تابع ( 2 )
أبـــعـــاد
ماغبت عنك الا.. لأن .. الغلا زاد
....................................... وزود الغلا .. معناه : رفع الكلافه
:
ورفع الكلافه .. وارده بين الاجواد
........................................ مرات حتى ... عن حقوق الضيافه
:
الود ودي .. نلتقي دون .. ميعــاد
.................................... رغماً عن انف الوقت .. واللي تخافه
:
تعبت اغني لك .. من الشوق أبعاد
...................................... أبعاد أغني .. رغم قرب ..المسافه
:
عقلي يقول : اقبل عذر سلم الاجداد
...................................... وقلبي يقول : ان سـلم الاجداد تافه
:
ماهو بتافه لكن .. الصبر مافــاد
........................................ وإلا العمر .. لو ضاع ماهو حسافه
:
الضيم أخاف .. إنّا على البعد نعتاد
....................................... وارجع من اول .. ياحياة الكسافه
:
يامن غلاك بداخلي .. شكل بلاد
...................................... مالك خليفه .. لوتركـــت .. الخلافه
:
أنا .. ولحظات الهنا .. دونك أضداد
....................................... والمعترف ... يحكم عليه اعترافه
:
حكمت قلبٍ .. مايحكمونه أسياد
..................................... وكشفت شيٍ كان صعب اكـتشافه
:
آلاف غيرك .. صارت بقلبي آحاد
....................................... كل آفة ٍ فوقه ، من الخلق .. آآفه
:
لاتستضيق ان غبت دام الغلا زاد
.......................................... بيني وبينك .. حل رفع الكلافه
رد خلف على مطلق النومسـي ...الردية
بََ كَ .. البقا .. ياللي بربعـك تهلـي ماهي غريبه .. وانت راعي مواجيب
من لايهلـي فيـك .. جعلـه يولـي ولا يذكر الا في ... جزيرة سرنديـب
رحبـت فينـي قبـل ارحـب لعلـي انسى زعل غيبتك .. يوم انك اتغيـب
مو مشكله .. بنسى واعـدي واجلـي ولاهي كثيره من قليـل .. العذاريـب
نطلع من الترحيب وادخل على اللـي لو مابراسك شيب ، يطلع به الشيـب
انا اعْرفك واعرف وذى ( الهومدلي ) عرف الرمل .. للحيـة ام المساحيـب
ترى المجلي غير عـن ( بامجلـي ) لاتعتجل وافطن ترى النظرة اتصيـب
اللي حصلـك بالمنـاره ... حصلـ يسجن المناره .... مثل سجن الدواليب
يكفيك مالـك بالحفـر عـن حولي ذيبٍ على قولك .. ( مذوبك تذويب )
بطّل .. هوالات .. الهبـوط المظلـي ياالزير ماتلعب على .. خيـك كليـب
مقفي تعشى هنـاك .. مقبـل تحلّـي حامض على بوزك .. تحلى على ذيب
اهـداء من خلف المشعـان الى مطلق النومسي
يامطلق المشعان .. عز الله اقديت
....................... وماوالله اخلف عن جوابك .. جوابي
:
:
انت تخبرني .. لا تغيبت .. سديت
........................ وانا اخبرك انك .. تســد ّ بغيابي
:
:
وانا اول اللي يعتزي .. لا تعزويت
......................... وانت اول اللي لا هقيت .. تهقابي
:
:
محدٍ له معشى معي .. لين .. طليت
....................... قاسمتني يالذيب الامعط .. زهابي
:
:
فان جيت والا قدّر اللـّه .. ماجيت
......................... المرحبا بك .. عدها ... مـرحـبابي
:
:
ادريبك ادري ، ضاق صدرك وسجيت
...................... وقمت تحسب ضمن الخسـاير حسابي
:
:
لا لا يبن عمي .. ترى .. ماتخـليت
...................... اصبر .. عليّه .. لين اكمل .. خطابي
:
:
ابيك تفهمني .. لياقلت .. مليـ ت
........................ ياعزوتي .. كل يوم .. يكـبر مـصابي
:
:
ماتجهلك بعض السوالف .. لو اخفيت
......................... وحياة ابويه .. من حكابك .. حكـابي
:
:
يوم اشتهرت وصارلي بالعرب صيت
.......................... شفت الحسـد يطـلع .. درابي درابي
:
:
من عشرة الشعار .. ياخي .. توذيت
............................. عذبهم .. الله .. يتعبون .. لعذابي
:
:
هم اكثر اللي يشتموني .. الياقفيت
............................. وهم اكثر اللي يمدحـون .. بجنابي
:
:
ياما حكو فيني .. وياما تغاضيت
............................. وياما تعروا .. واسترتهم .. ثيابي
:
:
وياما .. الـ يا ماعاد .. تسوى وهجيت
.......................... كل ماطلع بيبي .. عليّه .. يـ بابي
:
:
ان كنت مخطي لا تقول .. اني اخطـيت
........................... منشان .. مااخلف عن جوابك جوابي
حراج واحد .. حراج اثنين
حراج واحد .. حراج اثنين
.............. لو ينطق ( الياء ).. مفتوحه
/
\
مادام محسن ، شهد لحسين
.............. شهادة .. حسين .. مجروحه
/
\
الشين ( ش ) ومع التنوين
............... يصير.. شينٍ .. على روحـه
/
\
كم ( فار ) حلمه يطول الـ ( ع )
................ لكن من الأصل .. ممسوحه
/
\
السالفه .. ماتبي تخـ مين
............... كلٍ يبي يشوف .. مصـلوحه
/
\
خضرة ، تفضل على السكـين
................ ماهي مثل قبل .. مسـموحه
/
\
والبسطه ، اللي على الستين
.............. أبرك من السوق .. ابو لوحه
/
\
أعلاه .. تلقى جواب لـ س /
................ وين التطـور .. بمنفوحــه ؟؟
يامدور الطيب
هبت هبوب الطيب يامدور الطيـب
وأنا مع أهل الطيب هبـت هبوبـي
جيت أكمل الفرحه بعين المعازيـب
ماني مخيب هقـوة اللـي هقوبـي
أغيب وأفصل عن دوامي ولا أغيب
عن فرحة اللي لا حضرت فرحوا بي
أهل الحميـا والكـرم والمواجيـب
مالي عذر عن لابتـي لا أنتخوبـي
أتعب علـى دربً يجنبنـي العيـب
أخيـر مـن دربً يبيـن عيوبـي
ما كني ألا الزير في حضرة كليـب
يوم البليهي وجه الهـرج صوبـي
قال أنت ولا الذيب قلت يخسى الذيب
فصـّل وأنا ألبس ليلة العرس ثوبـي
وطبعاً بما أني واحدً من المعازيـب
بعد الشعر دحه وشوطيـن جوبـي
ظــلام التبني
ياقلب انا بلشت بك .. وين اوديك ؟؟
شيبت بي ياقلب .. من صغر سني
اسعى وراك .. وخيب الله مساعيك
من طيبتك .. ماشفت .. غير الهبني
ياكثر ماتجـني .. عليه هقاويك
من حسن ظنك .. بالبشر ساء ظني
اعطيك غيري .. لجل مايحتفظ فيك
وترجع تقول : اللي خذاني طعني ..!!
