تجيني سـوات البـرد

تجيني سـوات البـرد ولحافـي النسيـان
واصير الضحيـه بيـن بـردك ونسيانـك

تجيني نسايـم ورد باخـر شهـر نيسـان
واقـول الله الهـادي تـذكـرت خـلانـك

كانك كتاب اغمض من حروفـه العنـوان
فيا صعب تفسيرك ويـا صعـب عنوانـك

حبيبـي ترفـق بـي ترانـي بقاياانـسـان
مصيـره علـى مستقبلـه داخـل اعيانـك

حبيبي تراك الماء وانا اقصى حشى الظميان
فلا خير فـي دنيـاك لا مـات عطشانـك

تفنن بعد ما صورك فـي خلقـك الرحمـن
عشان احترق بالنـار لـو قلـت سبحانـك

تاكـد لـو ان الله غفـر زلـة الشيـطـان
حرمـك الله الغفـران باسبـاب نسيـانـك



القلب كـل ارباعـه

القلب كـل ارباعـه خلـي وعـروق
قـرا بـه الظامـي قصيـدة سرابـه
للريح في رمـل التباريـح محـروق
وتلعب خماسيـن الولـه فـي ترابـه
ومع القلم هات ابيض الطرس ياصفوق
راعي الهوى ماجابنا.. الوقت جابـه
لو من حل حكايـة الشهـد مخلـوق
ماكـرم الله العسـل فــي كتـابـه
لو للسحايب ياطويـل الهـدب سـوق
شريت لك بـرقٍ رهيـف وسحابـه
هتانها ياصاحبـي لـو هطـل فـوق
اخضرت اطراف السما مـن عتابـه
شاعر عيونك لاكتب فيـك طـاروق
تختال اساريـر الزهـر فـي ثيابـه
والفرقا ماتنبـت بختـري ورقـروق
ولاتشرح الصـدر الحزيـن الربابـه
وكان انكرت صوتي وتوديهي النـوق
بامـوت مـن قـل الوفـا والصبابـه
باسباب ما اعاني من الوجد والشـوق
إن غبتـي اجروحـك بقلبـي تشابـه


نار الحطب

نار الحطب صفرا وزفراتها زرق
يذكر بها الأخضر ليالـي جفافـه
لشموسها شبيت في سدرة الشرق
واطعمتها طلح الشجن والحسافـه
لعلي اكتب من لحون الدفا طـرق
والا اجمع التمر لمواسـم خرافـه
والشاعر اللي يجهل النوح والورق
يغيب عن بـال التباريـح قافـه
الشعر انا حادي مجاهيمه الـزرق
اللي ترزم لـي حنيـن ولطافـه
بيني وبين اللي يغنون بـه فـرق
لاني اشقي بـه واحبـه واخافـه
والمزنه اللي شافي قطنها البـرق
سالت ونسيتها الرعـود ارتجافـه


ياحبيبـي

ياحبيبـي والبكـا هـم المحاجـر
بالدمـوع ابـرد مناديلـي كويتـه

آه من صوت ترك كـل الحناجـر
وإنتثر في دفتـري شعـر وقريتـه

كل هذا وإنت قاسي قلـب هاجـر
ماهداك الله وأخذت اللـي عطيتـه

صاحبك لين حشا والحسـن فاجـر
من لمحته قلت هـاك اللـي بغيتـه

من غرامك في غلاك أرحل وأهاجر
وإن ضواني ليل من يمّـك سريتـه

لاتزيد طعوني أوجعـت الخناجـر
مابقـى عـرق بقلبـي ماثنيـتـه

لو عيوني غيم وأهدابـك محاجـر
ماظما رمشك تحت دمـع ٍ بكيتـه


البندري

طلت البندري مثل النهار الجميل
ياهلا بالعيون السود واجفانهـا
كنها مهرة شقرا صغيره واصيل
عزوة اخوانها وعيال عمانهـا
عين حرٍ يهدونه ورمش طويـل
من عشقها غدا بدروب سلوانها
ماعليها ولو قالواقصيرة جديـل
من بهاها القلوب يهـج بيبانهـا


