كنت نايم.. وبعالم الأحلام هايم
مادري في شو كنت أحلم
مره احس اني اسوق سياره..
ومره اقول كنت مضيف طياره..
كان الجو بارد..
وكنت متغطي وشارد..
رن التلفون
وقلت ياترى من يكون؟؟
هذا المزعج هل هو صديق ولا مزيون..
هل هو عاقل ولا مجنون؟؟
رديت عليه وانا كلي شك وظنون!!
وبـرقه بعد ماكنت عصبي انا انسان حنون.. سمعت صوت ماتوقعته.. :
ولا في خيالي تخيلته..
ولا حتى بحلمي سمعته..

بنت..

قلت هلا
وقالت اهلين..
نوره موجوده؟؟

قلت وأنا صوتي رايح فيها..
لحظه شوي بناديها..
وجلست أصوت واقول نوره .. يامن نوره يلاقيها..
ورديت للسماعه وقلت مادري وين راحت الله يهديها..

بس دقيقة ماعندنا نوره!!
وبادر البنت خوف!!
قالت آسفه غلطانه..
قلت ولا يهمك عادي لا تكونين زعلانه؟؟
مايهم اذا ماعندنا بالاسم فلانه..

وقالت شكلك كنت نايم..
قلت لا.. توني قايم..
قالت تدرس ؟؟

قلت الدراسه خلاص باح..
انتي شكلك تدرسين؟؟
كيف اختباراتك ؟؟ عسى أنكم مرتاحين
قالت باقي لنا ونخلص يومين
وخايفه والله من مادتين..
قلت من الاختبارات لآ تخافين..
دامك الليل تذاكرين..
وعلى الله تعتمدين..
واللي يزرع جح ما يحصد يقطين..
أهم شي انك ماتنسين..
قبل الاختبار الله تدعين..
ومن إبليس تتعوذين..
خلقه من نار وخلقنا من طين.. وحنا نسولف في أمور..
من شو اسمك الين غلاء المهور..

قالت اسمي (ود) وقلت لها انا وليد..
وقالت صدفه غريبه اسامينا فيها دال..
تصدق كنت اتمنى يسموني نوال!!
تصدقين وانا كنت اتمنى يسموني جمال

وحنا نسولف في بحور الشعر والموال..
وماهمنا كلام الناس والعذال..
وفجاءة خلصت السوالف ولا لقينا اللي ينقال؟؟
وسكتنا..


وبدلع..قالت أنت تشجع الوحده؟؟

قلت في قلبي.. مادري أجاوبك بكف ولا بنعال..
بالله عليك هذا سؤال؟؟

قلت أنا هلالي .. وما يهمني القيل والقال..
هذا الكوماندوز هذا حبه طاح في القلب ولا ينشال..
والشمس مايغطيها مشخال..

قالت شمعنى الزعيم !!..
قلت يا بنت.. الشعب فن ولعب ويفوز باللي حضر..
وجمهوره له كلمة وامر..
يابنت..لا تغريني بالكثير..
لو تضربين مليون بصفر تساوي صفر..

و حتشرنا وشبينا.. بس بسرعه انطفينا..
الظاهر بعضنا هوينا..
وبدرب الحب ابتدينا..
قالت.. وليد..
قلت آمري يا ود..
قالت اوصف لي شكلك..

هذا وين توهقنا..
شوفي العرب لونهم واحد
ولسانهم واحد.. واحلف بالله ولا غيره أحد
أني مب طويل ولا قصير..
شعري ناعم مثل الحرير..

قالت والعيون..
قلت العيون شبرين في ثلاثه اشبار
قالت اسد..
قلت شكرا يا احلى ود
المهم ان تواعدنا..
والموعد بكره في المول قررنا..
بين خوف وامل تواعدنا..

وقضيت ليلتي في حيرة..
شو البس؟؟ جنز ولا كندوره والله حيرة..
مافي غيرها تفك الحيرة.. شيشه و تعميرة..


ورجعت للبيت اعاتب امسي وابتسم لغدي.. وبصعوبة نمت.. قعدت اتقلب وون..
يا قلبي قلي شو اللي من الحب اهون؟؟

غريبه هالدنيا غريبة..


وراحت ليلتي.. وزادت بلوتي..
اليوم موعدي.. انا والحب بنلتقي..