طيب شسوي بك .. ؟.. وهذي امانيك
اللي جرالك منك .. ماهوب مني
تسد باب .. وتنتفح لك .. شبابيك
وكل ماتهزك عاصفه .. تمتحني
بلشت بك .. بلشـة هل الديك ، بالديك
اللي بغى يذّن .. وصبّح يغني ..!!
تسري ورى النية ( واتولِي ) مساريك
حتى قتل صبحك ( ظــلام التبني )
الى هنا وآقول ..( بسّك ) .. ويكفيك
رد الكلام .. ووصل العلم عني
ماني تبع هذي ، ولاني تبع ذيك
لاجا الصحيح ... اثنينهن يتبعني
عابر طريق
من جيت للدنيا وانا ( حظي ) .. مثل عابر طريق
يشّر ، على خط الزمن .. عل الليالي ، تنقله
صابر على مر التعب .. كرمال عينك .. يالرحيق
يطيح صبري ( واشقله ).. وايطيح وارجع واشقله
يضيق صدري ( بالعَجَل ) واقول صدري مايضيق
استثقل اني انهزم .. وآخذ من الهــم ... اثقله
ومع كل هذا .. بسمتي .. مافارقت عين الصديق
واللي يعرقل بسمتي .. أضحك .. عشان اعرقله
ماعرف اكون الا كذا .. صادق ولا احب البريق
مثلي مثل أية بشر .. بالصيف .. يرفع .. منقله
مااحب امثّل مثلهم .. ( شفيئ ) ياراجل ( شفيق )
ولا حب اسوي بالشعر .. حشوة حكي .. ( مستعقله )
اللي اعرف اني اجي .. واشعلل الساحه .. حريق
واني حكيم .. بفطرتي .. واكتب من الشعر .. اعقله
( سطحي ) الى حد السما .. واضح ولا لي بالعميق
اللي تحت قاع البحر .. والموج .. فوقه .. يرقله
ماهمني كثر الفرق .. حولي .. وانا وحدي .. فريق
أحب .. خط المسطره .. واكره .. مسار المنقله
وصــفه طبيَّــه
دايم مراضى القلب .. تحتاج تشخيص
.................................. وأحيان ماتحتاج ,,,., لللي فحصها
:
فحصتهم مبطي .. بدقة .. وتمحيص
.................................. شابر قصايدهم .. وخابر .. قصصها
:
من غير ماادخل في سباق القوانيص
.................................. أعرف متى ألقى فرصتي .. واقتنصها
:
الزو .. جايع في يدين القواصيص
.................................. وكم اصبعٍ من زود .... جوعه هقصها
:
في موسمٍ حوله ... علامات تنصيص
................................... حتى الحصاني ..فيه كثرت .. فرصها
:
والنّيص عاد .. وعوّدت عادة .. النيص
................................... وأهل البرص .. قام يتفصخ .. برصها
:
حاولت أعممها .. وجت .. دون تخصيص
.................................... من لا خبصها .. اليوم .. متى يخبصها
:
دام القنص بغراب .. وقت المقانيص
.................................... واخيبتك ... ياللي ترجى .. قنصها ..!!
:
ينبح سلوقينا .. ورى كبري خريص
....................................... يبي يكمل للسلق ... مانقصـها ...!!