يقولون الشعر

يقولون الشعر وصل القلم والصفحه الطرقى
وانا اقول الشعر قدح الخيال ونـار صوانـه
حبيبي والبحر سور التراب ودفتر الغرقـى
لو اني ماكتبتـك لامنـي ملحـه ومرجانـه
حبيبي لاهمت حبر العروق الغيمـه الزرقـا
على رمل الورق دمي سحاب هـل هتانـه
حبيبي كل ماذعذع جفاك وناحـت الورقـى
يتل البال قلبي واهـدي السجـات جنحانـه
حبيبي وانت مرقاب الشجون وهاجس المرقى
ترى كلٍ يموت الا الوفـي بعيـون خلانـه
حبيبي والجروح اللي سببهـا ليلـة الفرقـا
ضما يدها الوصال اليا ظما المحروم حرمانه
حبيبي لو يسامحك البحر وتبيحـك الغرقـى
أنا ما اسامحك لو لامنـي ملحـه ومرجانـه


الطيب مـن مكسـره

القلب عود يفوح والطيب مـن مكسـره
تحته من الجمر مايوقد سكـات الرمـاد
والعيـن مغرورقـه بالدمـع ومبعثـره
بين الصور والرسايل والدجا والسهـاد
حنـا اليـا حسبنـا مازرعنـا الـذره
قل للعصافيـر تتركنـا وقـل للجـراد
البارحه جف في غصن المـلام ثمـره
عقب البياض انكسر ضلعه وسال السواد
والناس خلان قبل الريـش والمحبـره
شعوب وفخوذ واحباب وصباح وهجـاد
هذا الجمل لو سنامه سامـك فـظهـره
ماله عزوم يقـوم بهـا ولا لـه شـداد
ياذيب عيد علـى قلبـه وفـج نحـره
دامه رغى عقب هدراته وشـم الحمـاد
تمخض الوكر والقرناس عـن حمـره
في راس قشعه لعب فيها الظما والنفـاد
يوم النحاس انصدع لونه وذاب أصفره
غنيت للسنبله كـل اغنيـات الحصـاد
مايدفي الا الوبر والوصـل والمقـدره
لازاد شوك الشتا في راحتـك والفـؤاد
ولاصار ما لك اليا منك ركضت اغبره
شوري عليك اترك البيدا وكب الطـراد


صاحبـي عذبتنـي

صاحبـي عذبتنـي صاحـبـي وريتـنـي
في لقا ساعه بعض حلـم وسنيـن ٍ قادمـه
ياحبيبـي كـان ماسميتـنـي .. سميتـنـي
ليت روحي منك ياعـذب المـوادع سالمـه
جيتنـي لـولا الليالـي جابتـك ماجيتـنـي
والليالي جابتك مثل القدر كل الظروف تسالمه
آه ماخليتنـي ثــم رحــت ماخليتـنـي
في دروب طوال مهزمـه معـاك وهازمـه
كن في عينك مـن العشـره اليـا باريتنـي
شي اقل من الحيا بعيون ضيـف وعازمـه
ليتنـي لاجابـو اسمـك ياحبيبـي ليتـنـي
تشرب الذكري بعض عيني وعيني حازمـه
انـت لودليتـنـي فـرقـاك .. مادليتـنـي
دام حبـك فـي جبيـن الليالـي واسـمـه
لك بكي جرحي قصيدي وانـا مـا أبكيتنـي
آه ياحـر الوجـع فـي النفـوس الجازمـه


