...
.......
.......
وقلت :
كثـر ماأخسـر كــل شــيّ
كثـر ماانسـى انـي ربـحـت
الحـزن :هــو الدمعـه:هـيّ
لاتعتـذر لـي لــو سمـحـت
اطـلـع مــن الخـفّـاق زيّ
ذرة صخـر مـن فعْـل نحـت
لـي حـق.. لـك حـق ٍ علـيّ
اذا جـرحـت ولا انجـرحـت!
هـاذي يـدك ..هـاذي يــديّ
صح لي..وانا لاصحت ، صحت!
بـندهّـك لحظه،وانـت عـيّ!
ولو ماتعبـت ، انـا استرحـت!
يلعنـك .. حتـى (فـي يــديّ
بيّـن غيابـك) ليـه رحــت؟!
دوّرت فـوجـيــه آهـلــيّ
ضحـكـة .. ونـاديـتـك و..
طــ
حـ
ت
!!!
!!
!
و قلت :
يمرك بالي اشهى من كـلام ٍ ضيّعـوه اثنيـن
وامّرك كني اللي مختنـق لاطّـرو الاوطـان
انا مااخترت احبك لو قدرت آحبـك بيوميـن
ولافكّرت من قبل الحنيـن احبـك مْـن الآن!
تفضل قلبي اللي في بياضه ضاعوا الساريـن!
وابيك تودي القلـب اليبـاس لهجـرة الهتـان
انا صرخة عيونك من نعاس يعلّـق السقفيـن
على جدار السهر ويطيح بال وينهـدم وجـدان
بقى من فوقك طاولتْك مناديل وهـدب ويديـن
عقب ماغبت ماادري غابت الدنيا ورى الاحزان
هنا عطرك حزين وقلبـي البلـور والنسريـن
تكسّر وانشرخ حلم ٍ طويـل ٍ يشبـه الإمكـان
ياليتك ترجع اكثر من غيابك وابتعـادك ليـن:
تكون اقرب من ابعد دمعة ٍ تهرب من الأجفان!
على ميعادنا وقّع فـراش وطـار عصفوريـن
وانا قلبي "غصن"ماله ثمر في شجْرة الحرمـان
نواياي الطباشيـر ان تفتـت فالوهـم تخميـن
ونواياك الكحْل لاصرت اشوف اني بقايا انسان
هلابك لو غيابك مر لحظة مـن بعـد عاميـن
تراحيبي حضور ٍ في غيابك وانشـد النسيـان!
اسولف بك علي ولاقدرت اسكت الى هالحيـن
جميل انك تسولف وانت تصغي للحديث آذان !
وانا ماكنت اقول انك سكنت عيونـي الثنتيـن
مادام انك ورى حدب الضلوع تفتّـح البيبـان
حبيبي قسمّو قلبـي رفاقـي وانقسـم قسميـن
وجيت آدوّر اللي يجمعه في سكـة الأحـزان ..
للشاعر / بندر محــيا
وطحــــــت ........!! 
العرض العادي
