( يوميات خمس بنآت ،، كلهآ موآقف وضحك واستهبآل) للكاتبين ( كِنـــدَهـ ) _ و ( بنتٌ ،،، والبنات قليل) هذي اليوميآتـ صآرتـ معنآ .. وكنآ من زمآن نجمع موآقف ونتذكرهآ في النوتآتـ .. فحبينآ ننشرهآ للتسليه .. وبعض الموىقف يمكن تستفيدون منهآ .. وإحنآ متأكدآتـ ان فيه منكم مجموعه مرت عليهم مثل موآقفنآ .. مو شرط كلهآ طبعآ .. !
طبعآ شخصيآت اليوميآتـ حقيقيه وليست من نسج الخيآل .. والكآتبتين من شخصيآتهآ .. ( نتمنىآ تكون بمستوىآ ذائقتكم ) هذا البارت الأول واذا لقينا تفاعل نزلنا باقي اليوميات) ..
بسمه ، نوف ، دانه ، طيف ، ساره ، هذولا بنات عم كلهم .. اعرفكم عليهم باختصاار بسمه / 20 سنه تدرس بالجامعه ... ( عيونهآ عسليه نآعسه .. شعرهآ بني إلى نص الظهر تقريبآ .. أغلب ستايلهآ ستآيل الإيمو < مو هينه ! ) نوف / 19 سنه بثالث ثانوي.. ( عيونهآ سوود كحييله .. شعرهآ أسوود نآعم إلى تحت الكتوف .. جسمهآ وسط يميل للسمنه .. بشرتهآ قمحيه .. ) البنت هذي اوقآتـ تصير مغرورهـ أوفر .. دانه / عمرها 22 سنه تدرس بالجامعه عادت السنه طبعا لانها مره شاطره صراحه هع .. ( بشرتهآ فآتحه بس مو مرهـ .. عيونهآ عسليه زي بسمه .. شعرهآ طبيعته كيرلي .. لونه غزآلي تقريبآ .. ) طيف / 18 سنه .. داجه ماعندها سالفه في الدراسه .. للحين في المتوسط من زود الشطاره .. طبعا هذي اخت دانه يعني السالفه وراثه هههه عربجيه .. ( تنزل عليها الرقه اوقات ) .. ( بشرتهآ قمحيه .. عيونهآ وسآإأع مآشآء الله .. شعرهآ طبيعته بني متوسط .. يوصل للرقبه .. قآصته زي الكآريه الفرنسي تقريبآ ) ساره / 21 سنه تدرس بالكليه .. هذي مره عربجيه ومره نعوومه .. تقدرون تقولون عندها انفصام بالشخصيه هههه ( طويله .. جسمهآ روعه قليله عليه .. بشرتهآ حنطيه .. شعرهآ بني مآئل للحمرهـ بس مو مرهـ وآضح .. يوصل لين تحت نص الظهر .. )
ــــــــــــــــــــــــــــــــــــــــــــــــــ ـــــــــــــ اللي يهم انكم تعرفونه إن : كل الرجال اخووان طبعآ .. كلهم من العوائل المحافظه نوعا ما .. امهات البنآت مايشتغلوون << ماعندنا حريم يشتغلن هع ــــــــــــ
كانوا البنات مجتمعين في استراحه استاجروها الرجال نهاية الاسبوع عشان يجتمعون العايله كلهم ويشوفون بعض .. خاصة ان الرجال والحريم ماصاروا يجتمعون الا يالله يالله اما البنات تلقونهم كل يوم في بيت وحده وسهرانين على التلفزيون والنت والاكل طبعا ولا مآ تصير سمرة بنآتـ (كانوا البنات معترضين عالاستراحه ) وكآن موآل البنآت والرجال كل ماجوا يطلعون للاسترآحآتـ .. البنات : تكفون الله يخليكم ملينا من الاستراحه الرجال باسلوب اغرآء: روحوا مره الغرفه ومره عالمسبح ولا اجلسوا بين الزرع ترى بسطه هناك البنآت : ليش ارانب حنا ؟ اووف ياربي .. يقهرون الرجآل يفرفروون بالسيآره ويملون من الطلعآت بعدين يشرفون الاسترآحه .. مو زينآ منطقين هنآك من يوم نجي لين ينادون عليهآ .. << ياعمررري
في الاستراحه بسمه منسدحه نص سدحه على الكنب اللي بالزوايه تحت المكيف .. تقلب بجوالها وعاقده النونه .. الظاهر عندها مشكله او فيه شي قاهرها بالجوال .. ساره ودانه ونوف جالسين عاللاب توب ويناظرون الفنانات قبل وبعد ! ساره : هههههههههههه ااي يابطني وش ذااااااا .. يعني لو اروح اسوي عمليات تجميل زيهم كان انا الحين ملكة جمال دانه كانت مره تضحك ومره تفهي مو مصدقه : ههههه أي والله !! .. في الوقت هذا دخلت طيف عندهم ... طيف : بنات وش تشوفون زحفوا لي ابي اشوف معكم ولا حياه لمن تنادي .. راحت مسكت شعر ساره وباليد الثانيه مسكت شعر نوف طيف : وخري إنتي هنا ( تقصد ساره ) وانتي هنا ( تقصد نوف ) ساره ونوف : اااي عمى ياحماره شوي شوي حشى مو بنت ( وجلست بينهم وقاعده تناظر معهم ) دانه : من هذي ؟ يؤيؤيؤيؤ لاتكووووون احلام ؟!! وانفجرت ضحك ههههههههههههههههههههههههههههه وييييييييين وييين من جد ياساره لو نروح هناك كان الحين شي طيف : أي هين ماتعرفون حظوظنا لو نوينا نسوي عمليات تجميل كان قلبونا مايكل جوكسون ! نوف : ههههه حلوه دانه رافعه حاجبها << بتسوي يعنني شخصيه : كل واحد يتكلم عن نفسه طيف ماعطتها وجه لان مالها خلق تاخذ وتعطي .. بعدين جلسوا يتصفحون بالنت .. لقوا قصة تقطع القلب صارت لبنت وقاعدين يقروون ومندمجييين والجو هاااادي شوي الا صرااخ بسمه : لااااااااااااااااااااااااااااااااااااااااااااا ارتاعوا البنات طبعا مو خوف عليها بس لانها خوفتهم ولايفوتكم شكل ساره يوم افتزززت ونقزت من مكانها ..
