السلام عليكم رحمة الله وبركاته

انا وجدتي حصه يوم نروح ناخذ عمره بالحرم<<<اكيد بالحرم ولا وين بتاخذ عمره يسطل

طاااااااااااااااااااااااااااااااااااااااااااا ااااا ااااط يابو الشباب وخر شوي تشك تشك تشك تشك تشك تشك<<<<<تشك ذي اكبس على واحد بالنور
ياخوي وخر
ايوا كذا
حيا الله الشباب والشابات كيف الحال عساكم مستناسين كلو التمام التمام حتى انا الحمدلله بخير
في ذاك اليوم يوم الإربعاء ليلة السبت بعد صلاة الجمعه الذي هو يوم من ايام الأسبوع يوافق18/1 او 1/18 مدري تراي ناسي لماذا سمي الإنسان بإنسان لأنه ينسى المهم انه في عام 1429<<<<قاله ألحين يوضح
كنت منبطح ارضا على ظهري واتأمل في مخلوقات الله امثال(منتهي ومفك)خخخخخخخخخخ
المهم ابا اجي لم السالفه اجي وإلا اروح هعهعهعهعهع<<<والله ياهو سخييف
السالفه تقول ان ذاك اليوم جالس بالصاله اناظر مبارة الهلال والبرازيل النتجيه كانت تعادل 4_صفر للنصر او الأهلي المهم انهم يلعبون قدم
ولا ذاك الصوت المبحبح ياولد ياولد
يوووووك هذاي جدتي
هلا بامي حصه سمي
اسمع وانا امك قلت انا
اقول اسمعي بس لاتحتكين انتي جدتي منتب امي قالت اسمع لا بهالعصا ولاك غادي تسنك محفر تمر قلت لالا فكينا لا نبي نصير محافر ولاصناديق
قالت اسمع ابيك تاخذ بي عمره قلت اي عمره والي يرحم والديتس انتي تاخذين عمره قالت ايه وشبي قلت لابس اخاف تفككين بالمسعى وتضيع صواميلتس مع الزحمه ونبلش
قالت من الي يبي يتفكك قلت انتي قالت اجل انثبر انا الي ابا اتفكك مو انت <<<<انواع العربجه هالجده
قلت طيب وش تبيننا نروح درجه اولى وإلا ضيافه قالت وشو قلت وش الدرجه الي تبينها قالت وش درجته قلت بالطياره وما امداني اكمل إلا كتله مجاوبه على راسي
احس اني فقد شي من جسمي واناظر ولا راسي طايح بالأرض واخذه واركبه <<<<<<عشان تدرون انه بنك نصب
المهم قلت وراتس يوووووه (يوه يعني يمه هذه الكلمه تقال للعجز)
قالت نبي نروح بالهايلوكس قلت الهايلوكس مايركب عجز<<<<والله ياهو قليل حيا
قالت العصر نبي نمشي قلت طيب <<<<<دايم مشوت بالبيت
وجا العصر واركب العفش ويوم مشينا قالت شغل الشريط واخذه قلت وشو ذا قالت شغله انت وش دخلك
قلت طيب بشويش
واشوا صار المسجل خربان قلت خربان المسجل قال زينه قلت خربان قالت ماتفهم سامعته سامعته اليوم (وهي طاقه يدها على فخذها)
قلت طيب اليوم اسمعتس إياه إذا وصلنا إن شاء الله عشان المسجل خربان
قالت لا ابي اسمعه ألحين واقعد ازين فيه يمكن 500كيلو
وبالأخير الحمدلله زان وادخل الشريط ويطلع الشيخ (عبدالعزيز الأحمد)حفظه الله .. بشريطه توقيع
ومن شغلته لين وصلنا وهي صياح انواع التعذيب وخلصت كل المناديل الي بالسوق
وحنا نشتري <<<<<عشان تدرون انه نصاب جدته ماتستعمل مناديل الله يخلي الغدفه
ويوم وصلنا مكه وقلت وين تبينا نسكن قالت انا عندي لك غريفه يحبها قلبك
قلت طيب وينهي فيه قالت هي حقت حمد ولد خالتك موضي نسيب عمتي فاطمه
(عاد دور هالي يقربلنا)
قلت جدتي حصه قالت نعم قلت المهم انه يقربلنا قالت ايه قلت طيب وينهي فيه الغرفه
