يايمه جيت ابسأل ليه أنا حظي مجافيني ... أشوف الناس ملتمه وأنا مابين حسراتي
أشوف أفراح من حولي أسلم ماتحييني ... أناديها وأناخجلان الزم في تحياتي
أحاكيها يافرحه وين؟ حلفت إنك تزوريني ... أشد بحكيي ثم ارخي أداعبها بهمساتي
ولابه فاااااايده يمه برغبتها تمشيني ... تواعد ثم تخلفني أو إنها تنسى أوقاااتي
أنا أذكر دعوتك لله طلبك إنه يخليني .... طلبك إنه يرزقني ويوفقني ف بديااااتي
تعلمت الدعاء منك وصارت عادةٍ فيني ... إذا نامت عيون الخلق أوجه لله دعواتي
رجيت بصوتٍ كله خوف متأمل بيعطيني .. لاجل أفرحك يمه رجيت وزدت رجوااتي
هقيت إن دنيتي تصدق بدعواتي وتوفيني .. صبرت بحروة آمالي وحروة كل هقواتي
وجت للخلق ذا كله ولكن أزرت تجيني .. وقلت أكيد هي خيره حمدت الله لحالاتي
كتمت الآآآه لاتطلع ولاودي تشوفيني .... ماودي يتعبك نوحي ولاتشقيك شهقاتي
تجرعت الألم يمه شربته بأول سنيني ... وجيتك مابغيت إنك تحسي مر لوعاتي
اضحك همدمعاتي واطمن خوف يحويني ... وأجر بصوتي العالي لأجل عينيك ضحكاتي
وإذاصديت عن وجهك اسلم أمري لعيني.. تجيني مثل جلاد يروق إن شاف دمعاااتي
أجملها بذكر الله وأقول الله بيجزيني ... أهدي نفسي أطلبها تجملها ببسماااااتي
ولكن لونجي للجد ترى كذبي مأذيني ... ماعاد استحمل العيشه بتزيفي لفرحاااتي
أنا هلكااان يايمه أنا تعبااااان لميني ... أنا كل ليله اتوفى وأرد أحيااا لصرعاتي
ذبحني البرد يايمه بغيتك لو تدفيني .. طلبتك انزعي برد سكن واستوطن بذاتي
ضلوعي تزاحمت يمه صدري مايكفيني ... من الضيقه من همومي من آلامي وآهاتي
يلاعب فكري جنون وتلاعبني شياطيني.. توريني ضعف حالي.. تذكرني بمعااناااااتي
تشككني بحبك لي وأقول إنك تحبيني .. تعاند حبك بقلبي تكذب لي حكاااايااااتي
ترى ماهزني خوفي وحبك لي بيحميني ... ترى ماعمري أشكك وألومك في نهايااتي
أنابس بسألك يمه حقيقه ليه ولدتيني ... بنفس اللحظه يايمه ولدتي ليه مأساااااتي
أرد أدعي أنا ربي من العله يشاافيني ... وكل خوفي على قلبك إذا مروك برفااااتي
أنا خايف من أحلام نهايتهااا بتشقيني ... ومن قسوة مشاويري ومن آخر مسافااتي
وخايف والله من قبري ومن تربه تغطيني .. وسيره تنقطع بعدي مايبقى غير كلماااااتي
أبيك ترضين بالقسمه ورضوانك بيرضيني .. تراني لأجلك أتمنى يحقق ربي رغبااااااتي
يايمه لاأشوف الهم بوجهك لاتبكيني ... ترى مكتوبه قبل أولد متى ولوين خطوااتي
وإذا ماجت على كيفي أبيك منها تعفيني .. عسى ترحمني دموعك وتشفع عندك أبياتي
..................
ملاك وحبي هلاك
يايمة أبسألك ...؟؟؟؟ 
العرض العادي
