يالله ياللي تسجـد النـاس لرضـاه
يا وامـرٍ خلقـه علـى حـج بيتـه
تفرج لمن سدّه على الناس ما ابـداه
راضي على مقسومك اللي عطيتـه
من شي يسل الحال والجسم يبـراه
والناس ما يشفـون ان مـا شفيتـه
قلـت آه واجرحـاه مـن خلتـي آه
وان حملونـي حمـل غـيٍ قويتـه
قالوا سفا بالحال ويش اللي اغـواه
قلت آه ويش المنكر اللـي وطيتـه
قالوا جهلت وبـان علمـك لمنهـاه
قلت آه علمي يـا مـلا مـا كميتـه
قالوا طلبنـا لـك مـن الله معافـاه
قلـت آه وحدّْتـه وعفـوه رجيتـه
قالوا هله واحبـاب عينـه نصحنـاه
قلـت آه هـذا واردٍ مــا بغيـتـه
قالوا ندور لك مـن البيـض حليـاه
قلت آه لـو غيـره بكفـي رميتـه
قالوا نشاش العـود مالـك بلامـاه
قلت آه عود المـوز بيـدي لويتـه
قالوا تـزوج كـود تدلـه وتنسـاه
قلت آه لو اخذت اربـعٍ مـا نسيتـه
قالوا من اقصى الناس وين انت واياه
قلت آه ما آنسى يوم جانـي وجيتـه
قالـوا نشوفـه عنـد هـذا وهـذاه
قلت آه عمره ما عقب حجـر بيتـه
قالـوا عليـلٍ نـاقـلٍ داه بــرداه
قلت آه باقرابـي وروحـي فديتـه
قالوا نشيـر ولا نفـع مـا حكينـاه
قلـت آه هـراج النمايـم عصيتـه
قالوا كثـر شيبـك وقلبـك بعميـاه
قلـت آه لـو قلبـي غريـرٍ نهيتـه
مطـاوعٍ قلبـي بعجـفـاه وقــداه
والى عطـى منهـاج دربٍ عطيتـه
ياناس خلـوا كـل وادي ومجـراه
قلتـوا كثيـر وقولكـم مـا لقيتـه
لشاعر : عبدالله بن سبيل
أبــــو نــــايـــــف
المواضيع المتشابهه 
يالله ياللي تسجد الناس لرضاه 
العرض العادي
