وينك ؟ ترى قلبي تقطع نبضه من الشوق
وينك؟ تعبت من كثر السهر والكـــآبـــه
ماني مصدق قولة كل مطرود ملحوق
من يوم طال انتظار قلبي وعــــذابــــه
اشتاق لك شوق فوق الخيال يفوق
شوق الغريب الي فقد له قــــــرابـــه
شوقي يكتب لك قصيد بكل طاروق
وحزني يعزف لحن واوتار وربابــــه
احلم بقربك حبيبي ويتعبني الشوق
واعيش حلم تكتـــســــيه الغرابــــــه
فكري ضايع والهم علي سبوق
وكل الدروب صارت بعيوني تتــشــابــه
حـب . فرح . واحزان . وجروح . وحــروق
ودمع يبلل صافي الخـــد بأنســـكــابــــــــه
كنت احس اني قاسي وبالصلابه اسوق
اثـر الغلا يكــــســر جــــســــــــور الصلا بـــه
ليل الشقاء عتم وقاسي به رعود وبروق
وعـــواصف تحجب بـيــاض الــســــحابــه
وغياب يخلي قاسي القلب مـفـتـــوق
وان جيت اسئله تضيع من السؤال الاجابه
ترى من جد.. محتاجك.. قطع قلبي الشوق
تعال انا مليت السهر والحزن والــكــــآبــه
ــــــــــــــــــــــــــــــــــــــــــــــ
مع تحياتي
ـــــــــــــــــــــــــــــــــــــــــــــــ
اهداء لها
ـــــــــــــــــــــــــــــــــــــــــ
مات قلبي
ويـــنــــك ؟ 
العرض العادي