ساره : عمى ان شاء الله .. الله ياخذك خير وش فيك ليش تصارخين مجنونه خوفتيني . بنت انتي بنت ؟ وجع منتي صاحيه اوف صراحه مالك داعي يختي وش ذا متى بيتعدل اسلوبك ياربي انا وش سويت بحياتي عشان يصير فيني كذا << اعصابك ههه وبسمه تناظر جوالها وشوي وتصيح : لا لا ياربي لايااارب يارب انه كذب تكفى الله يخليك يارب << اموت ع الدعوه . متعوده تطر من الناس ههه قاموا البنات راحوا عندها طيف : الله يخليك يارب ؟؟!! سلامات إنتي !! ساره : ءءءءءءءءءءء ( تشهق ) استغفري ربك حرام عليك دانه : ههههههههههههههههه بسمه : ياويييلي ياويلي رحت فيها بنات تكفون وش اسوي والله مو قصدي دانه : بسمه ترى فقعتي اذني وطيرتي ساره من مكانها وقاعده تولولين كأنك مصريه .. وش فيك بسمه : والله بالغلط والله ماقصدي ياربي والله حرام وش ذنب البنت طيف : وش اللي حرام واي بنت ؟ وش تتكلمين عنه ؟ بسمه : بنات امانه وش اسوي وش اقول للبنت طيب تحززن والله انها اول مره ترسل لي وهي محااافظه مرره ياربي اخاف تنتشر واتورط انا طيف وصلت معها من بسمه لانها تتكلم بالالغاز .. مسكت تي شيرت بسمه من ورى : بتتكلمين ولا والله لاطيرك الحين.. بسرعه اخلصي وش صار << ابو النعوومه بسمه : بنات تخيلوا نوره صديقتي ارسلت صورتها لي يوم كانت بالجنوب وانا كنت ابي ارسل الصوره لاختي مها لانها من زمان ودها تشوف نوره .. ونوره تدري اني برسل ولا رفضت عادي عندها بس وصتني نمسحها نوف ببرووود : طيب ؟ بسمه وهي خلاص بتبكي الحييين : ايه بعدين جيت ارسلها رحت حطيت اضافة مستلم ... طيف مطلعه لسانها على جنب وعاضة عليه : وبعدين ؟ بسمه : انا كان واحد دايم يدق علي ومزعجني خفت ان احد اخواني ولا ابوي يشوفون رقم ويسوون سالفه ولا يشكون رحت خزنته وحطيت اسمه لعّاب . دانه : ههههههه لعاب ينقالك رقعتيها يعني ساره : دانه انثبري .. كملي بسمه وبعدين المهم اختي حاطه اسمها لازانيا لانها تحب اللازانيا طيف وهي خلاااص انفجرت : بتقولين قصة حياتك اخلصي يالله خافت بسمه : طيب لاتنافخين عمى اصبري شوي عشان تعرفين .. ايه المهم ماعندي اسماء بحرف اللام الا هم ورحت بالغلط ارسلتها له والله يابنات بالغلط ياربي توني انتبه الحين يوم جاني تقرير التسليم .. بنات وش اسوي << وهي تصيح طبعا .. طيف رافعه حاجب: بس هذي هي السالفه نوف : لااااااه احلفي بس ؟ وش تبين يعني اكثر من كذا ؟ لو انها صورتها اهون كان ضميرها مايأنبها زي الحين ساره : انطمي انتي بلا فلسفه خلونا بس ندور حل الحين دانه جنب بسمه تواسيها : خلاص بسوومه ماصار شي خلاص الحين ندور على حل بس انت اهدي بسمه : وش اهدى منتوا صاحيين لا خلااااص والله تورطت ياعمري يانوره ياقلبي عليك صدقيني ماكان قصدي والله اصابعي مطفوقه ارسلت بالغلط طيف : لا والله مو من اصابعك من عيونك يالحولا يامال العمىآ << وش حارق رزكـ ؟ ساره تنافخ : خلاص انتي وياها خلونا ندور على حل الحين تلقون الرجال مبسووط ويحسبها معطيته وجه طيف : اوووف عاد هذي اول حاله تسجل في السعوديه رجال تجيه صورة بنت بدون مايطلب يلعن ابو الوناسه ياشيخ دانه خاافت : بنات بسرعه تكفون اخاف يوريها احد وتنتشر الصوره نوف : طيب خلينا نروح نعلم أي احد يساعدنا طيف : شوفي انتي لو ماسكتِي بيجيك شي ماشفتيه .. اجل تبين نفضح انفسنا ؟ عاد اهالينا بيقصون راسك ويعلقونه عظه وعبره لغيرك ساره : هههههههه على بالها اهالينا ديموقراطيين دانه ارتفع ضغطها : وش دخل الديموقراطيه الحين ؟ ممكن كل وحده تنطق بمكان عشان نعرف نفكر البنات : حاضر ابله وجلست كل وحده بمكان وكانوا قريبين من بعض ومسوين دائره . بسمه : بنات وش رايكم اكلمه نوف : لااااا خير تخيلي سجل صوتك ! ومعاه صوره عشان لو طلع من الذئاب البشريه خبرك يوصل اخر الدنيا طيف : شرهتك على اللي حاط عندكم تلفزيون يانويف .. بعدين ترى الصوره مو لها ! ساره : خلااااااااااااااااااص بس .. رجيتونا انت وياها وبعدين معكم ؟ بسمه : بدق يعني بدق مالي شغل يسجل ولا ان شاء الله يسوي اللي يسويه عاد اللي يسمعكم يقول يقعد اسمعه كلام حب واتغزل فيه نوف : هههه تكفين خلينا نسويها نشوف يصدق ولا لا دانه : ارسلي له رساله اقعدي احلفي له من اليوم الى بكره ان الصوره مو لك وانك مرسلتها بالغلط ساره : ايه احسن كذا وقولي له يمسحها وحلفيه بعد نوف : وانتوا كل شي عندكم حلف .. خلاص خوفيه قولي ترى رقمك بينفصل لو ماخليت حركاتك وامسح الصوره لا ترى بتلقاها بخواتك .. بسمه : خلاص طيب المهم يوم جت ترسل الا نغمة رساله بسمه : ءءءءءءء ( شهقه ) يممممماااااااااااه رساله يابنات خايفه احسه هو طيف : طيب هاتي الجوال انا بفتحها فتحتها والبنات وراها يقرون وش مكتوب اول ماشافوا الاسم فوق ( لعاب ) بسمه صرخت : لاااااااا ساره معصبه منها : انتي وش عندك كل شوي تصارخين والله لو انك والده .. وجع انثبري خلينا نعرف نركز << ليه رياضيات وقاعدين يقرون وش مكتوب ( هذي صورتك ؟ اللللللله يالبى قلبك .. بصراحه تدوخيين .. تصدقين انت احلى من المكان اللي وراك << ترى رومانسي الحين ههههه ) وحاط تحت بكل وقاحه .. صورة نوره .. !! البنات شهقوا وقعدوا يصارخون .. تسمعون كلمه من هنا وكلمه من هنا .. يعني كلهم الخمس يتكلمون بوقت واحد .. صراحه عليهم اشكاال هههه بسمه : شفتووووووا والله كنت حسه انه حماار طيف : عاد لو انه مطوع وشاف الصوره بيخق وش عاد واحد زي هذا ؟!! ساره : ارسلي له الكلام بس ولا عليك منه وارسلت له بسمه .. نوف : خلاص بنات خلونا نطلع شوي برى نشم هواء لين يجي الرد او نشوف وش نسوي وطلعوا البنات كلهم وطلبوا من البقاله اللي جنب الاستراحه كل وحده كيس حلويات وخرابيط .. طيف كيسها مافيه الا ( باصره + بايسون + تسلي حار ) << ياحبي لها بس اكلوا وسولفوا ولعبوا باصره بعدين من الطفش ألفوا كم لعبه من روسهم بالباصره .. بعدين راحوا يعرضون زي الرجال مره سامري ومره عرضة الجنوب ومره الدحه هههه يعني استانسوا الا صوت نغمة رساله في جوال بسمه شافوا الرساله طلعت منه يقول وربي مسحت الصوره وانا خايف عليك زي أي وحده من خواتي وثاني مره لاترسلين صورك للناس ولا تتصورين بالجوال اصلا واحمدي ربك انك ماارسلتي وجهك ولا كان .............. ) طيف بنص عين : ولا كان ايش ؟ ساره مستغربه : وش قصده نوف : يمااه بسمه : خلاص بنات لاتخوفوني اكثر اللي فيني يكفيني والله ماقهرني بالسالفه كلها الا نوره ياحرام ماتدري عن شي وللحين ماقلت لها وش رايي بالصوره وهي قايله ردي علي طيف : يالله طيب ردي عليها عشان ماتشك وارسلت لها بسمه رساله .. شوي الا يدق الرقم .. عاد طيف هنا طلعت لها ام العبيد وابوهم بعد : هاتي هاتي الجوال والله لو ماخليته يتوب ماني طيف اخذت الجوال وردت : نعم هو : هلا والله كيف الحال طيف : من متى المعرفه عشان تسأل .. اخلص وش تبي هو (وهو يقول وش ذي ماعندها اسلوب شكلها صدق موب راعية الصوره احس ذي عربجيه ولا عندها تفاهم ) : لا ابد بس حبيت اقولك اني صدق مسحت الصوره طيف : طيب درينا انك مسحتها ولا لازم تعيد السالفه عشرين مره .. بعدين بلا حركات نص كم ذي هو : نص ولا حيراان طيف : اخس اخس والله وتعرف تتكلم بعد .. المهم لو سمحت لاعاد تدق << هذي الرقه اللي اقولكم تجي باوقات غلط هو : طيب اختي انا اسفه بس صدقيني مادقيت الا عشان انبهك .. طيف : اها .. طيب وسكرت الخط بوجهه طيف : خلاص بنات ارتاحوا ان شاء الله ماراح يدق مره ثانيه البنآتـ : ايه نشوفك الحين خوفتيه تلقينه يصيح عند امه من الخوف << اي والله صادقين
بعدين كملوا سواليفهم الا بسمه كانت شوي معاهم واغلب الاوقات تفكر بنوره ضايق صدرها عليها وصل العشاء وتعشوا ومن بعدها قعدوا مع الحريم شوي .. ومااعجبتهم السوالف .. راحوا عند المسبح ساره : بنات وش رايكم نسبح نوف : أي والله خلونا نغير شوي البنات : يالله سبحوا وشوي نادوا عليهم الرجال وراحوا بيوتهم ... }
نتمنىآ أنهآ أعـ ج ـبتكمـ .. وإن شآء الله لو شجعتونآ رآح ننزل المزيد .. بلييييز .. الله يحقق لكل من قرا يومياتي .. يرد عالموضوع .. هذي أول مرهـ نقرر إننآ ننشر يوميآتنآ ..
( كِنـــدَهـ ... بنتٌ والبنآتـ قليل ) فمآن الكريم .. }
يوم جاء الصباح .. الساعه 10 تقريبا .. دق جوال بسمه بسمه بصوت وحده نايمه وبعز النوم بعد :: ألوو طيف العربجيه : هاااااااااااااااالا واللللللله بسوومه .. صباح الخير بسمه : اووف صباح النور .. وش مصحيك بدري ترانا بالعطله ! طيف : قومي غسلي وجهك وصحصحي واذا روقت دقي علي اوكيك ؟.. بسمه : ليه فيه شي ؟!! طيف : لا بس بشبك الخطوط مع البنات وخلونا نتفق على مكان نروح له اليوم .. بسمه بقلة صبر : ومقومتني من الصباح عشان نتفق على مكان بنروح له الليل ؟ طيف بدت تعصب : اذا بتروحين قومي واذا ماتبروحين ارجعي انطقي على سريرك ونامي يالخيشه ولاتقولين بعدين ليش ماقلتوا لي ! < نآر شآبه بسمه : بسم الله اعصابك .. خلاص خلاص عشر دقايق وادق عليك .. طيف : ايه خليك كذا .. يالله انتظرك بااي بسمه : باي قامت بسمه غسلت وجهها وراحت تفطر .. وبعد ماروقت دقت على طيف .. طيف فاتحه السبيكر واختها دانه تسمع معها و كانوا يكلمون ساره .. قامت شبكت الخطوط مع بعض وبسمه شبكت نوف معآهم << ربحوا الاتصالات وصاروا كلهم سوا .. << سوا ولا موبايلي هـ هـ هـآآي بايخه ادري < برىآ
المهم اتفقوا يروحون المشغل العصر .. والليل اذا كانوا رجعوا بدري يطلعون أي مكان ( علىآ بآلكم اهليكم بيوافقون ) ( في العصر ) ركبوا البنآت السيآره وكان موديهم عبدالله << هالآدمي رهيييب أخو دآنه وطيف عبدالله/ متى تبون أجيكم؟ طيف/ ماندري متى ما خلصنا دقينا عبدالله/ سوآق أبوكم أنا! بعد 8 إنسوا عندي مبآرآه على النهآئي مع عيآل الحآره <مآتجي أبد البنآت بقلوبهم ميتين ضحك دآنه / تكفى عآد يآيآسر القحطآني عبدالله إنقهر من كلآم دانه خصوصا إنه قدآم بنآت عمه وكآن يبي يخوفها لبق السيآره على جنب /الظآهر ودك تجربين النومه بالشآرع! دانه/ لاورببببي كنت أمزح ومشى عبدالله بعد ماابتسم ابتسآمة نصر < نصر ولا هلال << ياليل السمآجه ! (في المشغل ) دخلوا البنات المشغل طبعا كآن مره زحمه < تعرفون عطله وزوآجآت لدرجة انه نآس جآلسين بالأرض دآنه/ أشهد أن لآإله إلاالله وش هالزحمه!! بسمه مبققه عيونها / اومآي قود < ذآبحتها اللغه << على فكره بسمه مسجله بمعهد لغه العصر سآره/ قويه وربي قويه تقولون محد بقى من أهل الريآض ببيته إن شآء الله بنمسك سرى وننتظر ذولا كلهم؟ أقول بس مشينا مشغل غيره طيف/ مآتسوى علينا والله بنخييس نوف/ خلآص بنآت إصبروا دآم وصلنا وبعدين يهون كل شي قدآم شغلهم المضمون تفرقوا البنات وكل وحده حجزت مكآنها مآعدا طيف وبسمه جآلسين ينآظرون العآلم ويحشون بصبغة فلآنه وجسم علآنه بسمه// طآلعي طآلعي طيف جسم ذي وووعع مدري شلون متحملها رجلها المشكله لآبسه ضيق يلعن أم الثقه طيف/ هع أي وحده بسمه/ اللي شعرها لمبه صفرا << ودي انشر غسيلك انتي وياهآ
(عند البنات جوا ) دانه : انا ودي اقص التفاحه اللي طويل من قدام وقصير من ورى بس خااااايفه يخربون شعري عالفاضي ساره :توكلي على الله بس ..هالمشغل شغلهم ماعليه كلام .. نوف : وانا بسوي بوديكير وحواجب بس ..
