أبحرت من ضيقه وعودت منهوك
أوراقي المركب وأنا فوقهاحروف

غريب دار ورحلتي كلها شوك
رحله فراق كلها خوف(ن) بخوف

حزني على فرقاك أنايوم شالوك
مقفي بلا رجعه وعيني لك تشوف

ياشيب عيني وسط ألالحاد حطوك
الله يرحم منّ بالاكفان مكتوف

كنه أنا اللي ميت(ن)وأنت عزوك
تذبحني الوحده مع زفرت الاووف

وين أنت يااغلى صاحب(ن)وين ودوك
أسئل وأنااللي خابر(ن)بس ملهوف

راح الصديق اللي مع الروح مشروك
من عقبكم ومشارك الناس معيوف

ضنو عيوني مادمعة لين طروك
وأنا عليك الدمع ماكف مذروف

هُم يحسبون البعد هين ومدروك
وأنه مجرد ثورت احزان ويطوف

لو البشر يقفون عنّك وخلوك
أبقاءعلي قبرك أنا وارفع كفوف

منساك أنا لو كلبوهم تناسوك
حاضر بقلبي في محبتك محفوف

وكانهم في كل جمعه يمروك
أنا معك بوسط الاكفان ملفوف

أحزنت كل الناس واللي يحبوك
لانك صديق(ن)بالوفاءكنت معروف

سافرت من ضيقه و عودة منهوك
منديلي الأوراق ودموعي حروف

ورجعت أنا أبزود ضيقه ومربوك
وجهي حزين ولون الوجه مخطوف

افا ياجرح لاتبكي ترى كل الجروح تطيـب
ترى كل البشر يخطـون ونتحمـل خطاياهـم

بكينا واندفن فينا حزن اصدق مـن التكذيـب
بكينـا بكـل مافينـا وفيـنـا والـعـذر منـهـم!!!

لقينا ناس فيهم قلـب ونـاس فنونهـا التعذيـب
ولـكـن مانـقـول : الأه ولانتـعـب مسامعـهـم

وسافرنـا فـراق الهـم لقينـا الهـم فينـا عـيـب
وواصلـنـا مسيرتـنـا وكـــل قلـوبـنـا مـعـهـم

نخبي اجمـل الاهـات ولانرتـب لهـا ترتيـب
وتاخذنـا سنيـن العـمـر ونتحـمـل خطايـاهـم

كذا ياجرح هالدنيا سهولتهـا مـن التصعيـب
حلاوتهـا فـي قساوتهـا ولكـن عيـب نعلمهـم

تانبنـا ضمايرنـا ولا نلقـى ســوى التأنـيـب
مصيري او مصير اللي بيخطي لو يجاملهم

صحيح قلوبنـا تعبـت ولكـن اجمـل التعذيـب
عذاب اغلى البشر لاصرت تتعذب لراحتهم

نهيت قلبي عن وصالك ولا طاع
غلاك تهمة والمفارق عقوبة

وفي كل مصايفٍ وفي كل مرباع
وفي كل وقت وكل وقت ونوبه

أحاول اخفي إحساسي

ولكن بالعشق مفضوح

تشوف الفرحه بعيني

وحبك بالعقل والروح