قالت وانا امك قلت انا كم مره قلت لاتحتكين انتي جدتي بيني وبينتس امي الله يخليها اسمحيلي ياجدتي النشبه كل شي وله حدود ما ادري إلا علامة تايوتا بجبهتي قلت وراتس يوه قالت إذا تكلمو الكبار الصغار يسكتون قلت طيب <<<قايل لكم دايم مشوت بالبيت
قالت ميزة الغرفه انك تشوف الحرم وانت فيها قلت طيب
زين بجنب الحرم تمام شكلها زينه
المهم قلت وينهي فيه قالت شفت الجبل ذاك قلت اي جبل قالت ذاااك وهي تغز عليه
قلت اي ليش؟؟
قالت الغرفه هناك قلت يرحم ام امتس يوه فكينا من اولها كذا يازين البيت قالت امش بس امش
قلت وش الي امشي السياره ماترقى الجبل قالت تلعب علي قلت والله اني ما اكذب
قالت إلا انا شايفه بالتلفزيون سيارتك راقيه الجبل قلت لا هذاك همر<<<همر هذا جيب قوي
وتناظرني بطرف عين قالت وش تبي بالمهر من ناوي تخطب منه
انا ضاع خشمي جلست ادوره بالسياره ساعه لين ليقته ولله الحمد
قلت يووه اي مهر يرحم جدتس السابع من وين تسمعين ترا الأذان الي يسمعون فيها الناس
قالت لاتلعب علي مهوب صغيره انا
قلت والله اني قايل همر مهوب مهر قدمت حرف الهاء على حرف الميم قالت اخلص المهم من ناوي تاخذ
قلت انا قايل همر مهوب مهر قالت وهي فرقت مانشقت بس تخر <<<هذا مثل
قلت همر سياره ومهر حق الزواج قالت طيب ابا اعلم امك عليك
تخطب من وراهم يالخسيس توقعتك ولد بار بإمك مادريت انك تسذا قلت وش يفكنا من هالسالفه قلت يايوه
السياره ماترقى الجبل
قالت انا شايفه سيارتك راقيه بالتلفزيون قلت متى وانا مطير عيوني (عيت تصدق هالعجوز)
قالت امس ويالخبيث جالس تسلم على البنيات ماتستحي وانت تبي تعرس قلت من قالتس اني ابا اتزوج قالت اجل وش تبي بالمهر قلت يرحم والديتس والله اني قلت همر
بعدين تعالي يوه لاتفهمين غلط هذاك مهوب انا هذاك باستراليا مهوب بالسعوديه قالت اوريك خلنا نوصل للبيت اوريك علمك عندي قلت رحت فيها ياناس
اسمعي يووه والله انه ذاك الي بالتلفزيون مهوب انا
انتي شايفه واحد ثاني باستراليا <<<<تراها كانت مشغله السعوديه الثانيه وجالس تناظر برنامج حق همرات
قلت والله بالطقاق صدقتي وإلا لا <<<<<<ترها قايلها بنفسه لايلعب عليكم
قلت تبينا نجرب نرقى قالت اجل <<<تقولها وهي واثقه مادرت انها تبي تروح بخرايطها
قلت طيب ونمشي يوم وصلنا لم الجبل ولا هالصخره كبيييييييره قدامي قلت نرقى يوووه قالت ايه ارقى قلت منا ماترقى من وين تبيننا نرقى قالت من المحل الي رقيت فيه بالتلفزيون <<<والله ياهي راكبه راسها سالفة التلفزيون
قلت مهوب انا الي باتلفزيون واقعد احلف ساعه قالت اجل مهوب انت قلت ايه قالت اجل اكيد انه ولد عمك عبيد المنجطل قلت يرحم حفيدتس يوه <<<<<يقصد نفسه
وين عبيد المنجطل ذاك من جنها بالسواقه يالله سيكل مقاس 16وكم مره قلب }لأن عبيد ذا هو ويابدلتة حقت النصر عام 1405هـ لا ورقم 6 والخط حق سته طايح طالعه خمسه
إذا شاف احد يناظره قام يستعرض ما يدري إلا هو بماصوره وإلا حاب(ن) الرصيف واكثر شي بسطول الزبايل (وانتم بكرامه) { ماعلينا منه
قالت انا ابي اسأله وابا اشوف قلت اسئليه قالت إذا رجعنا قلت طيب
المهم مارقت السياره قلت والسوات قالت مالنا إلا رجليننا قلت طيب وانزل انا وإيها قلت يوه تقدرين ترقين من هنا
