كبسة شعير


غثا.. وش هالغثا؟ ...كل القصايد عن غلا الاسعار
طبيعـة ربعنـا ..لا قـال شاعـر ...رددوا زيـه

تـرى غثيتمونـا بالحكـي يامعـشـر الشـعـار
وانـا خابـر قصايدكـم ...خجولـه وانهزامـيـه

على ثالـوث الاشعـار المقـدس تكمـن الأخطـار
سياسات الدول ...والجنـس... والـذات الإلهيـه

واشوف اكثركم اليومين هذي....صـار دمـه حـار
غـلاء الـرز ولّـد فيـكـم الــروح القتالـيـه

نصيحـة جربـوا كبسـة شعيـر مكشنـه ببهـار
اهي فرصه تخف كـروش بعـض العالـم شويـه

ولكنّ البـلا حتـى الشعيـر الزيـن سعـره نـار
وساوتنا البهايـم فـي الغـذا ...قيمـه ونوعيـه

ويمكن تسمعـون مـن البهايـم جملـة استنكـار
(مذي عيشه ... هذي عيشة بشر في وسط محميه )

ما دام إنا نثور بدون مـا نفهـم مـع اللـي ثـار
ابفهم بس ... ليـه افكارنـا ضحلـه وسطحيـه؟

ولا يهـرف بمـا لا يعـرف ..إلا واحـدٍ ثـرثـار
يصيـح بشـي مـا ينفـع .. ولاهـو ذات اهميـه

تروّوا وافهموا ..ما للحكومه ذنب في اللـي صـار
ولا فـي يدّهـا تخفيـض الاسـعـار الخرافـيـه

صحيح إن التجـاره تاخـذ الموضـوع باستهتـار
ولا لحمـايـة المستـهـلـك أي ادوار فعـلـيـه

ولكنّ اقتصـاد العالـم .. بخبـرة يهـود ..يـدار
وهـذا اللـي حصـل لعبـة سياسـات اقتصاديـه

طبيعي يرتفع سعـر البضايـع... فرصـة التجـار
لأن النفـط لقمـة عيـش ... واسعـاره خياليـه

انا اذكر يـوم كـان النفـط سعـره بثنعـش دولار
وكنـا عايشيـن بفضـل ربـي فــي رفاهـيـه

وصـارت عائـدات انتاجنـا ضعفيـن للمـقـدار
بديـهـي حـصـة الـفـرد اصـبـحـت 200%

تفاءلنـا بخيـر وطـار منـا بالفـرح مـن طـار
ولكـن للاسـف باقـي الـرواتـب زي ماهـيـه

تقسّم راتبك مصروف يومي ..مـا يجيـب فشـار
مـع فـرق اتسـاع محيـط الاشيـاء الاساسيـه

لذا تحسين وضع الفرد واجـب ..مطلـب استقـرار
لتحقيـق التـوازن حسـب الاحـوال المعيشـيـه

واذا ما حسّنوا وضعـك .. فـلا قدامـك أي خيـار
سوى انك تنحرف وتصير مـن ضمـن الحراميـه

أنا في رأيـي إن اللـي فقيـر بهالزمـان ..حمـار
مسـوي لـي مثالـي ... خـلّ تنفعـه المثاليـه

لو انه يفهـم اصبـح مـا يفكـر غيـر بالمليـار
ولا يبغـي لهـا مجهـود ... شغلـه بهلوانـيـه

بسيطه ... كل مافي الامر يفتـح شركـة استثمـار
يـقـدم للتـجـاره بانشـطـه واوراق وهمـيـه

ويستعرض بمكتب كل قطعه فيـه (سفـن استـار)
ويـغـري هالغـلابـه بالعـبـارات الدعـائـيـه

يلاقي بالهبل .. هبلان زيّـي .. معسريـن افكـار
يجونـه ينفضـون جيوبهـم ... ياحـي هالجيـه

يلم من الدراهم ليـن مـا يشبـع ..بسطـر إقـرار
وتحت السطر .. دمغة ختم تعكـس طيبـة النيـه

يحط لهم سكرتير اجنبـي يعـرف يجيـب اعـذار
وهو يجرد بهـم ... واللـي ورط ياكـل ملوخيـه

وحتى لو يفكر يشتكـي .. ماغيـر اكـل مشـوار
لأن وريقـتـه لمؤوسـسـه مـاهـي نظامـيـه

يقولوا لـه... تصـوّر جنبهـا ياحلـو.. للتذكـار
ترى القانـون مـا يحمـي المغفـل يـا افنيديـه

