انا عندي مشكلة صراحة بس اشوي خاصة بس ابا حد يساعدني

مشكلتي اني ازوجت من احب وعاندت الكل على انه يحبني وبقدرني بس بعدين بدت المشاكل وقال بخليج زوجتي بالسر وبقول حق اهلي اني طلقتج قلت اوكي ادري عبيطة لا و بعد غصبوه اهله انه يتنزوج عشان يرضون عليه يوم قالي بعد قلت اوكي هبلة على انه المشاكل بتهدا بس المشاكل زادت ما هدت وانا ساكتة وراضية قالي اجلي الحمل قلت اوكي معنه الثانية كانت حامل بعد رضيت والله راد و حملت هني عاد قامت القيامة زعل وعصب وما يكلمني تعرفون ليش ؟ قالي نزلي الي في بطنج وانا قلت لا و حاول يقنعني وانا عند رايي واستوا علي حادث وانا حامل لكن شوفو ارادة رب العالمين الجنين ثبت غصبن عنه هنيه رضا بالواقع وسكت والحمدالله عدا الحمل على خير .....


ادري بتقولون شو المشكلة ؟
المشكلة وما فيها هي الطفلة الي يبتها شوله ذنب تصدون رافض يسويلها جواز او اي اثبات الاثبات الوحيد الي عندي شهادة الميلاد .
خبروني شو اسوي النوم ما انامه من كثر ما افكر في بنتي عطوني حل في ها الريل؟؟؟؟؟؟؟؟؟؟؟؟؟

السلام عليكم ورحمة الله وبركاته
عذر انتي غبيه المفروض انك تفكرين في المستقبل قبل ان تقبيلين بهذا الزواج وتفكرين في مصير اطفالك الطفله وش ذنبها الله يعينك حاولي انك تتكلمين معه واذارفض اهلك وينهم عنك ليه مايدخلون كلمي اهله وحطيه قدام الامر الواقع مثل هو رافض ان يسوي لها جوازفكري شلون تقنعينه حاولي انك تكون قويه وانتي تتكلمين معه لاتظهرين اي ضعف وانتي تتكلمين معه او انكروحي السفاره شوفي لك حل بسرعه يمكن غيري يفيدك احسن مني لكن هذا راي فقط وانتمنى انك ماتزعلين من راي
الله يعينك على الاانتي فيه

السلآآآآم عليكم ورح ـمة الله وبركاتة

خيتي رآآآح اتكلم معك بكل صرآآآحة ومنطقية


اولاآآآ عزيزتي مشكلتك أكبر بكثير من أنك تعرضينها بمنتدى وتسمعين آرئنا مهما كانت مفيدة واجابية لأن المسأله ما توقف هنا

أول نقطة احب أقولها لك من خلال كلامك اكتشفت عدة أشياء أحب أقولها لك هي مو عشان أحبطك او أي شيء غير اني أبي أوضح لك اخطائك ح ـتى ما تخطيئن فيها والكل يتعلم


أنتي لجئتي لنا صح مع انك ما تعرفينا يعني هنا في الصغير والكبير في المتعلم وفي الغير في الطيب وفي اللي نيته عكس بمعنى لجئتي لنا وأنتي بس تبين ح ـل وما فكرتي أبدا في (( من انا أسئل ))

اللي أبي أوصل له أنتي لجئتي لنا مثل ما تضح لي انو لأن ما عندك احد تتكلمين معه


بكذا عزيزتي أنتي خسرتي أهلك خسرتي اقرب شخص لك انك تسئلينه (( وتثقين برأية اكثر مننا )) وبالأخير خسرتيهم على تجربة فاشلة

حبيبتي هذا مو نوع من الأحباط أنا قاعدة أعيشك الواقع قاعدة أصور لك نتائج تجربة أقدمتي على خطواتها بيدك

أنتي يمكن لك دوافعك وأسبابك اللي جعلتك تتزوجين هالشخص لاكن مهما كانت الدوافع والأسباب لازم كل واحد يحط في بالة أن هناآآآك أشياء أقوى وأكبر مني يعني في اهل في سمعة في ديييييين والدين يحرم هالشيء



بوريك اخطائك أولاآآآ تزوجتية عن طريق علاقة مهما كانت يظل هناك أصول وعادات وأسلام يحكم علاقتنا يعني أي علاقة مثل كذا حرمها الأسلام يعني هو يبي يتزوجك يجي يطرق الباب مو الشباك

ثانيا قال يبي يتزوجك بالسر ووافقتي < هنا كانت بداية الأنكسار

ثالثاً قال يبي يتزوج عليك ووافقتي < هنا كانت بداية أنحارف العلاقة بينكم يعني رآآح يبحث عن أخرى طيب وين اللي يقدر وين اللي يحبك وينه اللي ضحيت من أجله تركتي الكل عشانة مو أقل شيء يثبت حبه لك ويوقف بجنبك ويعوضك عن كل شيء مع ان ما في شيء يغني عن الاهل ..


رابع ـا وأكبر خطأ انه منعك من الح ـمل < هنا سلب منك أقل حقوقك هنا تتضح ألف علامة أستفهام لماذا لا يريد أطفال لماذآ مني أنا بالذات زوجته الآخرى حامل لماذا انا يسلب مني هذآآآ الح ـق

هذآآ دليل أنة لايريد منك أطفال بمعنى لا يريدك أما لهم مهما كانت كلماتي قاسية عزيزتي انا لا أظلمك ولا أعلم عنة وما يدور في ذهنة ولاكن هذي بعض الأفتراضات اللتي قد تكون لها نصيب من الصحة وقد تكون خاطئة ولاكنها منطيقة عزيزتي ..