قالت الله يخلي وليدي قلت منهو خالد ترا ماجاء إلا انا وإياتس
وإلا هو يبي يجي ألحين قالت لا انت يادحيم السنع<<<<<السنع هذا اسم الدلع حقي
قلت وش سنعوه بعد انتي قالت انت تبي تشيلني على كتفك
قلت طيب <<<<<<<اصلا هو لازم يقول طيب من اول شي وإلا جته علوم(ن) ثانيه
يالله واشيلها تصدقون عاد مهيب ثقليه كلها على بعضها زي الريشه <<<ايه هين زي الريشه
المهم يوم اني شلتها فتشت الغدفه
قلت وين يووه ترانا بالسعوديه تغطي قالت مالك دخل امش وانت ساكت قلت طيب <<<<كلش(ن) طيب مافيه ليش ماليش
يوم وصلنا لم الغرفه جينا ندخل الباب عيا ينفتح يمين يسار مره مافيه امل قلت يوه معتس المفتاح قالت لا بس ارجف الباب بقوه وينفتح <<<<انا قايل ان هالجده انواع العربجه
واشوت الباب وينفتح ولا هالفار والثعبان والضب(وانتم بكرامه) وييييوو يمر سريعي سريعي انا مدري وش جاب الضب هنا يمكن انه تمساح يستهبل حتى التمساح وش جابه خلونا منهم بس
قلت بسم الله الرحمن الرحيم وانا منهبل قالت جدتي وش بك قلت انتي وين جايبتنا غرفه وإلا بقالة زواحف<<<<حلوه بقالة زواحف
قالت ليه وش فيه قلت فيران ودينصورات <<<يقصد الضب
وثعابين قالت بس قلت وش الي بس
قالت ادخل مهوب جايك شي قلت وش الي مهوب جايني شي فيه ثعابين
قالت ادخل وماعليك وانا خاااايف ادخل ويطلعون علي هالزواحف وأخاف ارجع ولاعصا جدتي داخل بالجمجمه
قلت يارجال الدنيا تجارب ادخل والي يصير يصير وادخل ولا الثعبان محجر للضب بزاويه وماسكه من عند ازاريره ويقول ألعن ام امك تقرب حارتنا
والفارمنبطح يمين ماغير يتقلب شكله توه مشوته الثعبان
والضب يقول مهوب انا هو الي قايلي الفار الي قايلي قال الثعبان هذا علم يوصلك ويتعداك اشوفكم هناك ادفنكم بالحاره ويوم جا يتكلم الضب انا قلت
اححح شباب بشويش خلاص اقصر الشر انت وإياه وكل واحد يروح لفصله ماصار إلا الخير وانت يالثعبان مدينة ابوك تمنعهم انهم يمرون من حارتكم <<<مدري من وين الشجاعه هذي جته
ويلتفت على الثعبان عليه شنب واااااوك اي شنب ولاشعر بشير غنيم
انا جتني ام الركب يوم التفت قال نعم خير يابو الشباب وش في امك تكلم
قلت لا بس حرام عليك تستقوي على الصغار قال agyn yuo sied عد عد وش قلت (تراه يتكلم وهو ينضف اذانه)<<<<مهوب عاقل هالثعبان يفهم انجليزي
قلت اقول معليش قطعت عليكم نقاشكم والضب يقول افا ابو شنيب <<<يقصد الثعبان
افا يتكلم عليك ذا وانت ساكت
والله ياشكل هالضب انواع اللعانه
قام يناظرني الثعبان ويقول انت وش مجلسك ضف وجهك لا اشوفك معتب هنا
وانا ماصدقت بخبر على طول من الباب ويوم طلعت قالت جدتي وراك قلت ادخلي وشوفي
قالت الله يخلف على ام(ن)جابك وخر شوي
ويوم دخلت جدتي وانا وراها ولا كل واحد ماسك له ربعه ويزعق جت العجوز جت هجو انحاشو بسرعه <<<<اثر هالعجوز موريتهم نجوم القايله
وطلعو انواع الحيوانات الي طالع بسروال وفينله والي طالع بدون فنيله والي طالع بقميص نوم وعيونه مغمصه والي طالع ولابس نعله(وانتم بكرامه) وحده (عاد تخيلو اشكالهم)
المهم ان الغرفه ماعاد صار فيها شي كل هالزواحف انحاشوا خافو من العجوز

