(( الشهر عليكم مبارك))
شهر مبارك عليكم وعساكم من عواده وهالله هالله .. بالطراطيق (( يقاله انه بالعيد )) اتمنى من الله عز وجل ان يفك اسرى اخوننا في الصين والشيشان وفي جميع حارات منفوحه مرورا بالمزاحميه القويعيه حفر الباطن الجراديه -> (( أما هالفئة يا كثرهم )) حيا الله عجايزنا انا صح شفت ملحوسين وناس مأجرين عقولهم على ملجأ الغنتنامو (( هذا أن كان فيه عقول )) بس مثلكم لو افحط بالأول وافترعلى برتس بالحاره ماراح احصل عجايز مثلكم ..
((موضوعنا عن الشهر وش دخل الميك أب انتي وياها ..؟ ))
لايكون قايلتلكم بنت ذوق موضوعنا عن اخر صرخات الموضه امحق عجايز ..!
< ياحبني لعمري هزأتهم <.. برى لايصفقونك بكعب ثم تطب على خشتك
فاقد للوعي لساعات طويله
ويكتبون على قفاك راح غلطت كعب عجايز المنتدى:)
(( طبعا تعرفون قبل رمضان الكل يحضر لهالشهر الكريم ))
وقفت عند الإشارة وأنا مهموم من طلبات الوالده الله يحفظها طالع كني سواق بنقالي ينتظر نقل إقامة كل شوي وهيه راعصتن على جوالها تدق علي جيب عطف سنبوسه جيب شوربه جيب مهلبيه جيب كريما اظن انهم يبوني اجيب جيان بيتنا ومع الهم ناظرت يميني لقيت سيارة معفنه مكسرة ومظلله وقلت لا حول الله شكله حادث .. وأنا أتكلم انفتحت الدريشة حقتها وطلع منها دخااااان ثمن وجه سوداني عليه عمامة ناظر فيني وهو يقول يا زول عليك الله داير اسألك عن حاجة .. قلت بخاطري لايكون يبي مكان الي يبيعون الفيمتو بس المهم قلت وش تبي ..؟ وبعدين وش هالدخنه أنا احسبها تضليلة .. ابتسم السوداني وهو يقول ما دقق يازول هادي الكنداسة منكسرة والدخان بيدخل عليا انا اتعودت عليها .. قلت على كذا شكل لازم تنزل من السيارة تركض عشان تصفي رأتك (( والله لو يلف العالم ما صفت )) قاطعني الزول وهو يقول عليك الله داير اسألك سؤال قلت تفضل .. قال أنا تاية وعايز اعرف الرياض من فين أروح له .. وقفت أناظر في وجهه وقلت له يا الحبيب فيه احد قايلك أن حنا في الشرقية .. حنا في الرياض وإلا صح ما ألومك وين تدل معه وهالدخنه معج عجه كأنك في مصنع تكرير ارامكو السعوديه حاول تكسر القزازة اللي قدام وغير نضارتك اللي منزله وجهك تحت من كبرها باقي شوي ويحك وجهك في الزفلت ... وبعدين وش هالشاش الي لاف فيه راسك عسى بس محد فالقك .. ابتسم وهو يقول هادي عمامة .. قلت يا خوي شكلك فيها كأنك مجبص راسك
وأنا أتكلم رن جوالي ومشيت وخليته وأنا أشوف الرقم طويل كنه أرقام اليانصيب رديت وسمعت صوت ( منصور اخوي ) وهو يقول ( علي ) وش رايك بالمفاجأة شريت رقم جديد .. قلت هالحين فرحان عشان هالرقم اللي كنه رقم شاص جمس تسعة وثمانين .. تأفف والله يا (علي) ما يعجبك شي .. المهم اسمعني انا ابيك تمرني علشان نجيب مكسرات وعلوم تعرف باب الحاره صار على الابواب ولازم نجيب العده علشان نتفرج عدل (هذا شكله يبي رمضان علشان باب الحاره ).. قلت والله يا (( منصور)) أنا معد اتابع هالبرامج يخوي ترى رمضان عباده مو مسلسلات قال هلحين مسوي علي مطوع بريده تعال ويصير خير قلت ان شاء الله المهم مريته
وطلعنا .. ونحنا بالطريق دق علي (( عبد العزيز )) خوينا المهم سلم وقال أقولك عرس أختي اليوم لا تنسى تحضر .. انت ومنصور اخوك قلت أختك ما غيرها اللي جلست تتحايل علي عشان أتزوجها ويوم تقدمت لكم طلب أبوك طلبات حسيت أني جاي أخطب المونليزا ..قاطعني ( عبدالعزيز ) وهو يقول يا ((علي)) احترم نفسك مهما كان هذي اختي ما أرضى تقول عنها مايونيز .. طنشته .. واسترسلت وياليته كذا وبس يقول يبغى شقه على البحر وحنا في الرياض يعني ما أدري كيف اجيب له بحر هل نسكن قدام السد عشان يرضى ... بعدها رفضت وجت أختك بتنتحر وشربت بنزين وطلعتَ من البيت تركض الين صلبوخ ثمن وقفت وطاحت وتجمعوا عليها الناس وودوها المستشفى وقال الدكتور ما فيها إلا العافية بس سبب طيحتها خلص البنزين..
سكت وقالي ((عبدالعزيز)) يا (( علي )) أنسى الماضي ولاتنسي تحضرون اليوم .. قلت يصير خير ..وقفل وقلت لمنصور خلنا نخلص طلبات امي قبل يقبل علينا الليل المهم دخلنا لم جيان وماخليت شي فيه من كل نوع اخذت درزن والله لو اني امول لصومال واثيوبيا كان استقر الاقصتاد عندهم بس علشان مايجي ثاني يوم برمضان يقولون روح جيب وجيب وعقبها طلعنا لم البيت نزلنا الاغراض وهذي كانت بعض المواقف والتجهيزات لرمضان..
ملاحظه:-
اخي القارء رمضان شهر عباده وليس شهر اكل ومسلسلات لاتفوت هذه الفرصه
فربما ان تأتي السنه القادمه وان لاتكون احد الاشخاص الذين فرحو بقدومه
اغتنم الفرصه فالإنسان لايضمن عمره لثواني..
نشيل توقيع الحاجي آغا صاحب البقالة 
العرض العادي
