إليكم الموضوع
أيـــتــهـا الأنـــثــى الــيكـي الــحـل مـع هـذا التــــمـساح ,,!!
كح كح ....!
7
7
يالله انك تحيي الحامل والمحمول <<< تقصد الرد
امممممممم يا صبايا عندي لكم درووس خطيرة عند استاذكم ترووووك <<< امحق أستآ‘ذ
المهم درسي اليوم للبنات يعني اللي مقهوورة من أخوها ولا تمساح ناشبلها بالبيت اليكم الطرق لإستفزازه .....
بسم الله نبدأ ,,,
1-*** عند التلفزيون ***
7
7
((شوفي اذا صار مبقق عيونه وماهو لم احد يعني لو تجيبين صاروخ تفجرينه قدامه مالتفت لك اعرفي انه منسجم. ))
هنا بس تقومين بشغلك,,
7
وتسوين نفسك بنت سنعه وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين …
((لا قال: ابعدي.))
قولي: مانيب فاضيتلك بنظف وامسح.. أمي قالتلي..
وبعدين روحي جيبي المكنسه واكنسي المكان اللي هو فيه ..
وحاولي من لحظه للحظه تكنسين قدام التلفزيون وغطي عليه
ولا يهمك احد.. <<< بس يا ويلك كانه يشوف مباراة الهلال
((واذا قال: ابعدي لااصقعك على وجهك بالكاس))
قولي: معصي بيجون ضيوف << العبي عليه حتى لو مو جايكم احد
ولا سوي نفسك جالسه وتذكرتي ان الكيك بالفرن احترق ناقزي لين توصلين للفيش وامصعيه برجولك ولا تلتفتين وراكِ..
2- *** عند النوم ***
((لا صار التمساح يشخر.. نكدي عليه نومه وشلون؟!))
أ-دخلي عليه بزارينكم على بزارين جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ
ب- والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نطلع نتمشى..
جـ- وأحلى شي جيبي كلينكس واقطعيه قطع صغيره ولفيها ودخليها بخشمه وبإذنه بس بخفيف عشان يحسبها ذبانه وما يتعب نفسه ويقوم عشان يهشها وعاد حوسي بوجه بهاللي معتس
<<<<< ابو الافكار المزعجه
3- *** إذا المزاج صفر *** <<< أصعب مرحله
أ- اذا شفتيه ماله خلق ومو رايق ومقفله معه لا تخافين ,,
هذي فرصتك تنتقمين منه يعني تحرشي فيه خلي دمك ثقيييييييييل بالمزح ..
بس انتبهي في هاللحظه راقبي حركات يده لان ممكن يصك أي شيء قدامه بوجهك
ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ
ب- اضحكي على شكله والا على جلسته والا على لبسه
هو بيقول(( ترى مانيب رايق اذلفي عني))
انتي لا تسكتين قوليله واذا ماذلفت وجهي وش بيصير يعني يمااه خوفتني
8
8
عاد هو بيقوم ويوريك وش بيصير على سنع انتي في هالوقت اقضبي اول درجتين توصلك لغرفتك
وطلي عليه من فوق وقوليله : هاهاهاهاهاااااااااااااااااي اهم شيء رفعت ضغطك وقومتك من جلستك
4- *** وقت الطقاق ***
لا جاء يوم وبراسك حرش وتبين تطاققين انتي والتمساح لازم تجهزين نفسك من كل ناحيه:
1/ اللبس: لازم تلبسين ترنك خخخخخخخخخ علشان يسهل الركض
2/ الشعر: الشوشه لازم تلمينها وتسوين حفله براسك و تحطين انواع الشباصات والمغاطات وانتبهي ولا خصله تنزل منك,
<<<< انصحكن تروحن لم حرامي ياكثر الشباصات عنده أي نوع براسك تلقينه !!!
وياليت تكونين حاطه براسك حناء علشان مايتجرأ ويلمس شعرك <<<<< ابن أمه يجيب مثل هالتفكير
3/ مفتاح الغرفه : ترى الاحتياط واجب
7
7
7
^^اذا بدت المعركه^^:
حطي راسك براسه ولا تبينين له انك خايفه وبققي عويناتك فيه وقوليله وش براسك عاد مسويلي فيها ذا روك
8
8
هو هنا بيقولك هذا اللي براسي طراااااااااااخ الا ومخمس مصفي طبلونه,,,,<<< حاولي ما تطيحين خخخخخ
ولا تستسلمين عطيه بوكس على بطنه أما اذا حشرك الله يستر بس عندي لك الحل (((( اضغطي على عينه بأقوى ماعندك بإبهامك وخليه يصارخ ))))
وعلى طووووووووول لغرفتك اللي مجهزة مفتاحها من قبل واقفلي عليك,,
ويادار مادخلك شر <<< الباب اللي يجيك منه ريح سده واستريح<< وشدخل ابو المثل
واذا قالك يالبزر عادي وش فيها اهم شي حققتي الغاية اللي هي (( تفجير الامبير))
((((((((( نصاااااااااااااااائح عااامة لكن)))))))))
أ- اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في القايله ..
ب- واذا شفتي أمك ولا ابوك اجلسي صيحي عندهم قوليلهم انه يبي يطقك خخخخخخخ
<<< اذا صارلك شي انا مالي دخل خخخخخخخخ انا بس اعلم ما اتحمل النتائج
<<< أنواع الإجراااااااام هع هع هع
يا شباب السمووووووحه امسحوها بوجهي وابشروا باللي يرضيكم !!!
<<< ايه هين يمسحونها بوجهك مير انت غاسل وجهك بماي مرق
انتهىىىىىىىىىىىىىىىىىىىىىىىىىىىى
سلملم
وانشاااء رااح اردهااا لكم يآ‘شبآ‘ب
09-24-2006, 09:54 PM 
عزيزي التمسااح000 عزيزتي السحليه 000 ارعص هنااااا !! 
