي
أفا وشلـون تتركنـي يكحلنـي عمـى النسيـان
وأنت أدرى في يوم الحشر .. جنة تحت خطواتي
لك الله ما نطق صوتي لك إلا بدعـوة الغفـران
ولكن خوفي من حزني ومـن دعـوات عبراتـي
تدين اليوم يـا وليـدي وباكـر للأسـف تنـدان
ويرمونـك مثـل أمـك وتذكـر حلـم شيباتـي
@@واحد حبيب@@
قصيدة عن الأم 
العرض العادي