ينقّعهـا ويشـرب مايهـا ع الريـق سبـع مـرار
منـاعـه جـيـده ضــد الـدلاخـه وبفعالـيـه

ويرقب كل يـوم اثنيـن وش تحمـل لـه الاخبـار
ولا ينـسـى يـقـول الله يـعـزك يالسعـوديـه


علاقة غير شرعية

يقول من عـدا علـى شـارع بـلال بـن ربـاح
يوم إن مـن ساهـر بهمـه غطـه النـوم ورقـد

من بعد نص الليل ألفلـف ليـن مـا اذن للصبـاح
خرجت اغيّـر جـو واتغلـب علـى جـو النكـد

ومن أول الشارع وانا شميت ريـح العطـر فـاح
وحسيت في همـي شـوي شـوي عنـي يبتعـد

يمكـن لأنـي كنـت إذا مريتـه اشعـر بارتيـاح
ايام أنا ما كنت اجـي يمـه علـى سابـق وعـد

مـن جـادلٍ ميعادهـا بالضبـط كلمتهـا قــراح
ادق مـن ميعـاد فقـري فـي الوظيفـة مستجـد

من بعد فين وفين تلقـى فرصـة الوضـع المتـاح
ظروفها صعبه وأخوهـا وجـه شـر ومضطهِـد

أجي على ميعادهـا مـن بعـد مجهـود وكفـاح
من التعب منهـك وللجـدران فـي كوعـي مكـد

لها بصدري فرحة المسجـون باطـلاق السـراح
وبصدرها لـي فرحـة القاتـل بعفـو انفـاذ حـد

تجلس كما رعديـد واقـع تحـت تهديـد السـلاح
من شـدة الربكـة تلعثـم فـي الكـلام وترتعـد

وانا تقول إني من اهـل الـدار بسطـه وانشـراح
قلة عقل.. مـدري دباشـة.. كنـت معطيهـا لبـد

طايش مراهق شايف إن النـاس مكسـورة جنـاح
مغرور بايعهـا بتبـن ولا حسبـت حسـاب احـد

هوايتي ( جمع التوابع) مـن مـلاح ومـن قبـاح
افاخر اصحابي وربعـي لا جمعـت اكبـر عـدد

ما قد شكيت البعد والوحده فـي الايـام الشحـاح
اطـب وأتخيّـر ووقـت الزنقـه الطـارف يسـد

المقصـد اتسلـى ولا للحـب فـي قلبـي بـراح
عايش بمبدأ كل فطيـر وطيـر لا شفـت السعـد

لكنّ هي بالذات كانـت غيـر عـن كـل المـلاح
كانت تحسّسني إني اعظم مـن علـى الدنيـا ولـد

كانـت تدللنـي بفـن اسلـوب اسميـه اجتـيـاح
باسلوبهـا تجتـاح فكـري والمشاعـر والجسـد

كانـت سوالفنـا فضيعـه لا حـرام ولا مـبـاح
اقرب حلال من المحـرم واخـر المكـروه حـد

كنـا نناقـش مايجـوز ولا يجـوز مـن المـزاح
معظم سوالفنا طـوال الليـل فـي هـذا الصـدد

تعارض افكاري وادلّتهـا مـن امتـون الصحـاح
تقول يوجد في الجسد مضغـة وإذا فسـدت فسـد

ما ينبت الحب العفيـف إلا فـي إقلـوبٍ صحـاح
وأظن هذا الحب فـي هـذا الزمـن مـا ينوجـد

واحاول اقنعها إن هـذا عصرنـا عصـر انفتـاح
عددت اساليبـي ولا خليـت مـن جهـدي جهـد

واعطتني بفن وبراعـه درس فـي كبـح الجمـاح
فيهـا ذكـا ماهـو طبيعـي عقلهـا يـوزن بلـد

واحلف لها بالله حبـك مـن خفوقـي مـا يـزاح
خذي كلا م رجال.. أنـا لـك ملـك دايـم للابـد

قالت وانا ما اتخيل إنك ملـك غيـري ثـم سـاح
من فوق وجنتها الكحل .. والـدم بعروقـي جمـد

واستطردت لوكنت صادق ما انصرف طرفك وشاح
لكن لا نضحك على بعض ، انـت قلبـك ماقصـد

اخشى هوانـا يـا حبيبـي يذهـب ادراج الريـاح
لأن وضعي ما يساعـد , وانـت طوّلـت الأمـد

هـذي علاقـه غيـر شرعيـة وحرمـة تستبـاح
اش يمنـع إنّـا نرتبـط رسمـي وتوفـي بالعهـد

واتحجج إنـي طالـب اسعـى للتفـوق والنجـاح
ولا اقـدر اتـزوج وذا وضعـي ولانـي مستعـد

واقول انا في خاطري ( لا هيّن ) اعقد بـك نكـاح
اتزوج اللي صادقتني ؟! مـا بقـي إلا ذي بعـد!!

