على كثر الدموع اللي تحول من عيـون النـاس
أحد صادق وأحد كاذب وأحد دمعه علـى كيفـه
لقيت أغلى الدموع اللي لها بين العبايـر سـاس
دموع أم علـى فرقـى ولدهـا حسهـا خيفـه
بكت من لوعـه التوديـع عيـن مالهـا حبـاس
يحبس الدمع جفنن مـا شكـى فرقـى مواليفـه
لتس الله وانتي أغلى من مشى فوق التراب وداس
دموعتس عندي أقسى من زمان مرهـف سيفـه
ألا يا بعد من شم الهوى عوذي مـن الوسـواس
ولدتس أن يسـر الله عانـق العـز ومشاريفـه
يقولون العرب ثوب الثنـى والعـز والنومـاس
خلقـه الله ورا بــاب عطيـبـات مراهيـفـه
ومادام البعد عـز للفتـى بعـده ستـر والبـاس
ولا قـرب هبـوب الـذل تلعـب فـي نفانيفـه
يشوف العز والتقديـر رجـال صليـب الـراس
جنيه مـن ذهـب لـه حكـه تغلـي مصاريفـه
ويشوف الذل والحقران رجـال بليـد أحسـاس
رمـاده جمـره مـن نـارن أول ساسهـا ليفـه
هذي قصيده للشاعر خالد بن مدعث الخرفان الدوسري
المواضيع المتشابهه 
قصيدة جميله عن الأم.... 
العرض العادي