( كل وحده راحت لمكانها ) نروح عند نوف/ لآأبي المنآكير الحمرا ذيك اللي بالزوآيه- لمحت نوف خشه مب غريبه تمقلت فيها زين هي هي مديرتنا مآغيرها على طول طلعت جوالها من الشنطه وهي خايفه على منآكيرها لآتنحآس ودقت على طيف طيف// هآه نويف وش تبين نوف// وجع تكلمي زين وبعدين إسمي نوف طيف// طيب يآنوف وش تبين! نوف// تعآلي انتي وبسمه بسررعه طيف// بسم الله عليك يختي وينك طيب! نوف// أسوي بوديكير طيف // صكت السمآعه بوجه نوف <<مآعندها وقت أبد بعد مآوصلوا عند نوف بسمه// وش السآلفه نوف وهي تضحك شوفي ذيك اللي تسوي بديكير ومتحمسه رافعه رجلينها بسمه وطيف // إيه وشفيها! نوف// يالدلخآت مآعرفتوها! طيف// لاتقولين أبلا نوال مديرتكم! نوف// إلاهي هههه شوفي وشلون شكلهآ هنا مآ كأنها ذيكـ اللي بالمدرسه ههه بسمه// لا حرآم مستحيل تكون هي يمكن مشبهين طيف// إلا والله هي حتى شوفي << وقآمت تصوت وهي منزله رآسها نوآآآل مديرتهم طبعا تلفتت يمين ويسآر بسمه// مجنونه انتي؟مآعندك وقت أبد ! تخيلي لو شآيفتنا وش بيكون موقفها! نوف// أصلا نآويه بعد مآأخلص أمر من قدآمها عشان تشوفني وتتفشل اللي مسوية لنا إتيكيت ولحد يكلمني والله وشفت فيك يوم يانوآلوه << حآآقدهـ من قلب الاخت !
( اما عند دانه ). دانه طلبت من الكوفيره قصة التفاحه .. قالت الكوفيره : ايوه مدام كلآس انا يعرف هذي قصه .. هذا بنت كثير دايم يجي يطلب التفاحه دانه : طيب شوفي هذي الصوره ابي زيها زيها لاتلفين يمين ولا يسار < ليه شوارع ؟ الكوفيره بدت تعصب : كلاااااس مدام انا في يعرف شغل انا يالله اجلس هنا عشان فيه حرمه كتير دانه بدت تخاف : طيب يالله < وبقلبهآ تقرآ المعوذآتـ والبنات يناظرونها من بعيد ( من برى صالة قص الشعر ) << مسوين فزعات مره عند نوف ومره عند دانه خخخ طيف ترفع اصبعين من كل يد وتبتسم لدانه < وين قاعده بسمه طقت على صدرها بعدين رفعت اصبعين هي بعد < بنات عم ساره : سلامات انت وياها بمباراه احنا ؟!! طيف : وخري مناك .. لازم اختي تتحمس عشان ماتخاف ساره : الحمد لله والشكر بس .. بدت الكوفيره تقص لدانه .. ودانه مغطيه يدينها على وجهها من الخوف .. تحس انها مغامره
( عند ساره ) سآره تسوي تنظيف صآر لها سآعه من قنآع في قنآع وشكلها ماراح تلحق عالصبغه
ونوف خلصت وراحت هي والبنات عند ساره بسمه// نوف وش بآقي عليك صآرت السآعه 10وربي مليت نوف// بآقي حوآجب وبعدين ليه مآسويتي شي! بسمه// انسدت نفسي من الزحمه أبي أسوي بوقت ثآني نوف// والله من نآحيه أحسن بعد عشآن يروقون عليك طيف// أقول نوف بتنتفين حواجبك !! نوف// لآ أستغفر الله حرآم بس بقص بسمه// إحلفي بس!قولي والله! والقص وشو ؟!! نوف // ممكن تقلبين وجهك ؟!!
( نرجع عند دانه ) خلصت الكوفيره وقصت لها شعرها .. دانه وهي للحين مغمضه : الله ينعم عليك < اموت عالاخلاق طيب فتحي بالاول فتحت عيونها .. واول ماوخرت يدينها شافت البنات برى الصاله ينتظرونها .. كانت تبي تعرف ردة افعالهم .. طبعا كلهم يناظرونها بنص ابتسامه .. كأن الوضع مو عاجبهم .. تعالوا شوفوا دانه .. دقات قلبها كأنها طيران طقاقه .. لدرجة حلقها صاير مرسوم فيه شكل قلب يعني قلبها طلع فوق << برى !! وشافت وجهها بالمرايا .. صارخت صرخه سمعوها كل اللي بالمشغل . دانه : وش ذااااا .. هذي التفاااااااااحه ؟ هذا قص هذااااااا ؟ وسكتت .. وتناظر يمين يسار يمكن انها ماتشوف .. شوي تنافخ عالكوفيره وهي فيها الصيحه : ليش انت سوي كذا ليييييييش ؟ انا يقول تفاحه مايقول شاقي << ياقدمك كح كح الكوفيره الفلبينيه وهي خلاص طرطعت من دانه << طبع الفلبينيات حميييير : هدا سيم سيم تفاحه .. انا فيه يشتغل هنا من زماان << وتمد برطمها مترين قدام دانه عيونها طلعت قداام : الله يلعن شكلك ياحيوووانه ! < يؤ تونا نقول عنك اخلاق لاتفشلينا هههه طيف تتطاق مع الامن تبي تدخل الصاله عند اختها : هييييي هيييي وخري بدخل عند اختي الامن : لو سمحت اختي ممنوووووع ماتدخلين الا اذا جاء دورك طيف : وش دوري انا ماني مسويه شي اقول وخري بس ولا والله لاهفك بالجوال على جبهتك < يآهوووه يآقوي إنت الامن تنادي بالمايك للاداره انهم يجون صالة قص الشعر جت الاداره << الله من الاداره بنتين اعمارهم ماتعدت العشرين خخخ الاداره : وش فيكم وش صاير ليش كل هالصراخ ؟ الامن قالت لهم عن كل اللي صار طيف : ماخوفتيني لاانت ولا هي ويالله وخري لو سمحت بدخل عند اختي وصارت معركه عند باب الصاله ومعركه ثانيه جوا عند دانه .. وماتشوفون الا كومة غبار وايادي تطلع وتختفي .. ! تدخلت باقي الاداره اللي هم ( المصريه والسوريه والسودانيه اللي كانوا قبل 6 سنوات يشتغلون بوديكير والحين صاروا اداره ) يازين الواسطات بس هع وحلوا المشكله وخلوا طيف تدخل طيف بعصبيه وتحرك يدينها مع الكلام : هاه لو انكم من اول مدخليني ماكان صار اللي صار وجع لازم تكبرون السالفه والله لو اني داخله على مين .. دخلت طيف وراحت عند دانه : دانه وين الكوفيره وين راحت الخبله دانه تصيح : مدري عنها تهاوشت انا وياها وراحت مدري وين راحت طيف تبي تواسي اختها : تصدقين شكلك كذا حلو .. بس لانك حطيتي في راسك القصه ذيك خلاص ماتبين غيرها .. دانه طالعت طيف بنص عين : تستهبلين انتي ولا تحاولين طيف ببرااااءه : هااه وشو دانه : اقلبي وجهك ترى والله موصله معاي طيف : خلاص طالعه كأنها تفاحه معفنه ! .. وش رايك ؟ دانه خلاص خنقتها العبره ودها بس تصيييح : اقلبي وجهك الحين .. لاتكملين النآقص
ساره تصارخ عليهم من برى الصاله : بنات خلاص تعالوا طلعوا البنات وراحوا عند ساره وبسمه دانه : شفتوا وش سوت الله ياخذها خربت شعري بسمه : ياحياتي ماصار شي ترى من جد شكلك كذا حلوو دانه : اجل من جد هااه .. تبيني اصدقك احلفي (*_^) تورطت بسمه : ههه ههه انا لله ياكثر مااحلف واقطع ايمان طيب ضفي وجهك وخلينا نطلع ساره : تبين تطيحين شوي من اللي براسك يادنوو؟ دانه : ايه تكفيييييييين ساره : روحي للاداره قولي انا طلبت هذي القصه وهي قالت اعرف وشوفوا وش سوت .. خليهم يشوفون الشكل والفرق قولي ابي ارجع فلووسي طيف : اقول يالمصريه ماعندك سالفه خلونا نشوف نوف خلصت ولا لا دانه : لا والله مو عشان فلوس بس هم لو طالبت فيها بينقهروون .. ولو اني مابستفيد شي . خلاص شعري اللي كان يلهم الشعراء راااح طيف : اجل الدعوهـ فيهآ يلهمهم ؟!! يالله نروح للإدآرهـ ولا الكوفي نروق على قهوهـ !