:
قل قيص .. وان ماردهم .. ردها .. قيص
....................................... هم نقص.. خلقه .. كيف لو ننتقصها
:
لايخدعك شوف الشوارب .. معاليص
...................................... تلقاه .. مافي رقصةٍ ... مارقـصهـا
:
الله ابو .... هاك العيون .. المفاليص
........................................ اللي قفص صدام ..... يصلح قفصها
:
ماهم كفو حبله .. كفو .. خيط .. مصّيص
..................................... يقطع .. مناسمها ... ويقطع .. شفصها
هذا جزايه
ياخالد الشتفان .. قلي وش الراي
................................. ماغيرك لياحترت .. دورت رايه
:
:
رايك سراجي .. في دهاليز ظلماي
............................ قبل الشعر يبحث خفاك .. وخفايه
:
:
كنت اول اللي يقتنص لي خطاياي
............................. بس آخر اللي .. يفرحون بخـطـايه
:
:
ياكثر مااشكي لك .. وتسمع لشكواي
.............................. وياكثر مااشقيتك ، بسبة شقايه
:
:
قلبك على قلبي .. وممشاك ممشاي
............................... كم لي بقلبك ماتزحزح .. غلايه
:
:
بالرغم .. من كثر الرفاقه بدنياي
............................. إلا أنك اصدق ، من يلبي .. ندايه
:
:
يامحزمي بالوقت الاقشر ويمناي
............................. يااعز من يدفع.. رضاه لرضايه
:
:
ماجيت أغني لك لجل تسمع غناي
............................. ولاجيت أبرهِن بالقصايد .. وفايه
:
:
جيتك لأنك عارف أقصاي ، وادناي
........................... وابخص من عيوني بشوف اخويايه
:
:
تعبت ياخالد .. وجيتك من اقصاي
........................... تايه .. ولاني عن نصـايحك .. تايه
:
:
مرات أحس القاع .. تضحك على اخطاي
.......................... ومرات احس اخطاي .. تضحك ورايه
:
:
ماعدت اميز صف ربعي من اعداي
............................ ياكم .. عدوٍ .. كان أعـز اصدقايه
:
:
ماكان يحلم في حياته بلقيااااي
............................ وأقصى طموحه يوم يمشي معايه
:
:
واليالتقابي .. واكتشف طيب ملقاي :
............................ رقى على متني .. وهـذا .. جـزايه
:
:
مافادني ظني وطيبة نواياي ..!!
............................ صرت الوسيله .. بعد ماكنت غايه
:
:
ياخالد الشتفان .. قلي وش الراي
............................. ماغــيرك الياحترت .. دوّرت رايه
ناس/ن ذليله
إن كنت تنشد يالمسيكي .. عن الحال
........................ مالي على .. كتمانها عنك .. حيله
الصبر عن بوح الاحاسيس .. قتال
........................ والبوح في بعض المواقف ، فشيله
لو كل مايطري على البال ينقال
.......................... ماكان شفت ان الثقيله .... ثقيله
ابطيت اكافح ضيقة البال بالبال
...................... . وادفع بلا .. هاجوسها كل .. ليله
لين اقبلت مثل .. السحابه بهمال
........................ تشفي غليل اللي .. تزايد غليـله
طاحت ، ولاْوفق من حناياك منزال
..................... وابطلبك .. يابدر ( تكمى ) المخيله
ان قيل ترعد .. قلهم : صوت زلزال
.................. وان قيل تبرق .. شف لها ادناة حيله
مابي .. تناقلها هل القيل والقال
..................... .. وتصير من بعد القصيره .. طويله
يابدر .. !!
يابدر .. ماني عال .. لو صحتي عال
.................... .. شفني من الصدمات نفسي عليله
اشيل حملٍ .. لو يشيلنه .. جبال
..................... .. الله ، وامانه .. غير تصبح نثيله
أرمي .. من هموم الزمن .. واسحب أدبال
................. وانزل عن ( الجوكر ) وغيري يشيله
من كثر ماشفت بحياتي من انذال ....!!
...................... .. بديت اشك ان النذاله ... فضيله
ماطاح من عيني رجل ..!! طاحوا .. رجال
................. .. ورجال ( يابن حنيف ) ماهي قليله
اقرب من اللي قالهم ضمن ماقال .. :
..................... راكان بن حثلين .. راعي الجزيله
( هذا .. ولد عمٍ ، وهذا .. ولد خال
.......................... وهذا .. رفيقٍ مالقينا .. بديله )
سبحان منهو يابد غيّر الحال ..!!
.................... .. وحط الجفا بين الخليل .. وخليله
هذا الزمن يبغاله .. لسان دلاّل .. !
................. .. من يستحي هالوقت .. واعزتي له
وقتٍ به ( الراعي ) غدى .. راعي دلال
................. .. كلٍ على طاريه .. ينفض شليله ..!!
ومن كان ساسه للردى مضرب امثال
................. .. اليوم .. يحسب من كبار القبيله ..!!
المال ..!!
المال .. يابن حنيف ملعون .. ابو المال
................. // .. ذل العزيز .. وعز .. ناسٍ ذليله ...!!
خلك شمالي والعن الشيطان
يهز القاع لا منه ضربها وصاح : ماخونك ...!! }
يقــول المرتكي : خـلك شمـالي .. والعــــن الشيطـان
تركد ـ وامسك اعصابك ـ وهد ـ ونوّخ ـ جنـــــــــــوونك
ويقول المرتهي بعـــض الســـــوالف ياولد نقصـــاان
تراك تغـــــــالط العــــــالم ... ولاظـــــــنيـــت يتلـــــــــونك
ومدام الناس ماتدري وش اللي مضايق المشعـــــان
ابنخى اللي ليامني نخـــــــيته .. قال : لعيـــــــــــــونــك
ابنخى الحـــــــــرف يترجل ويربط جعبة القيـــــــفــان
يهــــــــــــز القـــاع لامــــــنه ضـــــــــــربها وصااح ماخـــونك
انا ياحرف ماخبرك تروغ بســــاحة الميــــــــــــدان
