×?°سكن جرحي×?°
انا سكن جرحي في دروب الساس
وتهت في دموع العذر والقلب هادي
خوف الضنين ينسى العين والراس
وينسى ابوالهش في يوم العراض البعادي
والله اني من عشقك غديت حساس
حتى دموعي بالطواريق والدروب المهادي
والسن لا زلت صغير السن بين الناس
لكن في رجا علقي ارمي الكبار الشدادي
والله يالرومنسي اني لكلامي نبراس
ما يوصله اللا الذي رباه العشق والبعادي
و ما ينتخي اللا لـرب الخلق و الناس
هو اللي ينحني لاجله كل الملوك العضادي
وما يرتجي ولة الحب والصدق نوماس
يبدا حياته بين العرب والكون لا زال هادي
والحب صار يا لصديق اليوم مندا س
بين السموم والخناجر اللي للضهور تعادي
وما يوفيك اللا قلمك والسيف وناس
اذا فرحت يكتب فرحك ويفرحك لحظة بعادي
واذا الهم لعيونك غدا اليوم حساس
ما ينهيه يالصديق اللا صدق القول والفعل الجادي
انا اسف اخي الغالي لتاخر ردي لضروف
واتمنى ان رسالتي وصلت
اخوك الشاعر
((ابوالهش))
ردي كان :
وسكن جرحي
الله اكبر من عنا الشوق يا ناس
والهجر وقلة ألوفا في زمن العِبادي
من كحيلات الرمش ما بيهن للوفا ساس
جارحات القلوب النقية وبقلوبهن السوادي
الله اكبر يا بو الهش يا صادق الإحساس
عبرت بحروف جزيلة عبقها عطر الودادي
وأبكيت عيون ناعسات من صدق الهوجاس
ويا ونة ونيتها بدروب الأحزان الشدادي
جروحنا يالغضي بالقلوب ما لها مقياس
من الضنين أللي غدا الحب بقلبه معادي
انت يا الغضي همومك واضحة كالنبراس
وصغير السن ويمكن تلاقي بنت الأجوادي
تنسيك همومك وتبعد عنك الهوجاس
بيوم تلاقيها مبسمها حر وتشيل عنك النكادي
مكحولة العين ما بها شين وادناس
من بنات العرب أصيلة وبعقلها الرشادي
ولو تكون شاعرة وقلبها مطعم بالألماس
تعيش أحاسيس الشوق مطرزه بالمبادي
إبدوية الأصل وإخوانها للمجالس جلاس
لعيالك خوال ينشد بهم الظهر وقت الجدادي
وترفع راسك بوسط العرب والناس
وراك حرة من الأحرار ما بها أحقادي
مثل اللي كانت لقلب الرومنسي نوماس
لعشرة العمر ما شفت منها يوم انكادي
أربعة عشر عام من صدق الوناس
وقلبي وقلبها واحد ن ما به يوم أبعادي
الله يا الغضي من صدق القول حبها نبراس
نور دروب الظلام وكنت أنا من السُعادي
أويلاه منك تولين ألوفا ما ينداس
وأنا على الوعد صامدن ليوم التنادي
ثلاث سنين والقلب محطم من الساس
وباب الأربعين قرب للعمر يا ودادي
أعذرني ي بو الهش والدمع بالعين حواس
وأنا اخط الأبيات من كوي جمر العنادي
مقدر ومكتوب وطلع الشيب بالراس
وسبعة بالبيت مالهم غير أنا ورب العبادي
خلاصة حب نقي صافي الإحساس
لن عرفته بيومك تعرف ليه بقلبي الحدادي
أثقلت عليك بصدق القول يا بن الناس
واستغفر الله من شهوة النفس للمرادي
وهذه قصتي يا بن الحربي من الوعد محتاس
ودروب العشق ما تفرق صغير كبير وهذا وكادي
وسكن جرحي بين ضلوعن لها الأنفاس
مطرزه ومكلله بتيجان الفخر بوسط العبادي
بأبيات مكسرات الموازين ما لها مقياس
بحري الخاص بليا تلاحين لن طلبتم لكم المزوادي
وآخر كلامي دق قلبك واصمد بوجه النسناس
ولا يهزك ريح وتمعن قبل ما ترد بجواب السدادي
أخوك يا الغلا
الرومنسي الحزين
×?°سكن جرحي×?° 
العرض العادي