وكشخت
لبست فوق راسي غترتي..
في مكان اللقاء تغيرت حتى خطوتي..
صرت ارتجف واترنح بمشيتي..
كائني انساق للموت وهاذي نهايتي..

مب سوالف شجاعة.. هذي اكبر بطولاتي..
اذا خسرت بتضيع احلى امنياتي..
جلست ادور والف وحول المكان اطوف..
وين هذيك العين اللي عليها قلبي ملهوف..
ود؟؟ ياليت الناس تجي وتشوف..






وفجاءة..







وصلني مسج..
يقول..
سويتها فيك يا وليد..
رد بيتكم وخل عنك هسوالف ياتـعبان


روح نام ..
تعيش وتاكل غيرها
و سويتها فيك ..


المرسل:
الوالدة.


الشباب يطفو فوق شبر ماء او مكالمة من جوال

يعطيك الف عافيه هازم النجلا
يحرام سوتها الوالده فيه
يعيش وياكل غيرها

ههههههههههههههههههههههههههههههه
اما الوالده ههههههههه من جد انا دخلت جو
وانبسطت ياهلالي ياحركااات
الله يعطيك العافيه,,,,,لك خالص احترامي
حـــــــــــــــلا

هههههههههههههههه ..

يسلمـــــــو هـازم اخـس واللـــه هـاالأم ماتلـعب هع ..

يعطيـــــكـ الـف الـف عافيـه على الطـرح الرائـع ..


لاتحرمنـا جديـدكـ المبـدع ..



لـــــــــكـ خالص احتـرامي ..

ههههههههههههههههههههههههههههههههه


والله ضحكتني من قلبي ياهازم النجلاء

مقلب حلو تعيش وتاكل غيرهااا

هههههههههههههههههههههههههههههههه

سعودي ** حــلا ** مجننهـ ** لـحظـة

ربما نلجا الى الفكاهة من اجل ايصال هدف سامي

نصيحة او دق ناقوس الخطر من شي معين واعتقد من كلامكم انكم

لم توصلو الى ما اصبوا الية

وهي اين عقولكم ايها الشباب

كثيرون الذين هم ضحايا التقليد فكم من شخص انفق الكثير على بطاقات سوا هبة منه للفاتنه التي يسمع صوتها وهو لا يعلم انه تمساح يترنح به ,,,

كم من اتصالات فضحت أناس كثيرين وآخرهم قصة مدير بريد احد المناطق عندما تم تسريب مكالمه طويله له مع رجل يقلد صوت فتاة حتى وصلوا لمراحل يستحي الكرام من طرقها ,,

للأسف فقد صنع الغرب تقنيات للفائده واستخدامها وقت الضروره وفيما يفيد ليحورها العرب إلى وسائل ترفيه وتبذير ويطرقون بها ابوابا حرم الله طرقها ,,,,

تحياتي للجميع

دمتم بود

هازم النجلاء

ههههههههههههههههههههههههههه
والله دخلت بالجو وسرحت بالقصة وبالخر تطلع الوالدة الله يهديه بس ما عرف الصور معذبني اقرى كل هذي السطور

ههههههههههههه

يعطيك العافيه اختي بنوته

مرورك اسعدني

لكي الحترام والتقدير

دمتي بود

هازم النجلاء

هـــــــازم.

هههه قصه جميله جدا

تميزت بطرحها لنا..

حملت المتعه والفائده ايضا..

ان اردناها للفكااه فهي لها وان اردناها للعضه فهي لها ايضا

ساتحدث عن العظه فيها .. فهي اكثر ما اشدني.. بغض النظر ان من كاانت هذه المراءه هي والدته ..ٍاتحدث بصفه عاامه..

اكثر ما المني .. الحب؟.. كيف له ان ياتي بهه السهووله والسرعه.. الا اذا كاان الشيطاان هو من زينه يعينهما ..

انصيااع الفتااة بهذه السرعه ؟.. كيف لها التحدث مع هذ1ا الغريب بدون اي مدعااة للحديث..

مكالمه اخر الليل؟.. كم اكره هذه المكاالمات وان كاانت لااشي فيها.. فالليل مدعااه للشبهاات مكاالمااته لاترووقني ابدا..

هــــــــازم..

اعتذر عن الاطااله..

ولكن روعة طرحك استوجبت ذلك ..

اعذب امنيه

اسطورره

يعطيك العافيه اختي اسطوره

مرورك اسعدني


لكي الحترام والتقدير

دمتي بود

هازم النجلاء