قرروا يروحون كلهم للاداره .. دخلت دانه وطيف < ام الفزعآتـ طالبوا الاداره بكل شي وشرحوا لهم الوضع .. ورجعت لهم الاداره المبلغ .. بعدها راحوا عند نوف لقوها خلصت .. ومن بعدها لبسوا عباياتهم وجوا يطلعون ساره : من بيجي ياخذنا ؟ طيف : مدري بس احنا تأخرنا واخوي الحين في النهآئي حقه .. تلقينه يناطح رونالدينيو .. < ثيرآن مو عيال خخخ بسمه : يوووه يعني مافيه غير اهالينا ؟ نوف : بدق على ابوي اشوف فاضي ولا لا طيف : لا لا لا الله يخليك الا ابواانا .. يختي بيسوون لنا سالفه .. ليش رحتوا وهذا وقت المشاغل ؟ وليش ماقلتوا لنا من اول .. واسأله ماراح يفكونك منها ساره : تستهبلين انت اجل من بيجينا ؟ طيف : خلونا ننتظر لين تخلص المباراه شوي الا يرن جوال دانه وتشوف المتصل طلع اخوها دانه : الو اخوها : هلا دانه وينكم الحين دانه : بالمشغل اخوها : من بيجي ياخذكم ؟ دانه : للحين ماقلنا لاحد .. تعال خذنا تكفىىىىىى اخوها : طيب خلصتوا ؟ دانه : ايه وجاهزين بعد .. اخوها : اجل بسرعه خلوكم برى ابي اوصلكم قبل مايبدآ الشوط الاول دانه : هه ياحليلكم وعندكم اشواط بعد صدق عايشين الجو ومصدقين اعماركم باستاد الملك فهد < هذا حدك خخخ .. خليك بهمك بس اخوها بحدهـ : الظآهر انتي واختك ماينفع معكم الطيب دانه رجعت لها نوبة الضيقه : اقول بلا هياط وتعال بسرعه .. وسكرت الخط بوجهه دانه قالت للبنات ان اخوها بيجي ,, وشوي طلعوا لقوه برى طيف اخر وحده ركبت السياره .. يوم جت تسكر الباب لمعت براسها فكره جهنميه .. طيف : لحظه امانه نسيت جوالي بالمشغل < نصابه اخوها : بسرعه ولا قسم بالله لامشي .. وأخليك هنا سآمعه نزلت طيف ولا ردت عليه ..< ينرحم عبود محد معطيه وجه .. اهئ
ونزلت طيف .. دخلت المشغل راحت للاداره .. دخلت عليهم قالت وهي مقفله معها : يآأفشل ادارة شفتها بحيآتي ,, انتظروا سمعة مشغلكم اليوم ولا بكره .. مأكون بنت امي وابوي ان مافضحتكم بالنت وقنآة بدايه << هههههه ياليل بس وطيررااااان للباااااااااب وعباتها وراها كأنها سوبر مان الاداره طرطعوا وشبوا نآر .. انقهروووا يبون يلحقونها يبون يكفخونها بس ويييين .. البنت طلعت خلااص اااخ يالقهر بس
وركبت طيف السياره وهي تضحك فرحااانه .. راحوا البنات كلهم بيت عمهم ابو نوف .. وقالت لهم طيف عن السالفه.. واستآنسوآ إلآ دأنه << لو أنآ مكآنهآ بقص رقبة الفلبينيه صرآحه
بعدين راحوا الصاله .. طيف وهي تشغل التلفزيون : يااارب يصير فيه مسلسل خليجي زي الناس بسمه : وعععع ملينا .. الا قولي اغنيه نرقص عليها دآنه : والله ودي تجي الدحه بالله حطواا قنآة ( السآحه ) عالاقل ارقص واطلع شوي من حرتي << يآ حيآإأتي يآنآإأس
ساره نقزت من مكانها تذكرت شي : بنااااااااااااااااااااااااااااات البنات خايفين على بالهم صار شي : وشوووووووو وش فيك ساره : وش رايكم نروح نشوف الفيلم اللي شرينآه قبل يومين .. ترى للحين مآشفنآه
البنات : يووووووه شلون نسينآآه .. يالله تكفين بسرعه .. فله .. ونآسه .. الللله ياحظنآ << طبعآ كل بنت تقط كم كلمه
نوف : اجل بروح اجيب الاكل قبل لاتبدأ .. << قلت لكم بدون اكل ماتعتبر سمرهـ وونآسه عند البنآت << تأيدوني ولا لا (*_^)
طيف : اي يالله تكفين وجيبي البآصرهـ على طريقك < وش تحسين فيه
وراحت نوف وبسمه للمطبخ يجهزون كل شي .. طيف راحت تغير ملابسها ولحقتها ساره .. دانه : منسدحه عالكنب وتلعب بخصلة شعرها .. تكلم نفسها ( يالله يالمزيون اللي شفته اليوم عند المشغل .. ياليته ولد عمي والله لاصير اكوس بنت واشتغل ليل نهار عند زوجة عمي واتميلح واسوي حركاات .. ياليته من نصيبي بس .. والله يادانه ماتدرين يمكن يصير بينكم علاقه بيوم ويصير من نصيبك !! .. ) < في الاحلام ياماما
اليوم الثآني بعد صلآة المغرب أم نوف تقومهم من النوم//بنات يالله قوموا الله يخلف عليكم وعلى صلآتكم <طبعا فسآبع نومه ولآجآبوا خبرهآ تكمل بصوت اعلى : قوموا تجهزوا كآنكم تبونا نروح حديقة الروضه ولآ هونا أول مآسمعوا طآري الحديقه طيف فتحت عيونها : لالاخلاص قمنا
نوف: حديقة الروضه!! صدق يمه ؟! طلعت ولآعبرتهم ساره بنص عين : الله فله .. بس من جدها تتكلم ولا تلعب علينا << ياحيآتي دايم ينلعب عليهآ بسمه بخوف : لا ان شاء الله .. نوف عيونها كأنها قدور : اماااااا عااد !! اول مره امي تصحينا على خبر طلعه .. بالعاده قومي غسلي قومي ذاكري وبس تتأمر ! طيف قامت من على السرير : قوموا بس خلونا نشوف وش السالفه واذا طلع نصب والله لنروح مكان ثاني وبدون الحريم < ينقالك بتقهرينهم يعني نزلوا تحت وطلعت السالفه صدق .. كل وحده دقت على امها تشوف اهلها بيروحون ولا لا (طبعا حديقة الروضه بالنسبه للبنآت شي مو عآدي - على قولة سآره جنة الريآض لها معزه خآصه وموآقفهم فيها كثيره خصوصا انها قريبه من بيتهم) < والله لو انها بآريس : واتفقوا كلهم يرووحون ..