قلت يوه وين الدريشه الي تقولين انها تطل على الحرم قالت ذيك وهي تغز عليها
واناظر لاحرم ولاهم يحزنون قلت وين مافيه شي
قالت ايه صح نسيت ارقى فوق الغرفه تشوف الحرم
ويوم رقيت مافيه شي واحط80بلكه
وارقى فوقه(ن) ويالله شفت طرف الهلال الي فوق المناره
وانا يالمسيكين قلت على هالمدح ولابوسط صحن الحرم
نزلت ولاني نسيت ان بطني قايل تراي جوعان
قلت يووه معتس 20ريال قالت ليه قلت جوعان قالت زيّن العشا قلت ابا اشتري من برا مايمدي قالت وش الي مايمديك تبي زيّن ولا ضف وجهك نم<<<<ماش هالجده احس انها راعية مشاكل ايام الصغر
قلت لالا ابا ازين واقعد اقطع البصل والطماط وازبط العده واحط حق نفر واحد يعني جحدت جدتي <<<<<انواع النذاله
وبديت ازط من هالأكل الي مايندري وش لونه <<<<ماعندهم نور بالغرفه
قالت جدتي وراك ماصبرتلي قلت والله جعت شوي قالت طيب وين حقي قلت اي حقتس قالك العشا
قلت ماصلحت إلا لي بس ولا هالبوووز الي بكلوتي <<<<هالمره بوووز ماش والله ياهالعجوز مخربتها
قالت قم رح زين عشا لي وقمت زي الألف لايجيني شي اقوى
المهم اني خلصت من سالفة العشا
نمت وقمت من نور الشمس الي داخل مع كل محل
ولا جدتي تزين القهوه
الللللللللللللللللللله يازينها قهوه على الصبح
قمت غسلت وجيت وسلمت على جدتي تقهوينا وافطرنا
قالت قم يالله خلنا ناخذ العمره
قلت بهالقوايل قالت قم وانت ساكت قلت طيب طيب<<<<يقولها ووجهه فيه عبره
نزلنا ناخذ العمره ويوم طبينا التوسعه الي برا الحرم
تقولي دحيم بعد يبعد سبدي ودني (دورة المياه)((وانتم بكرامه)) <<<<<<<ام الخطمه
قلت ليش<<<<<شف بس السؤال
قامت تعطيني من ناظرتها الحاده(امحق من نظرات والله انها من جنب القده)
قالت وانت وش دخلك ماتستحي ماتعرف الأخلاق انت
قلت إلا خلاص تبين دورة المياه بس قالت ايه
ووديتها لم الدوره
جلست برا اعد البلاط وبعد اربع ساعات طلعت <<<<حشا اربع ساعات
طلعت وبدينا بالعمره الشوط الأول الشوط الثاني الثالث تمام
ويوم جا الشوط الرابع دقرت هالعجوز
عدل بدل يووه قومي قالت مره وانا امك
قلت لاتحتكين خلاص انا حفيدك مهوب ولدك
قالت اجلس لا بهالعصا اخليك تنادي اسمك صنيتان قلت اخس يووه تعرفين صنيتان
قالت ايه ذاك اكبر جنط بالربع الخالي
بعدين قامت تناظرني نظرات وهي ترفع حواجبها وتغمض شوي من عيونها
قالت انا تراي مثل جنوبيه بس انا اشوت الناس وهي تشوت مواضيع الناس <<<<<<ماتحسون انه طب بالغويط ويبي يشوت هو وياموضوعه من قبل جنوبيه
قلت ماشاء الله وانا اقول اسلوبتس بالمنتدى موغريب علي <<<<ام عليه قرائة اساليب والله ياهو من جنبها
المهم قلت اقول لاتحتكين بس وترفع العصا بحركه سريعه وتبي تضربني فيه واوخر انا
بحركه سريعه وتبي مره ثانيه تضربني واوخر بعد انا
واسوليها حركة دحيم قلب الاسد التي لاتقهر ما ادري إلا وصعرور ثالث صاف مع الضربات الي قبل صارو ثلاث صعارير<<<شف الجمع
قلت طيب طيب ان شاء الله
واانا جالس وتلتفت علي جدتي قالت دحيم قلت سمي قالت قم اقمز جب رهو بوس
قلت وشو قال جب لي عصير رهو بوس قلت ماأعرفه قالت وانا سألتك انت تعرفه وإلا لا
رح لم البقاله وقله وهو يعطيك قلت طيب رحت لم البقاله وقلت له عندك عصير رهو بوس قال لا رجعت وقلت لجدتي مالقيت قالت شكلك رايح لم مغسله وتدور عصير قلت وراه يوه حرام عليتس والله
انا رحت لم بقاله قالت صدز انه غبي مثلك
قلت يووه ألحين وش صناعته الي تبينه
قالت غربي قلت اسمه كذا رهو بوس
قالت ايه وش قالولك ما اعرف اقرا <<<<راعية مشاكل هالعجوز
قلت لا انتي ناجحه بالكتابه والقرأه والعلوم والطيران بعد
بس يمكن ان الحروف اختلفت عندتس شوي قالت لا انا اعرفه ودايم اشربه
قلت طيب
وجلست اراجع العصيرات بمخي وش هور بوس ذا
رهو بوس بالخوخ لالا هور بوس بالسمسم لالا صح اصلا انا غبي مايجي عصير بالسمسم
قلت بكيفها <<<<<<<تراها تقصد باور هورس
بعدين التفتت ثانيه علي وقالت قم اجل جب لي بايسن شراب القوه <<<اخس والله هالعجوز
قلت اخس يوه تشربين بايسن قالت اجل وش قالولك عجوز <<<<<احد لاعب عليه وقايله انس بنت
واروح واجيب لها واحد ويوم شربته قلت هاه وش صار
قالت قم خلنا نكمل
ومشاء الله كملت لين الشوط الخامس بالسعي
وجاء الشوط السادس وتبدا تخر امها هالعجوز
بدت تفكك اصبع السبابه ضاع
تدرون وين لقيته تحت ترمس زمزم <<<<<<<والله ياهو نصااااااب
المهم باقي الأشواط بعربيه (لاتقولون ليش ماجبت عربيه من زمان لأني غبي )
يوم خلصنا من العمره ورجعنا لم الغرفه
قالت يالله خلنا نمشي لم الرياض<<<<ماصدقت خبر إلأ شلتها هي والسياره
ورحنا لم الرياض على رجليني <<<<اخر فقشه بالموضوع