حظ القلـم

الموت حظ القلـم والمجـد للدفتـر
حبر القلم غلطتي وايامـي اوراقـي
الخوف يجتاحني وجه الطريق أسمر
راح اكثر العمر ياخوفي على الباقي
ياجرح رافقتنـي للنـاس لاتظهـر
وان عشت في نظرتي مامت باعماقي
ياصوت لاتلتحف صمتي ولاتصبـر
قل ماتبي واترك الهقوه على الهاقـي
والخطوه اللي عن آخر سكتي تقصر
ماهيب من طبع رجلينـي ولاساقـي
مانيب من عاش لايربح ولا يخسـر
ولاهو ضرري تكون أفعالي أخلاقي
ثراي ماينشد الغيمـه متـى تمطـر
مادامها في سماي تحـن لاغراقـي
رح وين ماتشتهي رح قـد ماتقـدر
أنا اول الناس في قلبك وانـا الباقـي
يكفيني انـك تعذبنـي وانـا اتفجـر
قصايـدٍ تنتظرهـا كـل عشـاقـي
وانا قصيدي يجي مختارني مهجـر
وأنبت عشانه نخل وسنيني الساقـي



خلص كل الكلام

خلص كل الكلام ولابقي غير القصيـد اعتـاب
نشف وجه الجراح ولابقي غير السهـر راحـه
سلامـاتٍ تطولـك لاتجينـي خايـفٍ مرتـاب
ترى لك وحشه مثل الظلام ان مـات مصباحـه
ترى لعيوني اكثر من صديق وللخفـوق احبـاب
اشوفك تختصرهم في خفوقـي يـااول جراحـه
على هونك .. ترفق ياشتـاي البـارد الكـاذاب
تراهـا.. قفلتيـن الطعنتيـن ان قلـت ذباحـه
بشوفك .. بلمحك .. بتذكـرك لاغابـو الغيـاب
وأبا اصرخ من حشاي ورحله الغفـران تفاحـه
ألا ياكبرهـا وانتـى وانـا واثنينـا الاغـراب
على قلب خساير غيرتـه فـي ذمـه ارباحـه
رهنت لغيبتـك ظـلٍ نحيـل ودمعتيـن وبـاب
علـى قلبـي قفلتـه والوفـا همـه ومفتـاحـه
تفضل نعمه النسيان ما ابغي لاابتعدت اصحـاب
عطاياك القديمـه والجديـد اليـاس وارماحـه
بقي طيفٍ باحرسه في عيوني لك عليه اهـداب
ولانـي حاجبـه ياوجهتـه لاهـداك مرواحـه
خلص كل الكلام اهديت لك لون الوداع واخضاب
مهر كف ٍ دفاها من عـذاب مصافحـي راحـه

تابع ( 2 )

مناجاه

سجد قلبي على رمل الضلوع وهـزه التنهيـد
وانا في جوفي خيام الندم والخوف منصوبـه
يارب افهق هلاكي والمنايا والـدروب بعيـد
مـادام المودمانـي للتـراب تقـوده دروبـه
ياغياث الضوامي والثمـام وجرهـدي البيـد
اعذني من جهنم والحشر والمـوت وكروبـه
انـا مانيـب لامشـرك ولافاسـق ولاعربيـد
انا اللي لا عصى واخطا تجهم واقلقـه ثوبـه
وانا اللي يرتجف مثل ارتجاف الخايف الرعديد
ليا شاف القبـور الضيقـات وحـس بذنوبـه
انا عبدك ولد عبدك وجدانـي هـل التوحيـد
خطايـاي اخجلتنـي يالله الغفـران والتوبـه
انا الانسان حمال النقايـض والكمـد والكيـد
غريق الطين واللذات مـن راسـه لعرقوبـه
انا عبدك ياربي وانت تفعل ما تشـاء وتريـد
سالتـك يالله العفـو العظيـم وهيـن دروبـه