ابيــــك تزعـــــزع قـــــــلوب الرجــــــــال وتظهـر افنــــــــونك
ابيك الناهر/ القاهر / ابيك تطــــــــــــــهـــــر الادران
ابيك الباهــر / الظـــاهــر/ لخـــــلــق الله يشـــــــــوفــــونك
ابيك الكافي / الوافي / ابيــــك الضــافي / الملــــــيان
ابي لاعدو اهل الشعــــــــــــــر .. بأولهـــــــــــــم يعــــدووونك
ابيك تضحـــك ( الباكي ) وابيك تبكي ( الفــــرحــــان )
ابي من لايهــــــــــــــــــابونك .. يعرفــــــون .. ويهـــــابونك
ابيك اتعــلم الغافل / أو السافل / أو ايـــــا كـــــــــان
وابيـــــــك تحشــّــــــــــم وجـــــيــه الرجــــــال ومن يحبوونك
تفنن والعب بكيفك مادام ان عـــــــــــــــــــزوتك ويلان
الى من صــــــــــــارت ( الهيـّه ) يفـــــــزون و يعـــــزونك
اهل حكـــــــم وســـــيادتهـــم من اول لاخـــــر الازمااان
يحـــــــق الك الفخـــــر فيهــــــــم وهم للموت من دونك
يهيه .. افهـــــــــــم ترى مابي عليك اضحك العــــــربان
وربي لو دخـــــــــلت بكـــل ربعــــــك مايفــــــــــكـــونك
عـــــــــمت عينك عن الدرب ودخلت بســــاحتي حفياان
تحــــمــــــل عاد ماجاك / ويجــــيك / وحســــــــّب ديونك
ترى الي يشـــــــــــري بماله لحــــــاله عـلته خسـران
وانا والله وراي اللــي يبيعــــــــــــونك / ويشــــــــــــــرونك
ترى بالما ( تماسيح ) و تحت هاك الشجــــر ( ديبان )
نصحــــــــــــتك تفهــــــــــم المعنى صحـــيح ولايغــــــشونك
هنا .. من لا نتهى مما نهوه اهــــل الهوى ينهـــــــــــــــان
هـــنا.. منهم يحشمــــــــــــــــونك تراهـــــــــــــم مايحشمونك
ترى ماعادني خبرك شمالي .. واسفــــــــــــــه الغلطان
نسيت اطــــــــــــباع جـــــــــــداني وربعـــي .. بس لعــــيونك
قســـــــــــــــــم باللي خلق سبع الاراضي وانزل القرآن …
لخلــي كــل مــن يجــهــل عــقـــب هـــذي يعـــــــــــــــــرفونك
يحليله دن حجيله
يحليله .. دن حجيله … / … دن حجيله .. يحليله
........................... يحليله .. دن حجيله … / … مدري وشلون التالي
:
:
:
قبل البدو تقصدها … / … وطرت علي الليــله
........................... ماعرف وش تاليها … / … لكنــها ..... في باااالي
:
:
:
( عارف ) هو اللي عارف ... / ... والا مطر ( بعديله )
........................... ( يبو قظاظه بيضا ) ..../ ....ماعيبت شمـــــالي
:
:
هالحزن ماهو دايم .../ ... لو جاب لي كل حــيله
........................... ربك يبي يفرجها …/... لكن ....!! .. بونّس حاااالي
:
:
:
وازعج لهم بالحنده … / .. صكــولها يجـــهيله
........................... مال الزمن ( ياحصه ) .. / .. مامال غير عقااالي
:
:
:
كيدِ لهم .. بغني ... / ... ياناقض الجـــديله
........................... والله لعمّـر سـلّــم ../ ..وارقى ع الضـــلع العالي
:
:
:
وارجع على موالي ... دِنْ دِنْ .. دَنّ حجيــله
................................. باكر تشيب عيوني.. / . وأقولها .. لعـــيالي
يا آآوادم
ياآوادم .. مايقارن مع .. طلال ..!!
كل مقال .. له مقام ../ .. وكل مقامٍ .. له مقال
............................................... والمقال اللي قريته .. شيئ ماهو .. منطــقي
:
:
كنت باسوأ حال.. لكن ..!! صرت أكثر سوء حال
............................................. من قريت العلم الاقشر .. مات حبري .. بورقي
:
:
من نثر دمع الطنايا .. من حرق .. دم الخــوال
.............................................. عبرة الحزن المؤكد .. لو سمحتي .. انطقــي
:
:
موت ذكرى .. ياآوادم .. مايقارن مع .. طلال
.................................................. وش يجيب .. الدمبكيه .. جنب .. رجالٍ تقي
:
:
وش يجيب اردى العذارى لا طلق وجيه الرجال
................................................. بعدها مليون يطلع .. مير بعده .. وش بقي
:
:
موتها واستغفر الله عن بعض كلمه .. حلال
.......................................... الحرام يموت فارس .. موت .. ماهو .. منطـقي
يا آآنسه
إعتكـ ـ ـ ـ ـ ـاف المقـ ـ ـ ـ ـبرة !!
أوّل عشقتك آنسه ... واليوم ، آسف .. يامدام
>>>>>>>>>>>>>>>>> نخلة غرامك أضمرت .... صعبه تعوّد مثمره
:
:
:
صعب أتجاهل واقعي ،، وامشي معك دربٍ ظـــــلام
>>>>>>>>>>>>>>>>> ماكل غيمه بالسما .... تبرق وترعد ممطره
:
:
:
صعبه بعد ( حكم الزمن تستأنفي ذاك الغرام
>>>>>>>>>>>>>>>> من وين أبصنعلك ( غلا )واشواق قلبي مدبره
:
:
:
مافي سجود الا ( السهو ) ياغافله بعد السلام
>>>>>>>>>>>>>>> ومافي شبيه لرجعتك الا (( اعتكــاف المقبره ))
:
:
:
لاتزعجيني وازعجك .. جرحي على وجه التئااام
>>>>>>>>>>>>>>> وكسري جبر ،، لوهو خطا .. ماودي ارجع واكسره
:
:
:
انسي معي ( ياآنسه ) ـ عفواً ـ انا قصدي مدام
>>>>>>>>>>>>>> شخصٍ عيونه انعمت ... ماله ومال المــــــنظره
ياخف جرحك
الشعر .. بوح .. وهاجسي .. يكره البوح
......................................... وشلون .. يلقى .. كاره البوح .. راحــه ؟؟
الطعنه .. اللي .. حاولت .. تاخذ الروح
.......................................... ماخلت .. بصدر .. الشمالي .. مساحه .!!
