بسم الله الرحمن الرحيم:



كنت نايم.. وبعالم الأحلام هايم..
مادري في ايش كنت أحلم
مره احس اني اسوق سياره..
ومره اقول كنت مضيف طياره..
كان الجو بارد..
وكنت متغطي وشارد..

رن التليفون
وقلت ياترى من يكون؟؟
هذا المزعج هل هو صديق ولا مزيون..
هل هو عاقل ولا مجنون؟؟
رديت عليه وانا كلي شك وظنون!!
وبـرقه بعد ماكنت عصبي انا انسان حنون..

سمعت صوت ماتوقعته.. :
ولا في خيالي تخيلته..
ولا حتى بحلمي سمعته..

بنت..

قلت هلا
وقالت اهلين..
نوره موجوده؟؟

قلت وأنا صوتي رايح فيها..
لحظه شوي بناديها..
وجلست أصوت واقول نوره .. يامن نوره يلاقيها..
ورديت للسماعه وقلت مادري وين راحت الله يهديها..

بس دقيقة ماعندنا نوره!!
وبادر البنت خوف!!
قالت آسفه غلطانه..
قلت ولا يهمكــ عادي لا تكونين زعلانه؟؟
مايهم اذا ماعندنا بالاسم فلانه..

وقالت شكلك كنت نايم..
قلت لا.. توني قايم..
قالت تدرس ؟؟

قلت الدراسه خلاص باح..
انتي شكلكـ تدرسين؟؟
كيف اختباراتكـ ؟؟ عسى أنكم مرتاحين..
قالت باقي لنا ونخلص يومين
وخايفه والله من مادتين..
قلت من الاختبارات لآ تخافين..
دامكـ الليل تذاكرين..
وعلى الله تعتمدين..
واللي يزرع جح ( بطيخ ) ما يحصد يقطين..
أهم شي انكـ ماتنسين..
قبل الاختبار الله تدعين..
ومن إبليس تتعوذين..
خلقه من نار وخلقنا من طين..

وجلسنا نسولف في أمور..
من شو اسمكـ الين غلاء المهور..

قالت اسمي (ود) وقلت لها انا محمـد ..
وقالت صدفه غريبه اسامينا فيها دال..
تصدق كنت اتمنى يسموني نوال!!
تصدقين وانا كنت اتمنى يسموني جمال

وجلسنا نسولف في بحور الشعر والموال..
وماهمنا كلام الناس والعذال..
وفجاءة خلصت السوالف ولا لقينا اللي ينقال؟؟
وسكتنا..


وبدلع..قالت أنت تشجع الوحده؟؟

قلت في قلبي.. مادري أجاوبكـ بكف ولا بنعال..
بالله عليكـ هذا سؤال؟؟

قلت أنا نصراوي.. وما يهمني القيل والقال..
هذا الكوماندوز هذا حبه طاح في القلب ولا ينشال..
والشمس مايغطيها مشخال..

قالت شمعنى النصر !!..
قلت يا بنت.. النصر فن ولعب ويفوز باللي حضر..
وجمهوره له كلمة وامر..
يابنت..لا تغريني بالكثير..
لو تضربين مليون بصفر تساوي صفر..

و حتشرنا وشبينا.. بس بسرعه انطفينا..
الظاهر بعضنا هوينا..
وبدرب الحب ابتدينا..

قالت.. محمـد ...
قلت آمري يا ود..
قالت اوصف لي شكلك..

هذا وين توهقنا..
شوفي العرب لونهم واحد
ولسانهم واحد.. واحلف بالله ولا غيره أحد
أني مب طويل ولا قصير..
شعري ناعم مثل الحرير..

قالت والعيون..
قلت العيون شبرين في ثلاثه اشبار
قالت اسد..
قلت شكرا يا احلى شهد

المهم ان تواعدنا..
والموعد باكر في المول قررنا..
بين خوف وامل تواعدنا..

وقضيت ليلتي في حيرة..
وش البس؟؟ جنز ولا ثوبــ والله حيرة..
مافي غيرها يفكـ الحيرة.. شيشه و تعميرة..


ورجعت للبيت اعاتب امسي وابتسم لغدي..

وبصعوبة نمت.. قعدت اتقلب وون.. << ذي حلووه وون خخخخخخ
يا قلبي قلي وش اللي من الحب اهون؟؟

غريبه هالدنيا غريبة..


وراحت ليلتي.. وزادت بلوتي..
اليوم موعدي.. انا والحب بنلتقي..

وكشخت
لبست فوق راسي غترتي..
في مكان اللقاء تغيرت حتى خطوتي..
صرت ارتجف واترنح بمشيتي..
كأني انساق للموت وهاذي نهايتي..

موب سوالف شجاعة.. هذي اكبر بطولاتي..
ايذا خسرت بتضيع احلى امنياتي..
جلست ادور والف وحول المكان اطوف..
وين هذيجكـ العين اللي عليها قلبي ملهوف..
ود؟؟ ياليت الناس تجي وتشوف..




وفجاءة..



وصلني مسج..
يقول..
سويتها فيك يا محمـد..
رد بيتكم وخل عنك هسوالف ياتـعبان


روح نام ..
تعيش وتاكل غيرها
و سويتها فيك ..
















:المرسل
الــــوالــــدة







ههههههههههاااي حلوهـــــ حركاات الوالـده هههههههههه







***** تــــــــــــــــــــرى مو انـــــــــــــــــــــا *****

ههههههههههههههههههههههههههههههههههههههههه
ههههههههههههههههههههههههههههههههههههههه
هههههههههههههههههههههههههههههههههههههه
ههههههههههههههههههههههههههههههههههههههههه
هههههههههههههههههههههههههههههههههههههه
ههههههههههههههههههههههههههههههههههههههههههههه


حلوووه حركت أمهـ

مشكووور خيووو وسيم على تفااعلكـ بالقسم وانتظر منكـ كل جديد من ابداعاتكـ المنتظرهـ

تحيااااتي لكـ


أم خمااااس

ام خماس منوره الصفحه

ومشكور ع المرور