الوان

الأحمر زهرة الرمّان واحساس الخجـل والـدّم
والأصفر للجفاف وللعطـش والنـار والغيـره
والأخضر للمحبـه والسـلام ومهجـة المغـرمّ
والأبيض للحمـام وللغمـام وبيـض ازاهيـره
والأسود لليالـي والكحـل والغامـض المبهـمّ
والازرق للسما والبحـر وأسفـاره وأساطيـره
والأرمد .. للرماد .. وللحياد .. وجاره الأدهـمّ
لدخان .. للغموض .. وللحصان وعجّ أحافيـره
وبين الأحمر النافر والأصفر .. برتقال .. تـم
كماله فالشفق والا ..الجمر لا .. إحمرّ تفكيـره
ومن مزج الحمر .. والزرق تلمع للسما .. واليمّ
قناديـل البنفسـج وآيـة الزهـر وتفاسـيـره
وإذا اللون " إنجرح " من جرأته والا برّد وأعتمّ
على الضيّ الظلام إن ما فرج ضيقات أساريـره
هنّي اللي يداري بأوضـح الألـوان مـا يعلـم
يحسده .. من يهد جبالـه البيـض لطباشيـره


التخمين

مـا جـيـت فــي بالـهـا
وانـــزع لــــي اوراق
مـريـت فـــي بـالـهـا
واقـطــع لــــي اوراق
مـن زهـرةٍ بيـن اصبعينـي
ذابــت مــن الاشـــواق
ما كنت احبك يالفناجين
حتـى قـرا لـي ناعـس العيـن
مــــا قــالــه الــبــن ف....حــضـــوره
وعــلـــمـــنـــي الــتــخــمـــيـــن
ما كنـت اعرفـك يالكـروت
ولا كـان يرمينـي الحـجـر
وصرت ارمي صوتي للسكوت
واصـدق عـيـون الغـجـر
قولوا لها كل انتظار لوصلها..
ومن بعدها الطوفان والماء قبلها
والنـار شوقـي واصبعيـنـي
ذابــت مــن التخمـيـن


شـال وعـباة

يالريح هبيّ..في ثيابي ، وجب لـي
ياصاحبي قنديل ..والنور موصـول
المزن هتّانـي .. وعدّهـا وصلـي
مرسولها لامـال ليّـن .. وعطبـول
هي مـرّ .. تمـرّ المحبـة بمثلـي
والصدق أنا .. كانك تجمّل يامجمول
كان الذهب خاينك وش ذنبه أصلـي؟
واقدام رجلي ما تشرف بـه حجـول
ماني مسامـح لجـل قلبـه ولجلـي
ولا في لساني لك من الشعر معسول
والعاشقين اللـي سواتـي وشكلـي
ف قلوبهم ماتعلـم النـاس مجهـول
والبرد ف كتوف المدينة تـرك لـي
شال وعباة .. ودق لفراقـك طبـول
والصاحب اللي في دموعه ضحك لي
طيفه يعرّض في رقادي على طـول
يهنـاه جرحـي وان تمنيـت قتلـي
يمدّ لي حبـلٍ مـن الـود مشغـول
لابان لي ف زحـام قلبـي وعقلـي
وش ودي اخلي .. على شان ماقول
أقول:ياكـثـر المحبـيـن قـبـلـي
ولانيب حاسبهم .. ولاهو بمسـؤول


أيام العجاج

يانية النسيان موتـي داخلـي غيـظ وظمـا
عليك من حبي لها في داخي مـوت وسيـاج
حبيبتي نجمه تغنـت فـي ملامحهـا السمـا
حبيبتي صرخه على الوقت الرمادي واحتجاج
حبيبتي جمله عتب مزمن على شفـة عمـي
حبيبتي شوكى غصون الورد لأيـام العجـاج
حبيبتي غصن خضر .. لين على دربي نمـا
لو كسرتني في كفوف الوقت تكسير الزجاج
لعيونها كـل الجـروح استعذبـت نزفالدمـا
ولعيونها جفن السهر صارت له الدمعه مزاج
أسترجع الماضي واناديها تعالـي لـى كمـا
غيثٍ يبشر بالحيا سيلـه وسيعـات الفجـاج
والا تعالي لي مثل طيـفٍ تهـادى وارتمـى
داخل عيوني لو يسافر بين رمشي والحجـاج
حتى تعيش الخطوه اللي رافقت درب الظمـا
وانا اجعلك للهامه اللي مانحنت للنـاس تـاج