ياضيقةٍ .. صارت معي وين .. ماروووح
......................................... بعض الصراحه .. منك ... توجع .. صراحه
لكن حبيبك ماتعود .. على .. النوح
........................................... ياخفّ جرحك .. بين .. باقي .. جرااااحه
بعض الجروح نحبها ... لوهي جروح
.................................................. يسعد مسا جرحك ... ويسعد صباحه
مسموح لو توجع .. خطاياك مسموح
................................................. حكم الخطايا .. منك .. فيني .. مباحه
حتى .. ولو قلبي .. بيدّيك .. مذبووووح
........................................... يضحك .. وكنه .. جالس .. باسترااااااحه
يسهر الخلق
ويسهر الخلق جراها ويختصم ُ ..!!
ماودي أسأل .. ليش تبكي .. قصايدك
....................................... ماهو جديد .. ان كان هذا .. جديدك
/
\
ياما بكى شعرك .. وهذي .. عوايدك
...................................... الحزن .. دايم .. ما يفارق .. قصيدك
/
\
كلن خذلك .. وناقصن فيه .. زايدك
........................................ انت المراجل .. عن بعضهم .. تزيدك
/
\
ياللي المعاني .. جوهرة في قلايدك
....................................... قم .. قلد القيفان .. جوهر .. فريدك
/
\
الناس تسهر .. تختصم في شرايدك
..................................... واينام جفنك .. ما سأل عن .. شريدك
/
\
عيد الحزن .. ما بيه دايم .. يعايدك
....................................... من كل قلبي قلت : لا عـ ـاد عيدك
طيحة الثور
ماهي بشارة للعرب .. طيحة الثور ..!!
ماهي بشاره .. لو زعل .. عارف سرور
........................................ شوفة عزيز ٍ .. ذل .. بيدين .. كافر
:
:
معذور ابو طارق .. ولا هو .. بمعذور
........................................ حنا العرب ... مبطي نعـيش .. بتنافر
:
:
مهما بلغ صدام .. من مبلغ الجوووور
........................................ ياناس .. لاتنسون .. للذنب .. غافـر
:
:
صدام مسلم .. إيه مسلم .. ومكسـور !!!
....................................... وجه الفضيحه .. ياهل العــرف سافِر
:
:
والله .. مايدرى على منهو .. الدوور
....................................... اللي وقع .. في حفرته .. كان حافـر
:
:
أكبر مصيبه .. للعرب طيحة الثوور
........................................ على الأقل ..ينطح .. ويقدر .. يعـافـر
:
:
وماهي بشاره .. لو زعل .. عارف سرور
........................................ شوفة عزيز ٍ .. ذل .. بيدين .. كافـر
اوفى من قلوب
أوفى من قلوب .. البنات الأرامل ..!!
صوت حزين :
تعاملي احسن تعامل / قلبي اوفى قلب / نواياي اصدق نوايا / شعوري انبل شعور / وان كان غلطت او قسيت عليك / انت السبب لانك تستحق
:
:
:
صدااااااااااااااااااااااااااااااه :
اما أنا .. ماشوف حسـْن بتعاملك
...................................../ .. عمر الجفا ماكان أحسن تعامل ...!!
/
\
قلبك وفي .. فعلا ولاني مجاملك
..................................... / .. أوفى من قلوب البنات الأرامل ...!!
/
\
اما النوايا .. صادقه في تحاملك
...................................../ .. عاقر خطايه من تجنيك حامل ... !!
/
\
هذا الشعور .. اللي كتبته باناملك
...................................../ .. أنبل شعور اقدر أسميه خامل ..!!
/
\
أما الغلط .. هذا هو اللي مزاملك
...................................../ .. لولا الغلط .. ياسيدي كنت كامل .!!
/
\
انا السبب .. في مملكة مابهـا ملك
...................................../ .. لنّ الملك ماهو على الحب صامل
\
/
ايه استحق .. اللي ذكرت بتعاملك
.................................... / .. دام الجفا .. مقياس حسن التعامل ..!!
المعرضه
المعـــرضة : بين القوايم .. والاطـــــراف ..!!
بقول يامانع واذا قــلتها حـــاف
.......................................... هـــذا لأنك .. يعلم اللـــه غـالي
:
:
لوماالقلوب نظاف .. وعقولنا نظاف
........................................ ماكان صدرك يالشمالي .. شمالي
:
:
ناظر قدَم عينك .. ولا تنظر خلاف
.......................................... لاتعتجل يالذيب مثل اعتجـالي
:
:
لو صـرّح حبيّب بحـبه لصياف
........................................... ماكان يحلا لعــبهم .. ياحلالي
:
:
والمعرضه بين " القوايم والاطــراف "
........................................ صعب التواضع في حضور التعالي
:
:
ماهي بطعنة كتف واردها ارعاف
.......................................... هرجٍ وراي .. وكلمتين ٍ اقـبالي
:
:
ماخفت غير يقال : يمكن خلف خاف
........................................ وانا من اللي حامــيين التوالـي
:
:
مالي هدف لو قيل حققت الاهـداف
........................................ جــيتك على نية ومن طيب فالي
:
:
اجمع غلا ( ســاير ) وحـبي ( لنواف )
................................. لجل تعرف .. ( ياواااااال ) ؟ وش كثر .. غالي ؟؟
نعم مجنون
أخاف انك ===> تخاف اني <=== ( أخاف ) من البشر ماجـــيك !!
>>>>>>>>>>>>>>>>>> وانا ( خايف ) عليك .. وحكــــيهم .. ماكان خافيني
:
:
:
إذا كـــان ( الكلام ) ............. اللي يقولونه ( علـــي )...... يرضيك !
>>>>>>>>>>>>>>>>>> فنا مرضى ( عليك ) .. وكيف ؟ حكيٍ فيك .. يرضيني
:
:
:
انا .. مقـــدر .. على فرااااقك ... ولاودي .. ( معاي ) ابلــــــــــــــيك ..