ويوم ألحت في طلبهـا شفـت مـا عنهـا مـراح
وتأكـد إن اللـي تفكـر فيـه ماعـنّـه مـصـد

سحبت نفسي فـي هـداوه لا جـدال ولا صيـاح
حست وكانـت تتصـل فينـي وأنـا ماكنـت ارد

طنشتهـا فتـره وحسّيـت إن فـي قلبـي رمـاح
واقنعت نفسي, نقص واحد ما يؤثـر فـي العـدد

كانت بداية نكستي والحظ إلـى مـن طـاح طـاح
دنيـا لهـا ميـلات والانسـان مخـلـوق بكـبـد

اثـار قلبـي حبهـا بعـدي وانـا مالـي صـلاح
ولا اكتشفت إلا وهي زوجـة عصامـي مجتهـد

أنا اشهد ان امه دعـت لـه فـي حياتـه بالفـلاح
وانـا اشهـد إنـه نـاال واللهم غبطـه لا حسـد

وانا ثمان سنين قلـب النحـس مثخـن بالجـراح
وهي على مـا اسمـع سعيـده وام بنتيـن وولـد

الله يوفقهـا ويسعـدهـا ويرزقـهـا الـصـلاح
والله يصبرنـي ويرزقـنـي التحـمـل والجـلـد

من بعدها ماشفت من تقـدر تعوضنـي اللـي راح
صحيح مـا تعـرف غـلاة الغالـي إلا لا انفقـد


واحد محشش

وين أنت ياللي ما لغيرك في هواجيسـي مكـان
ولا كتبت الشعر في غيرك لي اكثر من شهـر

كتبت لك مالا خطر فـي بـال انسـيٍّ وجـان
اروي غرورك من ضما اعروقي واسيّل لك نهر

واداعـب احساسـك بحنيـة واسـوي بهلـوان
ورغـم هـذا يبتسـم قلبـك ووجهـك مكفهـر

اش رايك اقلبها نكت ما دمت مليت الحنـان ؟؟
طيب خذي هذي عسى تخرجك من هـم الدهـر

يقول لك: واحد محشش شاف بنوتـه جنـاااان
كلمها 00واعدها 00 ولا جاها لانـه منقهـر !!

يقول انا مدري مواعد وحـده الساعـه ثمـان؟؟
وإلا مواعد لي ثمان الساع وحده في الظهـر !!

تصدقين اني انـا مقهـور مثلـه مـن زمـان
مدري السهر هو سبّبك وإلا انت سبّبت السهـر

محتار اجي لك في قصايد شعر وحلاوة لسـان
وإلا اجي في صمت ولساني حلاوة لـك مهـر

المشكله لو جيت اجي في صمت ما للنفس امان
يمكن تفشلنـي توافـق سـر ترفضهـا جهـر

مبدأ وانا أومن فيه موت بعـز لا تحيـا جبـان
واجي على قلبي ورغباتي وانـا عمـري قهـر

وانتي عنيده حيـل واحيانـاً لسانـك صولجـان
وانا مشاكس من عنـادك فـي عنـادك مدهـر

نلعب على قلبي وقلبـك مـن شقاوتنـا رهـان
لعبه شبيهة لعب شد الحبـل واجهـدت الظهـر

نذرت نذر إني ما اجي لك لين مستـورك يبـان
وإن غبت وريتك نجوم الليل في عـز الظهـر


شر الدواب

يا مـن غلاتـك فـي شرايينـي توهـج وانسكـاب
علـى قريحـة شاعـرك تسكـب بيـوت ميسـره

ماقد عصرت افكاري ابحث عن ركايبهـا النجـاب
استلهم اطيافـك علـى فكـري وطيفـك يعصـره

واشتاق لك واشعل ضلوعي شمع والشمـع المـذاب
اعيـد تصنيعـه مـن اشعـاري قصايـد ممطـره

والعب بالالفـاظ الجميلـه لعـب واخذهـا غـلاب
إليـن اذللها وتصبـح فـي رضــاك مسـخـره

