لكون كله عبارة عن مجتمعات..
وكل مجتمع له عاداته وتقاليده..
موضوعي هذا يتكلم عن ..
{البنت اللي تدخل عالم الشبكة العنكبوتيه}ووش يقولون عنها الناس!!!
وليش بعض الشباب ما يرضى لأخته إنها تدخل النت!!؟؟
يعني وش وجهة نظره؟؟؟؟؟؟؟؟

أنا مره قريت بمنتدى من المنتديات واحد يقول
(طلعولي بنت ما تعرف النت وإذا سئلتوهاا وشو الانترنت وقالت هي طبخه ولايش ؟؟؟ تزوجتها!!!!!)
طيب هل تتوقعون إن كلامه صحيح؟؟
أو إن أفكاره رجعيه!!!

بعدين ترى مو بس الشباب .. يعني فيه بعض الأمهات والآباء يرفضون لبناتهم إنهم يدخلون النت
بحجة
{ وش تبين يقولون عليك الناس؟؟؟ تبين سمعتك تخرب؟!!!!}

وحتى بعد فيه بنات من نفس جيلنا تحسه عيب إن البنت تدخل النت...
ويووووووووه إذا شافت وحده تقول انا ادخل النت!!!!!

المشكله هناا استخدام النت بشكل غيرصحيح فيصل لنااس بصوره بشعه لدرجه انه في بناات اعرفهم ماايببون احد يعرف عنهم انهم يدخلو نت واذا احد سئلهم عن النت قالوو مانعرفه !!!!!!!


(((((( لأن رحم الله امرئ كف الغيبة عن نفسه))))))


هل النت سئ لهذا الحد؟؟؟

مع ان الانترنت عاالم من المعلومااااات والافـــااده



أعضــــــاءالمنتدى نقلت لكم الموضووع حابه اشوف وجهات نظركم ..

حطوا أرائكم ووجهة نظركم ونظرة مجتمعكم واللي حولكم ...


انا عن نفسي بقولكم رايي

انا بصراحه اهلي كانو رافضين النت تماما ولكن السنه هذي الحمد لله ربي هداهم واشترو لي لاب توب ركبت الديسل والحمد لله
وصرت اشارك بالمنتديات واقرأ كثير
بصراحه النت غير لي حياتي للافضل الحمد لله
اتمنى تفاعلكم في الموضوع
اختكم العضوه الامعه
لحظة دفااااااااااااااااااااااااااا

مشكووره أختي ( لحظة دفا ) العضوه اللامعه .


أنا بقووووووووولك رااايي العيب مو من النت العيب منا أحنا واستعمااالاااتنا الخاطئه أنا ما أقوولك أن استعماالي للنت صح ميه بالميه طبعاً بيكوون فيه شوية أخطاء ...

بس فيه نااس مثل ماقلتي أفكااارهم رجعيه بقووه ...

أنا قبل سنتين كنت أدخل النت بالدس محد يعرف اني ادخله تدرين ليش لانهم منعوني منهم وحسيت اني لازم اشوف هالممنوع ليش هو ممنووع ( على فكره ابوووي مؤيد للنت بشتى وسااائله )

وبعض الشباب يمنعووون خوااتهم من النت على اساس انهم يستعملونه استعماال خطاء ومايبون خوااتهم يستعملونه مثلهم ...

هذا رايي انشاء الله يكون رايي صح ..


أختك / أم خماااس .

ام خماس اشكرك على رايك
ويمكن انتي كنتي مثلي محرومه من النت وكلامك صح كل ممنوع مرغووب
اشكرك مره اخرى على مرورك الطيب وسلمت يداك


اختك لحظة دفااااا

اهــــلاا بالعضوه اللااامعــــه

* لحظـة دفـــــا *

نورتــــــي قسم النقااش بطرحك الجميل

احيي صرااحتك وطرح رايك بكل ضوح..

شوفي غنااتي.. النت سلاااح ذو حدييييين
بس الناس تعودوا ياخذون الشر ويخلون الخير

وهم ماخذين بسمعه النت بصفه عاامه.. ان فيه بلاااوي وياما ضيع بناات و...و...... الا مالاانهايه من الصفات السيئه اللي ماخها النت...

وبالنسبه لدخول البنت للنت مو لااني ادخله.. بس اتكلم بصفه عاامه. فيه فائده لها بشكل كبير جدا وتستفيد منه الكثير.. ومكن تتعلم منه اللي ماتعلمته بحيااتها.. وعني بصرااحه عرفت منه اشياء يمن لو عشت 50 سنة قدام ماتعلمتها ... لانه بصرااحه بحر من العلم..

وبعدين بفهم ليه الشاب يرضى انو يدخل منتدياااات ويناقش البنات فيها ويطرح قضاياوموضوعاات ويشارك البنات بطرحهم.. وبعدين جي ويقول اختي لاااء.. طيييييييييييييييب فهمني ... انت تشوف كل اللي بالنت قليلااات ادب او معدومات من الاخلاااق لااسمح الله عشان تمنع اختك منه؟.. وبعدين حلاال عليك حراام عليها؟..