>>>>>>>>>>>>>>>>>> وانا ( بلياك ) ... من ربي .. كلام الناس .. باليــني
:
:
:
أعرف انك ===> تعرف اني <=== ( أحبك ) .. مابها تشكـــيك ..
>>>>>>>>>>>>>>>>>> ولكنك .. ( بنفس الوقت ) تنسَ انك ( نظر عيــني )
:
:
:
انا .. مسمــح .. بهـالدنــيا ( لأمـــــّك ) ... نفســـــــها .. تأذيــــك ..
>>>>>>>>>>>>>>>>>> عشان .. أسمح .. لمن وده .. يفرق .. بينك وبيني
:
:
:
نعــــــــم .. مجنون .. مابيهم .. يقولوا : ( ربنا .. يشفيـــــــــك )
>>>>>>>>>>>>>>>>>> مادام .. ان حبك جنووووني ... ( عسى الله لايشافيني )
:
:
:
ولكــــني !!! .. ( ومع هذا ) .. ابقطع ,, جيتي ،، ماجيـــــك ...
>>>>>>>>>>>>>>>>>> عـــشان .. ان قيل لك ... ( قاااااطع ) ... تعـــــذر .. قووول : يغليني
موت الحرووووف
عـن آخــر ماكتبت اسمع .. وهالمره .. ثمــــان ابيات
.................. إذا لك خلق .. تتحمل .. تأمل .. في معانيها
تبي .. تستغرب المطـــــلع .. أكيد .. وتكثر الهقوات
............... ولكن .. ريّح اعصابك .. معاي .. وشـــوف تاليها
أظن . اللي حصل .. للزير سالم .. بآخر الحلقــــــات
.............. نهايه مؤسفه .. طبعاً .. ولكن ببتــــــدي فيـــــــها
لأن . الزير . في . شرعي . طمـــــــوحٍ . يعشـق الثارات
.............. تمادى . بالــحروب . اللي هوته .. وصار هاويـها
.......................................... ؟
.................................................. ......................؟
قتلت من القصيد .. احلى الحروووف .. وأعذب الأبيـــــات
.............. يقولو:.. خلها .. واضحك .. غصـِب عني . واخليها
ومادام اللي حما .. فرخ القطا في عشــــــها .. قد مات
............ أجل من يمنع .. الصياد .. عنها .. عقب حاميــــها
أو ضح لك نهايتها ؟؟
........... بلاش ............
وخـــــــــــلها .. بسكــــــات ...
........... ثمان ابيات .. وان جازت .. ترى . ياخوك .. مابيها
موقف .. حيادي
سرقت بيت / وقلت / عادي .. ومشيت
................................................ / وراحت قصيده كامله قلت عادي
:
:
كرمال عينك ، يارفيـقي تغاضيت ..!!
............................................ / فيما حصل .. وقفت موقف حيادي
:
:
ماهي على فكرة قصيده وكم بيـت ..!!
.............................................. / بعيوني الصاحب على الروح بادي
:
:
بدّيتك بحفل المشاعر .. وغـنـيـت
............................................../ وصوتك بوادي ، والمشاعر بـوادي
:
:
المشكله انك عن حدودك تمــاديت
.........................................../ يبه .. حبيبي .. هيه .. وين انت غادي
:
:
حتى لو اني عن جوادي تخليــت ..!!
........................................ / لا تحسب انه .. ينعسف لك .. جـوادي
:
:
صابك عمى والا انكشفت وتعامـيت
........................................./ هذا أسودٍ واضح .. وهذا .. رمادي ...!!
:
:
يعني .. تراني عاقلٍ .. مااستخفيت ..!
.................................../ ماجبت لك ( رمزه ) و ( وشرعب ) و ( حادي )
:
:
لا قلت .. وين عيال ( جرجس ) وناديت
.................................... / جوني يشيلون المعاني ... / ... هوادي ..!!
:
:
الراس هذا .. به قبيلة عفاريت ....!!
........................................... / جوعا لك الله .. يحــترون الهــدادي !!
:
:
مير العن ابليسك ..مدامي تناسيت ..!!
........................................ / آول جمادي .. مات .. بآخر جــمادي ..!!
المواقف الرمضانيه
الموقف الأول
البارحه رحت .. اتقضى من .. السوق
.................................. // .. هل رمضان ورحت اجيب المقاضي
لقيت لي واحد .. من الربع مطفوق
.................................... // .. اسمه اذا ماني بغـلطان .. راضي
سلم علي .. وصار يطـلبني .. حقوق
.................................. .. // .. تقــول انا مذنب وهالأخ .. قاضي
جلس يسمعني .. من الشعر .. طاروق
.................................... // .. وانا ورايه شغل .. مانيب فـاضي
يقول هذا البيت : .. ماهو بمسرووق :
................................... // .. " يانوض قلبي نوض براق ناضي " ؟
حاولت اجيه بذوق .. مافاد به .. ذوق
.................................... // .. ولا فاد به .. تلميحتي واعتراضي
قلت العفو !! ياخوك انا الحين مزنوق
..................................... // .. والشعر كله .. صارلي فعل ماضي
صدري على وجه الشهر صار به ضوق
................................... .. // .. رغم ان خلقي .. كان جداً رياضي
الا انه اجبرني .. اخلي له .. السوق
.................................... // .. جانا رمضان ولا شريت المقاضي
الموقف الثاني :
كم لي شهر.. ماشفت .. حامد .. وفرحان
............................................ // .. ربع ٍ .. لياغاب الخوي .. يفـقدوونه
رغم انهم .. ماهم .. بعيدين .. جــيران
............................................ // .. حامد ورى المسجد .. وفرحان دوونه
إلا انّ هالدنيا .. خذت .. عقل الانسان
............................................ // .. ونابت أذانه .. عن مهمة عيووووونه
أصبح فلان .. اليوم .. يسمع عن فلان
............................................ // .. وكلٍ سعى في هالحياة .. بشؤووونه
دنيا المشاغل .. فرقت .. بين الاخوان
............................................ // .. يموت ابوهم .. والعزى .. مايجووونه
رحمااااك .. ياربي ونسألك .. الاحسان