تقآبلوا الأربع أخوان بعوآئلهم وشغآلاتهم بعد الرجآل جلسوا بعيد والبنات فرشوا فرش ثآني وجلسوا حول الحريم عشآن يآخذون رآحتهم بالسوآلف وبعيد عن إنتقآدآت الأمهآت سآره: اللله أحس بشعور غريب شي كذا زي الونآسه نوف: يآحبك للفلسفه قولي مستآنسه وخلصينا دآنه وهي فآتحه البلوتوث: ههههه موب صآحي ههههه البنآت بصوت وآحد: منهو؟ دآنه: وآحد خطييير نكه (من حيث المبدأ) شكله يحب يتفلسف مثل بعض النآس سآره: وش قصدك؟ دآنه: ههه لآ أبد ولآشي < خآفت
عالمضمآر كآنوا 5 شبآب يتمشون كل وآحد له ستآيل غير اللي لآبس بدله وسبآيقي << أخق انآ كذآ واللي نآفش شوشته ونظآرآت شمسيه بعز الليل << وين يآبو !! واللي كآشخ بالثوب والشمآغ << وآضح سبب جيته وبالوسط وآحد مبين إنه زعيم الشله << وهـ يآلبيه يآذآكـ كلمة يخقق شوي عليه كلمة عذآب قليله بحقه لآبس بنطلون جينز وقميص أبيض مبين عضلآته شعره شوي طويل تقريبا بدآية كتوفه وله غمآزآت وسكسوكه حوآجبه كثيفه ومرسومه ولآبس كآب << اصبروآ شوي للحين خآقه .. مروا الشبآب من قدآم بسمه وطيف ودآنه ونوف وسآره < اختصري طيب ! مآحسوا البنآت إنهم كآنوا سآكتين ويطآلعووون نوف من كثر مآالزعيم معجبها جلست تضحك << لحس مخها << وش تقرب لي سآره تصفر: صآروووخ وش يجي تآركآن قدآمه ؟ دآنه: قولي وش يجي مهند قدآمه وانتي الصآدقه << لاتذكروني تكفون .. أبي أنسىآ .. أبي اتزوج اهئ طيف : قسم بالله جمآله مو طبيعي ولالايفوتكم أبو ثوب وشمآغ كآشخ بالزي السعودي ويمشي عالمضمآر وشلون تجي مدري! بسمه: بنآت طلعوا بلوتوثآتكم فرصه حرآم تضيع دآنه : مآتشوفين إيده فآضيه يعني مآفكر يبلتث طيف : عآد اللي يسمعكم يقول الحين بتكلمونه .. !! ترىآ إحنآ كلآم وبس .. ! << اجل وش تبين يختي خخخ ؟
نوف يدق جوآلها(الوآلد يتصل بك)/هلآ يبه أبوها : هلآ نوف تعآلي معآي نستكشف الحديقه <<الرجآل مآكآنوا يعرفونها زين خصوصا بعد التجديد لأن غالبا يروحون لها الأمهآت وبنآتهم فقط نوف : أوكي بس وينك؟ ابو نوف: أشوفك ألحين طآلعي يمين انا أأشر لك نوف مرتبكه : إيه خلآص شفتك << تحسب ابوهآ شآفهآ يوم يقزون الشبآب
دآنه: وش يبي ابوك؟ نوف وهي تعدل طرحتهآ : اول شي ترآه عمك .. ثآنيآ يبيني أروح له نكتشف الحديقه سوا دآنه وهي تضحك : يحليييله عمي على بآله دآخل غآبه عشآن يستكشف ! نوف رآحت مع أبوها وجلسوا يكتشفون خخخ أبو نوف: شوفي ذا المكآن هآدي لو جآلسين هنا أحسن من الصجه هنآك نوف : لآعآدي حنا نحب الصجه << اول مرهـ يآنوف تقولين شي صح !
