كيفكم جميع انشاء الله طيبين

قصيدة كتبتها وحبيت اعرضها لكم وانشاء الله تعجبكم :

يمر طِيفه على بالي وفي قلبي مساحاته
ويمر دمعي على خدي لا منه تهيالي
جرحني خلي الوافي وعجّل في نهاياته
وعقبه انقلب حالي وقلت الجرح اشوالي
ثلاث أشهور يابندر ولا ادري وين خطواته
غيابه جدد الأمي وزود من شقى حالي
تعبت اصبّر الخافق واكتم فيه عبراته
تعبت اساير أطموحي وتلعب فيني أمالي
شعوري دمعة الشاعر لا خطّت كتاباته
شعور العاشق المشتاق يجر الاه بالعالي
ثلاث أشهور يابندر وقلبي زادت آهاته
أشوفه حلم أشوفه علم وفي حلي وترحالي
غفيت البارحة بالليل وشفته بأبها حٌلاته
عروس والناس من حوله تبارك له وهو سالي
يهوجس بين خلق الله يدور عن ضنى ذاته
وانا طاير من الفرحه انادي ياهوى بالي
تلفت يمي وناظر وبانت ضحكة اشفاته
وجا صوبي وانا واقف شعوري يشبه اسؤالي
حقيقة ذا نظر عيني ولا هو الحلم ذاته
نفس الحلم يراودني ولا عني توارالي
لا فستان ولا زفة ولا معرس بضحكاته
مجرد حلم شاغلني من زود شوقي تراوالي


أبو فهد

غفيت البارحة بالليل وشفته بأبها حٌلاته
عروس والناس من حوله تبارك له وهو سالي
يهوجس بين خلق الله يدور عن ضنى ذاته
وانا طاير من الفرحه انادي ياهوى بالي
تلفت يمي وناظر وبانت ضحكة اشفاته
وجا صوبي وانا واقف شعوري يشبه اسؤالي
حقيقة ذا نظر عيني ولا هو الحلم ذاته
نفس الحلم يراودني ولا عني توارالي

صح السانك أخوي أبو فهد قواك الله
قصيدة جميله أنا جزتلي أخوي أبو فهد
فالك توفيق بيض الله وجهك لاهنت

حياك الله ابو نايف

مرورك يشرفني اخوي

الف شكر ،،،

كنت هنا وليا عوده

واذا اتخرت لا تستعجل


مشكور

قصيده رائعة بالفعل


سلِمت أنامِلُـك




فجررر