............................................ // .. نطلبك .. عن هول الزمان .. المعوونه
اليوم ( صدفه ) شفت حامد .. وفرحان
............................................ // .. بالمسجد .. اللي توّهـم .. يدخلوووونه
قبل رمضان .. تشوف به خمس شيبااان
............................................ // .. واليوم كل الحي .. صاروا يجووووونه
الموقف الثالث :
قبل الفطور بربع ساعه اتخبرون
............................................. // .. كلٍ .. ببيته .. للفطور .. يتولم
وانا تورطت بهديفه ,, ومجنوون
............................................. // .. تصادموا .. والكل قام .. يتظلم
هذا يقول أنت آعـَمى مالك عيون
............................................. // .. وهذاك .. من هول الفجيعه تبلم
قدام بيتي .. قلت يالربع تدرووون
............................................... // .. تفضلوا بعد الفطــور .. نتكلم
عيا الهديفه قلت له : طيب شلون
........................................... // .. نبقى هنا ؟؟ قال ايه ، قلت اتحلم
لو ننتظر لين الحكومة يمروووون
............................................ // .. كد للإمام من التراويح .. ســلم
قلت اسمعوا .. وش رايكم لو تطسووووون
.......................................... // .. مدري متى .. شعب الخليج يتعلم
الموقف الرابع
محدٍ بهالعالم من الذنب معصوووووم
............................................. // .. نسألك .. يارب العباد .. السلامه
بعض البشر بوزه على الصبح ملموم
........................................... // .. نفسه بخشمه .. لا اقعدوه .. لدوامه
تلقى " فرامل خلقه " الصبح معدوم
........................................... // .. وعاجز لسانه .. لا يربّط .. حزامــه
وبعض البشر لا نام ماوده يقوووووم
........................................... // .. يقضي عبادات .. الصيام بمنامه ..!!
يجمع صلاته يوم يقعد من النوووووم
........................................... // .. ويطلب لقا ربـّه .. بيوم القيامه ..!!
لاصار صومه نوم .. وشوله يصووم
........................................... // .. ربه .. ترى ماهو .. بحاجة صيامه
وبعض البشر عن ماذكرناه محشووم
........................................... // .. يتعب على صوم رمضان .. وقيامه
الموقف الخامس
السالفه .. ماهي بحاجة .. لتصعـيد
...................................... // .. موقفك .. جاهز .. منتهي .. ما يبـيـله
لااتجيب فينا العيد .. بدري على العيد
...................................... // .. .. قدامنا .. سته وعشرين .... ليله ..!!
ياصاحبي سرْعَتـْـك كل مالها .. اتزيد
....................................... // .. خفف .. ترى كلٍ .. تحراه .. عـيله
كانك تدور صيد .. ماعاد به صـيد ..!!
...................................... // .. فرّطت .. في شهر ٍ فضيل .. بفضيله ..!!
من قالك ؟؟ تسهر .. وتعطي .. مواعيد ؟؟
........................................... // .. حتى لو انك .. ماانت راعي .. طويله
والله لو بيدنا .. عطيناك .. تمـ ـ ـ ديد ..
...................................... // .. لكنّه .. اذّن .. مالنا فيه .. حيـ ـ ـله
بس هـ دّ .. تكفى .. لا تحضّر بنا العيد
...................................... // .. .. قدامنا .. سته وعشرين .... ليله .. !!
الموقف السادس
...................
الموقف السابع :
الموقف .. السابع .. عن انسان مسكين
............................................. // .. رُبـَى يتيم .. وكان .. رابع خواته
أبوه مات .. وماترك .. لامهم .. شين ..!!
............................................ // .. ماغير .. رحمة ربهم .. في وصاته
عاشوا على .. شغل امهم .. بالفساتيــن
............................................ // .. وياحسين ود الثوب .. ياحسين هاته
باول حياته .. جرب الشين .. والشين ..!!
............................................ // .. هو فيه .. زين يجربه .. في حياته !!
ان راح يلعب .. عيروووه الوراعين ..!!
........................................ // .. واذا .. رجع للبيت .. مـو .. من .. حلاته
يسمع " كلام امه " .. عن الفقر والدين ..!!
............................................. // .. ويضيق فيه الكون .. باربع .. جهاته
يعني بنت مستقبله .. دمعة .. العين ...!!
............................................ // .. ماعاد .. تفرق .. عن حياته .. مماته .. !!
كُبر .. وصار .. اكبر حرامي .. دكـاكين ..!!
............................................ // .. يسمع .. بفقر الذيب .. والا .. غناته ....!!
لين اكفشوه .. وصارله .. أربع سنيـن .....!!
............................................ // .. يدعي ... لرب البيت .. بآخر .. صلاته :
يارب .. تشملني .. (( بعـفو .. المساجين .. .. ))
............................................ // .. وتفرج عن اللي .. يرتجنـّه .. خواته ..!!
:
الموقف الثامن :
في ليلة الثامن .. بدينا بالاهمال .......
............................................. // .. وصار الشهر .. عند الكثيرين عادي
مدري !! بدينا ننتظر شهر شواال ......!!
............................................... // .. والا شهر شوال بالفعل بادي .. ؟؟
يعني بدال نصير نخلص بالاعمال ........!!
............................................... // .. نزداد عن رب العباد .. ابتعادي ..؟؟
عن التراويح .. نتعذر .. بالاشغال .......!!