أخيرآآآ أعلمي عزيزتي أن الله ثبت هذا الطفل وحماه ليس من فرآآآغ فا حقك كأم قد تحقق ولله الح ـمد


بقى شيء واح ـد وأكبر شيء وهو الطفل وقضية أثبات نسلة طبعا هذي اكبر من أنك تناقشينها هنا


بمعنى هناك قانون عزيزتي قادر على حمايتك وأثبات نسل هذآآآ الطفل


كل ما عليك أن ترفعي قضية أثبات نسل وطبعا راح تاخذ أجرآآآآءت كثيرة وقد تطول خصوصا إذا كان ناكر النسب

يعني يجب عليك ان تصبري وتقوي أيمانك بالله لأن الله أكبر من الجميع والقادر على كل شيء وبيدة سبحانة أن يجلب لك الخير والفرج

أستشيري محامي وأن قدرتي توصلين مع زوجك ألى حل كان بها ما قدرتي مالك ألا المحكمة وياليت تستعجلين قبل ان يكبر هذآآآ الطفل

أخيرآآآ قوي أيمانك بالله أختي قد ما تقدرين والأهم الأهم الأهم حاولي ترجعين علاقتك مع اهلك فكل منا يخطئ ولا كن خير الخطائين التاوابين


صدقيني اليد الوحده ما تصفق ولا كن يدين تصفق

لوحدك ما تقدرين تسوين شيء لابد من مساعدت اهلك لك ..
دع ـواتنا القلبية لك أخ ـتي

وآآآسفة ع ـلى الآآطالة بالنسبة لـ ردي هو وجهة نظر شخصية أتمنى أن تستفيدين و محد مقصر معك

تح ـياتي ..

السلام عليكم ورحمة الله وبركاته

سارونه .. ما اقول غير ربي يكون بعونك ... لاازم تتصرفين ويكون لك موقف الحين يكفي الوقت اللي راح وانتي ساكته وراضيه بكل اللي يسويه رغم انو ظلمك كثير ماله حق باللي سوااه..

اكييييييييد تصرفك من البدايه غلط..والمفروض انك فكرتي ببكره قبل كل شي .. ماراح احكي عن الماضي (اذا فات الفوت ما ينفع الصوت )

شوفي حبييبتي حاولي فيه للمره الاخيره وخبري الوالد او اخوانك الكبار يتفاهموا معاه بطريقتهم .. وكمان شوفي اي شخص كبير يستحي منه ويكون له كلمته على زوجك .. ويقنعونه انو يعترف ببنته ويعطيها حقها ..

اذا مره ما نفع معاااااااه .. الشي اللي بيدك تسويه انك تخبرين اهله بالحقيقه .. بس مو تخبرينهم كذا بالوجه ..لاا شوفي لك طريقه مناسبه بحيث انك تكسبين احدمنهم بصفك < ماتضمنين وش تصرفهم بعد ما يعرفون ممكن ما يصدقون او يجبرون ولدهم يطلقك قبل يعترف ببنته ..
وتكونين خسرتي كل شي ..

بفكر لك بطريقه تخبرينهم فيها..
مقدره وضعك ..اكييييييييد مشوشه ومو عارفه اشلون تتصرفين لاانك انتي اللي بالمشكله ..

بسالك اكثر واتاكد من موقفك بالقانون اشلن يكون .. احس ماعندي ذيك الخبره بهالمجال وكمان هالراي اجتهاد شخصي احسك محتاجه لراي احد كبير وحكييييييييييييم ...

المهم انتي لاا تقطعين وحنا ويااااااااك للنهايه .. خبريني وش يصير معاكي اول باول .. وان شالله ربي يفرج همك ..


واكيد اتفق مع دلوعتي بكل كلمه قالتها.. اكيد الكلاام قوي عليك بس انتي لاازم تفهمين وتعرفين الحياه اكبر من انك تضحين بنفسك عشان الحب ..وياليته هالشخص قدر وعوضك عن هالتضحيه ..!.

سوري طولت عليك بس حسيت بقهر ما تتخيليه من هالادمي وقلت كل اللي بخاطري ..

احترامي ياقمر

اسطوره

والله انا جد حزينة على ما تواجهه المرأة في مجتمعنا الشرقي
نعم اقولها وبعلو الصوت المرأة تعاني في مجتمعنا من الرجل المجتمع يهاجمها الرجل لا يرحمها العادات والتقاليد تقتلها
مع انه لو نظرنا الى الدين لاعطينا هذه الانسانه ابسط حقوقها
من هنا وبعلو الصوت اوجه ندائي الى جميع الاخوات لا للتنازلات للرجل مهما كان السبب او الهدف لا للتنازلات لا
وعلى الخت الكريمة ان تنفض عنها غبار الوهن والضعف وشبح الخوف وتتجه فورا الى القضاء ارجوكي قومي وتصرفي انتي الان تضيعيين حقك اطفالك وهذا مش من حقك انتي مسؤولة عن هذه الطفلة فلا تتهاوني ابدا

إخواني وخواتي الي ردو علي مشكورين وصدقوني انا مب زعلانة على الرد وبعدين اهلي بالعكس معاي بس انا ما حبيت اكلمهم عشان يعايروني لاني في البداية تكلمت و شكيت عندهم كان ردهم علي