السلام عليكم ورحمة الله وبركاته
مساكم الله بالخير
بيأذن المغرب وما يمدي اكتب عن الي بقلبي بعد قريت القصيده هذي..!
لكن بقول لكم كلمتين ...!
يمكن احد يبكي على فراق اب او ام .. انتقلوا للحياة الدائمة..!
او يبكي على فراق اخ .. او صديق .. او عزيز غيبه الموت عن ناظريه ..!
وممكن احد يبكي على فراق حبيب ودع هذه الحياه الزائله ..!
تعددت الصور والسبب واحد .. هو الفراق..!
جميعها مؤلمه .. وجميعها تجرح القلوب وتدمع العيون..!
لكن اشد انواع الفراق .. هو عندما تفارق انسان وهو حي..!
ما بالكم اذا كان هذا الانسان هو اقرب انسان لك..!؟
تفارق انسان هو السبب في وجودك في هذه الحياه بعد الله..؟
انسان ايقظك من سباتك وادخلك للحياه .. وتخلى عنك...؟
اصعب لحظه عندما تحتاج لمن يساندك في الحياه ولا تجده..؟
اصعب موقف .. عندما يعطيك والدك ظهره.. ليتركك في مهب الريح..!
لم يغيبه عنك الموت .. ولا المرض .. ولا امور الدنيا ...؟
بل غيبه عنك ( زوجته .. ؟؟ )
بدون اي فعل قمت به .. ولكن .. (( ان كيدهن عظيم ))
قصيده قالها شاعرها .. وهو يعاني الويلات عندما يتذكر والده واخوانه...؟
قالها عندما سأله ابنه عن اعمامه..؟
من هم .؟ واين هم...؟
فراق بدون اثم..؟
فراق اغلى انسان..؟
فراق من هو على قيد الحياه..؟
ما ابي اطول اكثر من كذا واترككم مع القصيدهـ ...؟
الله امر بالوصل من بين الاقراب
وحنا بوقت زايد ٍ بالقطيعه
وأنا من الي شف بالحيل منصاب
وضاقت علي الأرض لو هي وسيعه
يابوي أنا من صدتك عارضي شاب
وحطيت في كبدي جروح ٍ شنيعه
ماغير أهوجس مثل منهـار الأعصاب
وأنا اشهد أن صدتك عني وجيعه
ولا لقيت لها تفاسير وأسباب
ومعاتبتك محرمه في الشريعه
شفت المهونه من شباب ٍ وشياب
وأنا عن الحقران نفسي رفيعه
لاني بسربوت ٍ ولاني بـكـذاب
ولالي مع الأنـذال شـريـه وبيـعـه
يابوي أفك الباب وتسكر الباب
وخصيتني يابوي في ذا الطبيـعـه
حتى أصغر الأخـوان كشـر لي الناب
ماكني الأ بايق ٍ لي وديـعــه
ولحد ٍ خذا لي شور في كل الأنساب
يالله دخيلك من حياة الهزيعــه
ويوم النزايل يايـبــه صرتوا أحزاب
أحد ٍ نصـى الهيظـل وأحد بالـبـديـعـه
ترى المعونه جات من رب الأرباب
لحد ٍ يحسب اني برجوا صـنـيـعــه
لكن أبي جمع القرايب والأحباب
قدام كل ٍ يغـلق الـمـوت ريـعــه
صاروا أخواني عند ورعاني أغراب
شي ٍ يولع في ضميـري وليـعــه
واذا سألوني يـغرق الدمــع الأهـداب
يالله عسى من لامني للفـجيـعـه
يونس على كبده مثل عضت الـداب
وأرحم عياله لاومر مايطـيــعــه
يابوي طيرك له جنـاح ٍ ومـخـلاب
يحط في ربــد الحـبــاري فـنـيــعــه
ماهو بحق أنـك تحـطــه بسـرداب
وتـحـمـلـه من فـــوق مـايسـتـطـيــعــه
حـطـه على يـمـنــاك وتشـوف الأعـجـاب
وافخر بطلعاته مع أهـل الـطـلـيــعــه
صح لســان شــاعرها .. الي ما قدرت اجيب اسمه
والله يجمع شمل القرايب .. ويحمى المسلمين من الحسد..!
في امان الله وفي حفظه..!
يابوي افك البـاب .. وتسكر البــاب..!!! 
العرض العادي