................................................ // .. واشغالنا مابين ... سوق ونواادي
غزل .. اتمشي .. مشترى .. كذب .. تفصال
....................................... // .. " حراء " طبعا غير .. " سوق البوااادي "
غزل .. ( على وِدنه ) .. وترقيم .. واهبال
......................................... // .. ومحاضرة .. للشيخ .. جوهر .. عبادي
استغفر الله .. وأسأله .. يرحم الحااال
........................................... // .. صرنا بوادي .. والعباده .. بوادي ..!!
الموقف التاسع :
دايم .. الياقالوا : (( شـباب .. وعلى الدين )) ..!!
.......................................... // .. أسكت .. على بالي .. فهمت العباره ..!!
أدري بها .. زينه .. !! .. ومفهومها .. زين .....!!
......................................... // .. واكيد .. واضح .. مايبيله .. شطاره .. !!
( واحد رقم )..( زايد ) .. ( رقم واحد ).... ( اثنين )
.......................................... // .. لكن .. مهو كل .. الكلام .. استعاره .. !!
يعني .. مثل : لا قلت لك .../ ... صل .. هالحين ..!!
.......................................... // .. هي نفسها .. لا قلت : .. ولع زقاره .. ؟؟
وش دخّـل .. اهل الدين .. بـ ( محمد .............. )
.......................................... // .. اللي .. فقع .. في .. كبد ابوه .. المراره !!
" عزَب هتيم " .. ( ........................................ )
.......................................... // .. لا دك .. في غزوه .. ولا فك .. غاره ...!!
مافيه شي .. اسمه / .. شبابٍ .. على .. الدين ..!!
.......................................... // .. إلا .. شباب ٍ .. يستحق .. .. العباره ..!!
شفهم .. !! .. اليـَ ذ ّن .. ينقلون .. الكراتين
.......................................... // .. ويفطّرون .. الناس .. عند .. الإشــاره ..!!
الموقف العاشر :
ثلث .. الشهر .. عدى .. وعدت .. لياليه
.............................. // .. مسكين .. يامن في معاصيه .. لاهـي
كلْ مـ الشهر .. ينقص .. يزيدن .. معاصيه
.............................. // .. ويزداد .. مع زود المعاصي .. تباهـي
من لا هداه الله .. وسمح .. خطاويه ....!!
............................... // .. مايردعه .. عن منكر الفعل .. ناهـي
ليل الشهر .. بين البرامج .. يقضّيه ...!!
........................... // .. متحطم .. ( بهيفا ) .. ومعجب ( بزاهي )
محتار .. مايدري وش اللي .. ينقيّه ..!!
............................... // .. مثل .. اليتيم .. اليادخل .. بالملاهـي
من " مهزلة طاش " .. " لسخافة .. دقـ دّ يـه "
.............................. // .. لقريقعان .. وغانيات .. المقاهـي ...!!
صارت .. تردد بينهم .. كلمة " أ و مـبـيــه "
.............................. // .. يالله تحفظ .. عقولنا .. مثل ماهـي ..!!
كن الشهر .. موسم .. برامج .. وترفيه ..!!
........................... // .. من فاهية وجه ٍ .. إلى وجه .. فاهـي
ويالله .. تثبتنا .. فباقي .. // .. لياليه ..!!
................................. // .. وتذكّر اللي .. عن عبادتك .. ساهـي
الموقف 11 :
ايوالله .. اذكر طلته .. ياحليله ..!!
............................................ // .. كان الشهر .. مع طلته .. متخاوي
يطلع على وقت اجتماع الـعيله ..!!
....................................... // .. يروي لنا .. والله .... ونعم الراوي ..!!
لا من طلع برنامجه .. نصغيله ..!!
.............................................. // .. شيخٍ عن امراض القلوب يداوي !!
اذكر " بنان " الياحكى ,, تطريله ..!!
............................................ // .. واذكر .. بعد في وقتها .. شيـ ساوي
ينسى .. يحسب غتيرته .. منديله ..!!
........................................... // .. يمسح بها دمع العيون .. الهااااوي
اذكر .. كثير .. وجيتكم .. داعيله ..!!
.................................................. . الله يرحم .. شيخنا .. الطنطاوي .. !!
الموقف 12 :
خلو ملاك تصلي .. لا تحرموها الجنه ..!!
......................................... ياويلكم .. من ربي .. يااهل الحسد .. خلوها ..
حتى الصلاة لربي .. صارت بعد .. بالمنه
......................................... // .. مو زين يطلع منها ؟؟ .. بعض العرب نسيوها
تحجبت .. من بدري .. تبي مع اهل السنه
......................................... // .. تلحق صلاة المسجد .. واخوانها .. ردوووها
وهي عادةً .. لا قالت : تـــنـه .. فـ يعني .. تنه
......................................... // .. لامن .. بغتهم .. شغله .. تسابقوا .. جابووها
البارحه .. مانامت .. وبعذرها .. منجنه ......!!
...................................... // .. عيو عليها تصلي .. جت تشتكي .. لـ بوها
يبه .. يبه .. !!
وش علمك ..؟؟
يبا .. احسدوني .. الجنه ..
........................................ // .. منهم .. ؟؟ هذولا شفهم .. وجع .. وجع .. خلوها
ودو ملاك المسجد .. لا تحرموها منه ..!!
......................................... ياويلكم .. من ربي .. يااهل الحسد .. ودوها ..
الموقف 13 :
ماكنت ابكشف عن خفا عارف سرور
.......................................... لكن هو اللي .. قام .. يبحث خفايه
يعني على كشْـف الورق صرت مجبور
......................................... وهذا جزى اللي .. .. لف ذيله معايه
على الفطور البارحه .. جاني .. الدور
........................................... وبلغت ابو طارق .. وكل .. خويايه
سلطان يشهد .. ماحصل مني قصور
.......................................... والحر .. كزه .. مايبيله .. وصــايه
انا اشهد انه ماهو بشاهدٍ زوووور
........................................افطر معاي .. وشاف كل .. الحكايه ..!!
ديوان خلف المشعان 