كآن فيه بنتين يمشون من بعيد وكل مآلهم يقربون من نوف وأبوها وقفوا وأشروا لنوف: لو سمحتي ممكن شوي نوف تتلفت وراها : أنا؟ وحده منهم : اي انتي نوف : عن إذنك يبه لآتروح بشوف وش يبون رآحت لهم نوف رآفعه حآجب ومتكفته : >> بالعدآل يآشخصيه نعم - : انتي أفرآح؟ نوف حآسه انهم يستهبلون : لآمو أنا أفرآح - : إحلفي نوف عصبت : والله مو أفرآح .. بعدين ترىآ مآأعرفكم عشآن امزح معآكم -: سبحآن الله تشبهينهآ .. نفس الطول والعيون وحتى الصوت نوف تقلدهم: اي والله سبحآن الله - : طيب هذا أبوك .. << تمووونين .. وش دخل ابوك الحين ؟ نوف وصلت معها : لآ أمي .. مشبهين عليه هو بعد؟ - : لا بس تأكدنا الحين آنك مو أفرآح طيب ممكن تتمشين معنا عالممشى .. << زودوها - نوف كآن الفضول ذآبحها بتعرف وش آخرتهم وبنفس الوقت مآتبي تقول أوكي على طول بيقولون ذي مآصدقت أحد نآدآها نوف: اممم طيب بس بروح أصلي العشآء
-: أوكي ننتظرك بنفس المكآن رجعت نوف لابوها الأبو: تعرفينهم يابنتي؟ << يآحليلك ياعمي .. ليش ابوي ماطلع عليك نوف مآلها خلق تفهم أبوها : إيه معاي بالمدرسه
طيف تفصفص وتشرب بيبسي سآره : يآرب يمرون الشبآب مره ثآنيه -والله إنه فتنه تمشي على الأرض <<عليها كلآم مدري وش يبي دآنه: تصدقين شكله مو رآعي حركآت ولا ليش مآيطلع بلوتوثه *تحطمت سآره لأنها كآنت مأمله يصير لهم معه أي موقف يمكن تتزوجه !! << اي هين
طيف: أقص ايدي من هنا إذا كآن مآنتبه لنا حتى لبسه وستآيله يبي يجذب البنآت يعني أقصد رآعي حركآت ساره : يالليل .. يعني الحين محد يتكشخ الا بيجذب البنات ؟!! بطلي ذا التفكير تكفين ! بهاللحظه وصلت نوف .. طيف: عسى بس إستكشفتوا! نوف: فآتكم بنآت قبل شوي نآدوني بنتين يقولون مشبهين علي وحده إسمها افرآح طيف دخلت بوجه نوف : إيه وبعدين << تعجبها سوآلف الأكشن نوف : طيب بعدي شوي مآعرف أتكلم كذا المهم بالأخير قآلوا تعآلي نتمشى ع الممشى دآنه: يعني شلون يبونك انتي تتمشين معهم؟ نوف: إهئ إيه أنا أجل مين! سآره: وإن شآءالله بتوآفقين؟ نوف : والله تبون الجد! ذآبحني الفضول ودي أعرف وش سآلفتهم! عموما انا قلت لهم بصلي وأجيكم والصدق مآعلي صلآه بس بآخذ شوركم بسمه : لآ انتي مهبوله لآتوافقين يمكن يسوون فيك شي فكري فيها بعقل!!عمرك شفتي بنت تطلب من بنت تتمشى معها كذا من البآب للطآقه نوف : لهالسبب تحمست أروح معهم طيف : طيب عندي فكره بمآإني قد حآلي وأقوآكم نروح أنا ونوف معهم ودآنه وسآره وبسمه يمشون ورآنا ويرآقبون الوضع البنآت بحمآس : يللا مشوا لحد مآوصلوا نفس المكآن بس مآلقوا البنتين بسمه : تلعبين علينا ؟!! نوف انقهرت : وش مصلحتي عشان ألعب عليكم ! كآنت فيه مجموعة حريم جآلسين قريب منهم قآموا نفس البنتين من عندهم وأشروا لنوف نوف رفعت يدهآ وأشرت لهم وبسرعه رجعوا ساره وبسمه ودآنه ورى جوا البنتين لنوف وطيف - : أهلا وسهلا نوف : أهلين - : مين اللي معآك نوف : بنت عمي .. تشبه تهآني صح ؟ - : من تهآني نوف : لا عشآن انا اشبه افراح اكيد هي تشبه تهآني طيف تهمس بإذن نوف : وربي سآمجه .. بس كملي شوفي وش يبون - : هه لا لا .. -هلا والله- أعرفكم بنفسي (مشآعل الـ ..... قسم صيدله جآمعة سعود وهذي إختي مرآم خلصت الثانوي وقاعده بالبيت) << نيك نيم ترى ^_^ نوف: تشرفنا طيف بقلبها (حشى سيرة حيآتهم) مشآعل: مآلكم نيه تعرفونا بأنفسكم! نوف : أنا نوف وهذي بنت عمي طيف << تعبتي نفسك يختي
نوف بغت تنهبل .. دفت بكوعها طيف طيف بصوت عالي : اااااي وجع .. شوي شوي يالدفشه التفتت عليهم مشاعل : وش فيكم بنات ؟ نوف خآفت مشآعل تحس بشي : هه هه لا ولاشي .. وصدت مشاعل تبي تكمل التصوير .. << وشو له ناديتيهم اذا مو عاجبينك !
نوف تقرص طيف وعاضه على اسنانها وتكلمها بشوييش عشان مشاعل ماتسمع : انطمي لاتصارخين وشوفي ذي وش قاعده تسوي طيف تناظر مشاعل وفتحت عيونها 180 درجه : ءءءءءءءءءءءءءءءءءءءء ( تشهق ) خيير خيييييير انت مشاعل ناظرت فيها : مين ؟ انا ؟ طيف قامت من العصبيه وحاطه يدها على خصرها : لا اللي وراك ! ايه انت ياقليلة الادب
نوف مسكت طيف لانها تدري انها بتتهور وبيتطآقون الحين ومآ يفرّع بينهم إلآ الشرطه خخخ .. نوف : خلاص طيف وش فيك طيف : حلوه وش فيك .. الظاهر البنت هذي راعية حركااات واذا شايفتنا من مستواها تكون غلطانه .. لا حبيبتي انا مالي قعده مع هالاشكال ماناقصني الا اصادق وحده زي ذي .. اصلا انا من اول شاكه وش تبي فينا بس الظاهر زيادة عدد عشان تلفت انتباه الشباب ويقولون الله شلة بنات ! مالت عليك وعلى اللي جابوك بس .. << ( وتسحب طيف نوف )
نوف تلتفت وراها لقت البنت حاطه يدينها على خصرها وبعدين كشت عليها << يعني عطتها كش << شوي شوي عليهم يآمشآعل ترىآ كذآ يتحطمون وراحوا من عندها البنات جلسوا على فرشتهم وقاعدين يعلقون .. وطيف للحين تنافخ ومعصبه على الكل << البنت حآآرهـ
قعدوا البنات يضحكون على الاشكال اللي يشووفونها .. اللي مسوي كوبرا ويمشي عالمضمار << خخخ مضيع الدنيا لا وقديم بعد اجل كوبرآ واللي لابس فنيلة الهلال وبنطلون جينز < ابو الترقيع ويناظرون بالبنات وما خلوا بنت الا وقطعوها تقطيييييييع من الحش .. !
