ا سمه على اسمك والمشاعـر جايعـه

خـالـد العسـاف · 02-07-2008, 11:16 PM

قصيده لشاعر مجهول اعجبتني فحبيت انقلة لكم
وهو الحبيب الذي تعرف على حبيبته من مشيتها في مكان عام ومع ذلك لم تعرفه ..!!

شفتها يا سعود صدفه بعد ما غابت سنين
عند قسم المختبـر وسط مشفى الجامعـه

جيتها ثم قلت ممكن في سؤالي تسمحيـن
ناظـرت فينـي بدهشه نظره متواضعـه

قالت انته تـحسبني من بنات صايعيـن
تـحسبني في زماني عن طريقي ضايعـه

قلت انا ماراح اطـول كلهم هم كلمتيـن
وابعـدت عني شويه ثم جتنـي راجعـه

قالت اسال واضح انك من رجال طيبيـن
بس هرجك يالسنـافي كان وشهو دافعـه

قلت انا حبيت وحده يـوم كنا صغيـرين
ومن ثمان اسنيـن راحت للمواصل قاطعـه

عقبهـا ماذقـت نـوم يهتنيـه النايميـن
ساهر في طول ليلي لين شـمسي طالعـه

اذكر انه فيه حبه فـوق ثغـره من يميـن
واذكر انه لاجـرينا كـن شعـره تابعـه

واذكر انـه عاشـق فـالورد الياسميـن
صار قلبي بالـورود اللي عشقهـا زارعـه

طابعا اسـمه بقلبي فيه سيـن وفيه عيـن
وفيه الف وفيه دال وسط قلبـي طابعـه

قاطعتنـي بقولها سبحـان رب العالميـن
كـــررتها مرة ومرتـــــين ورابعه

قلت وشفيك وشبـلاك يابنيه ترجفيـن
ليش عينك يابنيـه من كلامـي دامعـه

قالت الموقف وقلبـي والمحبـه والحنيـن
كيف اشوفك بعد ماكنـت عنك قانعـه

قلت انا بسألك انكانك انتـي تذكـرين
عن مواثيـق ثـمنها من حياتـي دافعـه

قالت ظروف الزمان ماتطيـع العاشقيـن
بيعونـي غصب حبك لو هو ماني بايعـه

انا في دنياي حالي كنهـا حال السجيـن
حتـى لو فكـوا سراحه فيه شي مانعـه

زوجوني غصب واحد وحرموني حاجتيـن
السعاده فـي زمانـي والحيـاه الرائعـه

والحين انا ام لثلاثه عندي ريـم وياسميـن
والولد ا سمه على اسمك والمشاعـر جايعـه

المبدع2007 · 02-07-2008, 11:38 PM

صح لسآآن شآعرهآ , و سلمت على مآ قدمت أخوي و منورنآ بالمنتدى

تمنيآتي لك بالتوفيق

المبدع

خـالـد العسـاف · 02-08-2008, 12:04 AM

النور نووووووووورك اخي المبدع
سلمت الانامل التي وضعت بصمات على صفحتي
اطيب التحايا وارقها لك

أبو نايف · 02-08-2008, 09:49 AM

انا في دنياي حالي كنهـا حال السجيـن
حتـى لو فكـوا سراحه فيه شي مانعـه

زوجوني غصب واحد وحرموني حاجتيـن
السعاده فـي زمانـي والحيـاه الرائعـه

والحين انا ام لثلاثه عندي ريـم وياسميـن
والولد ا سمه على اسمك والمشاعـر جايعـه

هلا وغلا أخوي خالد منور أسعدناً وجودك بينناً
صح السان الشاعر قواك الله حياك الله
ننتظر جديدك

كلي ذوق · 02-08-2008, 10:13 AM

قالت ظروف الزمان ماتطيـع العاشقيـن
بيعونـي غصب حبك لو هو ماني بايعـه

انا في دنياي حالي كنهـا حال السجيـن
حتـى لو فكـوا سراحه فيه شي مانعـه
قصيده رائعة والاروع نقلك اخي الكريم

تحياتي اختك كلي ذوووووووووووق

خـالـد العسـاف · 03-06-2008, 04:09 PM

ابو نايف
كلي ذوووووق

شاكر لكم مروركم العطر لصفحتي
وهمساتكم لي
سلمت اناملكم
ولاعدمت اقلامكم اللامعة
ارق تحيه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اعرف شخصيتك الرومانسيه من اول حرف في اسمك .	لميس العتيبي	علم النفس وتطوير الذات	10	08-11-2008 11:31 AM
هل يعجبك اسمك الحقيقي؟	محد قدها	مملكة ذوقي النقاش والحوار	19	07-23-2008 07:02 PM
تريد النجاح.. اسلك هذا الاتجاه	الاخبار الاكترونيه	الاخبار المنوعه	0	06-13-2008 02:21 AM
اختبار اسمك كم حرف ...!!!	الغروب	إستراحة أعضاء مملكة ذوقي	27	03-05-2008 09:37 PM
اكتبي اسمك وشوفي التسريحة اللي تليق بك :)	زهور الآلام	مملكة ذوقي الصرقعه والفـــــله	7	02-13-2008 08:22 AM

عدد الأعضاء الحاليين الذين يشاهدون محتوى هذا الموضوع : 1 ( 0 عضو و 1 ضيوف )