عني ..اهلي عارفين اني اخل النت واشاارك فيييييييييه.. ماعندهم اي مشاكل طالما انوانا عارفه حدودي وماسكه ادبي واخلاااقي مع الجمييييييع..

واذا على كلااام الناس محد سلم منه.. ومايهمني نهاائي.. واللي يتكلم اعرف ارد عليييييه واواضح له انه انسان جااهل ويحمل تفكير رجعي .

هذا رايي بكل صدق وصرااحه.. وياليت شبابنا يكبرون عقولهم شوي ويرتقون بتفكيرهم...

واذا عالاهل هذي معاهم حق من نااحية .. لاانهم ماجربوه وما يدرون وش فيه عشان كذا يفضلون يبتعدون عنه نهاائي.. ويكفون انفسهم شره ..< اتوقع كذا تفكيرهم...

اعتذر عن الاطااله.. ولكن طرحك يستوجب ذلك..
كل الشكر غاليتي لطرحك المميز..

بانتظاار ابدااعك القادم هُنا..

ارق تحيه واعذب امنيه

اسطورره

فتاه اسطوريه
احترم وجهة نظرك واؤيدها
انو النت سلاح ذوحدين
الله يجعلنا ممن يستخدمه في الخير

اشكرك على المرور والمنتدى منور بوجودك ياعسل

واتمنى ان نكون جميعا اعضاء لامعين في منتدنا الراقي والمميز

اختكم لحظة دفاااااااااااااااااااااااااااااااااااااااااااااااا اااااااااااااااااااااااا

اسمحو لي لعلي ابين لكم شيئاً يخفاكم
المرأة في كل مكان واحدة من اثنتين ، إما صالحة أو طالحة ، والمرأة الصالحة تكون في كل مكان مثالاً يحتذى ، والمرأة الطالـحة تحمل ما في نفسها من مفاسـد في كل مكان تتواجد فيه .
ماذا على المرأة لو شاركت في الرأي ؟ هل أفكارها عورة ؟
لعلي اجاوب على هذا السوال من ناحيتي لأ ليست عورهـ ،، ومن ناحية بعض الشباب نعم انها عورهـ والفتاه التي تبدي رايها فتآه لاقيمه لهأ ولا تصلح لزواج الاتعلم ياهذا ان الفتاهـ نصفك الاخر اتعلم ان الفتاه هي شريكة حياتك ومن اصول التفاهم بين الازواج المشاركه
،
ام ان عالم الانترنت حلال لرجال ومحرم للفتاه ولعلي اضع بين يديكم الدليل

][ألـم تناقش امرأة عمر بن الخطاب رضي الله عنه جهاراً نهاراً فصوب رأيها وخطّأ رأيه ؟][

إذا مالمآنع من ان تنيرنآ الفتاه بافكارها
وانا اعتقد ان الكثير من الناس يحكم على الانترنت من خلال مايسمعه من الناس ولايكلف نفسه بالبحث والتأكد والمنتدى مفيداً للجنسين ذكر ام انثى والمره لها كينهآ ومتطلبتهآ ولابد لها بالتعبير عن وجهة نظرهآ الشخصيه بكل حريه ومجتمعنآ محتمع اسلامي يرفض الأختلاط ولعل الوسيل الوحيده لابداء الرائي للفتاه هو المنتدى وليس اختلاط فآلانسانه المحترمه المحافظه على عادتها وتقالديهآ اينما كانت واينمأ وضعها الزمان تضل تلك الانسانه المحترمه بتصرفتها الزمن تغير ونحن نحتاج للانفتاح اكثر ولكن بطرق مشروعه وبـما يرضي الله عز وجل..
وجـميل عندما يخطب شخص فتاه وهو يشارك بمنتدى ..
ان تطلع على وجه نظرة وكتاباته..
ربما لاتعبر عن شخصيته الفعلـيه ولكنها تعكـس بعض صفاته و وجهات نظره لبعض الأمور المهمة..
وأخيراً لنترك عـنا كلام الناس ولنتحرى بانفسنا عن ماينفعنا ..
فالانترنت فوائدة لاتحصى للجنسين فلا نحـرم انفسنا من استخدامه بما هومفيد..
بالطبع هناك السيء ولكن كل شخص منا يعرف النافع والمضر له..

هذي وجهة نظري ...

ووكل شخص له وجهة نظـــــــــــــــر ...


لحظـة دفـــــا

كل الشكر اخي لطرحك المميز

بانتظاار ابدااعك القادم هُنا

دمتي بود

هازم النجلاء

اخي هزم النجلاء اشكرك على مرورك
ووجهة نظرك في محلها واحترمها جدا وهذي وانا دلت فانها تدل على رقي افكارك
اشكركم جميعاااا

لحظة دفاااااااااااااااااا