ساره طلعت من دورة المياه وتنآظر بالمرآيآ وهي تعدل نقآبهآ : بسمه .. دانه .. يالله اخلصووا بسمه : وجع قاعده ببيت ابوكم .. وطي صوتك كل اللي هنا دروا وشي اسامينا ! ساره : من زين اساميكم .. خلصونا اكيد البنات الحين صارت معاهم مواقف وفاتتنا وشوي طلعت دانه بسمه وساره : ههههههههههههه دانه مستغربه : خير ؟؟! ساره : هههههههههه ااااي بطني هههههههههههههههههههههههههه بسمه ميته ضحك وماقدرت توقف على رجولها : اااااااااااااااااااي اااااااي بنات ظهرري << وش السالفه هههه دانه عصبت : خير وش يضحكم شكلي فيه شي غلط ؟ !! ساره : لا محشووومه عن الغلط ههههههههههه بالله روحي شوفي شكلك بالمرايا دانه شكت في نفسها ( ويوم قفت تبي تروح تشوف ) انفجروا البنات ضحك : هههههههههههههههههههههههههههههههههههههههه ساره : خلاص تكفين هههههههههه تعالي بقولك ههههههههه بسمه جلست عالارض : اااااي هههههههههه يووووووه ياويلي الحين كيف اقووم دانه فطست ضحك معاهم وهي ماتدري وش السالفه من الاساس : ههههههههههههههههه بنات امانه وش فيكم هههههههههه خلاص بسمه تكفين لاتضحكين
قطع عليهم ضحكهم ولد داخل عليهم عمره تقريبا 14 سنه !! اول ماشافهم قز فيهم وقعد ساعه يناظرهم وهم مستغربات وش يبي ذا دانه مفتحه عيونها : ءءءء بنات عرفته البنات : مييين دانه : اللي مع الطخمان اللي شفناهم ! بسمه : اماااااااااااا لاتقولين دانه : والله والله .. خلونا نسأله راحت دانه عنده وقفت مقابلته . وحاطه يدها عالجدار << اخت طيف وفيها عربجه بعض الاحيان دانه : سم .. امر .. وش تبي .. ؟ الولد : هلا بالزين كله دانه تتلفت وراها تشوف يقصدها ولا لا .. الولد : وش تناظرين انا اقصدك انت دانه : انا ؟؟؟ << يآحيآتي مآتعودتـ خخخ
الولد : من جد صادقين العيال يوم قالوا شكلهم مزيوونات << فيس يستحي بسمه هنا خققققت : أي عيال ؟ الولد : لا ولا شي بس لو سمحت وخري شوي < يبي يناظر ساره الولد : ههه والله وعرفوا ينقون اجل خلوني اروح ابشرهم .. وانحااااااش الولد .. البنات يبون يمسكونه وقعدوا يلحقونه لين طلعوا شوي من باب دورات المياه وشافوا شلة العيال اللي قبل موقفين قبالهم ورجعوا بسرعه داخل .. ساره : يوووه بنات والله فشيله شافونا كذا دانه : احمدي ربك يقول مزيونات .. بس شلون نطلع وهم برى الحين بسمه : يوووه تخيلوا واحد من الرجال شافونا الحين ياوييييييييلنا .. قرروا البنات انهم يطلعون ويصيرون عاقلات .. طلعوا البنات ولفوا يمين .. شافوا الطريق مليان شباب .. التفتوا يسار لقوه مليان بعد دانه : الطريق من اليمين اسرع .. ساره : بس كلهم شباب بسمه : بنات بنات شوفوا لفه هنا بسسسسرعه مافيه احد خلونا نروح من عندها ولفوا البنات يبون يطلعون من اللفه وهم يمشون يمشوون .. شوي لقوا جدار قدامهم .. يعني ماطلعت لفه ولا شي بس مجرد منظر .. انصدموا وقعدوا خمس دقايق متنحين .. ساره : هههههههههههه انا لله الطريق مسدود والبنات ماتوا ضحك ينقال لهم الحين عفيفات واخترعنا طريق مافيه شباب ..
شوي انتبهت دانه : ايييه صح تعالوا .. ليش كنتوا تضحكون علي قبل ؟ البنات تذكروا وجتهم نوبة الضحك مره ثانيه .. ساره : لا بس كانت عباتك من ورى داخله جوا البنطلون ( ناشبه فيه من فوق ) وشكلك تحفه صراحه هههههههه دانه : هههههههههههههه يووه تتوقعون احد شافني ؟ بسمه : ههههههه لا لا ماكان فيه احد بس يوم كنت تكلمين الولد انا نزلتها بسرعه دانه : يؤ تصدقين ماحسيت عليك البنات : شكلك خقيت مع ذا البزر ههههههه دانه : ههههههههه انقلعي انت وياها .. الا قولوا خقيت مع المزيون اللي بشلته .. وووه بس
سحبوها البنات دروا انها الحين بتتبطح وتقعد تفكر باحلام ماتصحى منها الا بكره
يوم جوا يطلعون .. الا بوجيههم واحد مطووع قاعد ينزل كموم ثوبه .. وكان شكله توه موضي .. المطوع يناظرهم رافع حواجبه وشكله كان له هيبه ويطالعم كل وحده منهم باستحقار من فوق لتحت : خير ان شاء الله البنات : ............ الرجال يصارخ بصوت عاااالي : ماتستحن على وجيهكن ؟ تتضاحكن قدام دورات مياه الرياجيل وتعلن اصواتكن بعد !!! البنات ماتوا خوف : ................. << ههه يآرووحي
الرجال واصله معاه : الظاهر منتوا متربيات ولاعلموكم اهاليكم التربيه !! .. تفووووا عليكن من بنات .. تفوووو عليكن وعلى من رباكن هنا البنات انصدموا من كلاااااامه .. دانه : وش درانا انها دورات مياه الرجال ؟؟ ساره : واحنا على بالنا هذا طريق مختصر نروح لاهالينا بسمه : بعدين اهالينا مربينا ولا كان شفتنا بوضع ثاني الرجال : ايا قليلات الحياا .. روحوا لابارك الله فيكم ياوسخات << أي طواعه هذي ؟. واي اخلاق ؟ البنات عيونهم كانت على الشلل اللي ورى الرجال .. كانوا شباب الحديقه كللللللللهم مجتمعين يشوفون وش صاير .. ولا واحد منهم كان يضحك او يتشمت اللي كان خايف واللي مستغرب واللي يناظرهم وهو راااااحمهم .. دانه : بنات خلاص والله اجتمعوا العالم علينا خلونا نروح بس
وراحوا البنات من الجهه الثانيه ودموعهم على خدودهم اربع اربع ومايسمعون الا تفووو .. وكم دعوه يحبها قلبك من الرجال ! << ياحياتي مالكم ذنب
وصلوا عند الفرشه ولقوا طيف ونوف وعلموهم باللي صار وطيف عصبت كان ودها تكون معهم .. ضاقت صدور البنات وخلاص قفلت الاخلآآق .. كل وحده حاطه يدها على خدها ويناظرون الناس .. بعد نص ساعه تقريبا وصل العشاء .. تعشوا وجلسوا شوي بعد العشاء بعدين راحت كل عايله على سيارتها .. كانت السيارات موقفه جنب بعض .. يوم جوا البنات يقطعون الطريق من الثيل الى مواقف السيارات لازم يمرون من على المضمار < يمديكم عالوصف هع لقوا شلة الطخمان .. كانوا يناظرونهم شكلهم من جد مايلعبون ولا شي ..
يعني ماعلقوا مثل باقي الشباب ولا ذبوا كم كلمه ولاهم قاعدين يضحكون .. كانت عيونهم تحرس البنات من مكان فرشتهم لين يوم كل وحده اخذت مكانها بالسياره << يآعيني عالتعبير
يوم وصلوا البيت .. دانه : يختي أحس اني مقهوووره محد قد قال لي كلام زي كذا من يوم خلقني ربي .. يجي واحد مايعرفنا ومتزمت يسوي اللي سووااه ؟ طيف : المشكله مالكم ذنب .. يعني بس ينافخ ولا يدري وش السالفه ! دانه : اقول قومي خلينا نشبك الخطوط ونكلم البنات احس للحين ماطلعت اللي بقلبي .. وراحوا يكلمون لين داخوا ومن بعدها نااموا << تستآهلون << ترآك وحدهـ منهم
يَوميّآتـ خَمس بنآإتـ .. موآقفـ وضحكـ واستهبآإأل .. } 
<< اجل وش تبين يختي خخخ ؟ 
طيب بعدي شوي مآعرف أتكلم كذا