خيل الكلام

من سريتك عرفت ان الظلامخيمه سهيل وديـار الجـدي
ليلة البرد ما ادفانـي الثمـاموصلك انت الدفـا ياسيـدي
جيت مقبل تهـادى والغـرامينتهي فـي هدبـك ويبتـدي
عطرك اقبل ونم بك الحمـامياهلا فيك والقـاع احمـدي
لايمي في مطر تغـرك يـلامعاذلي فيـك للفـال الـردي
ودي ارقد على ذراعك واناموانت تحكي ويدك في يـدي
وان غشاني من انفاسك غمامازهر العشب في كل جسـدي
وان سقيت الحشا برد السلامماشكاك الظما غصـنٍ نـدي
وان ضحك لي هدبك المستهامطاب لي كل قـاعٍ جرهـدي
القصايد عن وصوفك صيـامعذرها إنك جمـال سرمـدي
وصفك ارضٍ بها خيل الكلامملت الركض واتعبها العـدي
من كتبتك عرفت ان الظـلامخيمه سهيل وديـار الجـدي


يابير

يابير طيك طـي واعماقـك اعمـاق
ويعيش بك داب وحمامه وعصفـور
فاضت عيونك ماك وابتلـت احـداق
وتنهـدت منـك محالـه النـاعـور
يوم انبطت روحك سجدتـي لخـلاق
وعقب ارتفع جمك ضحكتي مع النور
ويوم انهمر دمعك خضعتي على ساق
ويوم انكسر حجلك زعلتي على الحور
ياما بـك الرمـان زهـر فـالاوراق
لين اكتنز في حلـق نحلـه ودبـور
وياكم وردك وصدرك ضيـن ونيـاق
وياكم بهج جمـك بعاريـن وصـدور
وياما رطب نخلك تعسل فـالاريـاق
وياما طحين ارضك تقسم على الدور
وياما وهبتي جـل وافنيتـي ادقـاق
وياما هماجك حل في الخصب والبور
شفتك وانا قلبي على صلدك ارقـاق
وحسيت في حنجرتي عظام وكسـور


هم المحاجر

ياحبيبي والبكا .. هـم المحاجـر
بالدمـوع ابـرد مناديلـي كويتـه
آه من صوت ترك كـل الحناجـر
وانتثر في دفتري شعـر وقريتـه
كل هذا .. وانت قاسي قلب هاجـر
ماهداك الله واخذت اللـي عطيتـه
صاحبك ليّن حشا والحسن فاجـر
من لمحته قلت جاك اللـي بغيتـه
من غرامك في غلاك ارحل واهاجر
جوان ضواني ليل من يمك سريته
لاتزيد طعوني أوجعـت الخناجـر
مابقي عـرقٍ بقلبـي مـا ثنيتـه
لو عيوني غيم واهدابـك محاجـر
ما ظما رمشك تحت دمـعٍ بكيتـه


وش خطاي

ليت لي ذودٍ يـدك البيـد واحدالـه لحالـه
كان ما والله علي خلاف فـي نجـد العذيّـه
جفّت اقلام الغرام وطـوّل المحبـوب بالـه
والله اني ماهقيت ان الغضي يقسـي عليّـه
وش خطاي الا المحبه وش رجاي الا وصاله
وش يبي غير المـودّه والغـلا والمقدريـه
دلّلوه اللي ربوه صغير واسرف بـي دلالـه
ليت لي قلبٍ يطيق الصبـر وعيـون خليـه
والغضي لو لاعه التحنـان وبقلبـه عدالـه
ما غدت من دونه القيعـان جـردٍ جرهديـه
وان تشرّه قايد الغزلان مالـه بـي جمالـه
لعنبو من خان خلانه وجنّـب عـن خويّـه
عن جنوبه والوله والشرق يغنينـي شمالـه
صد يا قلب الجفـا لا صـد وضّـاح الثنيـه
ما انت ياالخفّاق عبدٍ له ولا انت اصغر عياله
انت خفّاق الضلوع العوج والخيـره خفيّـه