ووصلنا بخير ولله الحمد .


الفائده من الموضوع :
1- خذ بجدتك عمره او حج لو عذبت ابو ابوك ترا العجز ادعيتهم بإذن الله مقبوله
(لا وإن بدت تدعي لك ماودك تبيها تسكت ) (وإن جت تدعي عليك اصلا انت ماتدري تبيها تسكت وإلا تكمل لأنك اصلا مانتب فاهم )
2- برّو بجداتكم حبايبي تراهم بحاجتكم .
ك تبيها تسكت ) (وإن جت تدعي عليك اصلا انت ماتدري تبيها تسكت وإلا تكمل لأنك اصلا مانتب فاهم )
2- برّو بجداتكم حبايبي تراهم بحاجتكم .

ههههههههههههههههههههههههههههههههههه
ههههههههههههههههههههههههههههههههههههه
هههههههههههههههههههههههههههههههههههههههههه



قصــــــهـ طويلهـ بس حلوهـ ....>> مفروض تحطها بالقصص هع

يصلمووووووو خيو

ياحليل الجدات قلوبهم بيضه الله يرحم جدتي


وجداني الله يعطيك العافيه خيوو على هيك


قصه بتجنن .....................

تقبل مروري .. حـــــــــــــــــلا

يع ـطيك الع ـىفية أخوي مآ قصرت

بس لسة بكملهآ وأقول رآيي فيهآ ..


ينقل للقصص ..


أحترآمي ..

بصراحة قصة روعة والله هالجده تونس الواحد