الفـاظ تاخـذ مـن تفاصيلـك عذوبـه وانسـيـاب
والفـاظ تاخـذ مـن تفاصيلـي شمـوخ ومنظـره

واجمّع الضدين واصهرهـا علـى شعلـة شهـاب
شهـاب بنفاسـي مـع انفاسـك تكـوّن عنـصـره

ورغـم هـذا ماتوفـي حقـك 00 ابياتـي رتـاب
الله أكـبـر يـاغـلاك الـلـى بقلـبـي مكـبـره

حتى الخطايا منك في حقـي 000 عقوبتهـا ثـواب
واصغر خطـا فـي حقـك القاهـا كبيـره منكـره

سبـق وعاهدتـك بعهـد الله مـن فـوق الكـتـاب
اني ولا اكتب شعر في غيرك على سطـح الكـره

واليوم انا جيت استميحك عـذر واعلنهـا انقـلاب
بس تسمحي لي لو بعشـر ابيـات غيـر مكـرره

في اللي ورد في محكم التنزيل عن شـر الـدواب
صـم وبكـم واعمـي ولا فيهـم تفيـد التـذكـره

في شاعر انا اغليـه شخصيـاً وجمهـوره مهـاب
من ناحية شاعـر فهـو شاعـر ولا احـدن ينكـره

شاعر فحل 00 لكنّ ما يؤخـذ عليـه ومـا يعـاب
إذا قـرأ لـي يلطـش افكـار وجمـل بالمسطـره

واذا اعجبـه فكـرة قصيـده راح ينهبهـا انتهـاب
يعيـد صيغتهـا بشعـره ثــم يـجـري ينـشـره

وينهـج اسلـوبـي ولـكـن بالله اش ودا لـجـاب
الفرق واضح بين حـب المـاس وحبـوب الـذره

هو يحسب العالم غبيه فيـن عايـش بـو الشبـاب
كلـن يميـز بيـن جملـه طـازجـه ومبسـتـره

الاولـه عـدت وقلنـا صدفـه ابغيـر احتـسـاب
ومن ستر مسلـم علـى الزلـه تـرى الله يستـره

والثانيه عـدت وقلنـا – هـم بعـد صدفـه وتـاب
لكـن زودهــا ومصخـهـا وحبـيـت انــذره

قلت اقرص اذنه يمكن انه يعرف اش معنى عقـاب
وان عـاد كررهـا يميـن الله يااسـمـه لـذكـره

واني لفضّـح بـه فضيحـه مـا تسترهـا الثيـاب
واشرشحـه قـدام خلـق الله ويصبـح مسـخـره

لو ما يفيق من الهبـاب ان كـان بالـع لـه هبـاب
ما ارحمه لو يتكلم الشيطـان مـن تحـت اظفـره

واكشف لصوص الشعر واللى يكتب الشعر اغتصاب
وانصـب لهـم فـخ بقصايـد محكمـه ومشـفـره

والله ماهو طبعي ادخـل فـي المشاكـل والسبـاب
واحـاول اتجنـب صحافـه كلبـوهـا سمـسـره

عايش مسالم كـل هالمـده وسيفـي فـي الجـراب
واذا رمونـي بالشتايـم مـا اسمـع الا صرصـره

ماهو بمعجزني000 فنون الشعر شاربهـا شـراب
لكـنّ مـا ودي نفـك ابــواب شــر مسـكـره

واليوم اشوف اعداي من حولـي يسنـون الحـراب
مـن جبنهـم مـا يحذفـون الا الظهـور المدبـره

قلوبهـم ياساتـر استـر كنهـا بيـض الـغـراب
الطيب الطيب 00 مـن الداخـل يخالـف مظهـره

يربت على كتفي بكـف وكـف ماسـك بالنصـاب
واتجنبـه وادعـي علـيـه الله ربــي يـدحـره

ماهمني فعل السـروق المـازح اللـي مـا يـراب
الهاوي اللي خـذ مـن اشعـاري فنـون الدكتـره

الاوديـه مـا تنبـت الا مـن مساييـل الشـعـاب
وادري الفقارى مـا تهـز الا الغصـون المثمـره

المعذره يابعد عمـري 00 شعـر ماهـو مستطـاب
اليـوم غثيتـك وجبتـك فـي القصيـد مبعـثـره

وان ما ذكرتك في قصيدي يعتري الشعر اضظراب
مـا يبهـر الجمهـور شعـري الا لانـك مبهـره

ما ودي اقحم ذكـرك الطيـب مـع شـر الـدواب
لكـن قصيـده مـن قصيـدي منـت فيهـا تنكـره