لبيه ياللي ضحتك كنها العيد
يافرحة ايامي وأسعد أزماني
مشتاق أضمك يافريد المواليد
شوق اللي راجع بالبحر للموانئ
يامتعلق بالروح مثل العناقيد
مانحرم من ضحتك يالله عساني
لك نبضة بالقلب مثل الزغاريد
او لجة البدوان على السواني
ولك وجه احلى من دروب المواعيد
والذ من ضحك العذاب لا غدالي
لا غبت يملئ القلب كثر التناهيد
واحسب ليالي غيبتك بالثواني
والى اقبلت يمي تضحك السواعيد
وأقرأ بخافي القلب سبع المثاني
ماعدت اهتم بالبشر وقلبي عنيد
دام انك معي يارفيق الاماني
من يوم بشروني بحبك الوحيد
صارت حياتي كلها لك ياحياتي
الاهداء لها وحدها
مات قلبي
لبيه 
العرض العادي
